على وقت ضوء القمر "الايان"

المحطة الحادية عشر

﷽

رواية: على وقت ضوء القمر
بقلمي الكاتبة: فاطمة وديع
ـــــــــــــــــــــــــــــــــــــــــــــــــــ

رجعت من الصفر خالي
وحَرت من ياوجعَ ابدي !
ميت من رجعت وماكو
اثر  وادم يشيعوني
متت وحَدي
مو تدرَي انت آخر طلقة
يكتل روحة اذا يتحاصر الجندي
وكت خله الدموع يمرن بخدي
بعَدهي جروحَي ماطابت
وانت بملحك تبـّدي !
ــــــــــــــــــــــــــــــــــــــــــــــــــــــــــــــ

لُطفاً لا تنسون التصويت +التعليق بين الفقرات على قدر الامكان ❤

ـــــــــــــــــــــــــــــــــــــــــــــــــــــــــــــــــ

فتحت الباب اتخنس فزيت شفت سيارتين سود طبگن نزلوا منهن شباب ملثمين اول ما ردت اصيح كتفوني اواحد حط مخدر على وجهي اغمى علية شالوني حطوني بالسيارة

جان بوقتها عيد ميلادي بعد يوم وطلعت اشم هوا او بالاحرى اريد اشوف الهدية بس صار عكس ما توقعت طلع كلام الايان كلة صح

" وهذا كل الي صار من يوم تعرفي عليّ لـهذهِ اللحضة "

(( الرجوع الى الحاضر ))

من اتذكرت شنو صار بية من عافني وشلون عافني حتى الحب الي بگلبي الة راح وصرت احب شخص ثاني " الايان "

راد يلزم ايدي دفعتة وصفكتة راشدي وصحت بوجهة

ليليان: حقيـــر عبالــــك راح ارجع الك غلطان صرت ماضي مستعدة اموت هسة ولا ارجع بسببك ادمرت حياتي وعشت ايام سودة

فقدت الذاكرة ونسيتك شلون رجعت ما ادري لو ضالة ناسيتك احسن ليش اذكرتك ليش وانت منو انت عفتني ورحت بكل دم بارد حتى ما تعبت نفسك وكلت شنو راح يصير بيها وراي

نترت ايدة من ايدي رفعة ايدي بوجهة
ليليان: تدري شنو جان شعوري من كعدت ولكيتك ما هوة؟ تدري شنو جان شعوري من كالت اسماء عافوج وراحوا؟ تدري شنو جان شعوري من شفتك عايف السترة والتسجيلات عبالك يفيدني لو يخففن عني؟

ما حبيتني ولا راح تحبني ابد انت عفتني وحدي وخليتني اتعذب رغم تدري ما اكدر بدونك ليش هيج خليتني بنص نارين دمرت حياتي دمرتها