ناظرها ثنيان بصدمه من كلامها حس وكأنها صفقته كف ومشت
جلس يحاول يستوعب ويتذكر كلامها قام واتجه لسيارته ركبها ومشى وهو ضايق صدره وفي راسه اسئله
كيف قدر يكسر قلبها ؟
ومين الي ارسل لها الورد ؟
وليه سألته ؟
ليه ماسألت اخوانها ؟
وآخر سؤال
ليه عصبت ؟ مع إني متزوجها مجبور ليه كبرت الموضوع ونهايتنا بعد شهور الطلاق ؟
كان يمشي وهو مايعرف الوجهه
البنات
لمياء : خلاص لايضيق صدرس ماعليس منه
ليما : أساسا أنا ماابكي عشانه أنا ابكي بسبب كل شي سار لو بكيت من اليوم لين بكره راح اضل احس بضيقه بصدري
جنى : خلاص تكفين كلنا معس
عطتها جنى مناديل ومسحت دموعها ليما
ساره : مانمتوا ! يلا كل وحده على فراشها وتعالي لمياء
قاموا البنات ينامون ولمياء مشت ورا امها
ساره : اخوك يسأل وش صار بينس وبينه خلاه يركب السياره ويحرك
لمياء : مااعرف أساسا دورته كنت ابغا اكلمه وسألت سعود قال ماادري
ساره : خلاص طيب ارجعي نامي
مشت لمياء وانسدحت وكانت بتنام بس دق جوالها ناظرت سعود وردت
لمياء : نعم
سعود : وين ثنيان ؟
لمياء : ماادري أنا سألتك
سعود : متأكده ؟
لمياء : اي ثانيا شدخلني فيه خله يروح اي مكان خلفته ونسيته ؟ سعود : طيب شفيك انفعلتي ؟ أكيد تضاربتو
لمياء : لا ثانيا طز فيه
سعود : تعرفين وينه قوليي
لمياء سكرت الخط بوجهه وإنسدحت تنام
جلس سعود يدق ويدق بس ماترد دق على ثنيان وأخيرا رد
ثنيان : نعم ؟
سعود : وينك ماترد
ثنيان : برسل لك اللوكيشن وإنت تعال
سعود : مااقدر جدي بيصحى
ثنيان : بتجي ولا ؟
سعود : خلاص بجي بجي انت ارسل
قفل الخط وأرسل لسعود الوكيشن
مشى سعود ودخل غرفته وأخذ بطانيه لفها وصارت طويله غطاها ببطانيه ثانيه عساس إنه نايم ومشى بحذر وسكر ابواب الغرف بحيث الصوت يطلع أخف
ومشى فتح الكراج ( ابحثوا في قوقل إذا ماعرفتوا ) ركب سيارته ومشى وقف السياره بعد ماطلع من البيت ونزل دخل البيت قفل الكراج ونزل من الباب دخل سيارته وحرك وهو متوتر إنه ينقفط وقف في مكان منعزل وناظر ثنيان الي منسدح فوق السياره
سعود : الحين جايبني من هناك عشان تتأمل النجوم !
ناظره ثنيان : انت طالع حمار على مين ؟ تعال انسدح وأنا اعلمك
مشى سعود وجلس جنب ثنيان : يلا
تكلم ثنيان وقاله كل شي صار معه حتى يوم جت لمياء وسفلت فيه
وسعود كان يسمع له بصمت
سعود : عيد الكلمه الي قلتها لي اول ماوصلت
ثنيان : اي وحده ؟
سعود : حق الحمار
ثنيان : قلت انت طالع حمار على مين ؟
سعود : هذا السؤال الي المفروض اسألك انت مو انا تسألني
ثنيان : ياخي ادري ومقهور من نفسي لاتزيد الهم
سعود : خلينا من موضوعك الورود شوضعها ؟
ثنيان : شوضعها ؟
سعود : ياذكي اسألك إنت
ثنيان : والله مدري بس تتوقع مين ؟
سعود : ماادري عندي شك بواحد بس مستحيل
ثنيان : قصدك خالد ؟
سعود : اي يتلزق دائما بنور الله ياخذه
ثنيان : بس ماعمري شفته يتلزق باليما
سعود : اي ولا حتى بيان في إنّ بالموضوع
ثنيان : احس زدت الطين بله المفروض اكون لها سند بس سار العكس
سعود : مدري إنت شوف وش تحب هي وجيب لها هديه
ثنيان : الكندر
سعود : وش دراك ؟ إسأل لمياء افضل
ثنيان : لا لمياء زعلانه علي
سعود : من حقها
ثنيان : والله إن ماواسيتني بفلقك بأي حجر
سعود : اواسي وإنت جايب العيد ؟ خلاص يالله زي ماقلت لك جيب لها هديه أشياء تحبها واكتب لها كلام حلو
ثنيان : مااعرف اكتب إنت اكتب
سعود : أنا الي خاطبها ولا إنت ؟
ثنيان : لا انا بس مااعرف
سعود : مدري شوف مثلا اغنيه ابو نوره اكتب بيتين كذا
ثنيان : بيتين ولا سياره ؟ هههههه
سعود : أنا راجع البيت الحمدلله وشكر
ثنيان : دقيقة أنا راجع معك
سعود : اركب السياره وإنت ساكت
ركب سعود سيارته ومشى وراه ثنيان يرجعون البيت بس وهم راجعين وقف ثنيان عند البقاله ونزل اول شي سأل راعي البقاله
ثنيان : في كندر ؟
الكاشير : اي
ثنيان : عطني 3 كراتين
الكاشير : الي موجوده حاليا 6انواع
ثنيان : عطني من كل نوع كرتون
الكاشير : حركات ترند الكندر لمين وغمز لثنيان
ثنيان : شدخلك جيب وإنت ساكت
الكاشير : طيب
مشى ثنيان وشاف حلاو غزل بنات او شعر البنات او خدود البنات😭
اخذ منها اربع حبات : بس عشان اسنانها ماتعورها
الكاشير : الله رومنسي
لف عليه ثنيان : شدخلك ؟ ناقصك حنان انت
مشى يدور وشاف الديو ( الي يجي داخل كرتون زي كذا عرفتوا ؟)
واخذه وآخذ بعض الحلويات
الكاشير : بس ؟
ثنيان : اي
الكاشير : صحتين وهنا
ناظره ثنيان كأنه ناقد عليه وشال الأغراض ومشى
شغل السياره ورجع البيت
نرجع لسعود
دخل البيت وهو متوتر وعارف لو شافه واحد من اعمامه بينجلد اخذ كل الي اشتراه وخباها ورا البيت فتح جواله عشان يطلب ورد
سعود : وش تسوي
ثنيان : الله ياخذ العدو ياشيخ في شي اسمه احم احم طلع صوت
سعود : ياليل لاتبكي الحين اف اف اف هذا وش
ثنيان : مالك دخل
سعود : حلو جاتك الحاله الحين تقعد تنفس ماعليه انا اعرف لمين
ثنيان : لمين ؟
سعود : لليما ياذكي أنا الي مقترح عليك الفكره وتسأل ؟
ثنيان : طيب يلا انقلع
سعود آخذ وحده من الحلويات : شوف الورد الأحمر احلا
ثنيان : ياحيوان رجعها
سعود فتحها : بتعطيها مفتوحه ؟
ثنيان : وصخ أنا اوريك
سمعوا صوت الباب ينفتح وصوت العصا وخبى ثنيان الأغراض بسرعه ونحاش هو وسعود من الجهه الثانيه
سعود : ياابن الحلال الثوب لاينقطع
ثنيان : من زين الثوب عاد
سعود : لاياشيخ طب فكه
ثنيان : عطيني الحلاو خير تاكلها قدامي بعد
سعود : اقول اسكت لاننقفط
ثنيان : شكله جدي
عبدالرحمن : لا عمك ياغبي انت وياه
التفتوا سعود وثنيان وناظروه
سعود : اشوا حسبتك جدي وربي
ثنيان : خوفتنا على الفاضي
عبدالرحمن : صج والله ؟
ثنيان : اي خفنا والله
عبدالرحمن رفع العصا : اقول قسم بالله إن مارحت إنت وياه إني اخلي علامات في ظهركم
ركضوا سعود وثنيان ودخلوا جوه ينامون ناظرهم عبدالرحمن
وناظر الظل الي جاي من بعيد وإبتسم
ليالي : كأني سمعت أصوات لايكو
قاطعها عبدالرحمن: لا مافي شي بس جمالس غطى على القمر
ابتسمت ليالي
عبدالرحمن : ترا ماتخطيت رقصك ولا جمالك هذاك اليوم
ليالي : أنا اوريها بنتك
عبدالرحمن : لا عادي أنا راضي
ليالي : طبعا راضي
فرشت ليالي الفرشه الي كانت قريبه منهم وجلسوا
ليالي : أصبر بروح اجيب القهوه
عبدالرحمن : طيب
راحت ليالي المطبخ وهي تحس بفراشات وناظرت القهوه وقامت ترقص وتغني على اغنيه انغام
أنت تقرأ
ياسعود والله مابعد زينها زين 💗
General Fictionتتكلم القصه عن إجازه 4 شهور حيث يجتمعون في بيت جدهم وتبدأ هنا الأحداث بزواج ليما من ثنيان إجباري وتتحول علاقتهم من الكره إلا محبه وقصه حب فهد للمياء إلي مستحيل إنهم يخبونها عن الجميع وغيرها وراح نشوف الأبطال والبطلات في مشاكل ومشاجرات لاتنتهي 💗
