على وقت ضوء القمر "الايان"

المحطة العاشرة

﷽

رواية على وقت ضوء القمر
بقلمي الكاتبة: فاطمة وديع

رَأيتُ بِحُلمي إنّنا إلتَقينا
مُصَادَفةً حُلوةً فِي الزِّحَامْ
حَديثٌ قَصيرٌ جَرى بَينَّنا
سُؤالٌ عَنِ الحَالِ ثُمَّ سَلامْ
وإمّا العُيونُ فَقالَت كَثيرًا
وَأزهَرَ قَلبي لِوِقعِ الكَلامْ
فَليتَ اللِقاءَ يَكونُ يَقينًا
وَليتَ الفِراقَ حَديثُ المَنامْ .

لُطفاً لا تنسون التصويت +التعليق بين الفقرات على قدر الامكان ❤

واهم شي تنطوني رئيكم بالسرد والاحداث

ـــــــــــــــــــــــــــــــــــــــــــــــــــــــــــــ

بدوت مقدمات جرني ولوا ايدي فرها ورا ظهري وحط ايده على حلكي والايد الثانيه على حط السجينه على رگبتي

وخر ايدة واشر الي انصي صوتي همست باستغراب

ليليان: انتة؟

الايان: لا جدي السابع حبج وطلع من المقبرة اجا يسلم عليج مشتاق الج

ليليان: عزااا ترا الدنيا ليل حباب لا تخوفني

الايان: صدك صايرة جبانة حيل

انتبهت انو هوة قريب مني حيل صوت انفاسة واضح حجيت بهدوء بلكت يعقل ويذب السجينة لانو خفت

ليليان: لو سمحت يا استاذ بعد عني

الايان: من الخوف كمتي تحجين فصحى

ليليان: وخر السجينة شبيك ترا سوالف جهال هاي وخر عني شبيك طب بيك جن بنص الليل اعوذ بالله منك ومن هذا البيت

الايان: لو ما ساد حلكج سويتينا ميمز هسة

ليليان: اي انت شكلك يخوف شنو عرفني هذا انت حتى عيونك جنت ضامهن

الايان: لا تطلعين برا المكان خطر ضلي بالبيت والافضل تنامين

ليليان: انت اخطر من المكان بحدة

الايان: براحتج بس اني حذرتج

ليليان: راح تروح برا؟

الايان: اي عش رايدة شي

ليليان: عادي اجي وياك ضايجة هنا