على وقت ضوء القمر "الايان"

المحطة الثامنة والثلاثون

رواية: على وقت ضوء القمر

بقلمي الكاتبة: فاطمة وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان

يَا وجَع گلبي ومَحنته
شجَابج ع الحَزن أنت ترفه
حَسره تأكل بگلبي ونَدامَه
شلون عَفتچ وأنتِ بنص القيَامه ..
-  طِيرة .

• ــــــــــــــــــ •🩵• ــــــــــــــــــ •

: ههههه عقلكم ويا عقل بزونة والله زمن الزلم تخاف من البزازين هههه

غيث: يمة تعالي طلعيها هذولة ما يقبلون هسة تاكلني

ترف: يمة ترا كبرتوا شوكت تعقلون

يوسف: يمة والله ما سوينا شي

غيث: يمة همة جابوا ابو بريص والبزونة يخوفونا بيهن واحنا خفنا

ترف: تخافون من بزونة الطم على راسي اصيح يباو

يوسف: والله هي تخوف

غيث: يمة عايني عليها شوفي شلون تباوع علينا مو تخوف

ترف: لا

يوسف: والله تخوف ركزي زين

ترف: يمة اطفال انتو اطفال

غيث: بس طلعينا والله ما نسوي اي شي طلعينا منا

ترف: هسة شوية ويطلعوكم اعقلوا

غيث: شوفي شلون تباوع علية

ترف: تريد تاكلك

غيث: ما معوز رعب انه

ترف: اذا ضليتوا هيج بس تصيحون راح يخلوكم هنا

اركان: احنا ساكتين

ترف: هذا اجا راح يطلعكم

غيث: ابوس الي يفهم وراح يطلعنا

فتح الباب طلعنا نركض اول ما وصلنا للشارع فتحنا ايدينه نضحك

قبضت على ايدي رفعتها لفوك وصحت باعلى صوتي
غيث: الحُريا

آراس: نعم يا ناس انها الحرية

يوسف: آخخخ صار شكد ما شايف الشمس

غيث: يمكن خمس ساعات او اقل او اكثر

ترف: امشوا للسيارة امشوا فضحتونا

يوسف: ليش شنو سوينه

ترف: هذا كلة وشنو سويتي امشوا كدامي سويتونة مهزلة عبالك ما شايفين شمس

آراس: الارض والشمس والسماء اشتقتُ اليهن كثيراً

ترف: انت بالذات يرادلك ضربة معدلة