ياسعود والله مابعد زينها زين 💗

بارت 12

بعد الفجر 5:00
بيان : هذاك بيت مين ؟
نوره : ماأعرف أساسا الجيران والحاره غريبه ما عدا جيراننا ام مشعل
جنى : تعالوا بصور القهوه
تجمعوا البنات يحطون اكوابهم جنب بعض
ليما : نور داخله واسطه
نور : عادي بس لو حطيت فوق الشاهي ثلج سار كأن قهوه
لمياء :يلا حطي
نور : لا
نوره : بنات بنات تعالو
تجمعوا البنات وناظروا العيال الي طالعين بشويش وسكروا الباب
نوره صرخت من فوق : وين رايحين ؟
سحبتها جنى على ورا : اششش يافضحي فضحاه
نوره : عادي
ثنيان : انكشفنا
عمر : شتبون ؟
نوره : وين رايحين ؟
فهد : ليه ؟
نوره : وين ؟
خالد : رايحين مطعم
لفوا عليه العيال
ثنيان : حلو الحاره كلها درت
نوره ناظرت البنات
لمياء : بدق على اخوي بقوله تكفى نبغا نروح
نوره : عادي تودونا ؟
غيث : طيب
ناظروه العيال وناظرهم بوهقه
غيث : يعني اسمعوا حرام اخواتي أكيد يبون يطلعون
فهد : صدق ؟
غيث : ياعيال يعني عيب
عمر صرخ : يلا انزلوا
ناظروا البنات بعض
نور : تنتظرونا نلبس العبايات ولا بتمشون تسحبون علينا ؟
ثنيان : نمشي ونسحب افضل حل
سعود : لا حرام
غيث : صح حرام نكسر خاطرهم
سلطان : انا اساسا مااعرف كيف امشي تبوني استناهم ؟
سعود : ترى ما قلنا لك استناهم وانت واقف ادخل السياره
غيث : الحين نتوزع كل واحد مع خواته ؟
عمر : اي انا وخالد بنركب وانتو الحقونا وبنرسل صوره للقائمه
سلطان : طيب
البنات
نور : مسكرتي وين
نوره : ترا مطعم
نور : عادي
لمياء : خلونا واحنا راجعين نوقف عند البقاله نشتري السناكات ونكمل السهره شرايكم ؟
نور : أنا 8 بظبط لازم اروح المستشفى
جنى : أنا ونور نفس الشي خلاص أنتو تفرجوا
ليما : ماتقدرون تجلسون لو نص الفلم ؟
نور : بنشوف بعدين
جنى : اي حسب الوقت
نوره : يلا عدلت نقابي
مشوا البنات ونزلوا تحت
1 : غيث (. نور ٫ بيان ٫ نوره )
2 : سعود ( لمياء ٫ ثنيان )
3 : فهد ( سلطان ٫ جنى ٫ ليما )
4 : عمر ( خالد )
1 كانت سياره هدوء
غيث : بشغل اغنيه
نور : تمام
شغل غيث اغنيه راشد الماجد
من يوم ما شفتك وقلبي مدلك يده
والعين ذابت في روعه حسنك وزينك
فصلت قلبي على الحب وطلع قده
وحطيت قلبي انا في راحه يمينك
❤️❤️❤️❤️❤️❤️❤️❤️❤️
ماكان يناظرها من المنظره لان مستحي وما يبغى يبين لها عن حبه لين ما يخطبها بس مع ذلك هل يخفى القمر ؟ ماادري ايش دخل لكن نور وبيان فهموه
2
ثنيان : نشبه
لمياء : أنا نشبه ؟
ثنيان : لازم تجون ؟
لمياء : كل تبن حرره
ثنيان : يععع
لمياء : وجهك
ثنيان : متى تتزوجين افففف
لمياء : انت بتتزوج قبلي ههههههههه
ثنيان : كله من جدي الله يهديه ويصلحه
لمياء : عاد أخذت أزين وحده صاروخ حرام تتزوجك
ناظرها ثنيان : اقلبي وجهك انتي وهي
لمياء : ياروحي هي الله يصبرها وعظم الله اجرها
سعود كان هادي وساكت وكان يهوجس لف عليهم : خلاص اهجدوا
ثنيان : يوصلك انت التحديث متأخر صار لنا خمس دقائق ساكتين
سعود : انطم
3
جنى : الحين هذا وش فيه ؟
فهد : فاتك كفخه عمي عبد الرحمن لين ما عض الارض
سلطان : كل زق
ليما : اف اف اف اخلاقه في خشمه الورع
سلطان رمى عليها المنديل
جنى : تعيش وتاكل غيرها
فهد : ههههههههه
وصلوا المطعم ونزلوا وكان عمر حاجز طاوله للبنات وطاوله للعيال
اتجهوا البنات لطاوله وسكروا الستاره وفتشوا وجيهن
ليما : الحين احنا بنطلب ؟
لمياء : لا اللي سمعت انهم طالبين لنا
جنى : الله يستر
نوره : الله يستر من نور وبيان من يوم ما وصلنا وهم يتهامسون
نور : إحنا ؟ لا موضوع خاص
نوره : من متى عندك مواضيع خاصه ؟
نور : شدعوه أكيد عندي
بيان بهمس: احسهم مره لايقين على بعض نفس الشخصنه
ناظرتها نور : اييي
نوره : ما عليه كذا ولا كذا راح اعرف
نور بإبتسامه : أكيد
بيان : افففف والله إنس حلوه تهبلين مزهه
نوره ناظرت بيان بإستغراب : بسم الله اعوذ بالله اللهم ان كان سحرا فلا تبطله
نور : ماعليك راح تتعودبن في المستقبل واخفضت صوتها بس مو مننا
بيان بهمس : اكيد بيكون من غيث
نور : ههههههههههه
نوره : قولوا قولوا وش فيه ؟
فجأه سمعوا صوت عامل وتغطوا
سعود : تغطن
لمياء : تغطينا
دخل العامل وبدأ يوزع الفطور
ليما : فول وتميس ونواشف ! ( احنا نقول نواشف يعني مثلا تكون في السٌفره في مربى وعسل وقشطه وجبن فنقول عنها نواشف )
جنى : وش متوقعه؟
ليما : ما ادري حسبت مكرونه ما ادري اي شيء كذا بس مو فول
نوره : ترا قالوا فطور مو غدا
بيان : بنات بدامنا لحالنا بصارحكم بشيء
ناظروا البنات
بيان : جتن
رسبن العامل وحط الشاهي والقهوه
البنات : ااااااااااااا
وغض بصره العامل وطلع
فزوا العيال وقاموا ركض فتح الستاره سعود وناظر لمياء وناظر الي فزاويه وغضوا بصرهم
تغطوا البنات
ثنيان : وش فيه ؟ خوفتونا
نور انشرقت ب الأكل وقامت بيان تدق ظهرها وليما تشد اذنها
نور ووجها أحمر : ددقيق ه ظه
بيان وهي تدق ظهرها  : ادري ادري لا تقولين تنكتمين
سعود : البنت ظهرها
غيث وهو صاد : بيان بشويش
ثنيان : ترا عادي تغطوا
شربت نور مويا وبدت تتنفس
عمر : وش سار ؟
نوره : دخل علينا العامل واحنا ما كنا متغطين
سلطان : وكيف دخل ؟
لمياء : مدري فجاه شفناه قدامنا كذا وصارخنا
فهد : كلب المفروض يدق الخشبه او يتكلم
ثنيان : وانتو الله يهديكم لا تصرخون فجعتونا حنا والي في المطعم
ليما : وش الي لاتصرخون ؟ كان يناظرنا احنا نتغطى عنه المفروض يفهم ويطلع برا
سعود : لازم نقدم شكوى
عمر : خلونا نفطر بعدين يصير خير
وسكروا الستاره التفتوا البنات على نور الي وجهها أحمر
نور : شبعت
التفت على بيان
نور : يا وصخه اقولك ظهري ظهري لا تدقينه كذا كسرتيه وانتي تقولين لا تتكلمين تنكتمين
بيان : ايش دراني شفت اللقمه عيت تنزل ولا هي راضيه تدخل
جنى : حصل خير
نور : صبولي شاهي
صبت لمياء ووزعت للبنات
لمياء : لا تكثرين شاهي بعدين تدوخين
نور : إن شاء الله
بيان : تشرب يوميا ثلاجه شاهي وقفت على الحين ؟
لمياء : اي بس توها شاربه ثلاجه
ليما : خلونا ناكل بسرعه
قامت نور : بنات بروح الحمام
ليما : كٌلي طيب
نور : شبعت
جنى : اجلسي شوي
نور : تصدقون اشتهيت شوايه الخليج
نوره : هههههههه اي والله
جنى : شرايكم نتغدا برا اليوم ؟
نوره : بيحشون رجلنا
ليما : لا ايش رايكم بمطعم على حسابي
نوره : تم
بيان : لا لا لا على حسابي
لمياء : اخر شي قطه كل وحده تدفع عشره
نور : ايش رايكم بمناسبه ان امس كان اول دوام لي اوديكم اي مكان تبون
جنى : تم
نور : خلاص أنتم حددوا
نوره : ايش رايكم نخليها الصباح بكره ؟
ليما : ايي يكونون نايمين
لمياء : اخاف الاقي اخوي عند الباب يستناني
نور : احس بيكون اكشن
بيان : عاد مره طلعنا انا ونور البقاله من دون ما حد يدري صباح
ليما : خلاص موافقيين !
قامت نور : بروح اغسل وجايه طلعت كانت تمشي وتطالع وين دورات المياه الله يكرمكم شافت ممر طويل سارت تمشي فيه شافت باب فتحته طالعت الي وشافت الطباخ وهو يخبز ويدخلها على النارسكرت الباب وهي مصدومه وعلى طول مشت وهي راجعه شافت حمام الله يكرمكم ودخلته
نور : اففف أخيرا
فسخت نقابها وطرحتها ورفعت جوالها تصور فجأه يدخل واحد اول ماشافته نور صرخت وتغطت بالطرحه وهي خايفه
طلع سعود وهو مصدوم ناظر ومالقى لوحه شك انه دخل قسم النساء وراح عند العيال يسالهم اما نور كانت مصدومه تنقبت وطلعت بسرعه
سعود : يا عيال وين قسم حمامات الله يكرمكم الرجال ؟
عمر : هاذيك
سعود : متأكد
عمر : اي ثانيا يلا ترى كل العيال والبنات في السياره
سعود ناظرها تمشي من بعيد ومثل الإنشغال لين ماتخطته ومشى وراها ركبت السياره نور هي متوتره
ومشواء السيارات
نوره : وش فيك ؟
نور : اقولك اول مانوصل
لمياء رفعت جوالها وشافت الإشعارات
جنى : كيف نقوله نبغا بقالة ؟
نوره : الي يوافق فيهم ننزل البقاله ونشتري للكل لأن الواضح ماحد بينزلنا بس اقول إذا واحد وافق والكل رفض
نور : لو سمحت جنب على يمين يمين عشان بحط رزج
غيث : لا
بيان : قصدها نبغا البقاله
غيث : لا
بيان ارسلت له خاص : عشان نوره بس الي ماحسبوا حسابه انه جاء اشعار على الشاشه
نور مسكت وجهه نوره وحضنتها وبيان لفت على ورا تتفقد الوضع
وغيث ناظر الي راسلته بيان وهو مصدوم
نوره : شفيك شوي بتنفس
غيث : احم احم خلاص طيب
نور : شاطر
بيان كانت تناظر نوره تتفقد إذا ماانكسرت رقبتها
وقف غيث عند البقاله غيث : بندخل بس لاتطولون !
دخلوا البنات وكل وحده راحت قسم
نوره أخذت المشروبات وبيان الشبسات ونور الفصفص والمكسرات
غيث : متأكدين مافي شي ناقص ؟
بيان : لا
نور : صحح دقيقة الحلويات وسحبت بيان
بيان : حركات مكثره مسلسلات تركيه ترانا سعوديين يعني ما راح يكلمها ويقول لها احبك ومدري وشو
نور : ياحمار جيبي الإسكريمات
بيان : اها صح
نوره كانت تناظر الأرض وهي متوتره وغيث يحاسب لين يجون
جو وحطو الأغراض وصوروا للبنات ومشو
وصلوا البيت وركضوا البنات للسطح ودخلوا الخيمه شغلو البروجكتر وضبطوا المكان وقعدو يتفرجون
جنى : نور يلا قربت الساعه تجي 8
نور : تمام
قامت تجهزت ولبست وأخذت شبس دقت على غيث مايرد ودقت ودقت ومايرد
نور : احح شكله نام
جنى : خلاص اجل تعالي معي انا وابوي
نور : لا هذي فرصه من زمان ودي اسوق سيارته
جنى : متأكده مادعيتي ههههه
نور : صراحه كنت ادعي بس اليوم ما دعيت
جنى : طيب اكلم سلطان يجيب مفتاحه
كلمت جنى سلطان ناظر سلطان غيث الي كان نايم في زاوية المجلس قرب منه واخذ مفتاحه مكان ناظروا فيه العيال
سلطان : خذي
جنى : شكرا
سلطان : متأكده نور مستأذنه من غيث ؟
جنى : اي
راح ومشى دخل المجلس ناظره فهد
فهد : تبغا مفتاح سيارتي ؟
سلطان : لا
فهد ناظر غيث وهو في سابع نومه
سلطان : مو انا نور أخذته بتروح للدوام
الجهه الثانيه
نور : اوصلك ؟
جنى : لا بروح مع ابوي
نور : طيب
ركبت نور السياره هي فرحانه اخيرا بتسوق وشغلتها ومشت وكانت مشغله نانسي عجرم
الدنيا حلوه واحلى سنين بنعيشها
واحنا يا ناس عاشقين ننسى الي
فاتنا ونعيش حياتنا على الحب
متواعدين انسى كل الأحبه
اتنين اتنين متجمعين في الهواء
دايبين على ايه تكشر وليه تفكر
دا العمر كله يومين
❤️❤️❤️❤️❤️
الجهه الثانيه
نوره كانت حاضنه لمياء
بيان : جاها جفاف عاطفي
ليما : اي والله
نوره وخرت عن لمياء : مين قال
لمياء : خنقتيني !
نوره : تابعوا وانتو ساكتين
وهم يتفرجون انفتح الباب بقوه ركضوا جنب بعض ودخل سعيد وهو يبكي بصوت عالي وماهو لابس غير حفاظته ويركض ناحيتهم
ناظروه البنات مايدرون يضحكون من الصدمه ولا يساعدونه
لمياء : وشفيك ؟ فيك شي
سعيد ماكان يرد وكان يبكي
ليما : ويععع شيلوه اففف فيه ريحه
نوره : شكله هرب من الحمام
بيان : وديه عند امه
لمياء : طيب
قامت لمياء تمشي ومسكت يده وهو يمسح دموع وجهه
طقت الباب
امل : ادخلي
دخلت لمياء وناظرتها حلا بصدمه
لمياء : سعيد جانا وه
مامداها تكمل كلامها وتمسك حلا سعود وتقرصه بقوه وبكى سعيد
حلا : كم مره اقولك لاتطلع من الحمام وانت مفصخ بعدين ابتلش فيك وترتفع حرارتك
لمياء : لا عادي ماسار شي بس هو
حلا : مالك دخل إنتي الثانيه وانت تعال الحمام
ناظرتها لمياء بصدمه وسعيد كان يبكي ويبكي
امل : خلاص شكرا
لمياء طلعت من دون ماترد كانت مصدومه كيف تضرب طفل صغير !
الجهه الثانيه
جنى : ماادري وين راح والله
نجلاء : مهمه سريه ومايعلمنا !
شيخه : أكيد إنها مهمه مره
جنى : حاولت اسحب كلام من ابوي بس رافض يتكلم
شيخه : في شي لازم نعرفه
نجلاء : صح امس مسك الرجال وحاولو يخلونه يتكلم لكن الرجال كان رافض وكان خايف من شيء
جنى : احس في شي يعني حتى يوم قلنا بتكون في حمايه رفض
شيخه : وفوق هذا كان مستانس وهو جالس في السجن وعاجبه الوضع
جنى : احس لوخرج مٌهدد بس مين هذا اللي لهالدرجه يخاف منه!
نجلاء : واضح إنها عصابه كبيره
الجهه الثانيه
دخلت شهد : مداومه بدري ؟
نور : ايي تخيلي سقت بسياره اخوي !
شهد : توبي مابتوب
نور : ترا حادث وقديم وخلاص
شهد : يدري ؟
نور : لا
شهد : يعني حتى ماداوم !
نور : لا
شهد : الله يرحمك كنتي طيبه
نور : اف طفشت من زمان ماسقت !
شهد : بس تستأذنين ولا راح تروحين ورا الشمس
نور : تشوفين ادق على ابوي واحطه في الأمر الواقع ؟
شهد : اي هو ممكن تتصفقين شوي بس اراه خوف منهم
نور : طيب
قامت شهد وراحت لمكتبها ودقت نور على ابوها
نور : السلام عليكم
مسعود : وعليكم السلام هلا وغلا
نور : يبه تدري إني احبك ومااسوي شي إلا وأعلمك
مسعود : مصيبه جديده ؟ لاحول ولا قوه الا بالله
نور : لا استغفر الله
مسعود : اي وش ؟
نور : سقت سياره غيث وجيت المستشفى
مسعود بقلق : سار شي ؟
نور : لا ولا شي الحمدلله واصلا انا اعرف اسوق يبه
مسعود : نور كم مره افهمك مو لازم تسوقين عندك غيث
نور : يبه تراه حادث قديم يبه مرت على السالفه 3 سنوات
مسعود : حتى لو مرت 10 لاترجعين لوحدك أنا بصحي اخوك يجيبك
نور : سيارته معي يبه والله عادي لاتخاف أنا برجع
مسعود : نور بخلي عمك يجيبك
نور : لا يبه تكفى برجع لحالي بس اليوم
مسعود : خلاص انا مالي دخل  اخوك بعدين يتصرف
قفل الخط وهو خايف تبون تعرفون السالفه ؟
اصبروا شوي وتعرفون !
الجهه الثانيه
لمياء : قسم بالله قدامي
نوره : ذي وضعها مشكوك فيه
ليما : وهذاك اليوم مسويه خايفه على ولدها أنتو السبب !
بيان : حرام شذنب سعيد
لمياء : وربي كان يبكي مره حرام المشكله إني شفت على يده من فوق لون أخضر احسها تعذبه
نوره : حسبي الله عليها إبليس مو إنسان
بيان : مسكين وربي يكسر خاطري اي شي يسويه تصفقه
ليما : احس شكلها متبنيته او شي لأن مستحيل ام تضرب مثل كذا واساسا مو مره يشبهم
نوره : احسها مريضه
لمياء : لا تحسين تأكدي
بيان : بقولكم شي كنت يقولها في المطعم تنهدت وناظرتهم جتني هديه باقه ورد !
ليما : طيب ؟
بيان : مكتوب عليها ( احبك )
لمياء : كذابه !
ليما : يعععع يقرف
نوره : حتى نور
بيان : كذابه
نوره : حتى روحي إسأليها
ليما : يمه شكله الدور علينا
لمياء : ممكن غيث ؟
بيان : لا اخوي إذا بيهدينا ورد يقولنا
نوره : غريب
ليما : مرههه
الجهه الثانيه
شهد : شكلك ماراح تداومين بكره
نور : لا تخوفيني يارب مايصير شي وعادي اخوي حبيبي
شهد : اخوي حبيبي بيصفقك
نور : لا إن شاء الله
شهد : أنا ماشيه إذا صار شي ولا شي دقي
نور : إذا طلعت حيه
مشت شهد ولبست نور النقاب واخذت شنطتها وطلعت ركبت السياره ( تتوقعون وش هو الحادث ووش هي السالفه اصبروا بعد شوي تعرفون )
مشت نور وكان كل شي تمام وقفت عند الإشاره رفعت جوالها وصورت يدها وهي تسوق جاها إتصال من ( غيث )
نور يخوف : الو
غيث : انتي وين ؟
نور : عند الإشاره شارع *******
غيث : نور قد حركتك هاذي ؟
نور : اي لا لا
غيث : طيب اسبوع كامل ممنوع من الطلعه
نور : يصير خير
غيث : أكيد بس ارجعي البيت
نور : ياخي لي
قفل الخط غيث
نور : كل زق حيوان افف
وصلت نور البيت وركنت السياره ناظرت جنى الي واضح توها واصله
نور : جنى
جنى : هلا
نور : اسمعي هاتي يدك ندخل مع بعض
جنى : ههههههههه غيث عند الباب ؟
نور : اتوقع
دخلت نور وجنى ووراهم محمد ناظرها غيث من بعيد ويأشر لها ب القدوم ونور نسوي نفسها ماتشوف
جنى : ماعليك امشي
مشوا ودخلوا وناظره محمد
غيث : السلام عليكم
محمد : وعليكم السلام ودخل
دق غيث على نور
نور : الو
غيث : إذا إنتي بنت مسعود اطلعي
نور : أنا بنت مسعود بس ماني طالعه
غيث : اقول اطلعي
نور : طيب بس إحلف إنك ماتسوي شي !
غيث : بهاوشك
نور : لا
غيث : اطلعي ويصير خير وقفل الخط
ناظرت نور جنى ومشت تطلع
غيث : راح تبررين ولا ابدأ ؟
نور : لا راح ابرر اول شي انا مالي دخل أنا شفتك نايم ودوامك اليوم في الليل !
غيث : مو مٌبرر نور إحنا خايفين عليك
نور : طيب بس إلا متى ؟ أنا ادري إنكم خايفين علي بس أنا ودي اسوق ودي ارجع لحياتي قبل عادي الوضع
تتوقعون وش تقصد ؟ أنا اقولكم بس خلونا نرجع الزمن شوي ورا
الساعه 7:40 الصباح
نور : يمه تأخرت على الجامعه
لطيفة : خلاص روحي لحالك تعبت وأنا اصحيه
نور : ياليل إلا متى وهو كذا مٌهمل كل شي وكٌل شوي يطلع مع اخوياه !
لطيفة : خلاص ياقلبي يلا روحي
نور : ابشري
أخذت شنطتها ونزلت شغلت السياره ومشت كان اليوم طبيعي مثل اي يوم وقفت عند الإشاره
نور : اففف مطوله ياخي وراي دوام تأخرت
الإشاره صارت خضراء ومشت كل السيارات لين فجأه ناظرت نور السياره العاكسه الطريق وتمشي بسرعه جنونيه ومتجهه نحوها توترت ولفت يمين بس السياره لفت يمين وحاولت نور تلف يسار بس كانت السياره أسرع وصار الحادث تجمعوا السيارات والناس على السيارتين دقوا الإسعاف لاكن السياره الأولى مات صاحبها لاكن نور كان تنفس عندها بطيئ وكانت ملطخه بدماء
ناظروا الرجال وانتظروا الإسعاف لين جت وحملتهم
لطيفة : الو مين معي ؟
شرطي : معك الشرطه تعرفين وحده اسمها نور ؟
لطيفة : اي بنتي بس كيف عرفت
شرطي : لقيت اسمها على البطاقه بس للأسف حصل حادث مروع تم نقلها لمستشفى*******
لطيفة : ماقدرت تتحمل واغمى عليها
الشرطي : الو الو الو
بيان : يمههه
كانت تحاول تصحي لطيفه وناظرت الجوال
الشرطي : الو
بيان : نعم مين انت
الشرطي : حصل شي انت شرطي نور سوت حادث نتمنى تجون لمستشفى ******* ومركز الشرطه؟
بيان : وش تقول متأكد ؟
الشرطي : اي نعم
ناظرت بيان امها وقفلت الخط وركضت وهي تصيح ودخلت غرفه غيث : غيث غيث تكفى قوم يااخوي تكفى
قام غيث وهو مفجوع : وش فيك ؟
بيان : اختي اختي ياغيث يقول الشرطي إن صار حادث
غيث فز : وين امي
بيان وهي منهاره : اغمى عليها
غيث : قومي بسرعه جيبي عبايتها قومي
قامت بيان وهي تركض لبست عبايتها وجابت عبايه امها ولبستها
غيث : يلا افتحي السياره وتقدم يشيل امه ويركبها وساق السياره
غيث : وش قالك وش ؟
بيان وهي تبكي : يقول إنها سوت حادث ونقلوها المستشفى
غيث : خلاص تكفين لاتبكين لاتوتريني !
وصلوا المستشفى وحطوا امهم في غرفه
غيث : وين رايحه خليك مع امي انا بروح
بيان : تكفى لاتخليها تموت
مشى غيث
غيث : في بنت توها دخلت نقلوها هنا
الممرضة : شسمها ؟
غيث : نور مس
الممرضة : انت قريبها ؟
غيث : اي
الممرضة : الدور الرابع غرفه ***
مشى غيث وركض وشاف بنت كانت تنتظر طنش وجلس وهو متوتر
بعد مٌده خرج الدكتور
الدكتور : مين قريب المريض ؟
شهد : أنا
غيث : أنا
ناظروا بعض
الدكتور : طيب المريضه عندها نقص في الدم نحتاج دم
غيث : أنا نفس الفصيله
السستر : تعال
مشى ودخل الغرفه وهو يحس نفسه في حلم طول الوقت سحبت الدم وهو يفكر لدرجه مايحس فيها كان يفكر كيف يقول لأبوه من دون مايفجعه او يخوفه
السستر : خلاص خذ من العصيرات
قام غيث وأخذ عصير ومشى جلس وشرب العصير وهو يحس بضيقهه التفت لصوت وشاف امه وبيان وهي تقنعها ترتاح
غيث : يمه
لطيفة : وخر بنتي بنتي وين وش فيها صار لها شي ؟
غيث : يمه ارجعي اهدئي اهدئي
لطيفة : بنتي بنتي
غيث : يمه اصبري اهدئي ماندري
لطيفه جلست تبكي وتبكي وغيث يهديها هو وبيان
نزل دكتور وتجمعوا حوله
الدكتور : البنت دخلت في غييوبه عندها بعض الكسور في الكتف والساق
لطيفة انهارت تبكي وكانوا الكل مصدوم ماهو قادر يستوعب
غيث كان يفكر ويقول أنا السبب أنا السبب وجلس يبكي
بيان : غيث مو وقتك تعال ساعدني غيث
غيث كان يبكي ومصدوم
تجمعوا الممرضات عند لطيفه وكان غيث يناظر ودموعه تنزل ناظروا الشرطه الي جت
الشرطي : تقرب لنور بنت مسعود بن احمد ؟
غيث : اي
الشرطي : طيب تسمح لنا نحقق معك الآن ؟
الشرطي 2 : أنا ادري إنك تمر بإنهيار بس عادي تقدر ترفض
غيث : طيب بس بروح الحمام الله يكرمكم
توجه غيث الحمام الله يكرمكم يغسل وجهه ويحاول يمسك اعصابه بعد فتره خرج
الشرطي : مستعد ؟
غيث : اي
مكان آخر
كانت بيان جالسه عند لطيفه وتناظر كيف اصبحت حالت امها وكيف سار كل شي في لحظه كانت تنزل دموعها وهي هاديه كانت تفكر بكل شي كانت خايفه إن تطول نور في الغيبوبه وفجأه دخل مسعود وغيث
غيث : يبه هي بخير يبه
مسعود : بنتي وينها بنتي
بيان : بابا
غيث : يبه مانقدر نزورها
مسعود تقدم يحضن بيان وهي تبكي

بعد هاذي الحادثه بيومين
دخل غيث المستشفى : يمه تكفين تعالي افطري وبعدها نرجع البيت
لطيفة : ماني مشتهيه
بيان : يمه تكفين كٌلي سار لك ايام مااكلتي
مسعود : وبعدها نرجع البيت عشان تنامين لازم 
تقدمت لطيفة تاكل
التفتو لغرفه نور الي صارت تطلع أصوات وللدكاتره الي تجمعوا عليها
لطيفة : بنتي بنتي وش فيها
مسعود : خلك مع امك
غيث : ابشر ناظر بيان ولطيفه وتقدم يهديهم
وكان الوضع بكاء وبذات لطيفه الي مااكلت من يومين غير اكل خفيف ومويا بعد لحظات جاهم مسعود وهو يبكي
بيان : بابا اختي فيها شي ؟
مسعود وهو يمسح دموعه : ابشركم صحت بس ممنوع الدخول

البارت طويل بس بالله كيف دلعتكم صح ؟ إن شاء الله عجبكم وإن شاء الله بكره بنزل 💗