على وقت ضوء القمر "الايان"

المحطة الخامسة والثلاثون

رواية: على وقت ضوء القمر

بقلمي الكاتبة: فاطمة وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان

انتَ لو شِفت السَواد الجوه عينيّ
ما مشيَّت
لو دريت شگالت الوادِم عليّ مِن فاركتني چا بچيَّت
شگد كِلتلك ... انه لو ما انتَ اضيّع
وچي كِلتلك هَالعفتني
شگد بُقيت مچلِب بمَكفاك؟
لحَد ما ظَل قَميصك بيّن اِديه وماردِتني
انه ذَنبي تعَودت وانتَ ذنبَك تيَّهتني .

• ــــــــــــــــــ •🩵• ــــــــــــــــــ •

وبعدها غلقت التليفون ورحت وكفت ليا كدامي بأيدها حديدة تهز راسها بـ لا وتبجي ايدي ترجف ودموعي تصب خايفة اسويها بس ها هي افضل طريقة ماكو غيرها اتحمل يأثر بية ولا بأطفالي بالمستقبل وادمر حاضرهم ومستقبلهم

حطت ايدها آيتن على كتفي تبجي
آيتن: اذا ما تكدرين ما مجبورة

ليليان: لازم اسويها اذا مو عمودي عمود الي ببطني

ليا: لا تخاطرين بحياتج

ليليان: ما مخاطرة دام ما يأثر على الطفل هاهية

آيتن: متاكدة تكدرين

ليليان: اي , شكد يلا انسى

ليا: ما ادري غير من تكعدين راح تكونين ناسية كلشي بس هذا الشي خطر ليليان اعقلي؟!

ليليان: شكد وترجع ذاكرتي؟

آيتن: ما ادري حسب الضربة والخلل الي يصيب الدماغ اكو اشخاص ايام واكو ساعات واكو اشهر واكو سنين واكو للابد

ليليان: اخر سؤال شنو تصيرين مني كولي هو اني اول وتالي راح انسى

آيتن: اخت هذا السگط

ليليان: اخت غيث؟

آيتن: امممم

ليليان: هو شايفج

آيتن: اي بس قبل خمس سنوات

ليليان: ليش ما عايشة وياهم

آيتن: حياتهم كلها مشاكل ما تناسبني واني بنية ما اكدر احل مشاكلي مثل الولد كملت دراستي هنا وعشت براحة

ليليان: ما تشتاقين لاهلج

آيتن: امي وابوي كل فترة يجوني واخواني اتصل عليهم كل يومية

ليليان: شلون عرفتيني

آيتن: من زمان اعرفج امي كل سوالفها عنج قبل اسبوع جانت هنا تسولف الي عنج وتبجي تريد تشوفج بس محد جان يخليها وغيث ما جانت تتواصل ويا عمود تكدر تشوفج ومخلصتها حاطة صورج وتبجي