و يبقى الألم

ملخص للأحداث السابقة

طبعًا التأخير دة كان بسبب الإعدادية و دروسها اضطريت اني أوقف كتابة و بعد الاجازة حبيت استنى النتيجة و الحمد لله بعد ما طلعت قررت أكمل الرواية
دة ملخص سريع لأحداث الرواية من أول فصل حتى ينزل الفصل الجديد

بتبدأ الرواية من سمر البنت اللي والدتها توفت و هي صغيرة و عاشت هي و أختها مع خالتهم بعيدا عن أهلهم اللي كانوا طمعانين في الورث، و بعد مدة تعمل الخالة دي حادثة و تموت و تكتشف "سمر" أن الست دي مش والدتها الحقيقية بسبب قرايبها اللي حكوا لها كل حاجة في العزاء، اغمي على "سمر" و جالها تروما و حاول الدكتور أنه يخليها تتكلم لكنه فشل فحاولت تنتحر لكنها فشلت و بعدين حاول الدكتور تاني لحد ما تكلمت و قالت كل اللي حصل في العزاء و لكن الدكتور كان متأكد ان في حاجة غير اللي حصل في العزاء سبب لها التروما "و دي لسة هنعرفها في الأحداث"
و بعد ما تعافت راحت البيت عند اهلها و قعدت مع أختها و فضلوا يحاولوا لحد ما يجيبوا ورثهم..

أما الدكتور فليه قصة تانية و هي إن والدته ماتت و والده تزوج واحدة تانية محدش فيهم بيحبها الا جاسر لأنها ربته و هو صغير بعد وفاة والدته و لأنها دلعته كتير فطلع نسخة وحشة اوى بيشرب و يسهر و عايش حياته

أما أفنان قصتها مؤلمة جدا؛ تعرضت للاغ*تصاب من شخص اسمه "داوود" في سن صغير و كان السبب الأكبر فيه والدها و بعدها أصيبت باضطرابات نفسية و اكتئاب و قضت شهور طويلة في المصحة النفسية تحت إشراف "مراد" لحد ما قدرت _نوعًا ما_ تتعافى و بعد مدة عرفت إن مرات ابوها بتخونه، هددت مرات ابوها: "نجوى" فخطفتها و قعدتها مع اللي اعتدى عليها عشان تعرف تسكتها
"و علاقتهم دي برضو هنعرفها مع الأحداث"
و أجبرتها تقول قدام الناس إن اللي حصل برضاها و إلا هيموتوا "مراد"

ندى بقى دي حكايتها حكاية، دي ببساطة واحدة اهم حاجة عندها الفلوس و كانت بتجري ورا ورث "سمر" و اللي بسببه كانت هتموت "مراد" بعد ما عرضت عليه الرشوة و رفض و بعدين قررت تموت "نغم" و لكنها هتفشل عشان أختها هتقف في صف "سمر"

و في النهاية "مراد" و "سمر" هيتزوجوا _صوريًا_ عشان يعرفوا يجيبوا الورث اللي الوصية اشترطت زواج "سمر" للحصول عليه

الفصول السابقة كانت تمهيدًا لأحداث قادمة اهمها القضية اللي هتتفتح عن طريق شهادة بنت اسمها "سلمى" و معاها ما يدين "داوود" باعتباره معتدي على بنات كتير من ضمنهم "أفنان"

دة كان ملخص سريع للأحداث اللي فاتت لمجرد التذكير و انتظروا الفصل الجديد النهاردة بإذن الله❤️

كل سنة و انتوا طيبين، و لا تنسوا فلسطين في الدعاء في تلك الأيام المباركة🇵🇸❤️❤️

#ملك_زهران
#و_يبقى_الألم