على وقت ضوء القمر "الايان"

المحطة الرابعة عشر

﷽

رواية: على وقت ضوء القمر
بقلمي الكاتبة: فاطمه وديع

""""""""""""""""""""""""""
لُطفاً لا تنسون التصويت +التعليق بين الفقرات على قدر الامكان ❤
"

"""""""""""""""""""""""

السَكته تكِتل ولحچي يزعِل عَرب !

ــــــــــــــــــــــــــــــــــــــــــــــــــــــــــ

＜ليليان ＞

ليليان: ترا اعرف كلشي اعرف جنت مدمن

وكف وكف مستغرب ما يعرف شنو احجي
غيث: على شنو تقصدين بالظبط

ليليان: اعرف كلشي اعرف عمك شنو سوة بيك واعرف كلشي صار بهاي الـعشر سنوات

من كلتها انصدم لزم راسة يفتر حاول يهدي نفسة ويحجي بصوت طبيعي
غيث: منو كالج كل هذا؟

ما ردت اكول اركان خاف يأذي اخذت نفس حجيت بكل هدوء لانو هو يعرفهي كايلة الي اصلا

ليليان: سمر

غيث: سمر كالتلج مدمن بس ما كالتلج شنو صار وعش ، كاعد اسئلج منو كالج كل هذا

ليليان: هي بس سمر حجت محد  كالي غيرها

غيث: ما يحتاج تكولين عرفت منو كالج

وكفت كدامة استوقفة يطلع
ليليان: غيث

غيث: وخري من كدامي ما اريد أأذيج

ليليان: هو اصلا بس سمر محد غيرها كال اي شي شبيك ما تصدك مو تعرف هي كالتلي

غيث: اها ويعني اركان ما كالج اي شي

ليليان: شنو دخل اركان بالموضوع

غيث: مو وكتج مو وكتج افهمي مو وكتج ما اريد أذيج وخري من كدامي

ليليان: عادي أذيني بس لا تسويلة شي هو ما دخلة غيث انتوا اخوة شبيك صاير عدواني

غيث: انعـل ابــو الاخــوة وخــري مــن كدامــي

ليليان: ترا ما سوة اي شي يعني وذا كال الي يعني اول وتالي راح اعرف

غيث: ليون حبيبي حياتي انتِ بس وخري هسة ارجع ما اتاخر بس شوية وخري

ليليان: تمام اوخر بشرط

غيث: وهو

ليليان: تكلي شنو الموضوع الي ضامة علية غير موضوع الادمان