على وقت ضوء القمر "الايان"

المحطة السادسة

﷽

رواية: على وقت ضوء القمر
بقلمي الكاتبة: فاطمة وديع

ألَا إنَّ دَمعِي يَسقُطُ اليَومَ بَاكِيَا
وَحَسرَةُ قَلبِي والبُكَاءُ هَلَاكِيَا
وَقَدْ صَارَتِ الأيَّامُ والبَأسُ كَاسِيَا
سِنِينَاً طَوِيلَاتِ الأسَىٰ وَاللَّيَاليَا
وَمَالِي سِوَىٰ رَبِّي أنِيسَاً وَبَاقِيَا
وَكُلُّ الأنَامِ بَعْدَ ذَلِكَ فَانِيَا .

لُطفاً لاتنسون التصويت +التعليق بين الفقرات على قدر الامكان ❤

واهم شي تنطوني رئيكم بالسرد والاحداث

ــــــــــــــــــــــــــــــــــــــــــــــــــــــــــــــــــ

ليليان: ياليتَ كُل ما حَصل كان حُلماً
هَل كان ذنبي اني ولِدتُ بِهٰٓذه العائلة؟
أَم هٰٓذا بسبب غلط ارتكبتهُ من دون قَصد؟
أَم ان هذا قَدري؟
هَل سَتَعود ضحكاتي؟
أَم سيبدا دَماريِّ من هذه اللحظه؟....

انشمرت قريبة حيل من السيارة بيني وبينها بس مسافة شبر سمعت صرخت امي والسيارة انفجرت يمي فقدت الوعي الدم يصب

عيوني جانت تغوش بلكوة فتحتها على صوت صياح وشرطة واسعاف

كعدت بلكوة اشوف شفت كومة ناس موجوده والشرطة توخر بيهم
الاسعاف تنقل بامي اجو شالوني حطوني على السدية شفت مكاني كله دم وراسي يريد ينفجر من الالم جسمي كلة يرجف والدم ينزل من كل مكان

حسيت نار تطلع وجهي بلكوة كدرت ارفع ايدة حطيتها عليّ وخرتها شفت ايدي  قطعة من الدم

ملت راسي على امي شفتها فاقدة الوعي ووجهة
ما ينشاف من الدم

ردت اكوم ما لحكت بسرعة صعدوني بالاسعاف حطوا الي اوكسجين رجعت فقدت الوعي

ما جنت اشوف اي مغمضة عيوني وما اكدر افتحها بس اسمع صوت صياح غيث ومحمد يتعاركون ويا الدكاترة ويصيحون يريدون يطبون والدكاترة مكتفتهم

فتحت عيوني لكيت امي نايمة يمي ما كدرت اكوم راسي جان مضبر شادين مغطي وخرت جهاز الاوكسجين وشلعت المغذي واجهزة ما ادري مال شنو شلعتهن كلهن ورحت يم امي

حطيت ايدي على راسهَ فرحانة
ليليان: ماما انتِ ما بيج شي انتِ عايشة صح سمعتي كلامي  وما عفتيني وحدي يم ذولة الوحوش وعد ما اضوجج ولا اسوي شي مو زين اضل اسمع كلامج  وما اعاند ولا اعوفج منا لمن اموت اضل وياج

فتحت عيونها باست راسي
ترف: يا روح امج ولا اني اعوفج مو كتلج اذا رب العالمين راد نموت نموت وذا ما راد نموت ما نموت

ليليان: ماما غيث برا ضرب الكاترة والممرضات خاف يضربوا خلي يطب يمنة

ترف: هسه محمد يطببة لا تخافين ما يضربوا