على وقت ضوء القمر "الايان"

المحطة الرابعة

﷽

رواية: على وقت ضوء القمر
بقلمي الكاتبة: فاطمة وديع

- ‏هَــلا يــا شيخ ڪَــلبي و عزوته و دڪته
- هَــلا يـ الامة بــس لـ حضني جايبته.
- هلا يا احلى واحد بالعشيره
- هلا يال بالكلب بانيله ديره
- هلا بكل اليجن و الما يجن منك
- يبعد الما يرمشن من يشوفنك 
- ‏هلا بعوض ربي هلا يل بدونه ماشوف دربي

لُطفاً لاتنسون التصويت +التعليق بين الفقرات على قدر الامكان ❤

واهم شي تنطوني رئيكم بالسرد والاحداث

ــــــــــــــــــــــــــــــــــــــــــــــــــــــــــــ

مرت ساعة  فجاة سمعت صوت كلاص انكسر طلعت اشوف شكو

انصدمت من شفت غيث واكع بالكاع والكلاص مكسور يمه وايده تنزف

ركضت لزمت وجهة حاطة بحضني احجي ويا خايفة

ليليان: غيث غيث شبيك احجي حباب انت مو كلت راح ادرس عش هنا نايم غيث ايدك تنزف حباب اكعد لا تنام اخاف انام وحدي

ضليت احجي بس هو فاقد ماكو ما يحرك اي جزء من جسمة حرت شنو اسوي تذكرت كيان ركضت ادور علي لكيتة نايم

ليليان: كيان كيان كوم كوم

كيان: اريد انام روحي لا يجي غيث وتشتغل عندة الغيرة العراقية ويموتني كتل

ليليان: ولك كوم غيث ما ادري شبي ما يتحرك نايم بالمطبخ وايدة تنزف

اول ما كلت هيج طفر ركض للمطبخ ركضت ورا
طب جاب ماء كام يذب على وجه غيث ما كعد ضل يبجي ويحاول يكعد بي اباوع عليّ شبه ميت

من شفت كيان هيج حسيتة راح يموت من الخوف جسمه يرجف ويحاول يكعد بغيث كمت ابجي عبالي صدك مات واصيح اندار علية وكال

كيان: التحي جيبي التلفون بسرعة

هزيت راسي وركضت جبت التلفون فتحة اتصل ابو اقل النص ساعة وشفت ابو اجا يركض وجهة ما يتفسر خوف على قلق

اجا وكف لازم غيث كال
محمد: شبي غيث عش هيج حالتة شنو صار

كيان: ما اعرف فجاة وكع

ليليان: عمو والله كلشي ما جان بي جان يلعب وياي بس هسه ما ادري عش نام حباب خلي يكعد

حضني يحاول يهديني
محمد: لا تخافين بنيتي هسه اخذه للمستشفى

دفعتة وكلت
ليليان: اني مو بنتك اني بنت غيث لا تكول بنتي مرة الثانية ويلا كعد غيث

محمد: هاهيه يلا حبيبتي تعالي ناخذه للمستشفى

اخذة صعدة بالسيارة كعدت يمة حطيت راسة على رجليناتي احجي ويا