حدث بالخطأ

الفصل (٤)

ذهبت (كيان) لأخذ (مياده) إلى المستشفى وهى بدون هاتف لا تعرف أحد وبعد دخول (مياده) إلى ألمعاينة حدث ما لم يخطر على بال أحد....
دخلا (كيان) و (مياده) معاً إلى غرفة الطبيب  وبعد ما فحص الطبيب (مياده)
قال( الطبيب) ل (كيان): أنتِ أختها؟
قالت (كيان): أه أنا اا...
قالت (مياده) قاطعة حديثها: لأ مش أختى

نظرة لها (كيان) بلا مبالاه ثم تابعت (مياده) حديثها تقول: ها يا دكتور فى أيه طمنى؟
قال (الطبيب): خير يا مدام متخافيش كل اللى فى الموضوع أنك حامل

نزلت هذه الكلمة على مسامع (مياده) كالصدمة ثم نظرة إلى (كيان) بدهشة وكانت (كيان) تبادلها نفس النظرة ثم خرجت (مياده) مسرعه إلى الخارج لا تصدق ما حدث لها بينما (كيان) كانت لم تخرج بعد قالت للطبيب: شكراً لحضرتك جداً

خرجت (كيان) مسرعه لكى تلحق ب (مياده) إذ وجدتها تبكى من شدة فرحها فى الزاوية
قالت (ميادة): أنتٍ سمعتى صح؟! أنا حامل؟!
قالت (كيان) مبتسمه: أه... ألف مبروك
قالت (مياده): شكراً يا كيان أنك ساعدتينى وجبتينى لحد هنا
قالت (كيان): مفيش شكر ولا حاجه أى حد في مكانى كان هيعمل كده

حضنت (مياده)(كيان) بكل حب و عادوا إلى المنزل سوياً والبهجة تملئ وجوههم
قالت (كيان): هتتصلى بيهم تقوليلهم؟
قالت (مياده): لأ لما يرجعوا من بره كلهم
قالت (كيان): تمام لو أحتاجتى حاجه أنا فى الأوضه

أتجهت (كيان) خطوتين إلى الأمام ثم أوقفها صوت (مياده)
قالت (مياده): كيان
قالت (كيان): نعم؟!
قالت (مياده): أنا أسفه على كل اللى عملته معاكى  مش عارفه إذا كنتى تعرفى ولا لأ بس أنا مستنيه اللحظه دى بقالى خمس سنين علشان كده أنا كنت حساسه زياده و عصبيه زياده ومعرفش أنا بقول أيه ساعات وأنا بصراحه لما جيتى غيرت منك حسيتك هتخدى مكانى علشان كده كنت بعاملك وحش بس بجد أنتِ أنسانه طيبه ومش زى ما كنت متخيله خالص
قالت (كيان): أنا مش جايه علشان أخد مكان حد يا مياده أنا لو عليا مش عاوزه الجواز كله بس خليكى متأكده أنه مهما حصل أنتِ هتفضلى أول فرحه فى البيت وأول فرحة حفيد هتفضلى مميزه علطول
قالت (مياده): شكراً بجد
قالت (كيان): أنا هطلع فوق فى الأوضه وأنتِ روحي جهزى نفسك اليوم يومك النهارده
قالت (مياده) ضاحكه: تمام ماشى

بعد ما حل الليل ووصل الجميع إلى المنزل و أنتهوا من طعام العشاء قالت (مياده): جماعه أنا عندى ليكوا خبر
قال(مهدى): خير يا بنتى فى أيه؟!
قال (كريم): فى أيه... أيه اللى حصل؟!  أنتِ كويسه؟!
قالت (مياده): أنا كويسه... أنا حامل

أنهال الجميع بالضحك والمباركات على (كريم) وزوجته ثم قالت (مياده): والله لولا كيان أنها ساعدتنى النهارده مكنتش هعرف أنى حامل
قالت (ملك): ليه حصل أيه النهارده؟؟
قالت (مياده): وقعت النهارده فى المطبخ وكيان ساعدتنى وروحنا المستشفى
قال (كريم): شكراً يا كيان أنا مش عارف أقولك أيه
قالت (كيان): والله يا جماعه أنا معملتش حاجه أى حد كان هيعمل كده أهم حاجة أنها كويسه