على وقت ضوء القمر "الايان"

المحطة السادسة عشر

رواية: على وقت ضوء القمر

بقلمي الكاتبة: فاطمه وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان 🩵

من درت وجهك ، درت وجهي ومشيت
ردت أگلك وين رايح ! واستحيت .
قاومت گدام عينك بَس وراك
الله يشهد حَتى بشارع بچيت
وخل أگِلك خاف ماعندك خبر
راد يوگف گلبي بس ربك ستر .

• ــــــــــــــــــ•🩵•ـــــــــــــــــ •

جمدت بمكاني اسمع كلامهن هية وبنين
بتول: ولج جابها عمود يضحك عليها لا تصدكين اني البارحه سمعتة يحجي هوة وابو هيج يتونس بيها ويذبها ما عليج بكل هذا

بنين: يمه ترا صار الي سنين اسمع بكلامج ولا مرة باوع بخلقتي ترا واضح يحبها ما تشوفين صورها تارسة غرفته ومگابلها اربع وعشرين ساعة

بتول: ولج يمة افهمي اني سمعته باذني هوة وابو جايبها عمود بس يضحك عليها ويرجع يعوفها وحدها بالمستقبل راح هية تصير خدامة عندج هوة كال لابو يريد يتزوجج ويخليها هية تخدمج

بنين: صدك يمة يعني ما تجذبين علية مثل كل مرة

بتول: لا يالعوبة هو كال هيج واصلا لا تنسين اخر فتره شلون كام يتقرب منج ويحبج

بنين: يمه هاي شوكت يمته اجا يمي

بتول: ولج يالعوبة شبيج... مو هوة اجا وكالج احبج

بنين: اهاا اي صح تذكرت كال احبج وراح عن قريب اجي اتقدملج ونزوج بس اصبريلي شوية

بتول: يلا يمه هية بس هل يومين ونوب هاي تصير خدامه يمج بس اصبري

بنين: اي ههههه خطية مصدكه يحبها من كل وعقلها يحب وحدة ما عدها اهل

بتول: ما عليج بيها خل تولي حيري بغيث چا مو زوجي وهلة هلة بعد كم يوم تزوجون لازم تجهزين نفسج

بنين: ياا يمه تدرين نسيت

بتول: اكو واحد ينسى هيج يوم مميز شبيج يمة لازم تتجهزين ما بقة شي وتتزوجون شلون هيج كل شوية ناسية

بنين: فديته لو بس تشوفين شلون يخاف علية من الشغل يكلي لا تشتغلين اخاف عليج بس اتحملي كم يوم وتصيرين الي ما اخليج توصلين لشي اسمة شغل

بتول: فدوة يخاف عليج

بنين: اي كال بس اليوم عمود نقنعها وبعدين هية نوب تخدم بيج

بتول: هم صدك هو بس اليوم خليها بعدين اصدميها خطية عوفيها مصدكة ههه

بنين: ههههههه