على وقت ضوء القمر "الايان"

المحطة السادسة والثلاثون

رواية: على وقت ضوء القمر

بقلمي الكاتبة: فاطمة وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان

واذا شحّ الوصل متشح الطيوف
نسد عيونه وبأحلامنا نشوفك

• ــــــــــــــــــ •🩵• ــــــــــــــــــ •

＜ ليليان ＞

كعدت على صوت لمار وهي تصيح وترطن براسي اخر شي تعبت وكام تصيح

لمار: يلااااا اكعديييي يلااااا

ليليان: ما اريد اكعد وخري من يمي

لمار: يلااااا اكعديييي تاخرتيييي علللللى السباااااق

اول ما سمعت كلمة سباق طفرت من السرير فازة وكفت اطلع بالملابس مستعجلة

ليليان: هذا لو هذا

لمار: هذا افضل

ليليان: اوكي

ضلينا نختار ملابس اخر شي لبست اسود باسود بعد ذوقي وذوق لمار اخذت المفاتيح وكعدت يمهم اباوع عليهم اتصلت على البنات يجن يم الاطفال ما اكدر اعوفهم وحدهم

ليليان: لا تخافون ما تاخر ما اكدر اخذكم وياي خاف تتأذون تمام ماما؟ وعد بس تكبرون اشتري الكم سيارات سباق واخليكم تفترون بيهن وتتسابقون وكلشي تردونة اسوي

بستهم وكعدت العب وياهم انتظر المدام تجي كل ثانية يضحكون ويرجعون يبرطمون يبجون باوعت للساعة تاخرت نزلت اركض اشرت لـ ليا تصعد يمهم

: اذا لكيت بيهم خدش واحد اقري الفاتحة على روحج وروح آيتن وياج

صعدت بالسيارة صعدت لمار وياي رحنا لمكان السباق جان بعيد حيل لانو محد يعرف بي غيرنا احنا صح هواي بس محد يكول عليِّ لانو اذا واحد حجة راح وييي بوجهنا للمركز

وكفت السيارة وكفت سيارة بصفي نزل الجامة التفتت نفس الولد الي شفته بالباص غمزلي ودز بوسة بالهوى وسد الجامة هاي شنو؟ شصار هسة؟

وكف ولد متسابق وياي ضحك بصوت عالي اشر علية وكال بلغت البلد

—  هم طفلة وهم بنية روحي ارجعي لامج تنطيج حليب افضل لا تفشلين نفسج بابا بعدج كتوكوته على السباقات

حركت السيارة وكع بالكاع رجعت راسي على الكرسي وابتسم

ليليان: بعدنا بالبداية شكو مستعجل على خسارتك ممكن هل طفلة تبجيك بعدين عزيزي

راح لسيارة ما كدرت احط مكياج ما لحكت جنت مستعجلة طلعت حمرة وكعدت احط بيها السواد الي جوة عيوني حالف ما يروح وشفايفي حالفات ما يروح التشقق منهن بحيث من الصبح لليل ارطب وماكو اي فائدة