و يبقى الألم

اقتباس خمسينة💫

الاقتباس دة تعويضا عن غياب المرة اللي فاتت، و هو اقتباس من الفصل اللي جاي.
أتمنى يعجبكم❤️
_______________

أمسكت "نجوى" بهاتفها بعدما تأكدت من خلو المنزل من الجميع عداها، بحثت في قائمة الأسماء عن من تريد مهاتفته و سرعان ما وجدته حتى طلبت الرقم في عجالة خوفا من أن يأتي أحد على غير حسبان منها...

-ألو!
ارتسمت على شفتي "نجوى" ابتسامة سعادة فور سماعه صوته لتتحدث مسرعة بلهفة:

-ايه أخبارك يا سامر؟
تبسم بسخرية كعادته عند ورود أي اتصال منها قائلا بمكر:

-الحمد لله يا روحي أنتِ ايه أخبارك؟
تحدثت "نجوى" من الناحية الأخرى بدلال:

-بقيت فل الفل من بعد ما سمعت صوتك
أظهرت "كريستين" تعبيرا مشمئزا فور وصول ذاك الحديث الى أذنها ليضحك "سامر" بخفة لم تصل إلى المتحدثة في الجهة الأخرى و بعد فترة صمت قصيرة قطعها حديث "سامر":

-سمعت إن جاسر حصل له حاجة، خير حصل ايه؟

-أسكت يا أخويا، دة الواد يا عيني اتضرب بالنار و مان هيروح فيها
دار "سامر" على كرسيه بملل قائلا:

-لا ألف سلامة عليه يا روحي، المهم أنتِ وحشتيني
أنهى جملته بنبرة لعوبة جعل الأخرى تتمايل مرحا و هي تقول:

-و أنت كمان يا سوسو وحشتني موت، و الله بعد الأيام و الليالي عشان أشوفك، أدعي بس أعرف أخلص من اللي اسمه رضوان دة و آجي و نتجوز بق...
بترت عبارتها بعدما استمعت لصوت ابنة زوجها و هي تقول بتهكم:

-سوسو مين يا نجوى؟
فتحت "نجوى" عينيها بصدمة و شعرت و كأنما سُكب عليها دلو ماء بارد بليلة قارصة البرودة و ما زاد صدمتها قول "أفنان" الساخر:

-و ماله، إحنا نخلي رضوان ييجي و هو يبقى يعرف بقى مين سوسو دة بنفسه

________________

Enjoy لحد ما نتقابل تاني😁😁