ياسعود والله مابعد زينها زين 💗

بارت 23

الغرفه
بيان : ثبتوا الكاميرا زين
جنى : حبيبتي متى إشتريتيها ؟ كأنها حقت المسلسلات
نوره : ولا بعد ستاند
بيان : خلاص ترا فيديو
لمياء : يلا بقولكم فكرة المقطع كل فريق يسوي بيتزا ونشوف الذ واحده
ليما : لعبتيي ( يعني خلاص متقنه هذا الشي )
نور : وبعدما نخلص نسوي شاهي
لمياء : أي وفي اونو وجاكورا وألعاب بس نخلص !
نوره : طيب مافي جائزه ؟
بيان : إلا خاله ساره قالت ألذ بيتزا راح تكون لها جائزه
جنى : خلاص تم بس مين معي ؟
لمياء : هاذي اوراق كل وحده تسحب ورقه وإلي تطلع إسمها إنتي معها
ليما : طيب أنا ممكن يطلع إسم نوره معي ويطلع إسمي عند بيان وش أسوي ؟
نور : صحح
لمياء : اففف كيف نسيت عيدو عيدو
بيان : لا شوفو كل فريق يختارون بعض يلا
بعد نقاش وإختيارات وأسامي للفرق :
فريق الزيتونه
نوره & ليما &بيان
فريق النعناع
جنى &نور & لمياء
لطيفة : جهزتوا ؟
لمياء : إي خاله كل شي تحت السيطرة
نجود : طبعا انا ولطيفه راح نشرف عليكم
بيان : ماما في كاميرا
لطيفة : ليه بترسليها لأحد ؟
بيان : لا ذكريات بس إنتي ماتحبين تظهرين في الكاميرا
لطيفة : لا عادي
نجود : يلا يلا يلا الهمه أبغا أذوق ألذ بيتزا
ليما : ماعليك يمه بنفوووز
لمياء : نشوف !
نجود : السلام عليكم ورحمه وبركاته معكم في قناة طبخ
لطيفة : طبعا هنا الطباخه نوره
نوره : طبعا بإذن الله بنفوز عليهم ومثل ماانتو شايفين يعني
المقادير على الطاولة وإن شاء الله نفوز
نجود : طيب المجموعة الثانيه وين القائده ؟
لمياء : اهلاً وسهلاً معكم لمياء علي قائده المجموعة
لطيفة : طبعا المتسابقات جاهزات نبدأ العداد ؟
نجود : ونقول بسم الله ونبدأ شغلي المؤقت
شغلت المؤقت وبدؤا البنات يشتغلون بسرعه
لطيفة : تنافس عالي من سيربح
نجود : تصدقين ننفع نكون مقدمات قناه
لطيفة : صح مع المريله والقبعه والقفازات كأننا طباخات بعد
نجود : لو طبخنا طبخنا بيطلع أحلا من طبخهم
لطيفة : أكيد المهم تشجعين أي فريق ؟
نجود : والله ماادري يعني إنتو ماجمعتوا الأخوات
لطيفة : سبحان الله توني ألاحظ
نجود : نروح لفريق الزيتونه ونشوف
ليما : دقيقه حطي شوي ملح
نوره : بنات وين الجبن
بيان : شوفي هذا هو قدامك
ليما : حطي ملح زياده
بيان : توك تقولين لاتكثري !
نجود : يبدوا أن الأوضاع متشابكه
لطيفة : نعم يبدوا أن الأمور خارج السيطره
نجود : قبل شوي كانت تقول ان الامور داخل السيطره الحين خرجت ههههههههه ...... ناظرت لطيفه إلي ناقده عليها
نجود : إضحكي !
لطيفة : مايضحك
نجود : ننتقل لفريق النعناع
ناظروا البنات إلي إنكب عليهم ربع الدقيق وجنى صامله تعجن ولمياء تصب مويا دافئه
نور : أهم شي الشكل والنظافه
جنى : ماعليكم بيطلع لذيذ بس إنتو ريحو هناك
لطيفة : أي نظافه ؟ الدقيقه نصه طايح
لمياء : ميريييي
نجود : لا لا مافي مساعده من عامله النظافه إنتو تنظفون !
لمياء : لا خاله غشش
جنى : صح مايصير
لطيفة : إعجنوها زين بعدين يصير خير
نجود : تعالي تعالي
جلسوا على كراسي وطاوله المطبخ وأخذوا عصير من الثلاجه
لطيفة : سؤال
نجود : دقيقة شلون نعدل المايك ؟
لطيفة : إنتي مطفيته
نجود : اف بالغلط المهم إسألي
لطيفة : كيف يمكن أن يصبح الإنسان مليونيرا ؟
نجود : كيف ؟ بالعمل بتجارتو !
لطيفة : اوكي
نجود : كيف كيف يصبح مليونير بتجارتو بكرده يكرف الليل و النهار
ويشتغل مش ينسدح الواحد إذا إنسدح لن تجيه القروش !
جلسوا البنات على نفس الطاوله
لطيفة : خلصتوا ؟
بيان : إي
لمياء : أنا حسبت 15 دقيقه لين يصير مثل الإسفنج بعدها نرجع
نجود : طيب ماشعوركم وإنتو في البدايات ؟
جنى : البدايات ولا النهايات ؟ هههههههه
لطيفة : سبحان الله عرفت سر خفه الدم
نجود : و ش تقصدين ؟
لطيفة : الإيجابيات حلوه
نجود : أكيد
إلتفتوا لصوت صراخ من الحوش الخلفي وركضوا لطيفه ونجود
نوره : حتى انا عرفت سر لقافتنا طلعت وراثه
ليما : هاذي مو لقافه اركضوا خلونا نلحق
بيان : هههه الله مضاربات من زمان
لمياء : افففف يحمسس
نور : بنات ندق على شهد ومشاعل ؟
نوره : لا لا بس صوري وإرسلي
تجمعوا الكل في الحوش وكانوا موجودين الكل ماعدا العيال وكان في النص حلا طايحه على الأرض تصارخ وجنبها سلطان مفجوع
الجد : وش فيك يامره تصارخين ! وين عبايتك
حلا : عمي تكفى عمي حفيدك يتحرش فيني !
إنصدموا الكل وناظروا سلطان إلي كان صاد مايطالع فيها
سلطان : هييي صلي على النبي ( اللهم صل وسلم على نبينا محمد ❤️ صلوا على النبي ملحقين ! ) توك تصارخين سلطان سلطان جيتك قمتي تصارخين !
إجوان : أنا شفتك بعيوني تغازلها !
الجده : مافي سيناريو جديد ؟
نجود : والله إن ولدي أشرف منك ياقذره ! روحي إلعبي غيرها
حلا : مو مصدقين ؟
الجد : حفيدي وأعرفه مايلتفت للرخيصات ثانيا إحترمناك إنتي والحيه إلي فوق وقلنا بتجلسون عندنا إسبوع لين يوم المحكمه حركاتك الوصخه ذي وقفيها ولا والله نرميكم عند الباب
حلا : طيب شوف هاذي مكالمه منه مو هذا رقمه !
ناظر الجد وناظر سلطان
نجود : ولدي ماسوا شي !
سلطان : ياخي وش أبي بعجوز ثانيا الحين أقول لأمي ماابغا أتزوج تقولين تحرشت فيك ! ياخي ماني ناقص مشاكل يرحم لي أمك
جنى : صورتي ؟
نور : إي لا ماعليك
حلا : إنت ياعمو شفت
الجد : طيب وش يأكد لي إن هذا رقم سلطان أنا ماني حافظ رقم مهاوي تبيني أحفظ رقم سلطان !
ليما : أنا بشوف معي رقمه في الجوال
ثنيان : ليما والله ليما
سعود : ياشيخ إسكت خلنا نسمع وش بيصير
ثنيان : يالبيه
سعود : هههه عيد ؟ وش قلت ؟
ثنيان وهو ماسك الديو : يالبيه على ذا !
سعود : واضح واضح
ثنيان : والله
فهد : كل تبن وإنت ساكت إسكتوو
ليما : هذا رقم سلطان
سلطان : والله العلي العظيم اني ما اعرف رقمها ولا دقيت عليها
أجوان : طيب فتشوا جواله !
جنى : إسمعي صوريني وأنا داخله
نور : ماعليك يلا
جنى : عطيني سلطان جوالك أشوف
سلطان : خذي
عطاها جنى الجوال وليما أخذت جوال حلا عساس تتأكد من الرقم
جنى : إي والله رقم الحيه
ليما كانت تفتش جوال حلا لاكن حلا كانت سابقتها بخطوه هي وإجوان ومبلكه كل العيال لاكن ليما كانت تعرف ودخلت تشوف إلي مبلكتهم ( لاتقولون ماتعرفون الحركه ! ) وشافت حسابات عيال
ليما : جدييي
الجد : وشووو
ليما : شوف كل الحسابات هاذي عيال كانت تكلمهم !
حلا : إيش ! إيش بتقولي سيبي جوالي هاتيه !
جنى : على وين إرجعي ورا
حلا : مين سمح لك تفتشيه !
سلطان : ياخي إخلصوا ابغا الحمام الله يكرمكم رقبتي إنكسرت
جنى : ياخي إسكت حبيبتي إنتي اعطيتي لي من الجوال تفتشه مالك دخل الحين !
نجود : صوري ليمااا
رفعت ليما جوالها وصورت فيديو جوال حلا وحسابات العيال وصورت رقم حلا للإحتياط إذا نكرت أو شي
بيان : بنات في رقم غريب يدق علي
لمياء : لا تردين
عطته بيان مشغول وناظروا اجوان
أجوان : والله لاتندمون والله !
سلطان : ياجماعه قدني ببول في سروالي
الجد : كل تبن وإستح على وجهك
سلطان : طيب عجلوااا
كانوا العيال في الحوش الأمامي وكان يفصلهم البيت عرفتوا ؟
غيث : يوووه يارب يخلصون قبل يجي عمر
فهد : ياعيال مو معقوله خالد يختفي فجأه !
سعود : هو أساسا مايجلس معنا معقوله ماعليك
فهد : ياخي وضعه غريب أكيد له يد في الموضوع
الجد : إسمعي زين ماعندك دليل ممكن إن سلطان نسى جواله ممكن خالد أخذ الجوال وفتحه وكلمك
جنى : صح أساسا سلطان مو حاط رمز
الجد : طيب وش يأكد الحين ؟
سلطان : ياخي والله حتى مااعرف رقمها كيف بحفظه أساسا
حلا : هو طلب مني !
الجد : يعني إنتي تعطيني رقمك لأي أحد يطلبه منك !
حلا : لا هو قال إذا نقص شي
نوره : بنااااات
ناظروها الكل وهم خايفين
نوره : البيتزا !
الجده: وجع خوفتينا ؟ أحسب شي
الجد : أجوان
أجوان: هلا
الجد : عطيني جوالك سريع !
أجوان : هاه للا
الجد : قلت عطيني الجوال !
توجهت إجوان وأعطته الجوال وهي خايفه يفتحه ويشوف العيال
الجد : عطوني جوال حلا بعد
حلا : رجعوا جوالي مو على كيفكم !
نوره : انا بروح أشوف
لمياء : تعالوا يلا
نور : لا أنا أصور
بيان : أنا جايه !
ركضوا البنات وشافوا الجوال وهو يرن من 4 دقائق وكل وحده بدأت تشوف العجين وتعجن
الحوش
غيث : ياعيال عمر ساعه يدق !
فهد : لا ترد !
غيث : طيب
عمر : خير وش إلي لا ترد
سمع الجد صوت عمر وناظر سلطان
الجد : لا حد يجي في البنات
عمر : وش فيه ليه متجمعين ؟
سعود : سبحان الله تدري في معلومه يقولون إن الشاهي إذا حطيت معها نعناع يتغير طعمه !
ثنيان : سبحان الله ماتوقعت
عمر : الحمدلله وشكر
غيث : إي والله
عمر : طيب ليه متجمعين هنا ؟
غيث : والله والله
عمر : إيش ؟
غيث : عازمك على إسكريم
فهد : إي والله
عمر : ليه توني راجع ؟
غيث : لا البنات يلعبون في الحوش تعال نشتري إسكريم لهم
فهد : يلا مع السلامه
ثنيان : ترا مافي شي مافي مضاربات
سعود : لا وش رايك بعد تعلمه ؟
مشى عمر وغيث وعمر مستغرب تصرفاته بس سمع صوت دقيقه ؟
إلتفتوا للخلف وتوسعت عيون عمر أعرف الصوت هذا ! هذا صوت حلا ركض عمر لين الحوش الخلفي وناظر حلا وصد لأن ماسارت تحل له
حلا : عمر عمر
ركضت حلا لإتجاه عمر ناظرها عمر وصار يركض يوخر عنها وهو ماسك شماغه خايف يطيح ويتوصخ وهو توه راجع من المغسله
عمر : هيي طلقتك وخري
الجده : ياليل بدأنا من جديد
الجد : وقفي وش هيي لاتحضنه ! امسكوها
حلا : عمورييي سلطان كان بيتحرش فيني !
عمر : إيش ؟
وقف عمر وناظرها جايه عنده وناظر سلطان إلي إختفى
الجد : عمر ! لاتصدق كلامها هذا مثل أخوك وتونا كشفناها عمر لايلعب عليك الشيطان ! سم بالله
عمر : بسم الله
حلا : عموري أنا أكزب ؟
عمر صد : استغفر الله
حلا : أنا تصد مني !
عمر : ياخي إنقلعي يابنت الناس
حلا : عمرر
ركض عمر وحلا تركض وراه وأجوان خايفه على جوالها
الجد : بنت إنتي وهي امسكوها
ليما : يبه مايجوز يشوفنا
الجد : مابيشوفكم يلا
ركضو جنى وليما ومسكوها قبل تطلع للعيال من الحوش الأمامي
العيال
سعود : غريبه مافي صوت ؟
ناظروا عمر إلي جايهم ركض وحاط يده على الشماغ لايطيح
عمر : يلا غيث مشينا
غيث : هاه ؟ طيب
ركبوا عمر وغيث ومشوا أما العيال كانوا مصدومين
فهد : وأنتهت القصه
ثنيان : بس كذا إنتهت القصه ؟
فهد : إي نعم طال عمرك
ثنيان : وش ذي القصه النايمه يابوي
سعود : ياخي كسر خاطري عمر
فهد : لا الحمدلله راح وهو مبتسم إن شاء الله إنه بخير
المطبخ
نور : تخيلوا فاتكم !
نوره : إيش إيش ؟
نور : فجاه كذا دخل عمر صارت تلحقه حلا وعلمته بالسالفه قالت له سلطان يتحرش فيني !
بيان : الله ياخذها لا يكون صدقها !
نور : لا إنحاش المسكين يركض يركض وهي تلحقه مسكوها الحين ليما وجنى
لمياء : طيب الحين تعالي ساعديني
ناظرت بيان الرقم إلي يدق كان غريب
بيان : يووه هذا من اليوم يدق
ليما : طيب رقم سعودي ؟
بيان : إي
لمياء : ردي خلونا نشوف
تجمعوا البنات حولين بيان وردت بيان وحطت سبيكر
بيان : الو ؟
سامي : ياخي من اليوم ادقدق وين ابوي ؟ ليه مايرد ضيعت طريق البيت ياخي !
بيان : طيب شوي شوي وش ذا
سامي : أي حي ؟ سريع سار لي ساعه أدور في نفس الحي
بيان : طيب لاتصارخ حي *********
قفل الخط سامي وزعلت بيان
بيان : طيب شكرا !
لمياء : هههههههه مايدري وش قاعد يصير ولا كان إنحاش
نوره : إي والله ثانيا دقيقه بنتحملهم إسبوع !
لمياء : إي
ليما : الله ياخذها
نور : وش ؟
ليما : شوفو بخرشتني الحيوانه
جنى : يوووه حسبي الله
نجود : يلا يلا نرجع
لطيفة : شغلي الكاميرا
بيان : يمه المحاكمه بعد أسبوع ؟
لطيفة : إي
نجود : يلا كل الفريقين يستعدون
رجعوا لمكان هم البنات ورجعوا يسوون البيتزا
جنى : وأوكلج بيديني البيتزءءءء
لمياء : إن شاء الله إنفوز
بيان : يوووه كل شي متصل
بيان : ألو
سامي : ياخي إرسلي اللوكيشن سار لي ساعه أدور في نفس المكان
بيان : قول من أول !
سامي : عقوق !
بيان : لا ياحبيبي تراك عمي مو أبوي عشان أكون عاقه !
سامي : مع السلامه مع السلامه
وقفل الخط رجعوا البنات يشتغلون ونجود ولطيفه يصورون
لطيفه : طيب بدامكم خلصتوا ودخلتوها الفرن بسوي مسابقة
نجود : أسرع وحده تنغسل الصحون هي الفائزه
جلسوا البنات على الكرسي بتعب
لطيفة : يوووه يلا لها 20 ريال
نجود : أعوذ بالله من الكسل يلا طيب 200 ريال مني
لطيفة : افف حتى 200 ماسارت تحركهم
نجود : طيب 500 للي تغسل !
قاموا نوره ولمياء يغسلون بسرعه
لطيفة : وإلي تخلص أول لها 100 زياده مني يصير المبلغ 600 وعادي المساعده
لمياء : نور جنى يلاا
فزت جنى ونور وقاموا يغسلون اما بيان وليما كانوا جالسات يناظرون مافيهم طاقه
نجود : والله حلوه الفكرة
لطيفة : وإلي تسوي الشاهي لها 70 ريال
نور : أنا بسوي الشاهي
جنى : لمياء إنتي حطي الصابون وإفركي وأنا أغسل
لمياء : طيب
نوره : غشش هم 3 وأنا 1 !
ليما : بيان قومي مااقدر أنا
بيان : حتى أنا ظهري يوجعني
قامت ليما تساعد نوره
الرجال
الجد : بإذن الله أهم شي تأكدت من لمياء ؟
محمد : إي يبه
الجد : أهم شي البنات مايدرون ماابغا أحد يعرف
محمد : ماحد يعرف غيري أنا وإنت ولمياء
الجد : بس ؟
محمد : يعني نجود وأمي وساره
الجد :كل هذا وبس ؟
محمد : ماادري شلون
الجد : سبحان الله
سامي : السلام عليكم
الجد ومحمد : وعليكم السلام
سامي : ليه العيال برا !
محمد : وش دخلك ؟
سامي : يبه شوفه يغلط علي !
الجد : وإنت وينك مختفي !
سامي : ظروف
الجد : سربوت
سامي : لا والله بس رحت عند خويي
الجد : طيب بتنام هنا ؟
سامي : إي
الجد : يوووه مايطلع غير أوقات المشاكل
محمد : زين ماجا قبل شوي
سامي : ليه وش سار ؟
الجد : بعدين تعرف
سامي : طيب طيب بروح لوحده تقولي السالفه بتفصيل !
محمد : ساره ؟
سامي : مين ساره ؟
محمد : اها اجل بيان ؟
سامي : إي صح سار لي ساعه أدق وأدور في الحواري وماتردون ! زين إنها ردت
محمد : طيب يلا قوم
سامي : يبه شوف ولدك !
الجد : عيب عيب هذا أخوك
السياره
عمر : ياإبني إمشي قدام !
غيث : ماني بإبنك ثانيا أقولك نروح لمحل الإسكريم جايبني هنا !
عمر : إمشي ماعليك لا لا وقف
غيث : أوقف ولا أمشي !
عمر : وقف
نزل عمر وسلم على راعي الشاهي وأخذ شاهي اما غيث كان جالس في السياره ينتظره
عمر : خذ
غيث : جايبني عشان شاهي !
عمر : تصدق نفس الكلمه قلتها لعمي ! ليتني خذيته
غيث : أقول إركب ياخي ماني فاضي لك
عمر : إهدأ
مشوا ووقف غيث لنفس المكان ونزلوا وغيث مستغرب
غيث : وش جابنا هنا ؟
عمر : إجلس
غيث : طيب
عمر : إسمع أحس ماني مستعد افتح قضيه بكره
غيث : أي قضيه ؟
عمر : بكره
غيث : جدي قال بعد إسبوع !
عمر : لا يلعب عليكم المهم أحس بضيقه ياخي ماودي أقابل أمي أحس بشعور غريب ياخي ماابغا أسمع القاضي وهو يقول إني مو ولدهم ! أنا متأكد إن أبوي لو هنا كان سمعني وواساني كنت راح أحس براحه
غيث : وأنا ؟ أبوك يالجحده جحدتني !
عمر : ماجحدتك بس ياخي أبوي غير فهمت
غيث : أكيد أي فاهم
عمر : كان راح يمدني القوه راح أكون قادر على المواجهه
لاكن أحس ماني مستعد أخاف من كل شي يعني أخاف أوقف ضدها في النهايه شعت معاها سنين عندي مشاعر صحيح كانت تصفقني وفرق معامله مره كبير بس أنا عندي مشاعر
غيث : طيب لاتخلي المشاعر تهزمك ! ماتدري كم طفل ولد بدون مايدري إن أمك امه
عمر : كيف ؟
جلسوا يستوعبون وناظروا بعض وطاحوا يضحكون
غيث : اخخ بطني هههههههههه
عمر : والله إنك ثور هههههه
غيث : إسمع لاتعلم أحد قلتها بالغلط ! هههه
عمر : أجل الرجل يحمل ! ههههههههه
غيث : ياخي بالغلط يعني أقصد ممكن سقطت أكثر من مره
عمر : مين الرجال ولا أمل؟ ههههههههه
غيث : ياكلب !
عمر : ياخي الله يسعدك تغير الجو
غيث : كنا بس لاتحمل !
عمر : هههههه المهم وصدق أخاف اواجهه أكي أخاف تناديني أكلمها ماادري
غيث : وإذا كلمتك ؟
عمر : أختف تلعب علي وتخليني أغير كلامي
غيث : وإنت بزر تغير كلامك ولا تلعب عليك !
عمر : طيب وش بيسون لأخوي ؟
غيث : صامل إنه أخوك !
عمر : مهما كان في النهاية كنت أعتبره أخوي
غيث : كنت ! فعل ماضي
عمر : طيب وش بيسون له ؟
غيث : خالد 100 جلده لين يتأدب ! اما حلا بالرجم إلى الموت
عمر : ياخي صحيح أكره حلا ومااطيقها بعض المرات وأصرخ بوجهها بس يجيني شعور مثل الشفقه
غيث : طيب أقولك شي ؟
عمر : إي
غيث : تدري قبل لاتجي كنا نتسمع طيب جدي قال لليما خذي جوال حلا وتأكدي من الرقم تدري وش لقت ؟
عمر : لا
غيث : حسابات عيال !
عمر : الله ياخذها كنسل كلامي
غيث : الله يعوضك
عمر : تصدق يوم تزوجنا تزوجنا عن حٌب كنت أحبها وأعشقها كنت أشوفها عوض ربي بس
غيث : الله يعوضك
عمر : معلق على الكلمه ؟
غيث : كل تبن !
عمر تنهد :
بالله قلي من بذا الطبع رباك
وخلاك خاين للوفى والشاهامه