على وقت ضوء القمر "الايان"

المحطة التاسعة والثلاثون

رواية: على وقت ضوء القمر

بقلمي الكاتبة: فاطمة وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان

انه اعرف شغيرك والغيروك
رادو ابيناتنه يموت الهوى
عمو عينك من اجو ما كحلوك
العين متضل عين لو راح الضوه
جنت كحله بناضرك وانت بجيت وطيحتني
وانت خدينك رمل •

• ــــــــــــــــــ •🩵• ــــــــــــــــــ •

ليليان: رااااح يضرببببببببك راااااح يضربببببك غييييييث

ضميت راسي برگبته ارجف خايفة ما يرضى يصدك بية فتحت الباب الة بدون لا اوخر راسي نزلني على السرير يلعب بخصلات شعري

غيث: نامي

ليليان: شكد تكول نامي

غيث: لانو النوم افضل الج حالياً

ليليان: طلعني منا

غيث: لا

ليليان: حقير انت مو كلت احبج شلون تحبني وشلون تسوي بية هيج

غيث: انتِ اخذتي كل بيوتي ما بقى بس هذا وين اوديج يعني

ليليان: ارجع واحد والله ارجع واحد بس طلعني

غيث: لا ما يحتاج خلي هذا الواحد الج

دفعته ورجعت لورا اباوعله بخوف
ليليان: شنو انت مو فوك شلون صرت جوة

غيث: وسواسج هذا بطلني تعالي شنو وداني لفوك قابل

ليليان: والله جنت فوك حتى كلت الي وين

غيث: هاي شوكت بالحلم

ليليان: غيث والله جنت فوك ليش ما تصدك

غيث: والله للامانة ما اكدر اصدك بيج بعد كل الي سويتي بية

ليليان: شنو سويت اصلا كلشي ما سويت

غيث: اصلا فقيرة كلش

ليليان: وخر وخر اريد اروح اطلع وخر

غيث: نامي

ليليان: شنو اول مرة تعرف كلمة

غيث: رايح بس اذا شفتج عاتبة هذا الباب راسج اكسرة ربع ساعة وارجع

هزيت راسي موافقة بس طلع ركضت جبت سطل ماي وصوندة مال ماي طويلة صعدت فوك السطح نمت على بطني مسوية ايدي على شكل قناص اباوع وينة

شفته بالتلسكوب الي اصلا ما موجود واكف ويا اخوانة يسولف ضحكت فركت ايدية بحماس

ليليان: اجيتك اليوم اسبحك تسبح