تمارا..
بارت15
بعد مرور عامين..
عاين للتلفون البدق جنبو..
رفعو بي يدو اليمين والشمال ماسك بيها الدركسون..
ردا:مرحب
حسن:صباح الخير يا ابني..هاا عملتو شنو؟!
عمر:صباح النور..كلو تمام ماشي زي الترتيب وانا حاليا داخل على الدوحة ح اتمم على الاسبيرات واتحرك على الشركة
حسن:طيب..وم تنسى ترسل السواق للسفير السوداني يوديه بيتي
عمر:طيب برسل ليهو زول هسي
حسن:وانت كمان خلص مواضيعك وتعال عشان ح نتغدا بدري
عمر:ابشر
حسن ابتسم:يلا
عمر:يلا
وقفل..
اتصل بالسواق ورسلو للسفير السوداني..
بعداك..
غِشا الورش بتاعتهم تمم على الاسبيرات..
وقف العربية قدام الكافيه ونزل..
قفل الباب وهو بصلح في الجكت بتاعو..
دخل وفتشو بي عيونو..
م لقاهو..
لفت الويتر الجنبو:يا حبيب..ماجد مافيش ولا شنو؟!
الويتر:هونيك
واشر ليهو على المطبخ..
عمر مشا وهو بقول:هونييك
دخل المطبخ لقى ماجد داقي جرس وبكورك في الطباخين..
اتكل في المصبطة الوراهو وهو بعاين ليهو..
ماجد اتلفت عليهو:وانت الاخر روح..
قطع كلامو لمن لقاهو د هو..
عمر:ي مان بقيت عصبي من مسكتا الادارة
ماجد ضحك:ولا عصبي ولا حاجة..هما الي ما بيفهموش غير بالزعيق
عمر:زعيق لكين
ماجد ضحك:انت ايه اخبارك ي عمهم..فين مختفي كد؟!
عمر:براك عارف..الشغل ومشواريو الطويلة
ماجد:اجبلك حاجة سقعة؟!
عمر:داير اكل عديل ي هوي
ماجد ضحك:تاكل طوالي ي عم
عمر:بتعرفني ليك سنتين م اتعملتا مني غير طوالي
ماجد:اتعلمتا يا زول يا دسيس
عمر ضحك:ماشي كووويسس
ماجد ضحك وهو بأشر لواحد من الطباخين عشان يجيب طبق لعمر..
جراهو:تعالى ريّح عقبال ما يجيك الطبق
عمر قعد:اااخخ..مفروض اتصل اتأكد انو السفير اتحرك مع السواق
ماجد ابتسم:ما انت الي مدوخ نفسك..قلتا لك اخلع من عم حسن د
عمر:عيب..د راجل صاحب فضل عليا
ماجد ضحك:مصري د ولا مش مصري؟!
عمر ضحك وهو بخت التلفون في اضانو..
شوية وجاهو الرد:سلام..اها السفير وصل؟!..تمامم طيب اوي..يلا
وقفل..
ماجد:ايه طيب اوي دي؟!
عمر:انا عارف ياخي؟!..لفيتو لي راسي بي كلامكم د انت مصري وديك قطري و وحدين لبناني وغايتو بس حمدلله
ماجد ضحك وهو بشيل الصحن من الشيف يختو لعمر قدامو:هاا وموضوع عم حسن؟!
عمر بدا ياكل:ولا موضوع ولا حاجة..مُضطر ازبط ليهو مواضيعو دي
ماجد:وشغلك انت بقى؟! مين الي ح يزبطوهلك؟!
عمر:شغلي ياهو ناصر مزبطو وانا برضو يعني ماشي فيه
ماجد:ربنا يوفقك ي عم
عمر ابتسم وهو بياكل..
ماجد:طب ح اُطل على البهايم دول واجيلك
عمر:جيب معاك حاجة سقعة
ماجد ضحك ومشا..
عمر قبل يكمل اكلو تلفونو دقا..
ردا ولقاهو ناصر..
اتنهد وردا:يا مرااحب
ناصر:عمر وينك..م تقول لي لسه م وصلتا الشركة
عمر:قربتا عليها في شنوو؟!
ناصر:في شنو انت نسييت؟!..عندنا اجتماع مع مُشتري امريكي ي عمر
عمر:ي الله كنتا ناسيي يخييي
ناصر:اي ما لاازممم..الناس ديل 10 دقايق وح يصلو ي عمر
عمر وهو بقيف علي حيلو:طيب حلو انا 8 دقايق بالضبط ح اكون معاك
ناصر:عمر انت مستوعب انو د مستقبل شركتنا؟! ولو عملنا الديل د نحنا ح نطير السما
عمر تما ليهو كلامو:واننا محتاجين الديلز الزي ديل لأننا في بداية طريقنا..عارف ي ناصر عارف وجاي هسي
ناصر:انت بتاكل صح؟؟..خشمك مليان اكل
عمر:كنتا باكل..لكين هسي طيرتو لي
ناصر:طب تعال بسرعة ي عمر
عمر:فهمتا جاي..يلا
وقفل قبل يسمع ردو..
وفي المسافة دي كان طلع من باب المطبخ الورا..
لقاهو ماجد في وشو وهو شايل كباية فيها عصير..
ماجد:رايح فين يعم انا جبتلك لمون
عمر:مستعجل والله..يلا
ماجد:طب خد الكوباية معاك
عمر:م بنفع المرة دي انا م ح اجي الا بعد يومين
ماجد:خدها بس يعم وم عليك
عمر شالا:طيب يلا
ماجد:باي
عمر ركب عربيتو وهو شايل كباية العصير..
شرب منها نصها ودور عربيتو..
اتحرك علي شركتو هو وناصر..
وصل ونزل بسرعة..
شال كباية ونازل كد اضربت ب باب العربية و اتكسرت والعصير الباقي اتكشح..
عمر:يا الله انا
دخل بسرعة..
غسل يدو من اقرب حمام لقاهو..
تلفونو دقا تاني..
اتحرك على غرفة الاجتماعات من غير ما يشوف المتصل منو..
لأنو متأكد ح يكون ناصر..
فعلا لقاهو قدام غرفة الاجتماعات..
ناصر طوالي انفعل:عمر بتبالغ الناس منتظرين ليهم قريب ربع ساعة..وانا حاسي بيهم م مقتنعين بينا اصلا..
عمر قاطعو:ي مان استكين استكين..انا خاشي ليهم و اي شي بزبط ان شاء الله
وجراهو ودخلو..
سلم عليهم..
وبدا يتكلم بالعربي وناصر بترجم ليهم طبعا..
اتفقو والاجتماع انتهى على خير..
ودعوهم وطلعو..
ناصر قعد في الكرسي بتعب:اووف بس اووف
عمر عاين ليهو:شيل حيلك ي ولد
ناصر ضحك:اي ما انت ما حاسي بي شي..الشركة دي كلها فوق راسي
عمر ابتسم..
ناصر مع عارف انو عمر شبه شايل شغل حسن كلو فوق راسو..
عاين للسكرتيرة الجات خاشة..
وسألتهم:اها الاجتماع كان كيف؟!
عمر:زابط عديل
ناصر:قربنا للهاوية والله
عمر ضحك..
السكرتيرة عاينت ليهو واشرت لعمر نظام د مالو؟!..
عمر:د بتدرام بس..اسمعيني ي ربا
ربا:اها
عمر:الكبابي دي بشتروها بي الكرتونة ولا كيف؟!
ناصر:داير تتاجر بي الكبابي ولا شنو؟!
عمر:انا محترمك عشان انت اكبر مني وكد
ناصر ضحك..
ربا:اكبر منك بي كم؟!..طبعا م ظاهر نهااييي
عمر:بي سنتين
ناصر:سنة وكد شهر
ربا ضحكت:يعني انت عمرك 24؟!!
عمر:خاشي علي ال25 خلاص
ربا:واي طبعا م ظاهر نهاايي
عمر:المهم يا بتناا..الكبابي
ربا ضحك:مالهم؟!..بشتروهم بي الدستة
عمر:دستة يعني 12 كباية؟؟
ربا:يب
عمر:طيب عايني..امشي اشتري ليكي كم دستة كد رسليهم لي كافيه.... الفي مطنقة ....
ربا:القاهم ليك وين الكبابي انا؟!
عمر:ربا يعني معقول ح تغلبك كبابي؟! انتي لو عايزة زول بتجازفيه
ربا ضحكت:طيب ي شافع ي بكاش..ممكن اطلبهم وارسلهم هناك طوالي
عمر وهو بقيف علي حيلو:والله بعدا انتي وخبرتك..وطبعا بطاقة الصراف معاكي
ربا:كريتد كارت
عمر ضحك:اي بس ياها
وقف علي حيلو وعاين لناصر:المهم انا لازم اتوكل..لو حصل اي جديد بينا الشبكة
ناصر اتنهد:طيب ان شاء الله
عمر ربت على كتفو وطلع..
اول ما ركب عربيتو تلفونو دقا..
رفعو وهو بتنهد بزهج..
ردا وكان حسن:مرحب
حسن:هاا ي عمر كلو تمام؟!
عمر:كلو مزبط حمدلله والسفير شوية وح يصل بيتك
حسن:انا بتكلم عن اجتماعكم الليلة كان مواعيدكم مع الوفد الامريكي صح؟!
عمر:اي والله وزبطنا الوضع وتقريبا قالو بعد كم يوم ح نمضي العقود
حسن:طيب مبروك
عمر ابتسم:الله يبارك فيك
حسن:انت بعدا مفروض تتحرك علينا..لازم تقابل السفير السوداني وتسلم عليهو
عمر:اي جاي عليك
حسن:تمام يلا
قفل..
ورما التلفون..
ساق بتعب لحدي ما وصل شقتو هو وماجد..
دخل ورما مفاتيحو في التربيزة..
طلع هدومو رماهم في السرير..
دخل استحما..
جا مارق وهو بنشف في جسمو..
لبس هدومو..
اتعطر..
شال مفاتيحو وعلبة سجايرو وتلفونو وطلع..
ركب العربية ودقا لي محمد..
جاهو الرد الالكتروني..
جدع التلفون وهو بلوي خشمو..
محمد ليهو قريب شهر مختفي..
لا فيس لا واتس م ظاهر..
حتى المكالمات العادية بدق ليهو وتلفونو م بخش..
