تمارا..
بارت 11
بعد مرور عدة أشهر..
واقفة في المطبخ وبتعاين ليهو..
وهي مبتسمة..
ختا اكياس الخدار وحكا فوق حاجبو بتعب..
عاين ليها..
ولمن لقاها بتعاين ليهو..
اشر ليها نظام شنو؟؟
ابتسامتها اتسعت:مف شي
جا عليها وهو مبتسم برضو:بعد الابتسامات دي كلها تقولي مف شي؟؟
ضحكت:مبسوطة بس
رجع ليها خصلتها ورا اضانها:منن؟!
قالت وهي بتحرك عيونها بين عيونو:م من شي..مبسوطة بيك ومنك
مسحت علي كتفو اليمين:وبحمد الله كل يوم انك هنا
ابتسم وباس بين حواجبها:وانا بحمد الله اني شفتك
ابتسمت:طالع تاني؟!
عمر:تؤ
قالت:طيب اتغدا اول بعداك استحما وكد
قال:تمام
قالت:صح صليت العصر؟؟
قال:في الجامع كمان
ابتسمت:حمدلله طيب
عمر:الصينية جاهزة اشيل؟!
قالت:ثواني بس اغرف ليكم المُلاح
وفعلا غرفتو وهو شايل الصينية..
ابتسمت وهي مراقباهو لحدي ما طلع من المطبخ..
حرفيا شايفاهو اتحسن شديد..
من اتعرف على محمد..
نفسيتو راقت..
وبقى مواظب على صلاتو..
ختت غدا المشرفات والشفع ورسلتو ليهم وبعداك ختت غداهم..
اتغدو و وحدين غسلو العدة و وحدين عملو الشاي..
ساعة صلاة المغرب..
واقفة في الصالة في المصلاية..
جا داخل:حرما يخ
عاينت ليهو:جمعا لكين يداب ح اصلي
وقف قدامها:اي يعني حرما مقدما
ضحكت:طيب جمعا
عاين ليها مساافة بعدها ضحك..
ابتسمت على ضحكتو:في شنو؟؟
قال:مف شي..صلي صلي
ضيقت ليهو عيونها:عمرر
قال:عيون عمر..صلي ونتفاهم عشان وضوكي وكد
عاينت ليهو مسافة بعدها فهمت...
طوالي اقامت الصلاة..
اليوم التالي..
التاسعة وست وثلاثون دقيقة صباحاً..
راقدة في الحوش الوراني تحت الشجرة وحنينة قاعدة قدامها في الارض وبتلعب بالتراب..
بتعاين للسما وبتفكر..
غلط..
البعملو فيهو هي وعمر د غلط..
ذنب..
بلعت ريقها:ي ربي تغفر لي
لكين هي م بي يدها شي والله..
قطع تفكيرها صوت عُناب وهي بتقعد جنبها:ي بت انتي نمتي ولا شنو؟!
ردت ليها من غير ما تتحرك:صاحية انوم شنو؟!
عُناب:طيب م شايفة حنو دي اكلت التراب كلو؟!
تمارا قعدت علي حيلها بسرعة..
مسكت يد حنو نفضت منها التراب بعصبية..
عُناب اتفاجأت لمن تمارا ضربت حنو في ضهر يديها وهي بتقول:الله يقرفك ي قرفانة كم مرة قلتا ليكي م تاكليهو؟!
مسكتها من خدودها بعصبية:تُفيهو سرعة..كخخ
حنو تفتو وهي عيونها مُرقرقين بالدموع..
تمارا لزتها:عويرة دي
عُناب مدت يدينها شالتها:ي بت قولي بسم الله
ونفضت لي حنو هدومها ومسكتها:حنيينة ي حنييينة..م تبكي خلاص معلييش
عاينت لتمارا:انتي لو في حاجة مُزهجاك م تتفشيه في حنو؟!
تمارا:عنبة عليك الله م تزيديها علي
عُناب عاينت ليها مسااافة..
لاحظت انو شعرها مبلول..
قالت:اهاا قولي كد
تمارا عاينت ليها بي استغراب..
عُناب:قولي مزهجك عمر وعمايلو
تمارا اتأفأفت:اوف بس ي عنبة
عُناب:ي بت لا اوف لا اوفين..حبيبك وبحبك وعايز يكون معاكي استمتعي وم تنكدي على روحك
عاينت ليها مسااافة..
الناس ديل شكلهم م بفهمو ولا شنو؟!..
لوت خشمها من غير ما تقول شي..
عُناب عاينت لي حنو الساكتة ساي وبتعاين لي تمارا بخلعة..
وقالت:عايني خلعتي البت كيف..ارح ي حنينة اديكي حاجة حلووة
وشالتها وقامت..
تمارا اتنهدت ورجعت رقدت..
