تمارا..
بارت12
واقف قدام جوزات بحري وبعاين حولينو..
ركز نظرو في عربية محمد البتقيف ومحمد بنزل منها..
عاين ليهو لمن جا عليهو وقال:دي حالتك جاي تسوقني عشان نصل بدري
محمد ضحك:حكمتني ظروف ي مان
عمر صافحو:كيف اصبحتا؟!
محمد:روقة تب..ما شاء الله نشاط وكد
عمر:اي ما انت قلتا بعد 8 بتكون زحمة
محمد وهو بتحرك على جوة:زحمة شديد..هسي بس ان شاء الله زولي د يكون جا
عمر مشا معاهو:ان شاء الله
دخلو واتصلو لي زول محمد وطلع فعلا جا..
ساعدهم كتتير في إجراءات عمر..
لحدي الساعة 12 كد كانو خلصو..
شالو الورقة بتاعة الاستلام الصغنونة ديك وطلعو..
محمد:من شدة ما مهووي حاسي نفسي واقع عديل
عمر ضحك:بتفطر بدري شكلك
محمد:ي زول اي شيي الا الفطور د..م بهظر فيه نهاي
عمر ضحك:تعال اوديك دكان..ح تاكل فيه احسن فتة
محمد:في دكانن؟!
عمر:اي دكان عادي..بعيدا عن المطاعم وامور المروقين دي
محمد ضحك:مف زول جاب سيرة مطعم..كنتا ح آكلكك سندوتشات اصلا
عمر:يخ سندوتشات؟!
محمد:ي مان اختصر و ودينا دكانك د
عمر ساقو ومشو بي كرعينهم..
لففو شوارع بحري ديك وهم بتونسو وبضحكو..
قعدو في الدكان وعمر خلال دقايق جاب البوش..
بي مساعدة سيد الدكان طبعا..
ختاها قدام محمد وهو بقول:خُشش
محمد ضحك..
وبدو ياكلو..
ويضحكو..
بعد خلصو عمر ودا الصحن وجاب قزازتين بارد..
بقو يشربو..
محمد:ياا الله ي بحري يخي..صحي سموكي سِر الهوى
عمر:وفي بحري العلاج و الدوا
محمد ضحك:والله انت حفار..بتعرف الدكان د كن وين؟!
عمر وهو بشرب من باردو:اي حتة عندي فيها جخنون..دي فايدة انك تكون ود شوارع،الشوارع دي كلها بتكون كأنها بيتك
محمد:العاصمة المثلثة
عمر:بالضبط كد
محمد حرك راسو وهو بشرب من باردو..
عمر:عليك دينك رايك شنو في الفتة..تلقيك عمرك م اكلتها قبل كد
محمد ضحك:ي زول نحنا تقريبا فطورنا ثابت فتة
عمر:اا وين يااا
محمد:جادي معاك..الحاج ي معلم مُربينا تربية المعسكرات جد جد
عمر ضحك:اخواتكم البنات برضو؟!
محمد:هم بتين بس..وحدة اكبر وحدة فينا متزوجة وليها سنين برا والتانية ياها الشفتها في المستشفى ياها اصغر وحدة
عمر حرك ليهو راسو:ربنا يخليهم ليكم
محمد:اميين
عمر سألو:ح استلم الجواز متين؟!
محمد:هو في الطبيعي مفروض بعد 7 يوم لكين عشان زولي د ح تستلمو بعد يومين
(يحليل زمن الجواز بطلع في اسبوع😭😂😭😂)
عمر حرك راسو:تمام
محمد:الورقة معاك صح؟!
عمر:اي في جيبي
محمد وقف علي حيلو:حلو..انا لازم ادردق بعدا
عمر وقف معاهو:انا زاتي مُدردِق
محمد مشا على سيد الدكان..
ختا قزازة البارد وسألو:حسابك كم ي ود عمك
سيد الدكان:مدفوع ي معلم
محمد عاين لعمر..
عمر ابتسم وهو بشرب من باردو..
محمد:بالمناسبة المرة دي العزومة علي
عمر:م فارقة ي مان
محمد ابتسم:جمايلك مُغرقاني الصراحة
عمر ضحك:غرق تقيل
ضحكو..
محمد:يلا هوي
عمر:انا ح ادردِق بي جاي طوالي وانت دردِق بي جاي لي عربيتك
محمد:ي زول ظط
عمر:بتعرف الجوزات ولا بتروح
محمد:عييب معاك ود قلبها
ضحكو:يلا
عمر:يلا
وكل واحد مشا بي اتجاه..
لي حياتو..
وهم م جمعهم غير الخوة اولا..
والعيش والملح ثانيا..
عمر مشا لي شغلو عادي..
وبعدها رجع الدار..
علاقتو مع تمارا عادية..
اليومين البعدهم عدو عادي..
استلم الجواز..
عاين للجواز مساافة وقال:بعدا لازم ننجز عشان نطلع
