على وقت ضوء القمر "الايان"

المحطة الثانية

﷽

رواية: على وقت ضوء القمر
بقلمي الكاتبة: فاطمة وديع

هيه زغيرة
بس بعيوني شكبرها
وانا ليلية نايم يم صورها
قمة امنياتي اضفر شعرها
وادزلها الصبح بوسه هديه
وانومها على زندي المغربيه
صباح الخير بس لعيونها تلوك
وبلايه عيونها تلوك المنيه

لُطفاً لاتنسون التصويت +التعليق بين الفقرات على قدر الامكان ❤

واهم شي تنطوني رئيكم بالسرد والاحداث

ـــــــــــــــــــــــــــــــــــــــــــــــــــــــــــــــ

طلعت شفت غيث نايم بالحديقة والدم تارس المكان ركضت كمشتة ابجي واحجي

اركان: غيث غيث الله يخليك لا تخوفني لا ترجع الماضي غيث الله يخليك لا تسوي هيج

غيث: اخخخخخخ

اركان: لا تخاف تعال تعال هسه نروح للمستشفى

غيث: اركان كومني للغرفة

اركان: يا غرفة غيث خل نروح للمستشفى

غيث: لا لا بالغرفة اخيط الجرح

اجا كيان يركض يحجي بسرعة
كيان: كوم شيلة للغرفة بسرعة

اركان: ولكم شبيكم يا غرفة شوف الدم

كيان: اركان بسرعة خل نودي للغرفة لا يموت دا ينزف

شلنا ودينا للغرفة طبيت اجا كيان بأيدة علبة الاسعافات الاولية كعد يمة وكال

كيان: خل اطيك مخدر اطلع الطلقة واضمد الجرح لا تتحرك تحمل الالم شوية

هز راسة موافق بدا ينضف بالجرح كل ثانية يصيح متألم كمل خيطة كام عفنة غيث نايم وطلعنة

اركان: متاكد مابي شي

كيان: مو اول مرة يصير بي هيج عادي لا تخاف

هزيت راسي ما مطمن كل واحد راح لغرفتة ونام كعدت بليل جان وقت العشاء نزلت كعدنه باوعت لكيت غيث ماكو ضل بالي يمة جبت اكل وصعدت

اجو يوسف وكيان وياي صعدنة سوة طبيت لكيتة يون هو ونايم تقربت يمة حطيت ايدي على كتفة وكلت

اركان: شبلاك يبة آخذك للمستشفى

غيث: لا لا مابية شي

كيان: هسه شوية ويصير زين عوفة

غيث: زين لو اسيا هههه اخخخخ لا تضحكوني ما اكدر بروح ابوكم

يوسف: خرب بحظي حتى وانت مصاب تحشش

اركان: شوف شوف منو يحجي