على وقت ضوء القمر "الايان"

المحطة الواحدة والثلاثون

رواية: على وقت ضوء القمر

بقلمي الكاتبة: فاطمة وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان 🩵

ليش هيج تسوي يمعود شجاك؟
من رحت خليتني لهذا وهذاك
ردت اموت وكمت اخـربط بلعلاج
خاف واحد يدري ميت من وراك
وماحجيت ولا شكيت بگلبي ضام
اي ليش ماخليت للعشره احترام؟

• ــــــــــــــــــ •🩵• ــــــــــــــــــ •

كمت طلعت اركض من الغرفة وبس دموعي تنزل ملابسي بيها دم شوية طفر عليها ردت اطلع انسحبت من ايدي واندفعت على الحايط صرخت مرعوبة باوعت عليهم 3 شباب حجة هذا الي سحبني

اركان: شكو شبيج ليش هيج حالتج

دفعته حيل ابعدة عني جسمي كلة يرجف
ليليان: مو اني مو اني هو مات وحدة اني ما علية هو ما انطاني الحباية اني ما سويت شي

فتحوا عيونهم مصدومين عافوني وطبوا يتراكضون كعدت بالكاع كل ثانية تمر تزيد رجفت جسمي وازيد بالبجي طبت زهراء تركض تتلفت اول ما شافتني اجت حضنتني حيل تهدي بية

ليليان: ما سويت شي ما سويت شي

زهراء: ماكو شي اخذوا للمستشفى هسة يصير زين لا تبجين تمام يلا كومي نصعد فوك كومي

سندتني ما اكدر امشي بسبب الصدمة ساعدتني وصلتني للغرفة نمت على السرير اشهگ خايفة

ليليان: مو اني هو ما انطاني الحباية

مسحت على راسي وكالت
زهراء: بعدين نحجي تمام يلا امي نامي

ليليان: ما راح يموت صح

زهراء: ان شاء الله هذا الشي بأيد رب العالمين

ليليان: خل اشوفة اريد اشوفة

زهراء: ما يصير نامي اول شي ومن تكعدين نروح عليّ نشوفة

ليليان: انطيني مخدة احضنها

زهراء: هاي مخدة احضنيها ونامي اني يمج

حضنت المخدة ونمت مرت كم ساعة حسيت على ايد تمسح على راسي فتحت عيوني مستغربة اول ما انتبهتله فزيت ورجعت لورا شفته كاعد يمي سحبني يمة وكال

الايان: كافي والله تعبتيني حرام عليج مو علية ما تعبتي من كل هذا كافي

ردت اكوم ما خلاني تقرب حضني
ليليان: كافي شنو بس تحضن وخر عني انت مو مريض شلون اجيت؟!!

الايان: لا تتحركين الجرح ينفتح

ليليان: ما راح تسجني مو