على وقت ضوء القمر "الايان"

المحطة الخامسة عشر

﷽

رواية: على وقت ضوء القمر
بقلمي الكاتبة: فاطمة وديع

لُطفاً لا تنسون التصويت +التعليق بين الفقرات  ❤

وهو چان اخر لقاء وانا أدري ..
من بديت اصفن عَليك واختنك
ردتك بأخر دقيقة تگلي احبچ
تگلي عوفي الدنيا بس ضميني
يمج رايد تلميني بأيدج
حلمي ضلمه واكعد بنص ليلي
اريدج ..
خايف تضيعين مني شلون
اجيبج ؟

• ــــــــــــــــــ(♛)ـــــــــــــــــــ •

كاعدين نشاقة ونسولف فرحانين اختفت ضحكتنا من سمعنا صوت صيحت شهم وصوت الطلق الي رج المكان

ركضت صعدت لفوگ شفت ألسكندر لازم شهم ويضرب بي ويصيح
ألسكندر: يـــول شوكـــــت تصيـــر زلمـــة تخـــاف مـــن شرطـــة  لــــك عـــار لك هم شرطة عليش تخاف

شهم: اخخخخخ عمتوا تعالي وحلي لاح يموتني

اجيت بلكوة شلته من عندة لازك يضرب بي لزمته

ليليان: شبيك حبيبي ليش هيج خايف

شهم: سلطة سوفي هاي سلطة تومة باوعي عليهم منا لاح يجون ياخذوني

ألسكندر: شهــــــــم

شهم: وملض وملض هم لاح يجون ياخذوني من ولاك

ألسكندر: شهم وحق الخلقك اجي ادفنك لك شنو يجوك غير اجو ياخذون العصابة احنا شكو يول صير زلمة لا تبجي

ليليان: لاااا تصيـــح لــــك

ألسكندر: دشوفي شلون يبجي عبالك حرمة

ليليان: ما عليك عتب دمك حار على عمك

ضربت على خدي فاتحة عيوني على وسعهن
ليليان: ولك  بس لا مدمن چنك غيث نسخة منة اكيد هم مدمن لانو تصيح مثلة حتى حركاتك نفسة

ألسكندر: وشبي عمييي تاج راسكم

ليليان: دروح فلا حبيتك بس تصيح

شهم: سفتي سلون ما يحتلم لا تبيل ولا صغيل

ليليان: اي شفت حبيبي شفت