ကျောင်းပိတ်ရက် ဖြစ်သော်ငြား ဥဂ္ဂံက စာကြည့်တိုက် သွားပြီး စာဖတ်မှာမို့ မြင့်မိုရ်တို့ Dateလို့မရပေ။ဒီလိုနေ့မျိုးမှာ အခြားအတွဲတွေလို Movie Dateချင်သော်လည်း စာကြိုးစားသည့် ဆရာဝန်လောင်းလေးကို မနှောင့်ယှက်ချင်သည်မို့ ဇွတ်အတင်း မပူဆာဖြစ်ပေ။
" ငါလည်း စာကြိုးစားရမယ်။ ပထမဆုရရင် ကျောင်းက သုံးသောင်းတောင် ဆုပေးတယ်။ စာ သိပ်မလုပ်ချင်ပေမဲ့ ပိုက်ဆံတော့ လိုချင်တယ်။ "
ပုံမှန်ဆို မြင့်မိုရ်ထံတွင် လေး၊ငါးသောင်း အမြဲကပ်သော်ငြား ခြံစိုက်ပြီးကတည်းက ထိုခြံထဲပဲ ရင်းနှီးနေရသည်မို့ မုန့်ဖိုးလောက်သာ အမြဲကျန်သည်။
စာအုပ်လေးထုတ်ပြီး စာကြည့်စားပွဲ ထိုင်တုန်း အခန်းတံခါး ခေါက်လာသည်မို့ မြင့်မိုရ် လည်ပင်းလေး လိမ်ကာ ကြည့်လိုက်သည်။
" ငါပါ။ "
ဧကရီလွင်က အသံပေးလိုက်တာမို့ မြင့်မိုရ် တံခါး သွားဖွင့်ပေးလိုက်သည်။
" အဖေခေါ်နေတယ်။ ပြောစရာရှိလို့တဲ့။ "
" အင်း "
ဦးလွင်မင်းဘက်မှ မြင့်မိုရ်အား ခေါ်လိုက်တိုင်း ပထမတစ်ခုက မုန့်ဖိုးပေးခြင်း ဖြစ်ပြီး ဒုတိယတစ်ခုမှာ သြဝါဒခြွေ ဆူငေါက်ခြင်း ဖြစ်သည်။ မနေ့ကမှ မုန့်ဖိုးပေးထားသည်မို့ ဒုတိယတစ်ခု ဖြစ်နိုင်၏။ဘေးချင်းကပ်ကာ လျှောက်နေရင်းမှ ဧကရီလွင်က မြင့်မိုရ်အား ပြောလာသည်။
" ခေတ်မင်းသော်ကို နည်းနည်း သတိထား။ နင်တို့နှစ်ယောက်လုံးက ယောကျ်ားလေးတွေမို့ အမှတ်တမဲ့ပေမဲ့ ငါက မိန်းကလေးမို့ တစ်ချက်ကြည့်ရုံနဲ့ သိတယ်။ နင်နဲ့ပြိုင်ဖက် မဖြစ်စေနဲ့။ကိုယ့်လူကိုယ် ပိုင်ရင်တောင် တစ်ဖက်က အမြဲတမ်း လက်ပွန်းတတီး နေနေရတဲ့ သူစိမ်း ... စိုင်းဥဂ္ဂံလင်းကိုပါ သတိပေးထားဦး။ "
မြင့်မိုရ်က နားမလည်သည်မို့ မျက်လုံးဝိုင်းဝိုင်းလေးကို ပြူးကာ ကြည့်သည်။ပြီးမှ ကြောင်တောင်တောင်ဖြင့် ခေါင်းငြိမ့်ပြရင်း ခပ်တိုးတိုး ပြောသည်။
![](https://img.wattpad.com/cover/366867117-288-k816759.jpg)
YOU ARE READING
Youth , Sweet Love
RomanceMyanmar×OC Fic cover crd to pinterest နုနုပျိုပျို ချစ်ခြင်းလေးတစ်ခု ႏုႏုပ်ိဳပ်ိဳ ခ်စ္ျခင္းေလးတစ္ခု 11.4.2024 _