على وقت ضوء القمر "الايان"

المحطة الثامنة عشر

رواية: على وقت ضوء القمر

بقلمي الكاتبة: فاطمه وديع 🩵

لُطفاً لُطفاً لا تنسون التصويت +التعليق بين الفقرات على قدر الامكان 🩵

هلي والشيَب بيَن كله منكُم
حِسبتونيَ غَريب ومو ابنكُم
تسَألوني شعَجب متنام باليل
هَلي تَعبان بَس ما بيَنلكم
هَلي لو بيدي اشگگها صَوركم
انا دِموعي تِبات بخَدي كُل يوم
وسابِع جار يسمعها ضِحكم  .

• ــــــــــــــــــ •🩵• ــــــــــــــــــ •

اجيت للشركة بدون اكل وفوكاها هذا استلمني ضليت دايخه امشي واتعثر بلكوة نزلت كم درجة كل خطوة امشيها احس روحي تطلع وياها ما ادري شنو صار بيه راسي كام يفتر وكام تلعب نفسي حيل

كعدت بزاوية وكمت استفرغ وكفت اريد اكمل طريقي كمت اشوف الدرج يهتز يروح منا ويرجع منا صارت رعشة بجسمي ودوخه قوية كعدت على الدرخ لازمه راسي شوية وبعدها رحت بنومه عميقة

كعدت لكيت نفسي على السرير وغيث كاعد يمي خايف شفايفة ترجف

غيث: بس فهميني مو الف مرة كلت لا تضلين بدون اكل يعني تدرين بنفسج ما تتحملين عش تضلين بدون اكل وثاني شي مو وصيت اكل عش ما اخذتي

ليليان: انت منين عرفت بدون اكل

غيث: لا تنسين منو اني

ردت احجي ما كدرت بحنجرتي احسها متشگكة تشگك بلكوة حجيت اجر بالكلمة

ليليان: غيث كافي تعبتني اطلع من حياتي والله تعبت حيل

غيث: بس فهميني شنو سويت غير اعرف عش ما تريديني

ليليان: دام تعرف شنو مسوي ليش تسال

غيث: شنو مسوي هو اني لو اعرف اجيت وسئلتج

ليليان: غيث وخر اريد اطلع ما يصير يشوفونة سوة

غيث: ما فهمت عش ما تريدين يعرفون انتِ زوجتي

ليليان: لانو ماكو داعي واصلا احنا راح نطلگ ليش نكللهم

غيث: طلاگ ما اطلگ والي تريدين تسوي سوي مستحيل اطلگج الا على موتي وهم حتى وان متت ما اطلگج

كدرت احرك جسمي بعد معاناة حسيت نفسي مريضة واول مرة اكوم كمت اريد اطلع رجعني

ليليان: وخر شبيك لزكة

غيث: كولي الي تريدين تكولين تاكلين يلا تطلعين منا

ليليان: ترا مو وحدنا الف شخص ويانا وخر

غيث: ما اوخر اكعدي اكلي من تكملين اكلج بعد ما عليه بيج وعد

ليليان: وما تجبرني اشتغل شغل ما اريدة