Who Hide The Truth Of Life (Own Story)

Part-49

(Chapter-10*အန်းစ်သခင်မလေး၏ လှည့်စားမှု)

*******************************

မြို့တော်‌ေတာင်ဘက်စွန်ရှိ ရွှိုင်ရယ်ရို့စ်အိမ်ယာ၊ ဝိန်းအိမ်တော်ရှိ ဧည့်ခန်းဆောင်တွင်လည်း သခင်ငယ်လေး ဂျွန်အယ်ဝိန်း နှင့် ကိုယ်စားလှယ် လိုင်လာဝိန်း တို့သည် နီးစပ်သောမိတ်ဆွေများဖြင့် မိတ်ဆုံလက်ဖက်ရည်ပွဲ သုံးဆောင်နေကြ၏။

*ဟား.....ဟား....ဟား.....

*အို...တကယ်ကို မယုံနိုင်စရာပါလား ငါ့ညီမရယ်

*ဟွန်း...အဟုတ်ပါပဲရှင်၊ အင်း....ဒါတွေထက် လက်ရှိဖြစ်နေတာတွေကို ဘယ်လိုတုန့်ပြန်ကြမှာလဲ အစ်မလိုင်

*အိုကွယ်၊ ဒါတွေ ပူမနေစမ်းပါနဲ့၊ ဟုတ်တယ်မလား သားငယ်

*ဟုတ်တာပေါ့ဗျာ၊ အန်တီလေး ပြောသလိုပဲ၊ ကျွန်တော်တို့တွေ အချိန်တန်ဖြေရှင်းပြီးသွားမှာပါဗျ

*ဟုတ်ပေမယ့်၊ အခုက ရိုးရှင်းမနေလို့လေ သားငယ်ရ၊ ပြီးတော့ သားငယ်လည်း ကြားမိမှာပဲလေ၊ အခုကိစ္စတွေက ဥရောပတိုက်က ပြင်သစ်ပြည်လို ဖြစ်သွားမှာ စိုးရိမ်နေရတယ်

*အဲဒါလည်း အမှန်ပဲသားငယ်ရေ...အခုပဲကြည့်လေ မြို့တော်တွင်းသာမကဘူး မြန်မာတစ်ပြည်လုံးရှိ မြို့တွေမှာပါ ပြန်အုံကြွနေကြပြီ၊ ဆိုတော့ကွယ်....အန်တီတို့ ၊ဦးလေးတို့ ခုလိုဆုံတုန်းလေး အစီအစဉ်ဆွဲထားသင့်တယ်မလား

*ဟင်း.....ဦးလေးတို့၊အန်တီတို့က အတော်စိုးရိမ်နေတာ နားလည်ပါတယ်ခင်ဗျ၊ စိတ်မပူပါနဲ့ ဘာလို့ဆို၊ ကျွန်တော့်အနေနဲ့ လူထုရဲ့ထောက်ခံမှု မလျော့စေဖို့ ကူညီနိုင်မယ့် မိတ်ဆွေတစ်ယောက် ရှိပါသေးတယ်ဗျာ

*ဟင်...အို......

ဂျွန်အယ်ဝိန်း ပြောကြားလိုက်သော စကားအဓိပ္ပာယ်နားလည်ကြလေတော့ ကောလာဟလာသတင်းတွေဟာ အမှန်များဖြစ်နေမလားဆိုပြီး အားလုံးအံ့ဩနေကြလေ၏၊ လူထုအားပေးမှု၊ ထောက်ခံမှုရအောင် ကူညီနိုင်သူဆိုသူမှာ အခြားမဟုတ်၊အနုသုခုမလောကမှပင်ဖြစ်လေသည်။

(မိတ်ဆုံလက်ဖက်ရည်ပွဲဆိုသည်မှာ..... ဥရောပနဲ့အနောက်တိုင်းတွေမှာတော့ ပါတီပွဲပေါ့၊ အားလပ်ရက်တွေမှာ ရင်းနှီးသူများဖြင့် နေ့လည်နေ့ခင်းအချိန်တွင် ကော်ဖီဆိုင်များ၊ အိမ်များတွင် စကားလက်ဆုံကြရင်း အဆာပြေစားကြသော လက်ဖက်ရည်ပါတီပွဲ၊တီးစ်ပါတီ ဖြစ်လေ၏။)