على وقت ضوء القمر "الايان"

المحطة العشرون

رواية: على وقت ضوء القمر

بقلمي الكاتبة: فاطمه وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان 🩵

فُقدت السَيطَرة وبالگوة جاي أصبر
وأول مَرة أحس بنفسي ضگت المُر
صفنت لنَفسي هذا التَعب يخلص وين ؟
شوكت أتعَب وأحس هذا التَعب مثمر!
"الوجَع هَدني"
الجسم من كل مكان يصيح
خلصت طاقتي وتَعبان ما أنكر .
يومية بحَياتي أنصدِم بالأحداث
أنهدَم حيلي وبَعد ما بيّه حيل أحزر !
مَچنت أدري الظروف تغَيّر الإنسان
مَصدوم شكُثر يا آني مِتغيّر! .

• ــــــــــــــــــ •🩵• ــــــــــــــــــ •

وصلت مقابل بيت حكمة ما اعرف ليش بالذات هية اول شخص اجا ابالي وشلون اقتنعت اجي انطيت الفلوس لابو التكسي ونزلت

ما رحت اول شي للبيت رحت للبستان ارتاح شوية  جان اكو نهر جبير يسقون الزرع منة نزلت رجلية بالماء نمت على صخرة جانت وراي غمضت عيوني اتامل صوت الماي وتغريد العصافير وصوت الاشجار وهي تتحرك واردد بشعر

ليليان: - هل يا ترى لو كنت انسى ما جرى •
- يحتاج مني كرهكم •
- قلباً قوياً ثائراً متمرداً •
ـ والدنيا ضاگت والنفس •
ـ باقي على گد الحسره •
ـ فرحان داويت الغصن •
ـ ثاري المرض بالشجره •
ـ مو شفتو روحي تگطعت •
ـ ومتاني حبڪم گطره •
ـ حنيت گمت اڪتب شعر •
ـ ديوان ڪامل بس غزل •
ـ ڪملۃ وانطيته لشخص •
ـ لا ي٘ڪتب ولا يقره •

حسيت نفسي مليت كمت افتر بالبستان ادندن بالشعر وامشي شفت الشجرة مال التوت صارت نفسي بيها شلت حجارة وشمرتها ما وكع شلت الثاني ماكو الثالثة عبرت على البيت سمعت صوت صايح حكمة

ليليان: عزاا صخام شگيت راس العجوز يبووووو

طفرت ورا الشجرة شفتها اجت شايلة بايدها مسدس وتهدد

حكمة: ياهو انت اطلع ترا ما تكدر تشرد سلم روحك لا اطلعها.... تطلع لو اخابر الشرطة

من سمعت اسم الشرطة استسلمت خايفة طلعت اول ما شافتني شهكت ضربت على صدرها ذبت المسدس واجت حضنتني

: يا يمـة ولج جدة شمالهن عويناتج حمر وتعبانة دحكي شگلج شلون صاير شمالج شنهو صاير

ليليان: ما....

قاطعتني رفعت اصبعها  تحجي بتهديد
حكمة:  لا تكولين ما بيه شي ترا تكدرين تجذبين على الكل الا اني تعالي جوة ارتاحيلج شوية

ما حجيت شي اصلا تعبانة كلش ومالي نفس احجي حرف امشي جسد بلا روح من كد التعب والمشاكل الي صارت وياي