على وقت ضوء القمر "الايان"

المحطة الثامنة

﷽

رواية: على وقت ضوء القمر
بقلمي: الكاتبة: فاطمة وديع

.گتلك حبني چا ما أگدر آني أنساك
وضحكتك بالوداع وداع ثاني هناك
صحتلك ياهلا من چنت أودع بيك
چا ليش من اجيتك گتلي الله وياك؟خَل أحضَنَك
يَمكن هاي المَرة الآخيرة البيّها احَضنَك
و مَنو يَدرَي المَوت بيّا ساعَة يَجي
و لَو مَتت هَواي مَنك
خاف امَوت بَديّرة غِربة
خاف اموت بعَيّد عَنَك

بلاية وداع رحت والروحه بلا جية .

لُطفاً لاتنسون التصويت +التعليق بين الفقرات على قدر الامكان ❤

واهم شي تنطوني رئيكم بالسرد والاحداث

ــــــــــــــــــــــــــــــــــــــــــــــــــــــــــــــــــ

＜ غيث ＞

كاعد على السرير حاضن المخدة خايف ما مستوعب الي راح اسوي ومتردد حيل

كيان: لا تخاف بس كم شهر والله تتعود ويصير شي عادي لا تبجي اذا شافتك راح تكوم تخاف

غيث: راح اعوفها لك بنتي راح اعوفها وحدها شلون اروح شلون ما اكدر ما اكدر والله تتخبل اذا عفتها وعدتها اضل وياها طول العمر

كيان: تتعود والله هية بس كم يوم ويصير عدها عادي

غيث: ياااااا عادييييي اني اروح للمدرسة كم ساعة الكاها واكفه بالباب منتظرتني تبجي مو نوب اعوفها اشهر

كيان: هذا الصح ما يصير تضلون اكثر من هيج بس سنتين او 3 تتحرم عليك ما تكدر وقتها راح تتعلق بيك اكثر خليها كم شهر تتعود وارجع

غيث: مستحيل اعوفها ما اكدر اذا هيه تعودت على غيابي اني ما اكدر بدونها ما اكدر

كيان: شلون ما تكدر تقبل تطب بالنار بسببك ابوي كال راح تزوجون من تكبرون يعني راح ترجع الك بس هسة لازم نعوفها تتعود على غيابك

غيث: ما اكدر ليش ماكو واحد يفهم تكدر تعوف امك تكدر تعوف ابوك؟ اكيد لا ، هية ما تكدر تعوفني اني باعتباري امها وابوها وزوجها اذا عفتها تموت مستحيل تتحمل عش محد يفهمني

كيان: ابوي راح ينطي اهلها فلوس عمود يعتنون بيها لا تخاف عليها هذولة يدورون فلوس وذا ابوي انطاهم راح يداروها مستحيل تحس بغيابك

غيث: انت كلت يدورون فلوس يعني اذا اجا احد يبيعوها الة

كيان: راح يضل يراقبهم ويجي كل شهر يسأل اهلها على حالتها وينطيهم فلوس

غيث: وذا صار بيها شي انتوا راح تكونون السبب وحق الخلق السموات اذا صار بيها شي تنسون شي اسمه غيث احاربكم طول عمري