تمارا..
بارت13
بعد مرور يومين..
طبعا الفاضل حققو معاهو وبقو منتظرين امر المحكمة..
حاول يورط عمر معاهو وقال ليهم انو البنقو د بتاع عمر..
لكين الشرطي قفلها ليه في راسو لمن وراهو انو عملو لي عمر فحص دم وطلع نضيف..
سِت حنان جاتو..
وقرر يستخدم اخر ورقة رابحة عندو..
ف قعد يتمسكن..
وراها انو عمر ياهو البلغ عنو..
وانو اتقبض بي سبب عمر..
في الدار..
صوت الكف صدح في كل الإتجاهات..
تمارا وباقي البنات ختو يدينهم في خشمهم بخلعة وهم بعاينو لي عمر الواقف قدام سِت حنان ببرود..
سِت حنان كوركت ببحة:بي سببك اخوك اتحبس وم معروف ح يطلع منها ولا لأ
عمر وهو ضاغط على اسنانو:د م اخوي
سِت حنان لزتو:اسكتت..يخي انت شنو م عندك قلب؟!..طيب م فكرتا فيني؟! في شفع الدار؟! بشتنتنا وبهدلتنا في انصاص الليالي
عمر بس بعاين ليها..
سِت حنان:انا بالله كنتا ح اروح خمسة دقايق واتحبس بي سببك
عمر ساكت..
هو الطلعها..
بي سبب وصيتو لي محمد انو م تجيها عوجة..
لو م كد كان ح يجرجروها لي يوم الليلة..
قال:م بي سببي بي سبب البشربو وخاليهو معانا في الدار
سِت حنان:يخي ما يشربوو انت مالك ومالو؟؟..انت ابوهو؟!
عمر:وهسي انتي مالك ومالي؟!..انتي امي؟!
سِت حنان ختت يدينها في راسها:انت مستحيل تكون بني ادم..انت جنيت ي عمر
عاين ليها مسااافة وهو ضاغط سنونو بي غضب..
عاين لي تمارا الواقفة في عتبة المطبخ وخاتة يدينها في خشمها ودموعها 10 10..
اتحرك ماشي..
سِت حنان جرتو:طالع وين نص الليل د؟!
فكا يدو منها من غير ما يتلفت عليها اصلا..
سِت حنان اتلفتت على تمارا وقعدت في الكرسي بتعب..
تمارا دخلت المطبخ وهي بتمسح في دموعها..
عُناب جات اتكلمت معاها شوية تمارا ابت ترد ليها..
مشت خلتها..
عمر..
ماشي في الشارع ومدخل يدينو جوة جيوبو..
حاسي بي ضيق..
وحدة..
خُذلان..
وحاجات كتيرة كعبة غيرهم..
ليه مف زول فاهمو؟!..
ليه مف زول قال ليهو برافو ي عمر..
د حقكك وكان لازم تاخدو..
بلع ريقو..
محمد..
محمد الوحيد المشجعو..
اتمنى لو يشوفو هسي..
عاين حولينو..
الوقت اتأخر ومستحيل يكون عند ست الشاي..
والليلة م شغال بالمسا..
وم عارف بيتهم وين اصلا عشان يمشي ليهم..
اتأفأف وكمل طريقو..
تمارا راقدة في سريرها وخاتة يدينها الاتنين تحت راسها..
بلعت ريقها بألم..
عمر من يوم شكلتها معاهو بقى م بتكلم معاها..
زعلان ليه؟!
وم قادر يفهم ليه؟!
انو القسوة غلط..
م ممكن نطفي الحريق بي نار..
م ممكن نأذي ناسنا عشان نرتاح..
لأنو عمرنا م ح نرتاح..
الإنتقام اكبر اكذوبة في الحياة..
الإنتقام عمرو م ريح زول..
بعد مرور عدة أيام آخرى..
محمد ابتسم ليهو وهو بمد اوارق عقد العمل وجوازو..
وقال:كد ممكن نقول م فضل ليك غير التذكرة
عمر:احجزها طوالي في اقرب وقت انا عندي قروش لي بكرة ح اجيبها ليك للتذكرة
محمد:قروشك خليها..حولها بالدرهم عشان تمصرف بيها هناك
عمر عاين ليهو مساافة..
محمد:بكرة نتلاقى وح اكون حجزتا ليك واشيل منك المصاريف احولهم بالدرهم
عمر:تمام..احجز لي في اقرب وقت
محمد:ان شاء الله
