تمارا...
بارت18
والأخيــــر..
السودان..
الخرطوم..
مِطار الخرطوم الدولي..
نزل من اخر عتبة في السلم..
عاين للسما..
طقتو شمس السودان التي لا تغيب..
شال نفس عميق وهو حاسي سخانة السودان كأنها بتحضنو..
ابتسم بالجنبة..
ونزل الفريم في عيونو واتحرك على بهو المطار..
دخل يدينو جوا جيب الجكت..
نزل راسو واستعجل في مشيتو لمن حسا الكاميرات حولينو بتصور فيهو..
دخل الصالة واتحرك طوالي على السير عشان يستلم شنطتو..
جراها سرعة واتحرك على برا..
اول ما طلع من باب الصالة..
شاف محمد واقف..
ابتسم ليهو وماشي عليهو كد..
وقفو قدامو مصورين وبقو يصورو فيهو..
محمد ابتسم..
عمر صرا وشو ورفع ليهم يدو ومشا..
اول ما وصل محمد..
محمد ضحك:مش وريتك اني ح الاقيك يوم وم ح اقدر اسلم عليك بي سبب الكاميرات الحولينك؟؟
عمر بزهج:يخ انا م عارف جوني من وين اصلا
محمد وهو بجر شنطة عمر عشان يختها في الضهرية:اكيدح يكون اتسرب ليهم الخبر
عمر وهو بقلع جكتو:غايتو جنس غايتو
محمد دخل الشنطة وجاهو:طيب اركب اركب
وفتح ليهو الباب..
عمر ركب..
راقب محمد البلف يركب..
اول ما ركب قال ليهو:زاتا الشمس دي متين سخنت كد..الساعة يداب 11
محمد ضحك وهو بدور العربية:الشمس دي بتفقع كد من 7 ونص..انت بس شكلك نسيتها
عمر وهو بعاين بالشباك للشارع:في زول بنسى شمس السودان التي لا تغيب
محمد ابتسم وهو سايق..
عمر بقى يعاين في الشوراع..
طوّل منها شديد يخ..
الشوارع دي في يوم من الايام بيتو وامانو..
شال نفس لمن اتذكر بيتو..
الدار..
تمارا..
الامان الكان بحسو في حضنها..
محمد ضربو في ركبتو:سرحتا وين؟!
عمر:ولا حتة
محمد:هاا..نمشي شقتك طوالي ولا عندك مشوار
عمر عاين ليهو:مشوار وين؟!
محمد:يعني..الدار مثلا
عمر:تؤ تؤ تؤ
واتلفت على الشباك..
محمد اتنهد و ساق..
وداهو شقتو..
نزلو ودخلو..
دخل شنطتو في الغرفة وجا علي محمد في المطبخ:ما شاء الله لقتيها نفس المواصفات طقق
محمد كبا ليهو كباية موية..
مداها ليهو وهو بقول:لازم..عشان م تقوم تتخلقن فينا
عمر ضحك:لا يخ العفو
محمد قعد في الصالة..
وعمر شرب الموية وختا الكباية في مصطبة المطبخ ومشا عليهو..
محمد:اها
عمر:اها؟!
محمد:الاحساس كيف؟؟
عمر شال نفس وختاهو:عادي
محمد ابتسم:ثقيل د
عمر ضحك:جادي معاك..مف احساس كد يقولو عليهو
محمد:طيب..اخليك ترتاح عشان المسا العشا عندي طبعا
عمر:خليها بكرة انا محتاج نومة طويلة
محمد:الليلة بس..اخد نومتك من هسي لحدي صلاة المغرب م كفاية؟؟
عمر حرك راسو نظام لا..
محمد:ي زول مف اي طريقة..الليلة يعني الليلة
عمر:طيب ولا تزعل نفسك ي ابو مجد
محمد ابتسم و وقف علي حيلو:خلاص لحدي بعدالمغرب كد انا بجي اسوقك
عمر وقف معاهو:م بحتاج بتصرف انا
محمد لزاهو:كدي اقعد واستكين انت
عمر قعد:طيب يلا
محمد وهو بطلع:يلا
قفل باب الشقة..
عمر اتنهد..
عاين لي شباك الشقة البعيد منو...
السودان..
حاليا هو في السودان..
مشا على الشباك..
دخل يدينو جوا جيوبو وهو بقول:بلدي يا حبوب
مشا على الغرفة..
قلع فنيلتو..
استحما غير..
جا ربب وقع في السرير..
عاين للسقف..
قلبو دقا..
تمارا قريبة منو..
في نفس البلد..
تحت نفس الشمس..
بلع ريقو..
ح يمشي ليها كيف؟!..
كيف ح يقيف قدامها؟!..
