ياسعود والله مابعد زينها زين 💗

بارت 4

7س الصباح ( س = ساعه )
نور : بنت قومييي
جنى : نعم ؟
نور : اففف ماتبون الخيول ؟
جنى : روحي لحالك
نور : لاتستهبلون !
جنى : شوفي البنات
نور : يقولون لا بنت نمتي ! افففف
مشت نور الي أساسا مانامت من الحماس
لمياء : كم الساعه ؟
نور : أخيرا 7 الصباح
لمياء : طيب انتظريني
توجهت نور للمرايه وبدت تحط ميكب خفيف مسكرا ٫ بلشر ٫ مرطب
لمياء : يلا
نور : يلا
لمياء : بيان وين ؟
نور : في سابع نومه
لمياء : مكثره شاهي شكلك
توجهو للخيل والكل كان نايم ماعدا الجنيتين ( طقطقه 😭)
نور : أنا بركب ذا
لمياء : طيب وأنا بركب هذا
نور : يلا
ركبو الثنتين الخيل بمساعدة الحجر
نور : بنت اخاف احد يصحى يمه ماجبت حتى طرحه ( شلحه )
لمياء : ماعليك
بدو يمشون لمياء ونور ووقفت لمياء تصور
نور : بنت
لمياء : امشي امشي
مشت نور
فهد : ليما ؟
تصنمت لمياء وهي في داخلها يارب مو هو
فهد : بنت شفيك ؟
لمياء وهي صاده : أنا مو ليما
ابتسم فهد وهو داري اصلا إنها مو ليما : اوه معليش
ومشى وهو قلبه مو معه
لمياء ضربت برجلينها على الحصان وبدأ يركض على الخفيف
نور : بسم الله
لمياء : تخيلي من شفت
نور ابتسمت :لا يكون الي في بالي !
لمياء هزت رأسها
نور : فهد !
لمياء : اييي وقالت لها السالفه
نور : هو صح تشبهين ليما في الجسم بس الشعر يختلف !
لمياء : اي استغربت هي أسود وأنا بني !
نور : واضح إنها مقصوده !
لمياء : يمهه وربي فجعني الحمدلله هو ولا غيره
نور : اففف متأكده انه مشى بعد مادرا إنك حبيبته ولا قعد يسولف
لمياء : ياوصخهه لا
نور : 😉
لمياء : والله لا
نور : طيب نسوي سباق ؟
لمياء : يلااا
نور : غشش متقدمه !
لمياء : طيب يلا
1
2
3
انطلقوا بسرعه
لمياء : غشاشه !
نور : جذابههه
سرعت لمياء : فزتتتت
نور : اففف جوع
لمياء : بانكيك ؟
نور : تم
لمياء : سمعت امي تقول إنهم جابو خليط البانكيك
نور : حلو
نزلو من الخيل وجت نور تنزل فجأه
نور : اهههههه
لمياء : نورررر
نور : اييي رجلي توجعني
لمياء : اح شكله كسر
نور : دقي على اخوي وبدت تبكي
لمياء : ماعندي رقمه !
نور : تكفين نادي اي احد !
لمياء : اصبري
دقت على ثنيان مارد دقت على سعود مارد !
لمياء : اسمعي بحاول اشيلك !
نور : نادي نوره تعرف تشيلني اخاف تطيحيني
لمياء : ماعليك ب
شوفي اخوي دق اصبري
سعود : هاه ؟
لمياء : مو وقت نومك وين غيث !
سعود تعدل : مين غيث ؟
لمياء : نادي أخو نور بسسرعه حنا في الإسطبل
سعود : ليه و
سكرت الخط لمياء
لمياء : الحين جاي اصبري
نور : وين رايحه ؟
لمياء : بندس ( بتخبى ) اخوك جاي !
نور : افففف غبيه ليتني مشيت الحين يهزئني وبكت زياده
جا سعود وغيث من بعيد
سعود : وبس هذا الي قالته
غيث : شكله مقلب ول
ناظر سعود وغيث نور الي جالسه وطالع بصدمه
غيث : صد صد
سعود صد
ركض غيث
غيث : بنت شفيك ؟
نور : مدري كٌسر او التواء
شالها غيث وركض
سعود كان صاد
لمياء : يمهه والله يخوف شكله كٌسر
سعود : بسم الله من وين طالعه ؟
لمياء : الحين شفيك انت وياه تمشون على بيض
سعود : شدراني إن نور فيها شي وانت سكرتي الخط
لمياء : شدراك إنها نور ؟
سعود : هاه ؟ سمعت اخوها
لمياء : افففف
سعود : كيف طاحت تألمت ؟
لمياء : وش رايك ؟ تتوقع بتقعد تضحك ؟
سعود : لا يعني بكت ؟
لمياء : أكيد البنت رجلها مكسوره !
سعود : يعورها مره ؟
لمياء : اي
لمياء لفت وجهها بشك : الحين انت شكو ؟ تسأل عنها
سعود : لا بس يعني بنت عمي ومثل اختي ثانيا صحيتيني من النوم وخوفتيني احسب فيك شي
لمياء : وخر افففف
مكان آخر
نور : توجعني مره
غيث : لاحول ولا قوه الا ب الله اقرب مستشفى تبعد 2س
لف غيث : كيف طحتي انتي ؟
نور : ماطحت كنت نازله والمسافه بعيده وقفزت برجلي على جهه اليمين
غيث : ليه تركبين الخيل اساسا ؟
نور : يعني انت تركب وأنا لا ؟
غيث : لا بس انتبهي والله اخاف عليكم
نور بكت
غيث : شفيك ؟
نور : قبل امس مدري قبله كنا بنروح صالون بس ماحد ودانا
طالعها غيث : نور انتي الحين رجلس تعورس شدخل الصالون !
نور : ابغا اسوي أظافر وتنظيف بشره ! كنت ابغا اسوي بدكير والحين بيجبر رجلي!
غيث : عادي سوي برجلك الثانيه
نور مسحت دموعها : صح فكره بس توديني ؟
غيث : خلاص طيب
مكان آخر
رجعت لمياء خايفه وقامطه العافيه خايفه يكون سار شي لنور بس رجعت ونامت
10 س
لطيفه : مالقيتها !
ليالي : اذكري الله دوري بعدين تطلع في السطح
نوره : دورنا السطح !
لطيفه : ياربي طب بدق على مسعود على الأقل يكون عنده خبر
حلا : وش مقومهم من صباح ؟
امل : نور اختفت
اجوان تتمغط : دراما وي
امل : افطرو لاتهتمون
الجده : دورو زين !
ليما :جوالها موجود
بكت بيان وخذوها البنات الغرفه
نوره:  بنلاقيها يعني وين اختفت أكيد قريبه !
بيان : اخوي مايرد بعد
جنى : خلاص لاتبكين والله صدقي دقيقه ! بنات أتذكر قالت لي بنروح للإسطبل
ليما : صح صحتنا الصباح
لمياء : طفو المبههه !
جنى ركضت لها
جنى :لمياء لمياء لمياء لمياء
لمياء : نعم
جنى : تعرفين وين نور ؟
لمياء : لا
بيان بكت
لمياء : دقيقة مين ؟ شسالفه
نوره :شفتي نور ؟
لمياء :اي رجعت هي بخير الحين ؟
ليما :وش رجعت ؟
لمياء : تخيلو كنا مع الخيول فجأه طاحت نور ولتوت رجلها ووداها غيث مستشفى
بيان : ليه ماقلتي من زمان !
لمياء : اسفه ماادري كنت نايمه أحسبها بترجع بدري
ركضو البنات للأمهات
بيان : يمه عرفنا وين مكان نور
لطيفه : دريت دريت لاحول ولا قوه الا ب الله إن شاء الله خفيفه
بيان : كيف ؟
لطيفه : كلمت مسعود وقالي إنه يعرف قالهم سعود
مكان آخر
نور : بالله شرايك بالأظافير تحس ناااار
غيث : تراك اخرتيناا
نور : بس بالله مايستاهل
غيث بتسليك :اففف انتي كل شي يليق فيس
نور : الله يسعدك
بعد مده وصلو واتجهو الكل يطلعون كانت نور ماسكه عكازه بحكم إنه لواء وماتقدر تسند نفسها وكان ماسكها غيث
غيث : يلا ادخلي
نور : طيب
دخلت نور وسمعت أصوات وعرفت إنهم في المجلس وكانت شايله كيس من البقاله اشتراه لها غيث
نور : سبرايززز
الكل التفت لها مشت بسرعه لطيفه وحضنت نور بقوه ووخرت وقالت
لطيفه : فيك شي رجلس تعورس ؟
نور :شوي بس الحمدلله
لطيفه : كم مره اقولس لاتقفزين رجلس بتعورس وكم مره اقولس جوالس لازم يكون معس !
نور : يمه مو الحين
نجود : الحمدلله على السلامه
نور : الله يسلمك
ليالي :ماتشوفين شر
نور : الشر مايجيك
وبدو يتحمدون لها بسلامه
نور جلست
لطيفه : ليه تأخرتي ؟
نور : رحت اسوي أظافيري واشترالي غيث من البقاله
لطيفه : وهذا الي فالحه فيه
نور : بالله شوفي مو حلو وبعد سويت بدكير لرجلي الثانيه
ساره : ههههههه والله مانتي هينه حتى وانتي مكسوره
نور : يعني خاله أنا نفسي من زمان انا والبنات
لمياء : صح قلنا العيال من قبل بس قالو لا
بيان : ليه ماخذيتيني معك ؟
نور : صحيتك قبل بس ماصحيتي
لطيفه : اشوا ماصحيتي كان التوت رجلك انتي الثانيه تبين شي نور ؟ جوعانه
نور : لا بس بروح انام مواصله
ليما : الله اللون خيال
نوره : بنات بروح اكسر رجلي واخليهم يودوني الصالون على الطريق
جنى : بعيد الشر
قامو وراحت نور تنام
مكان آخر
دخل غيث
غيث : السلام عليكم
الكل : وعليكم السلام
مسعود فز والجد والعمام كلهم التفتو عليه نسينا شخص ؟ سعود بعد
مسعود : كيفها اختك ؟
غيث : ابشرك الحمدلله التواء بسيط يعني اسبوع كذا وتفكه إن شاء الله خفيف حتى الدكتور تردد يحطها او لا
مسعود : الحمد لله
الجد : والله خفنا يكون كسر
غيث : لا الحمدلله بخير
عبد العزيز : وراك طولت ؟
غيث : والله أبد واحنا رايحين المستشفى بكت تبغا تروح الصالون ووعدتها وإحنا راجعين وديتها
مسعود : الله يهديك قلت لك من ذاك اليوم ودها
سعود ابتسم وتذكر شكلها
خالد : كيفها الحين ؟
طالعو فيه بإستنكار وبذات سعود وغيث
خالد : ك كيفها ؟
غيث : الحمدلله
سعود عقد حجابه : الزق ذا شيبي ؟
ثنيان : هدي يبوي ماعليك منه
سار صمت
علي : اي مافي فعاليات ؟
عبد الرحمن: خلها على ربك
الجد : وش قصدكم ؟
محمد : الأجواء جميله
فهد : سعود
سعود : نعم
فهد : متى ترد لولو ؟
سعود لف عليه بسرعه
فهد فز وقام من مكانه وركض
عبد العزيز: شفيه الولد ؟
سعود : مدري أتوقع تذكر شي وقام وراه
سعود : اياوصخ وينك
وبدأ يدور
فهد كان متخبي ورا شجره
طلع له ثنيان : سعود وراك انت وياه
سعود : إذا لقيت فهد علمني بس علمني
ناظر سعود وشاف فهد وسار يركض وراه
فهد :والله امزح
سعود : تعال بس تعااااااال
فهد تخبى ورا ثنيان : نخيتك ياولد علي
ثنيان : ابك والله ماتقربه
سعود وهو يركض من بعيد : وخرر
ثنيان وهو يبعد فهد : لاتكفى هذا مايقدر عليه غير رب العالمين
فهد وهو متمسك فيه : تكفى
سعود : ثنيان وخر لأتوطى في بطنك انت الثاني
ثنيان : طب صلي على النبي ( صلو على النبي ) قولي وش سالفته ؟
سعود : قال للمياء لولو !
ثنيان : طيب ؟
سعود :وش الي طيب ماهي بزوجته ولا سار شي رسمي ولا هي وافقت لسه
ثنيان : صح معك حق
سعود : وخر لأسطرك
فهد : ثنيااان
مسكه سعود وشاله فهد : خلاص تكفى آسفين
سعود : لا مافي آسفين يابابا مافي
وسوا حركه جوونسيناااا
فهد : اخخخخ ظهري
سعود : احسن
فهد : اسمع طب صدق متى ترد ؟
سعود : مافي زواج روح رضاعتك هناك
فهد : ههههههه كلها أشهر وانام مع اختك في نفس السرير
سعود لف : وشووووو
فهد :لا اقصد يعني ب الحلال هدي أصبر افهمك الموضوع
انحاش فهد وسعود يجري وراه ودمه يغليي
دخل فهد وجلس جنب سلطان وغيث طالعه سعود من بعيد وقعد يتوعد فيه
البنات
بيان : احس ماني مستوعبه إن ماراح اصحى الصباح على قهوه لمياء !
نوره : هو يحزن بس الغرفه بتسير لي هههههههه
بيان : إذا على كذا يارب تلحقها نور
طالعت جنى ليما تستناها تتكلم
ليما :شفيك تطالعين ماقلت شي
جنى : لا بس اشوف يعني
ليما : تدورين مشاكل والله انش تدورين مشاكل !
جنى : وش سويت !
ليما : لاتطالعين
جنى : كيفي
لمياء : هدو هدو شوي
ليما : كل زق
جنى : مااكلك
ليما وهي تقلدها : مااكلك
ساره : لمياء تعالي
لمياء : جايه
ساره : ابوك يقول موافقه ؟
لمياء : اي
ساره : ههههههه اسمعي إذا سألك ابوك قولي الشور شورك كذا مو اي
لمياء : طيب هههه
جا سعود : موافقه اي او لا ؟ انا اشوف إن لازم تستخيرين مره ثانيه
لمياء : لا
سعود : ازاي يعني حضرتك دي النتيجه النهائيه
لمياء :اي وحشه يعني ولا ايه
سعود : وحشه ايه احا يا فندم
لمياء : هههههه
سعود : شكلك صليتي بدون وضوء
لمياء : لا امزح موافقه
سعود : لا خلاص كنسلي
لمياء : توك تطقطق ؟ههههههه
سعود : اخخخخ ملح البيت بيروح
لمياء : أنا ملح ؟
سعود :لايكون تحسبين نفسك سكر ؟
لمياء : مالت
سعود : يلا مع السلامه
راح سعود وقال لأبوه علي أعطى إشاره لأبو فهد وفهمها فهد
فهد : بدام البنت وافقت الخطبه تكون اليوم ؟
محمد بينه وبين نفسه ( جعله التوفيق من محطك ب العقال )
علي وهو مبتسم : ماعندي مشكله
سعود كان يناظر فهد ويتوعد فيه
فهد بحماس : ندق عليه يجي بعد شوي ؟
علي انهار ضحك
محمد : اشياء كبار أحنا نتشاور ونشوف
عبدالرحمن: طايح على وجهه بزياده
عبد العزيز : خلك معها طيب وحنون لو زعلتها بقلب عليك إلا لولو !
فهد : ماعليك في الحفظ والصون
البنات
نور صحت على العشا بعد ماغصبتها امها
غسلت وجهها وراحت عند البنات وجلست
لمياء ببتسامه : باركيلي
نور : ألف مبروك وين الي بترد بكره
لمياء رفعت اكتافها : هو مستعجل
نور : الله يوفقكم
اجوان كانت في عالم موازي تعرفت على واحد جديد ترسل له صورها مقابل الفلوس + صورها مو حقيقه بس مع ذالك رخيصه
جنى : بنات
البنات : هلا
جنى : كلمني القائد وقال لازم ارجع بعد يومين
نوره : عمي محمد بيكون معك ؟
جنى : اي هو الي قال لي والقائد بعد
نور : عقبال اتوظف يارب
ليما : افففف من دون ما ادعي
جنى بتروح و بتخلي لي الغرفه
جنى : حيوانه
نور فتحت الجوال وشافت رساله : اهههههههه وحطت يدها على فمها
الكل التفت
خافت بيان وقرت الرساله والتفتت عليها تحضنها ونور بدأت تبكي
جنى : وش فيه
ليما : شوفي
كانت رساله قبول من إحدى المستشفيات
نوره :احسب احد مات ألف مبروك
لطيفه : ماشاء الله على البركه
لمياء : أن شاء الله من أعلى لأعلى
وبدو يباركون بعدها قامت نور وهي تعرج ودقت على غيث الي طلع من الخيمه
نور : الو
غيث : هلا
نور : ياخي شعور حلو مرههه ياخي تصدق احبكككك
غيث : اففف وش ه المشاعر
نور : تخيل انقبلت ب المستشفى الي كنت اقول مستحيل يقبلوني !
غيث : مستشفى **********
نور : اييي تخيل
غيث : ألف ألف ألف مبروك ياروح اخوك تستاهلين
نور : عطني ابوي
غيث : دقيقة
دخل الخيمه ومد الجوال لأبوه
مسعود : هلا وغلا بزين
نور : هلابك يبه
مسعود : كيف حالك عاد كنا بنجيك أنا وعمانك وجدك قالو نايمه
نور : اي يبه تعال في خير حلووو
مسعود : اجل دقيقة نطلع العيال من الخيمه
نور : لا خلاص بعدين
مسعود : لا خليهم اصرفهم أنا
نور : تمام
سكر الخط وطالع مسعود العيال
مسعود : وش رايكم تروحون الإسطبل ؟
عمر : افأ ياعم تصرفنا ؟
مسعود : بدامك فهمتها يلا اطلع
سعود : خلاص يلا خلنا نطلع
ثنيان بهمس: اي خلك مؤدب هاذ
سعود : اسكت لاتفضحنا
طلع كمان علي لأنه مايحل لها يعني مايسير يشوفها
طلعو العيال إلا غيث
عبدالرحمن: وش على راسك ريشه ؟
غيث : لا بس اختي عادي
عبدالرحمن: اقول قم لأسطرك
غيث : ابشر
ارسل مسعود لنور إنها تجي وجت نور
نور : السلام عليكم وراحت تسلم على جدها وعمانها
مسكها عبدالرحمن : استريحي
نور : شكرا
الجد : كيفك إن شاء الله احسن ؟
نور : لا بخير بس عندي خبر حلو وخبر لا اي واحد ابدأ ؟
عبد العزيز: حلو تعجبني صراحتك
محمد : عطينا السيئ
نور : لا توني استوعب السيئ مرتبط ب الإيجابي خلاص بقولهم إثنينهم
عبدالرحمن: مرتبط ولا سنقل ؟ ههههههه
نور : هههههه لاتعيدها
عبدالرحمن: يلا
نور : مستشفى****** قبلت وراح اداوم بعد اربعه ايام والخبر السيء ان رجلي التوت ويبغى لي اسبوع لازمم
الجد : عليك بحليب النياق
نور : والله لو يعطي فايده تممم
عبدالرحمن: مسكينه رجلك التوت هههههههه
نور : يارب أنا وش سويت بحياتي عشان يكون عمي عبدالرحمن؟
عبدالرحمن: ب العكس افتخري
مسعود : ماعليه يابنتي اجر اجر
الجد : شوفي أنا ابوه ومشيب راسي
عبدالرحمن : افأ !
نور : ماشاء الله مبروك عمي محمد
محمد : الله يبارك فيك وعقبالك
نور : لا ماافكر في الزواج
عبدالرحمن: عندي إحساس زواجك قريب
نور :وأنا عندي إحساس احاسيسك كلها غلط
عبدالرحمن: نشوف
نور : نشوف
نور : يلا اخليكم مع السلامه
الجد : مع السلامه
مشت نور ودخلت مالقت احد وكان الوضع حاله إستنفار عجيبهه
نور : شسالفه ؟
نجود : بسرعه تجهزي في ********

اتمنى عجبكم البارت واسفه على التأخير وتصبحون على خير 💗💗💗