تمارا..
بارت7
صباح احد الايام..
كانت قاعدة مع حنينة في الصالة بتشربها في الشاي..
شافتو جا طالع..
نادتو:عمر تعال
جا عليهم خطوة من غير ما يقول شي..
سألتو:اجيب ليك الشاي؟!
قال:شكرا طالع طوالي
عاينت ليهو مساااافة..
نزل عيونو منها..
قالت:الليلة ليه طالع بدري كد؟!
ردا ليها بدون نفس:مفتاح الورشة عندي ولازم اصل بدري
عاينت ليهو مسااافة:طيب..ودعتك الله
عاين ليها ومشا..
طلع من الدار وهو ببلع ريقو بألم..
حالة السكوت البينهم طالت شديد المرة دي..
المشكلة انو حاسي نفسو تقيل عليها..
بحاول يبعد عشان يديها راحتها..
وهي م جات وقالت انها عايزاهو يرجع..
فبقت ساكتة وهو ساكت..
وبعيد..
قبل الورشة بي شارعين لاقى الفاضل..
عقد حواجبو باستغراب..
الفاضل سلم عليهو..
عمر:كويس انا..انت الجابك هنا شنو!!
الفاضل:مشيت ليك الورشة ي مان..لقيتك لسه م جيت
عمر:ماشي يداب
الفاضل:طيب ي مان اخوك دايرك في خدمة
عمر رفع حاجبو:خير
الفاضل طلع من جيب بنطلونو الورا كيس كشاش ملفوفة فيه قروش..
مداها ليهو:خلي لي الامانة دي معاك لحدي نهاية اليوم بجي بشيلا منك
عمر مسكها:لقيتا وين القروش دي؟!
الفاضل:بحكي ليك ي مان..بس خليها معاك لي بعدين
عمر عاين ليهو مساافة ورجع يعاين للقروش..
قلبو م مطمن ليها..
الفاضل ضربو في صدرو:تمام نتلاقى بعدين زابط؟؟
عمر حرك ليهو راسو نظام زابط..
داك مشا وعمر تابع طريقو..
بعد ما دخل ربطة القروش في جيب بنطلونو الورا..
وصل الورشة وفتحها..
شوية كد وسيد الورشة جا..
وباقي العمال وصلو..
قلع قميصو علقو في الشماعة وبقى شغال بي الفنيلة والبنطلون..
كان خاشي ليهو تحت عربية وشغال بمزااج لحدي ما سمع جوطة..
طلع وبقى يعاين لسيد الورشة البكورك..
عقد حواجبو وهو بحاول يفهم من كواريكو حاجة..
فهم انو في قروش مسروقة من الخزنة..
وسيد الورشة بكورك في العمال وكد..
اتنهد و وقف علي حيلو..
سيد الورشة بقى يكورك:القروش دي امانة مأمني ليها واحد صحبي والله
بعداك بقى يدق تلفون وطلع من الورشة..
جا راجع بعد 10 دقايق كد وهو بنادي:عمرر
عمر قام مشا ليهو..
سيد الورشة:عمر ي ولدي انت عارف انو القروش دي امانة صح؟!
عمر استغرب د ليه بقول ليهو كد:عارف اي
سيد الورشة:يلا يا ولدي انت امبارح اخر واحد طلعتا..والليلة جيت اول واحد وانا القروش دي اخر شي تممتا عليها وطلعتا
عمر وقف علي حيلو:انا والله م شفتا القروش دي ولا عارفها كم اصلا
سيد الورشة:انا متفهم انك بتكون محتاج لقروش يعني عشان الملجئ وكد لكين دي قروش زول يا عمر
عمر:محتاج اي لكين اكيد م ح اسرقك يعني..انا لي كم سنة شغال معاك حصل فقدتا حاجة؟!
سيد الورشة عاين ليهو مساااافة..
بعدها قال:طيب..ارجع شغلك
عمر رجع شغلو وهو ضاغط سنونو بغضب..
شوية كد والشرطة جات..
طلع من تحت العربية لمن الشرطي قال:يلا يا شباب..اقيفو لي صف عشان ح نفتش
عمر طلع و وقف بكل ثقة عشان يفتشوهو..
ولمن الشرطي جا يفتش الزول القبليهو طوالي..
عمر طير عيونو بخلعة..
يداب اتذكر القروش المسكها ليهو الفاضل..
الشرطي جا يفتشو..
غمض عيونو وهو بدعي انو ظنو يخيب..
وانو القروش دي م تكون ياها القروش الاتسرقت..
الشرطي طلعها من جيبو:د شنو ي ولدنا؟؟
عمر:دي امانة مسكني ليها واحد بعرفو..مسكني ليها قبل اجي هنا بي دقايق
الشرطي:واحد بتعرفو؟!
واتلفت جدع القروش لي شرطي تاني..
الشرطي التاني طوالي فكاها حسبها..
عمر بلع ريقو لمن الشرطي قال:دي $$$ مليون..ي حاج قروشك المسروقة كم؟!
سيد الورشة عاين لعمر بخلعة وقال:دي ياها قروشي زاتا..قروشي خمسميات انا
عمر ضغط عل اسنانو وهو بلعن الفاضل على اليوم الشاف فيهو الفاضل..
طبعا الشرطة ولا بتفاهمو طوالي رفعو عمر في البوكس..
