Youth , Sweet Love

10

" စာ ​သေချာလုပ်​လေ ... စာ​မေးပွဲက ရက်ပိုင်းပဲ လို​တော့တာ ... အပျင်းတစ်မ​နေစမ်းနဲ့။ "

မြင့်မိုရ်က စားပွဲ​ပေါ် ​မေး​စေ့​လေးတင်ကာ ​ခေါင်းရမ်းပြသည်။ စာလုပ်ရလွန်း၍ မြင့်မိုရ်​ခေါင်း​​တွေ ပူ​နေပြီ။ တစ်​နေ့ကို နာရီနှစ်ဆယ်​​လောက် စာလုပ်​နေရသည်။

" ငါ့ Limitပြည့်ပြီ။ ထပ်မလုပ်နိုင်​တော့ဘူး။ ငါ နားပါရ​စေဦး။ "

မြင့်မိုရ်က မျက်လုံး​လေး​တွေ စင်းကျ​နေကာ ​ပြော​လာ​တော့ ဥက္ကာကပါ ဝင်​ပြောလိုက်၏။

" ​အေး​လေ ညီညီရာ ... သူလည်း နားချင်မှာ​ပေါ့။ မြင့်မိုရ် နားနား ... သက်​တောင့်သက်သာ ဖြစ်​​အောင် အိပ်ယာ​ပေါ် သွားအိပ်​လေ။ "

အမြွှာ​တွေ အခန်းထဲမှ စားပွဲဝိုင်း အကြီးကြီးတွင် သုံး​​​​ယောက် စာထိုင်လုပ်​နေကြတာ ဖြစ်သည်။စာ​မေးပွဲနားနီး​နေပြီမို့ ဘယ်​ကျောင်းသားပဲကြည့်ကြည့် အပြင်းအထန် ကြိုးစား​နေကြ၍ ပင်ပန်းနွမ်းနယ် ​​နေကြပြီ။မျက်နှာထား တည်​နေ​သော ဥဂ္ဂံကို တစ်ချက် ကြည့်ပြီးမှ မြင့်မိုရ်က ​ပြောသည်။

" အဲဒါဆို ငါအနားယူလိုက်ဦးမယ်​​နော်။ "

ဥဂ္ဂံက ချက်ချင်းပင် မြင့်မိုရ်၏ ပခုံးတစ်ဖက်အား လက်ဖြင့် နှိမ်ကိုင်ထားပြီး အထမခံ​ပေ။ မြင့်မိုရ် ရုန်း​ပေမယ့်လည်း မလွတ်​ပေ။

" ဘာကို နားမှာလဲ။ သင်္ချာတွက်ထားတာ ​လေး၊ငါးပုဒ် မှား​နေတာ ...အဲဒါ အရင်တွက်ဦး။ "

မြင့်မိုရ်က ဥက္ကာအား လှမ်းကြည့်ကာ အကူအညီ ​တောင်းလိုက်​တော့ ဥက္ကာက မမြင်ဟန်​​​ဆောင်ကာ အကြည့်လွှဲသွားသည်။

" ပြီး​ရော ... ပြီး​ရော ... အ​ဖေအရမ်းလုပ်ချင်တာပဲ။ "

မြင့်မိုရ် အကြမ်းစာအုပ် ပြန်ထုတ်ကာ စာပြန်တွက်ရ၏။ ဥဂ္ဂံလည်း  Chemistry ​မေးခွန်း​ဟောင်းကို အပြီးသတ် တွက်လိုက်ပြီး ​ဘောပင်ချကာ နားရင်း မြင့်မိုရ် စာလုပ်​နေသည်ကို ကြည့်​နေလိုက်၏။

" မြင့်မိုရ်ကိုမင်း ... ရက်ပိုင်း​လေးပဲမို့ သည်းခံပြီး ​သေချာအာရုံစိုက်စမ်းပါ။ မင်း​ပြော​တော့ အချစ်​ရေး​ကြောင့် ပညာ​ရေးကို မ​နှောင့်​နှေး​စေဘဲ ငါတို့အတူ တိုးတက်ကြမယ်​ဆို။ငါ့ကို သ​ဘောကျတယ်၊ ငါနဲ့အတူ တိုးတက်ချင်တယ်ဆိုရင် စာ​သေချာလုပ်​ ... ​နော်။မင်း ငါ့ကို ကြိုက်တယ်မလား ... အဲဒါဆို စာ​သေချာလုပ်။ "