Who Hide The Truth Of Life (Own Story)

Part-41

(Chapter-8*နိုက်တင်ဂေးလ်အဖွဲ့ဝင်များ ပျောက်ဆုံးခြင်း)

********************************

လားရှ်ိုးအိမ်တော်တွင်တော့ သခင်လေးတို့မောင်နှမနှင့်တကွ ဝဏ္ဏအောင်၊ရှင်းသန့်မောင်တို့သည်ကား ဝိန်းသခင်ငယ်လေးထံ သွားလည်ရန် မြင်းရထားလုံး*၅*စီးဖြင့် မန္တလာမြို့တောင်ဘက်စွန်ရှိ ရွှိုင်ရယ်ရို့စ်ဘက် ထွက်ခွာလာကြသည်။

ဘလက်အောင်းလ်ရဲ့လူယုံဖြစ်သည့် မိန်းကလေးလဲ့သည် သူမလက်အောက်ငယ်သားများအား လားရှိုးအိမ်တော်ဘက် စောင့်ကြည့်စေရာတွင် သူမတို့သားကောင်များသည် တစ်နေရာတည်းဝယ် စုဝေးလျက်ရှိသည်ဟု ကြားသိရလေ၏၊

*အစ်မလေးလဲ့ရှင့်....လားရှိုးအိမ်တော်ကနေ အလိုရှိသူတွေ မြို့ထဲဘက် ထွက်ခွာလာနေပြီလို့ ကြားသိရပါတယ်

*ဟုတ်လား၊ ဘယ်သူတွေပါသေးသလဲ

*လားရှိုးမောင်နှမတို့အပါအဝင်၊ ဝဏ္ဏအောင်၊ ရှင်းသန့်မောင်တို့ရယ် ကိုယ်ရံတော်တွေနဲ့ပါရှင်

*ကိုယ်ရံတော် အရေအတွက်ဘယ်လောက်လဲ

*အလွန်ဆုံး10ဦးလောက်ပါပဲ အစ်မလေး၊ ဝိန်းအိမ်တော်ဘက် သွားမယ်လို့သိရပါတယ်

*ကောင်းပြီ၊ သူတို့တွေ ရွှိုင်ရယ်ရို့စ်ဘက် မရောက်ခင် တိုက်ခိုက်ကြရအောင်၊ အလိုရှိသူတွေကလွဲ ကျန်လူအကုန်သတ်

*နားလည်ပါပြီ အစ်မလေးရှင့်

မန္တလာမြို့တော်၊ ဂိုး‌ဒင်းမ်မန္တလာ အထက်တန်းလွှာရပ်ကွက်ရှိ အန်းစ်အိမ်တော်ကြီးတွင် သခင်မလေးအန်းစ်သည်လည်း သူမသူငယ်ချင်းများနှင့် ဆုံစည်းရန် ဝိန်းအိမ်တော်ဘက်သို့ မြင်းရထားလုံး*၃စီး*ဖြင့် ထွက်ခွာလာ၏၊ ဤနေ့တွင် ထိပ်တနလူကုံထံအလွှာဝင် သခင်လေးတို့အပေါ် တစ်စုံတစ်ရာ ဖြစ်ပျက်လာပေတော့မည်။

ရွှိုင်ရယ်ရို့စ်နဲ့ နှစ်ပျအကွာအဝေးတွင်တော့ လားရှိုးသခင်လေးတို့ လိုက်ပါလာသော မြင်းရထားလုံး*၅စီး*သည် ဘလက်အောင်းလ်အဖွဲ့၏ ဝိုင်းထားခြင်းခံရလေတော့၏၊