unicode
Jungkook၏မျက်နှာသေကြီးနှင့် ဆိုလာသည့်စကားကြောင့် တော်ဝင်မင်းသားငယ်၏မျက်နှာမှာ ရေနွေးတည်လို့ရသည်အထိ ပူကျစ်တောက်သွားရသည်။
သေစမ်း! အရှက်ကွဲပြန်ပြီ..။
" စ...စတာ... အဟား... ငါက ဟာသပြောရတာ ဝါသနာပါတယ်လေ..."
ခြောက်ကပ်ကပ်ရယ်နေသည့်Taehyungမှာ အပူရှိန်ကြောင့် အငွေ့ပျံချင်နေကာ အခုအချိန်တွင် သူ့တွင်ဆန္ဒတစ်ခုသာရှိသည်။ ထိုဆန္ဒက ဌက်တစ်ကောင်အဖြစ်ကူးပြောင်းပြီး Jungkookအနားကနေ ပျံထွက်သွားခြင်း။
Taehyungက ရယ်ဟန်ပြုနေသလောက် Jeon Jungkookမှာ အားနာပါးနာဟန်နှင့်တောင် ကူရယ်ဟန်မပြုပေ။ သူ့အရှေ့မှောက်က ရေခဲမုန့်လေးကို ဇွန်းနှင့်ဟိုဆွဒီဆွလုပ်နေကာ စားလည်းမစား။
Jungkook၏အပြုအမူကို သတိပြုမိသွားသည့်Taehyungမှာ မျက်နှာပူတာလေးတောင် ချောင်ကပ်သွားချင်သည်။
" မင်းက.. စတော်ဘယ်ရီအရသာ မကြိုက်ဘူးလား...."
" အဲ့လိုတော့ မဟုတ်ပေမယ့်... ဝိတ်ထိန်းရမှာမို့.. "
Jungkook၏အဖြေက ထိုမျှသာဖြစ်သော်လည်း Jungkook၏Fan clubအဖွဲ့ဝင် Taehyungမှာတော့ ချက်ခြင်းသဘောပေါက်သွားရသည်။ Jungkookက ကာယမေဂျာအထူးပြုကျောင်းသားဖြစ်သူပီပီ အားကစားကို ဝါသနာထုံကာ ခန္ဓာကိုယ်ကြံ့ခိုင်မှုကိုလည်းအထူးဂရုစိုက်သည်။ Jungkookတွင် 8packsရှိသည်ဟု ကြားဖူးကာ ပုံထွက်လာခြင်းမရှိသောကြောင့် တွေ့တော့မတွေ့ဖူးသေး။
" ဆောရီး... ငါ မင်းကို အရင်မေးလိုက်ရမှာကို... ပေး... ပေး... ငါပဲစားလိုက်မယ်...."
Taehyungက Jungkookအရှေ့က ရေခဲမုန့်ခွက်လေးကိုဆွဲယူလိုက်သည့်အခါ Jungkook၏စူးစမ်းသလိုအကြည့်ကကျရောက်သည်။ သဘောက Taehyungက သူ့ရေခဲမုန့်ကိုတောင်ကုန်အောင်မစားနိုင်သေးဘဲ Jungkook၏ရေခဲမုန့်ကို ဘယ်လိုစားနိုင်မှာလည်းဆိုသည့်အကြည့်မျိုး။
" ငါ.. ကုန်တယ်... မကုန်ရင်လည်း သူများကိုကျွေးလို့ရတယ်..."
ပထမစကားကအမှန်ဖြစ်ပြီး ဒုတိယစကားကတော့ အယောင်ပြသာဖြစ်သည်။ Taehyungက သူကြိုက်သည့်မုန့်ဆိုလျှင် နှစ်ခုလောက်ကတော့အသာလေးပဲ။ သုံးလေးခုတောင်စားနိုင်သေးသည်။
