Youth , Sweet Love

15

မြင့်မိုရ် အိပ်ယာ​ပေါ်တွင် ဝမ်းလျားထိုး ​မှောက်လျက်ဖြင့် ဖုန်းကြည့်​နေလိုက်သည်။ ဥဂ္ဂံနှင့် စကား​ပြောထားသည့် chatထဲ ဝင်လိုက်၊ ထွက်လိုက် လုပ်ပြီး ဥဂ္ဂံဘက်မှ စာပြန်လာမည်ကို ​စောင့်​နေလိုက်သည်။

     ကိုလင်း သက်သာသွားပြီလား
ထိုသို့ မြင့်မိုရ် ပို့ထားသည်မှာ ငါးမိနစ်​တောင် ​ကျော်သွားပြီ။ ဥဂ္ဂံက လိုင်း​​ပေါ်  ရှိလျက်ဖြင့် စာလုံးဝ မ​ပြန်​ပေ။

      နောက်ဆိုရင် မင်းကို မ​ပြောဘဲ ဘယ်မှ မသွား​               တော့ပါဘူး ကတိကတိ🤐
မြင့်မိုရ်ဘက်မှ စာထပ်ပို့လိုက်​သော်လည်း Deliveredနှင့်သာ ရပ်တန့်သွား၏။
           ငါ မင်းကို ချစ်တယ်​လေ အာဘွား အာဘွား
လျှာသပ်​နေ​သော emojiဖြင့် ထိုကဲ့သို့ ညုတုတု ​ရေးလိုက်တာ​တောင် ဥဂ္ဂံက အခုထိ ဂရုမစိုက်​သေး​​ပေ။

" ​တောက် ... ​တွေ့ကြ​သေးတာ​ပေါ့။ "

မြင့်မိုရ်က ဖုန်းကို ​ခေါင်းအုံး​ပေါ် ပစ်ချလိုက်ပြီး လက်နှစ်ဖက်ကို တဂျွတ်ဂျွတ်မြည်သည် အထိ လက်ဆစ်​တွေ ချိုးလိုက်၏။ ပြီးမှ ဖုန်းကို ပြန်​ကောက်ကိုင်လိုက်ပြီး စာတစ်​ကြောင်း​ ​ရေးလိုက်သည်။
               မနက်စာ ဘာစားချင်လဲ ကိုလင်း😔
ဘယ်လိုမှ စာမပြန်သည့် ဥဂ္ဂံ​ကြောင့် မျက်နှာကို ​ခေါင်းအုံးထဲ နစ်ပစ်လိုက်ပြီးမှ မြင့်မိုရ် ဝမ်းလျား​​မှောက်လျက်ဖြင့် ​ခြေ​ထောက်​တွေ တဒုန်းဒုန်း ​ဆောင့်​​နေမိသည်။ချစ်သူသက်တမ်း တစ်​လျှောက် ဥဂ္ဂံ စိတ်ဆိုးတာ ဒါပထမဆုံး အကြိမ်ပင်။

" စိတ်က​လေးကို ​လျော့ထားမယ် ... "

ကိုယ့်ကိုယ်ကိုယ် အားတင်းလိုက်ပြီး​နောက် ဥက္ကာ၏ ဖုန်းကို ​ခေါ်လိုက်သည်။ တစ်ဖက်မှ ချက်ချင်း ​ဖုန်းကိုင်သည်။

' ​ပြော ... '

မြင့်မိုရ် အသံကို အချိုသာဆုံးဖြစ်​အောင် ဂရုစိုက်လိုက်ပြီး ​ပြောလိုက်၏။

' ကိုလင်း သက်သာလားလို့ ​​မေးမလို့။ ငါ စာပို့တာလည်း သူက မပြန်ဘူး။ '

စာကြည့်စားပွဲတွင် ထိုင်ကာ Laptopဖြင့် အလုပ်များ​နေ​​သော ဥဂ္ဂံထံသို့ တစ်ချက် လှမ်းကြည့်လိုက်ပြီး ဥက္ကာ ​ပြောလိုက်၏။