ياسعود والله مابعد زينها زين 💗

بارت 18

كان ودي انزل لكم بارت وأنا مروقه بس صحيت على كف من بنت خالتي 😍

اجتمعوا الحريم والرجال
الجد : الو تسمعني ؟
مجهول : اسمعك اسمعك
الجد : يلا تكلم
مجهول : دقيقة اتأكد من إنك حولت الفلوس
الجد : تأكد تأكد ههههههه
المجهول : طيب جاهز
الجد : يلا تكلم
المجهول : امل عرفتيني ؟
امل بصدمه : لا لا
المجهول : كيف ؟ مو انا الي ساعدتك في فبركه المحادثات
امل : أنا ؟ لا لا
المجهول : هي من ساعدتني وأرسلت لي الصور من اجوان
ناظروا الكل امل بصدمه
عبدالعزيز : امل تعالي معي
المجهول : إهدأ تونا بدأنا طيب حلا للأن تخونين عمر مع خالد ؟
كانت كلمته مثل الصاعقه التفتوا على حلا وخالد وهم مصدومين
حلا : كذاب كذاب والله كذاب
عمر ناظر اخوه مو مصدق راسه متشوش في راسه ألف سؤال وسؤال
المجهول : ليه سكتوا ؟ انصدمتوا تونا نبدأ
عمر : مين سمحلك ياكلب تتكلم عن زوجتي
المجهول : عندي أدله وتقدر تتأكد إذا هي حقيقه او لا بس لاتسوي غلطه محمد وتروح لصديقك لأنه ممكن يغدر فيك ب 20000
محمد : وش تقصد ؟ مستحيل
المجهول : شكيت في بنتك وماشكيت في صديقك ؟ ههههههههه
نجود اغمى عليها من الصدمه مسكها محمد وهو مصدوم ويحاول يصحيها
المجهول : يوووه من الحين إنهيارات شكلي ماراح اكمل
ناظر عبدالعزيز امل
عبدالعزيز: لا لا كمل
المجهول : تدرون إن اجوان عشان ماحد يشك بالمحادثات الصور أخذت جوال ليما وعرفت الباسوورد وكانت تراسل الحساب إلي هو اجوان منوجوالها وترسل صورها
اجوان : كذب كذب اصلا مين انت
المجهول : كيف نسيتيني وإحنا قبل امس متقابلين ؟
حلا : كذب كذب
المجهول : إنتوا اخر ناس تتكلمون عن الكذب
امل : بينا المحاكم
المجهول : وش رايك بالمستشفيات ؟ احسن من المحاكم وعشان تنكشف الحقائق
عبدالعزيز : اي حقائق ؟
المجهول : ماانتبهت لسبب تصرفات امل مع عمر وكرهها له ماسألت عمرك ليه تتصرف معه كذا أنا بجاوبك
عبدالعزيز : كيف ؟
المجهول : امل ليه ساكته ؟ علميه ولا أنا ؟
امل : الله ياخذك كذاب كذاب لاتصدقونه
عبدالعزيز : تكلمي واخلصي
امل : كذب كذب طفو المكالمه كذبب
المجهول : حلو بدامها مصره على الكذب ابشرك تطلع من وراك مع رجال وهي كاشفه
امل : كذاب كذااااااب
المجهول : طيب سوو تحاليل DNA مع عمر وشوفو ابوه عبدالعزيز ؟
عمر : وش قاعد تقول أنت
المجهول : انت مو ولد عبد العزيز امل في بدايه الزواج خانت عبد العزيز من حقك تنصدم امل قبل الزواج كانت تموت في عبد العزيز بس ليه خانته ؟ يلا امل جاوبي
امل : كذب عطني دليل
المجهول : طيب روحو المستشفى وشوفوا
كان الكل يناظر امل وعيالها وحلا وعبد العزيز يحس بنيران داخل قلبه
ثنيان : ماادري أفرح إن ليما الحمدلله بريئه ولا اتضايق لأن البنات مخطوفين
غيث : والله اكثر واحد مسكين هو عمر
سعود : عقلي مو راضي يستوعب شلون كذا
المجهول : قبل لا أسكر الخط بعطيكم خبر على الأقل تستانسون عليه
سلطان : بعد ماخلا الدنيا ترعد وتبرق
المجهول : امل وحلا وأجوان يعرفون وين مكان البنات وهم ساعدو في عمليه الخطف
نزل كلامه مثل الصاعقه عليهم
فهد : الله ياخذهن الله ياخذهن
اجوان : انا مالي دخل انا مالي دخل امي هي السبب امي
الجهه الثانيه
ناظرت جنى السياره كانت بعيده وراحت ركض ورا البنات
ليما : هيي روحي شوفي
جنى : السياره مشكوك في امرها
مرت من جنبهم السياره وناظرت جنى
جنى : هو هو هو والله
ليما : تنبحين ؟
جنى : ياتبن ذا مسكناه تاجر مخدرات شلون وكيف هرب ؟
نور : اهربوووو
لمياء : رجلي انكسرت
نوره : اركضي
ركضوا البنات وهم خايفات إن احد يشوفه
بيان : بنات محطهه محطهه
نور : تستري طيب
ركضوا البنات ودخلوا لمصلى ( مسجد ) النساء
ليما : بنات لازم ندق على ابوي
نوره : غريبه فاضي
بيان : يمه الحين أكيد بيجونا بنات والله خايفه
نور : في صوت سياره
جنى : اصبروا بشوف وارجع لكم
مشت جنى وشافت سياره سودا ونفس الشخص
جنى : إتخبو بسرعه
ركضوا البنات الحمامات الله يكرمكم وكل وحده دخلت حمام
ريان : أكيد إنهم هنا ماراح يبعدون
نزلوا البنات من السياره
رنيم : اي خلونا نفتش
ريان : لا إنتي وياها ارجعوا البيت مامنكم منفعه
رانيا : خلونا نرجع
ركبوا البنات السياره ورجعوا البيت اما ريان دخل ومعه 🔪 🔫
ليما : بنات وش رايكم اسوي نفسي حرمه وانزل البطانيه واسوي نفسي اتوضى ممكن يحسبني وحده
نور : إن فكيتي البطانيه راح اطعنش
جنى : أساسا مافي سيارات برا بيعرف ياأذكياء واسكتو
دخل ريان وبدأ يفتح باب باب
ريان : ههههههههه اعرف إنكم هنا اطلعوا ماراح اسوي لكم شي
إلا وحده مااقدر اوعدكم فيها هي تعرف نفسها
حطت جنى يدها على فمها وهي خلاص تأكدت 100 ب 100 إنه هو نفسه تاجر المخدرات وإنه مستحيل يخليها تطلع حيه وقعدت تدعي
أنفال : اااااااااا
التفت ريان بصدمه ناظر الحرمه وطفلتها
سلطان ناظر ريان : ياكلب وش تسوي في قسم النساء نزل سلاحك
ريان : لا وش بتسوي ؟
طلع سلطان زوجته وبنته من الحمامات ورفع مسدسه وقرب منه
سلطان : نزل السكين احسن لك
نزل ريان السكين وفتشه سلطان وأخذ مسدسه رفس ريان بطن سلطان بقوه وهرب بسرعه 
مسك سلطان بطنه وركض وراه اما أنفال وبنتها ترف كانوا في المسجد خايفات
طلعوا البنات وهم خايفات يصير شي وراحو يدورون أنفال لأن اخر أمل لهم دخلوا المسجد ناظرتهم أنفال وهي خايفه بنات داخلات عليها وهم متغطيين ببطانيه
أنفال : وش تبون مني
لمياء : مانبي شي بس تكفين دقي على ابوي
نوره : تكفين قبل يرجع الرجال
أنفال : ليه أنتم هنا وليه لابسات فساتين
ليما : بعدين نقولك والله بس تكفين دقي
رفعت أنفال جوالها وعطتها ليما الرقم دفت أنفال بس ماحد كان يرد
أنفال : مايرد
بيان : دقي مره ثانيه
دقت أنفال بس هاذي المره عطاها مشغول
المكتب
كان محمد حاط يده على وجهه في يوم وليله إنقلبت حياته مايقدر يستوعب كل الصدمات وبذات بنته ماقدر حتى يعتذر لها خايف إن يصير لها شي وهو مااعتذر لها ولا حتى حضنها ورجع مثل اول حنون معها والمصيبه إن صديقه إلي كان يعتبره مثل الأخ طلع فعلا باع صداقتهم وأخوتهم من اجل 💸
شيخه : لازم ندور ونوسع منطقه البحث
نجلاء : قائدي لازم ننتبه ونركز للأماكن المهجوره والمحطات والأماكن الخاليه
ناظرها محمد وهو يفكر والحزن باين على وجهه
محمد : كان عندنا امل بس وش نسوي
ناظر الجوال مشاعل : لا ياعم لاتفقد الأمل البنات يحتاجونك واليوم حجزت تذكره وبرجع
محمد : لا ترجعين إنبسطي في لندن لاتشيلين هم
مشاعل : لا والله كيف أنبسط والبنات ماندري وينهن
شيخه : كلامها صحيح ركز ياعمي لازم نبحث في كل شبر
نجلاء : كمان هرب ريان ممكن يسوي لها شي او إحنا
محمد وهو يحس بضيقه : طيب هاذي المره 3 إلي نستجوب فيها البنات ويقولون مانعرف هربوا
شيخه : ماعليك إن شاء الله نلاقيهم
الجهه الثانيه
امل : شاكين فيني ؟ الحين تسمعون كلام من غريب ماتعرفونه !
عبدالعزيز : مستحيل ابوي يصدق رجال غريب إلا إذا كلامه صح
امل : لو طلع كلام ابوك كذب بخلعك
عبدالعزيز : لا مايحتاج تتعبين نفسك أنا بطلقك
انصدمت امل من كلامه وماتوقعت ابدا توقعت إنه يرجعها البيت بعد كلامها اما عمر كان مصدوم اكثر من امه وجالس حزين يفكر كيف في إنقلبت حياته في دقائق مايدري يفكر كيف امه خانت ابوه ولا كيف زوجته خانته ولا كيف هو مو ولد عبدالعزيز ولا كيف اخوه قدر يخونه مع زوجته كان هادي غير عادته حتى ماكان يبتسم حتى لسعيد ولده يخاف إنه يكون ولد خالد مو ولده كان حزين يحس بطعنات من كل الجهات مثل السكاكين تنغرز في قلبه ليه هو بذات ؟وليه يصير معه كل هذا ؟ وليه الحين يقولون له ؟ وكيف صار كل هذا بدون علمه ؟ كان روح بلا جسد كان يحس بضيقه وده يغمض عيونه ويطلع كله حلم يتمنا العالم يوقف يحس بحروق في قلبه ناظر امل يبغى يقوم يسألها ليه سوت فيه كل هذا كيف خانت زوجها وهي تحبه كيف قدرت تنجب عمر وتطالع في وجه عبدالعزيز بإبتسامه كيف كانت تحسسهم دائما إنها مظلومه وإن ابوهم ظالم وإنها تحبه حتى لو ظلمها كانو يشوفون معامله ابوهم ودائما تسوي نفسها طيبه
الدكتور : خلاص اخذنا عينه بإذن الله تنزل النتيجه بعد يومين
ناظر عمر امل وعبد العزيز إلي كانوا يناظرون بعض وناظر حلا
عمر : حلا قومي
مشى عمر وحلا كانت وراه طلع من الغرفه وقفل الباب ناظر حلا
عمر : ليه مانستغل الفرصه بسوي تحليل دم ونشوف إذا سعيد ولدي ؟
حلا : مريض تشك في ولدك وتشك فيني عشان واحد مجهول !
عمر : والله المجهول هذا اغلب كلامه صحيح ليه مااصدقه ؟
حلا : أنا أنا تشك فيني بعد ماحبيتك وسويت المستحيل عشانك !
عمر : بتسوين التحاليل اي او لا ؟
حلا : لا تدري ليه ؟ عشان اخليك
عمر : انتي ط
حطت يدها حلا على فم عمر : خلاص خلاص
الجهه الثانيه
نوره : وبعدين أنتي جيتي وصارختي
أنفال : طيب اهلكم وين ؟
قاطع كلامها صراخ سلطان
سلطان : أنفال أنفال
تغطوا البنات ودخل سلطان اول ماشافهم رجع ورا وهو مستغرب
سلطان : معليش أنفال تعالي
أنفال : دقائق
وقامت لسلطان
سلطان : مين البنات الي داخل ؟
أنفال : شفت الرجال هذا كان يلاحقهم
سلطان : طيب وين أهلهم ؟
أنفال : إنخطفوا ويبغونا نساعدهم
سلطان : صاحيه إنتي ؟
أنفال : اي تكفى خلينا نساعدهم
سلطان : لا مستحيل مانعرفهم
أنفال : سلطاني بس مافي احد يساعدهم عشاني
سلطان : طيب عشانك
أنفال : يلا بنات
جنى : لا إذا زوجك مايبغى عادي
ناظروها البنات وودهم يصفقونها ماصدقو احد يساعدهم وهاذي تقول لا إذا زوجك مايبغى عادي
أنفال : لا لا عادي يلا
حطوا البنات البطانيات ومشوا وهم ماسكات بعض ركبوا السياره وهم متمسكين ب الفساتين
ليما : أنا غبيه يوم طلبت فستان منفوش افف
جنى : اي
ليما : كل تبن
دخل سلطان السياره وسكتوا البنات مشوا وناظر سلطان السياره إلي وراه وكان نفسه ريان طلع مسدسه وأطلق على
كفرات السياره وتأكد إنه مايقدر يلحقهم ودق سلطان على سامي
سلطان : يامرحبا
سامي : مروق ؟
سلطان : ترانا قريبين إستعد
سامي : ابشر
سلطان : اي هاذي المره جينا لك المره الجايه إنت تجي عندنا
سامي : ابشر
كانت السياره صمت التفتت أنفال على البنات وشافتهم مرتبكات إلي رافعه إصباعها تتشهد وإلي تقرا المعوذات وتنفث على جسمها والي تشوف شريط حياتها يمر قدام عينها
أنفال : قربنا من المحافظه بإذن الله بكره نروح للقسم وتقولون لهم القصه
رفعت لمياء يدها كذا 👍🏻 ويدها ترجف
أنفال : مين تبغى شاهي ؟
فتحت نور عيونها : اناا
قرصتها نوره : ممكن في سم
نور : طز مافرقت
ناظروا البنات ترف وهي تبكي
أنفال : اهجدي لاينكب عليك الشاهي
بيان : عطيني أنا اسكتها
نور بهمس : لا لا انقلعي فوق جنى ولا ليما يالله متحملتك
لمياء : عطيني أنا اخذها
اعطت أنفال ترف للمياء وصبت شاهي لنور وكان الطريق ظلام ومرعب
الجهه الثانيه
نجود : بشر لقيتها ؟
محمد : لا إن بنكبر منطقه البحث
نجود : صدق ؟ قصرت يامحمد قصرت بنتك راحت وهي زعلانه عليك وبنتك الثانيه راحت وهي بعد زعلانه عليك بسبب إختها كل ماكلمتك طنشتها لاصار شي ولا شي في رقبتك إنت السبب
محمد : الي فيني مكفيني يانجود
نجود : ياشيخ مالت عليك إنت وخويك والله بناتي إن صار لهم شي مااخليكم
وطلعت وهي مقهوره تحس بنيران في قلبها وندم على كلامها لأنها تدري إنه قاعد يتحسر من جوه ومقهور بس حتى هي مقهوره
غرفه النوم
امل : عزوزي تشك فيني ؟
ناظرها عبدالعزيز بقرف : اي
امل : ماتحبني ؟
عبدالعزيز : اي
امل : وين راح حبك لي ؟ كنت تحبني
عبدالعزيز : ههههههههه ومين قالك ؟
امل : إلا كنت تحبني ماكنت كذا قاسي
عبدالعزيز : والي يشوف وجهك مايتغير ؟
امل : ترا كلامك يجرح
عبدالعزيز : ليتني سلمتك للحكومه ولا سامحتك
امل : ههههههههههه
ناظرها عبدالعزيز وهو كله ندم مقهور يحس بشعور خذلان ناظر عمر إلي كان يناظره وأول ماالتقت عيونهم نزل عيونه عمر وهو يحس بالخجل بإنه مو ولده وقف عبدالعزيز وتجه ناحيته جلس جنبه
إبتسم عبدالعزيز : كيفك
عمر : بخير
عبدالعزيز : حتى لو طلعت النتيجه إنك مو ولدي راح تظل ولدي وراح تبقى هنا
عمر ناظر ابوه مايدري وش يقول تقدم عبدالعزيز وحضنه وهو يطبطب على ظهره كان يحس عمر بالأمان مع عبد العزيز ماقد شك مره إنه مو ابوه كان دائما يعامله غير عن اخوانه كان شديد بس حنون في نفس الوقت ماكان راح يستغرب لو امل طلعت مو امه
عبدالعزيز : ماراح اغصبك على البقاء هنا بس اتمنى إذا رحت ماتنساني
عمر بإبتسامه : لا ماراح اروح يبه هنا عشت كل طفولتي ومراهقتي
إبتسم عبدالعزيز ورتاح كان خايف من إن عمر يروح مع امل ويقطع علاقته مع عبدالعزيز كان خايف من هاذي الفكره كثييير
الجهه الثانيه 11 س
سلطان : وصلنا
نزلوا البنات وناظروا البيت كان كبير وفيه رجال واقف يستقبل سلطان كانوا يضحكون ناظر سامي البنات إلي متغطيات بالبطانيه
بيان : بنات دقيقة وينكم
جنى : انتي وينك
مشت بيان وإصطدمت بعامود الكهربا مسكتها أنفال
أنفال : هنا هنا بسم الله عليك
ترف : ههههههههههه
بيان : اضحكي اضحكي
دخلوا البنات البيت
أنفال : خلاص مافي رجال
نزلوا البنات البطانيات وهم يتنفسون
ليما : أخيرا هواء نضيف
جلسوا في المجلس وكانت شعورهم منتفشه ناظروا بعض وضحكوا على بعض ناظرتهم أنفال بصدمه وضحكت ناظروا ترف إلي خافت من شعورهم وبكت
لمياء : معليش شعورنا خارج السيطره
نور : في حمام ؟ الله يكرمكم
ناظروا البنات باب المجلس ودخلت بنت
أنفال : اي شوفي هذاك
مهره : السلام عليكم
البنات : وعليكم السلام ورحمه وبركاته
مهره : كيفكم
البنات : الحمدلله
مهره : لاتستحون خذو راحتكم البيت بيتكم
أنفال : البنات شوي الطريق كان صعب خذيهم
مهره : تعالوا معي لاتستحون
خزامى : إذا تبون تستحمون 🛁 هناك الحمام الله يكرمكم
مشوا البنات وهم مستحين كانو يحسبون بيت أنفال ماكان يدرون عن البنات
خزامى : هاذي بجايمكم وعادي حنا اخوات لاتستحون
أنفال : اعرفكم اخواتي هاذي خزامى وهاذي مهره
جنى : والله ماكان ودنا نتعبكم
مهره : تعبكم راحه عادي
كانوا البنات يحسون إنهم ضيوف ثقيليين على أنفال
بعد ساعه
خزامى : أنتو درستوا مع أنفال في جامعه ****** ؟
ناظروا البنات بعض بصدمه وناظروا أنفال
نور : اي زمان
أنفال : لا قولوا القصه الحقيقيه
نوره بدت تقولهم القصه كامله من طقطق إلى السلام عليكم
خزامى : صادقين أنتم ؟
بيان : والله حتى أنفال كانت موجوده يوم كان الحيوان يبغا يمسكنا
مهره: طيب وش يبي منكم ؟
جنى : قبل اسابيع مسكته بتهمه بيع المخدرات بس كيف هرب والله مااعرف
خزامى : يعني بكره بتروحون الشرطه ؟
نوره : اي
خزامى : والبنات وش بيصير لهم ؟
نور : ماندري بس إن شاء الله مايعذبون اخوهم
أنفال : كيف في ناس كذا مايخافون من ربي حرام طفل صغير
ناظروا مهره إلي حطت رأسها على كتف خزامى ونامت
أنفال : يلا ننام وإن شاء الله يكره تلاقون اهلكم
الجهه الثانيه
سلطان : المشكله ليه يلحق وراهم ماادري
سامي : عطيني أساميهم وأنا اعرف كيف اطلع معلوماتهم
سلطان : بكره إن شاء الله الحين نامو
الجهه الثانيه
غيث : متأكد !
مشعل :للأسف تقول هربو وجاهم رجال المفروض يجي وياخذ البنات هذا كلامهم بس في وحده تقول إنهم هربو لمحطه قريبه وبعدين نزل ريان وقالهم يرجعون للبيت وماراح يأذيهن بس الثانيات يقولون كلامها كذب
فهد : عمي لو ماطلق امل برفع عليها قضيه في المحكمه !
سعود : طلق ولا ماطلق نرفع قضيه في الحالتين
سلطان : حتى بنتها التيس والتبن حلا
ثنيان : والله حرام الي صار لعمر
غيث : مايدري يلاقيها من امه ولا زوجته
مشعل : اخوه الخكري ذا المفروض نحشره هناك ونجلده
سعود : قدام
ثنيان شمر أكمام ثوبه : خلاص أنتو اللحم وأنا العظم
سلطان وقف : وينه ذا
فهد اخذ حجر : جيبوه لي إذا ماعلمته مين ربه ماأكون فهد
غيث : شدخل ؟
مشعل : لا هو يقصد إن مايسوي كذا إلا الي مايخاف ربه ثانيا اجلسوا قلتها بالغلط لاتقتلونه وأبتلش معاكم
سلطان : عادي يارجال
مشعل : عادي اقتلوه بس لو طلبو الديه امه تعرف عن فلوس جدكم تعرف إن عنده 30,000,000
سعود : اي والله
مشعل : بتقشع فلوس جدكم
فهد : بس مع ذالك بنضربه لين مايتعلم
مشعل : كفو ولو تبون مساعده بضربه معكم بس من دون حجاره او أشياء حاده
فهد : بطلع حرتي كلها فيه
غيث : دقيقة اناديه لكم
مشعل : طيب خلني افهمك الموضوع
غيث : الأن !
مشى غيث وشاف خالد يكلم جواله
غيث : خالد
خالد : نعم
غيث : تعال جدي نادا الكل
خالد : طيب شوي
غيث : اقول كل تراب وتعال يلا
خالد : شوي وأكلمك
وقام لحق غيث نادر العيال جالسين ويناظرون له ببتسامه
خالد : وين جدي ؟
ناظروه العيال وأشروا لبعض وقام فهد وثنيان يمشون بشويش من وراه
خالد : إشبكم ؟
مسكه فهد وثنيان وهو مستغرب وش فيهم
فهد : يلا
مسكوه العيال 
خالد : وخروا وخروا
عطاه فهد كف : مين عمك ؟
مشعل : شوفو الحمار الثاني الحين تهايط والله ماأخليه اخر شي تقوله مين عمك ؟
عطى فهد بوكس وبدأو العيال يضربون في خالد فجأه
خالد : اهههه
وخرو العيال منه مصدومين من الصوت الإنثوي
سعود : اعقبب
خالد : عورتني
مشعل مسك بطنه : هههههههههههههههههه
فهد : سود الله وجهك
غيث : الحين يمسكها علينا الورع
مشعل : ههههههههه بطني بطني
سلطان : اسمع ياورع ترا هذا ولد عمنا مو إحنا عشان تطقطق علينا بعدين
مشعل : ههههه يصير خير
ثنيان : ياليل الحين كل مازانت الجلسه بيذكرنا
خالد : وخر إنت وهو
مشعل : هههههههههههه
غيث : اسكت اسكت
مشعل : متأكدين ذا ولد عبدالعزيز عبدالعزيز ! مستحيل يوم ملكه الدلخ ذا وقفت جنبه يمه حسيت نفسي جنب وكيل رقيب سو التحاليل على خالد مو عمر
خالد : أنا ولد الأصول
ثنيان : انت ولد الفصول مو الأصول إسكت بس
الجهه الثانيه
عمر : إبعدي عني لاتقربين
حلا : والله ولدك من لحمك ودمك
عمر : طيب كلي تبن ووخري خليني لحالي
حلا : طيب إنت ماتغديت ولا تعشيت
عمر : لاتمثلي دور الطيبه الملاك لأنه مو لايق عليك
حلا : بس أنا كذا
عمر : مثل مادخلتي اطلعي وخليني لحالي
حلا : طيب كٌل
عمر : انقلعي بس
حلا : تراني أخاف عليك
عمر : مره لدرجه من قوه الحب خنتيني من اول سنه
حلا : هو كان يغريني
وقف عمر وبدأ يكسر كل شي قدامه : الله ياخذكم الله ياخذكم قذريين
حلا مسكت عمر تهديه : عمر اهدأ لايصير لك شي
عمر : وخري عني ماتفهمين أساسا لو دخلت المستشفى ماراح يهمكم لإنك رخيصه
حلا : بس أنا احبك
عمر : حبك قرد اعور انقلعي برا وسكري الباب
مشت حلا وهي خايفه من عصبيته اول مره تشوفه كذا (وهي حماره الصراحه يعني خنتيه وش متوقعه ؟ يحضنك)
جلس عمر وضم ركبته يبكي بهدوء ويناظر قدامه بدون مايرمش وفي  راسه اسئله كان يفكر وش بيسوي الحين هو صح إن للأن ماطلعت نتائج بس هو متأكد إنها خانته
نرجع في الزمن شوي
عمر : مستحيل إنك تسوي فيني كذا إنت أخوي من لحمي ودمي !
خالد : ومين قال إنك اخوي ؟ اخوي من امي بس هههههه
نرجع للحاضر
كان كلام خالد مثل السٌم يحس عمر بسكاكين تنغرز في صدره

شرايكم ببارت اليوم ؟ رهييببب 💗