ياسعود والله مابعد زينها زين 💗

بارت 20

الجهه الثانيه
ساره : صبرت صبرت صبرت اجرلله اجرلله لكن خلاص !
التفتو لصوت طيحه لطيفه على الأرض
ساره بخوف : خلاص والله لأصبر
نجود : هاذي مويا
الجده : خلو الهوا يدخل
إبتعدو الحريم والجده ترش على وجه لطيفه لين مابدأت تفتح عينها
ليالي أخذت نفس : يوووه الحمدلله
ساره حضنت لطيفة وبدأت تبكي : خوفتيني عليك تكفين لاتعيدينها
لطيفة : بسم الله عليك مافيني شي بس بناتنا
نجود : وش فيهم اللهم استودعتكم البنات
ليالي : تكفين لاتخوفينا
لطيفة : والله ماودي أفجعكم بس شوفو الفيديو إلي في القروب
فتحوا البنات جوالاتهم والجده حاطه يدها على قلبها خايفه تفشل خطه الجد شافو الحريم المقطع كانو مصدومين ينعاد الفيديو مره ومرتين وثلاثه وهم يشاهدون بصمت ودموعهم مثل النار تنزل على خدهم يحسون إنهم السبب أما نجود كانت كل ماتشوف صدمه ليما من كلام إلي خلف الكاميرا ومنظر جنى يتقطع قلبها وتكره محمد أكثر وأكثر تحس بحقد وكره لمحمد تحسه هو السبب في كل شي من يوم إنخطفت ليما وجنى حملته مسؤوليه خطفهم
طاح جوال ليالي وسارت تمشي على ورا
ليالي : مستحيل مستحيل
ساره : بنتي بنتي والله إنها بنتي
أخذت الجوال الجده وناظرت الفيديو وقفت بسرعه وهي تمشي وتصارخ : أبو عبدالعزيز أبو عبدالعزيز تكفى ياأبو عبدالعزيز
سمع الصوت الجد وركض لها اما العيال كانو مصدومين من وجيه أبائهم ماكانو عارفين شي بس شايفين الحزن والغضب في وجيههم
أحمد : سمي سمي ياأم عبد العزيز
الجده : تكفى تكفى إلحق البنات
الجد : ماعليك الحين أنا بروح مع الدوريات أكيد تأخرو
قام عبدالرحمن ودخل غرفه نوره وهو كله حزن ناظر ليالي إلي جالسه جنب الدولاب وضامه بلوزه نوره وتبكي
عبدالرحمن : آسف
ماردت عليه ليالي وزاد بٌكائها جلس جنبها عبدالرحمن وحاوط كتفها
عبدالرحمن : إسمعي يابعد حيي وميتي أنا رايح مع جدي لمكان البنات وإذا رجعت ماابغا اشوف دمعتك تراها غاليه كثييير علي
مسحت دموعها ليالي : صدق ؟
عبدالرحمن : إن شاء الله بس لا أشوف دمعتك بنزعل عليك أنا ونوره!
ليالي : والله مابكيت إلا من حٍزني عليها ماادري وش يسوون لها الحين وإذا هي بخ
حط إصبعه عبدالرحمن على فم ليالي : اشششش إهدأي الحين يلا
قام عبدالرحمن وناظر ليالي : يلا وريني إبتسامتك
ليالي إبتسمت عشان يروح وترجع تكمل بٌكاء
عبدالرحمن: اي مو ترجعين تبكين
ليالي : لا خلاص
مشى عبدالرحمن وطلع وهو عارف إنها بترجع تبكي هو أساسا مايدري كيف واساها وهو يحتاج من يواسيه نزلت دمعته بدون ماينتبه كان واقف يتذكر الفيديو وكيف كانو البنات خايفات مسح دمعته ومشى يلحق الرجال
الجهه الثانيه
دخل عبدالعزيز وكان متضايق وواضح من وجهه ناظر أمل وزاد إكتئابه وقعد يتعوذ من إبليس وهو يقول في داخله والله هي الإبليس حرام أتعوذ من إبليس بظلمه على هذا الوجه
أمل : شفيك متضايق حبيبي
عبدالعزيز : وخري يامره
أمل : أنا تصد عني !
عبدالعزيز : ماودي أمد يدي عليك وخري عن طريقي
أمل : عاتبني بس لاتصد
عبدالعزيز : شوفي والله إن ماوخرتي راح اتفل في وجهك
انصدمت أمل من التهديد الغريب بس قررت إنها تثبت
ناظرها عبدالعزيز وتفل في وجهها : اعوذ بالله
ومشى يغير ثوبه ناظرته أمل بصدمه وأخذت مناديل تمسح وجهها
ناظرها عبدالعزيز ماكان وحده يسوي كذا بس أحسن من إنه يضربها
لبس ثوبه وشماغه ومشى وتجاهل نظرات أمل له
أمل : عزوزي هذا كله خوف على البنات ! لو إنها اجوان ماكان سويت كذا
ناظرها عبدالعزيز : ادخلي البيت وقضبي ارضك بنات اخواني وخواتي هم نفسهم بناتي
أمل تخصرت : ياكذاب
اخذ جزمته الله يكرمكم عبد العزيز ورفعها وسكرت الباب بسرعه رماها على الأرض ولبسها : ناس ماتمشي غير بالعين الحمرا كلي تبن
الجهه الثانيه
كانوا الحريم متجمعين إلا ليالي بس .....
كانو لابسات عبايات
الجده : ياويلي مستعجلين على موت بناتكم بسم الله عليهن
ساره : لا
نجود : بدام الرجال مامنهم فائده بننقذ بناتنا
الجده : لاحول ولا قوه الا بالله
لطيفة : بنلحق الرجال وأنا بسوق
نجود : لا والله انا أسوق
الجده : بيمشون وإنتم لسه المهم إني جايه معكم
ساره : اجل يلا
وقف الحريم صوت بنت التفتوا
بيان : يمهه
لطيفة : أنا في الجنه
ساره : لا ياحمار بنتك
لطيفة : بنتي
حضنو بعض وبيان تبكي كانت تبكي من كل قبلها
طلعت ليالي وهي تبكي ناظرت بيان وتقدمت تحضنها من الخلف
بيان : يمه وين البنات ؟
نجود : مو معك ؟
بيان : لا ماادري وين
ساره : بسرعة نلحق الرجال
بيان : طيب جيبو عبايات للبنات
ليالي : يلا بسرعه
لبست ليالي عبايتها وكل أم جابت عبايه بنتها وطلعو ركض ناظرت بيان سياره سامي ( دقيقة شلون بيان جت وإيش صار ؟ لا تخافون هاذي المره ماراح أقول لاتستعجلون )
نرجع بزمن شوي 🤏🏻
سامي : وبس هذا كل شي
بيان : يعني إنت عمي ؟
سامي : أي
بكت بيان وحضنته ناظرها سامي
سامي : صح إني عمك بس إنتبهي مو كل أحد يقولك كذا تحضنيه
بيان : طيب تعرف أهلي ؟
سامي : ليه ماتعرفين وين أهلك ؟
بيان : لا
سامي : صادقه ؟ طيب اي مدينه وين هم ؟
بيان : إلا في الرياض في حي ******
سامي : طيب ليه ماقلتي من أول يلا خلينا نمشي
بيان : بتوديني لأهلي ؟
سامي : أي
بيان : معليش ماأثق فيك
سامي : لاحول ولا قوه الا بالله إسمعي ثقي فيني
بيان : لامعليش توك قلت لي لاتثقين وأنا احس صدق ماأثق فيك
سامي : يابنت الحلال مو وقته تكفين
بيان : طيب عندك دليل بطاقه
سامي : دقيقة
طلع لها ووراها وطلع كلامه صحيح
بيان : كيف عمي ؟
سامي : تجين معي ولا ؟
بيان : طيب مع إني مو مقتنعه بالقصه
ركبوا السياره ومشوا 3 ساعات
سامي : هذا بيتكم ؟
بيان : طيب ليه ماقلت هذا بيت ابوي ؟
سامي : ياليل بتستقعدين لي ؟
بيان : خلاص بنزل
سامي : بنزل معك بشوف أبوي
نزلو وناظروا الرجال إلي يركضون ودخلو السياره ركض وراهم سامي
سامي : هيي دقيقة اناا
ناظروه الرجال
ثنيان : مين إنت ؟
الجد : اركب اركب يلا
ركب سامي وقفلو الباب ناظروه بصدمه وحركو السياره
محمد : مين إنت ؟
سامي : شكلك أخوي ؟
انصدمو كل إلي في السياره إلا الجد
سعود : السلام عليكم
سامي : وعليكم السلام
سلطان : تعرف مكان البنات ؟
سامي : لا والله
فهد : متزوج ؟
سامي : لا والله ماني فاضي زواج وقروشه
عمر : أي والله ماألومك
الجهه الثانيه
كانو البنات في لحظه صمت يناظرون بعض ووجيهم حزينه ومكسورين لين فجأه ضحكت نوره ولمياء وضحكو البنات
نوره : معليش بس ماني متعوده كذا
لمياء : وجيهنا صح حزينه بس تضحك
نور : هههههه بنات يدي توجعني شكله توه يجيني التحديث
ليما : اي والله تحرق وربي أنا عاصرتها عشان يخف الألم
جنى : بنات وربي جوعانه جووع
لمياء : أنا غبيه مسويه أستحي أفطر الصباح والحين شوي وأموت من الجوع
نوره : ماعليكم من الجوع والله العجوز طلع مو هين الحيوان وش الحقد ذا هو وصلعته
ليما : لازم نهرب لو تبون تكسرون الحديد براسي تم
نوره : حلو يلا
ليما : لا خلاص امزح
لمياء : مافي شي عشان يكسر الحديد
جنى : لازم نلاقي خطه او شي سريع قبل يجي
نور : نعطي الحارس رشوه ؟
نوره : اي عشان يعلقونا هنا ويعذبونا
وقفت نور وتجهت للباب
جنى : امسكو الثور والله تسويها
لمياء حطت يدها على رأسها : بنت بنموت تكفين
دقت نور الباب وماحد رد ودقت
نور : افتحو الباب
تجمعو البنات سوو دائره
نوره : ماعليكم من ذي لازم ندور حل
ناظرو البنات نور
نور : اسمعو بعطيكم 50 ألف اخر شي اخر شي 49 ألف
لمياء : اي كملي
ليما : ذي تكاسر بالمقلوب ؟
نوره : طيب وش نسوي ؟
جنى : شوفو وش رايكم نسوي نفسنا مسمومين
لمياء : اخاف نضحك وننكشف ويحرقونا أكثر من قبل
ليما : لا ماعليكم ولا ترا بيصير لكم مثل الثور
إلتفتو ورا وناظروا نور
نور : تراني دكتوره بعطيكم نص راتبي
لمياء : مسكينه توها مستلمه اول راتب ماعلينا لو تبوني أموت بموت ولا أكون معها
جنى : دورو حل
نوره : طيب شرايكم نسبب إزعاج عشان هو يدخل وأول مايدخل نمسكهم ونقتلهم
ليما : مكثره أفلام إنتي ؟ ويين ياحبيبي اخر شي تلاقيني ماسكين رجولهم ونصارخ يعني خلاص مسكناهم
لمياء : لا وين مستحيل اول مايدخلون تلاقونا في الزاوية ورا جنى أقوى شي نسويه إننا نصارخ
جنى : اي والله وأنا إلي أكلها دائما
نوره : بس شوفو هو حلو يعني نصارخ نشتتهم
نور : بنات جا جا خلاص كنسل
وركضت تتخبى ورا جنى
جنى بتفاخر : شفتو
ناظرو الباب بعد ماسمعو صوت إطلاق نار وركضو البنات ورا جنى
الجهه الثانيه
وصلوا الرجال وكانو الحريم وراهم يراقبون الوضع بس غريبه بعيد عن الرياض ؟ المكان كان نائي وبرا الرياض
نجود : وش يسوون هنا ؟
الجده : البنات بداخل أكيد
لطيفة : ياويلي المكان محاصر كلها دوريات شرطه
صرخت بيان : ذا ذا الكلب
شدت إذنها لطيفه : كم مره أقول وطي صوتك لاتصارخين
ناظرو ريان إلي مسكوه الشرطه
بيان : هذا هذا الكلب بغا يقتلنا الخكري
الجده : وش معنا الخكري ؟
بيان : يعني لحجي
ساره : طيب وش يعني لحجي ؟
بيان : السلام عليكم ورحمه وبركاته شلونكم طيبين والله البلشه
ساره قرصتها ونزلت نجود وليالي من السياره
نجود : الوضع لايحتمل
نزلو وراها الحريم وبيان أخذت كيس العبايات ناظر الجد وأول شي طاحت عليه عينه مهاوي
الجد : ليه جيتو ؟
الجده : وإحنا عندنا مشاعر مثلكم
نجود : خايفين يايبه
التفتو للبيت اول ماسمعو صوت صراخ أنثى
ليالي : يبه ( صح مو أبوها بس إحترام ) ليه يطلع من البيت دخان ؟
الجد : وين ؟
أشرت له ليالي وناظروا الحريم الدخان إلي يطلع من إحدى الغرف
ركضت بيان تدخل داخل وركضوا الحريم
الجد : لا تدخلوا العساكر موجودين
حاولو الحريم يدخلون لاكن الشرطه كانت محاوطه المكان
بس قدرت بيان إنها تدخل والشرطي يجري وراها عشان ماتتأذى
نرجع بزمن شوي
كانو الشرطه محاوطين يوسف وكانت معه وحده
كان ماسك يوسف السلاح وموجهه لرقبه سحر وأطلق فوق للإخافه
سحر : والله مالي دخل يوسف
يوسف : إنطمي الله ياخذك
مشعل : نزل سلاحك أحسن لك وإترك البنت
يوسف : ماراح اتركها
تقدم مشعل خطوه وصوب يوسف السلاح على رأسها
يوسف : إرجع ورا
رجع ورا مشعل : طيب إهدء البنت مالها دخل
أخذ يوسف ولاعته وشغل السجاره وبدأ يدخن وهو يضحك ويرجع ورا طيح علبه البانزين ( الوقود ) وحط رجله قبل تطيح عشان تستند على رجله وماتطلع صوت
مشعل بقرف : طفي الدخان كتمتنا
يوسف بإستهزاء : أطفيه ؟
مشعل : يوسف طفي الدخان ولا راح تندم
رمى يوسف الدخان على الأرض وفجأه إشتعل النار لاكن أصابت سحر ويوسف بالحروق بسبب قربهم وإحترق نص جسد سحر اما يوسف أصابته حروق في الرجل بس ماقدر يتحمل ألم وطاح على الأرض وللأسف ( للأسف 🧢) إحترق جزء من وجهه وتم القبض عليه هو وسحر
الجهه الثانيه
كانو العيال متلثمين بالأشمغه لأن ريحه الدخان بدأت تنتشر والنيران
ويصارخون لعلى وعسى يلاقون البنات
الغرفه
لمياء : بنات وش هذا الدخان إلي يدخل
نوره : بنات حريق صح ؟
خافو البنات وقامو يناظرون الدخان ويحاولون يفتحون الشباك
لمياء : فوق الحديد إلي ماينكسر مسكر الشباك
جنى : بنات حاولو
ليما : الحديد قوي إذا نبغى نكسر الشباك اول شي لازم نكسره الحديد
نور : بنات بسرعه مافي وقت الدخان بدأ ينتشر
نوره : بنات الحديد لازم نكسره حاولو معي
حاولو البنات يسحبون الحديد لجهتهم او حتى كسره بالحديد إلي على النار
لمياء : بنات ليه مانحط الحديد على النار ونحطه على الحديد
ليما : صح بيضعف الحديد ونقدر نكسره
حاولو البنات يحطون النار على الحديد لاكن ماانكسر ولا تغير فيه شي لكن العكس لأنهم مايقدرون يمسكونه لسخونته وأيضا ماذاب او إنكسر مثل ماكانو متخيلين إلتفتو لصوت إصطدام شي على الأرض
نوره : نور
تجمعو البنات وحاولو إنهم يصحونها لاكن للأسف كان الدخان ينتشر والتفتوا لليما إلي ماقدرت تتحمل وإنكتمت بسبب الدخان
جنى : نزلو راسكم
اخفضو البنات روؤسهم وهم خايفات
لمياء : بنات مابقى غير حنا الثلاثه لازم ننتبه ولازم نحاول نتنفس
جنى : حاولو تتنفسون ببطئ وتحافظون على وضعكم إنتبهو تتنفسون بسرعه الأكسجين في الغرفه قليل
التفتو لصوت الضرب على الباب
سلطان : في احد هنا ؟
صرخو لمياء ونوره : ايي
جنى : بنت إنتبهي
بدأت تكح نوره لأنها إستنشقت من دخان الحريق
التفتو العيال على بعض والإبتسامه شاقه وجيههم
غيث : وخرو
وبدأ يرفس الباب لاكن الباب كان من حديد وموراضي ينكسر
فهد : وخر وخر أنا أكسره
ناظرو العيال فيه وبدأ يكسر الباب بقوه بس مافي أمل ناظروا بعض
عمر : وخرو بس بسم الله
وبدأ يضرب الباب بس بقوه بس بدون جدوا لاكن حاولو العيال معه إلا سلطان وماستسلموا وحاولو أكثر من مره
جنى : بنات الحمدلله بيفتحونه
نوره : اختك ثقيله
جنى : لازم نسحبهم لزاويه
كانو البنات يسحبون نور وليما لزاويه لأن الدخان إنتشر في الغرفه كامله والزاويه كانت أخف بس طاحت لمياء وأغمى عليها ماقدرت تتحمل وركضو لها البنات حاولو يصحونها بس بدون جدوا وشالوها وحطوها مع البنات
نوره وهي تقلد لمياء : بنات مابقى غير حنا الثلاثه لازم ننتبه ولازم نحاول نتنفس
جنى : حرام طاحت وراهم
نوره : إسمعي بديت إنكتم
جنى : تكفين حاولي شوفيهم يحاولون يكسرون الباب
العيال
كان ثنيان يضرب الباب بقوه وكانو العيال يناظرونه لأنهم يشوفونه صغير وضرباته ضربات مراهق بس مايقدرون يقولون لا لأن راح يعصب ويعلم جدهم وينضربون بالعصا
فجأه سحب غيث ثنيان من الباب وإلتفتو للنيران إلي قربت من الباب
وسمعو صوت العساكر
مشعل : وش تسوون في القبو ؟ ( مكان او غرفه أسفل البيت )
سلطان : قاعدين نتمشى ونستكشف المكان وش شايف يعني ؟
نزلو العساكر وناظر مشعل الباب
مشعل : هم هنا ؟ أساسا كيف شفتو القبو ؟
ناظرو رجل سلطان إلي تنزف دم
ثنيان : سالفه المهم إكسر الباب بسرعه النار بتاكل الباب
ناظرو الباب إلي بدأت النار تاكل أطرافه وتدخل للجهه الثانيه
الجهه الثانيه
نوره : جنى حاولي تتنفسين
جنى كانت تحاول تتنفس : مااقدر اشوف شي
نوره : إن شاء الله بيفتحون الباب
جنى : أشهد ان لاإله إلا الله وأ
عطتها نوره كف : بنت ماراح نموت إن شاء الله
جنى بعصبيه : طيب لاتعطيني كف يدك يد خباز ماشاء الله
بدأت جنى تكح ونوره تحاول تساعدهم بس أغمى على جنى
مشعل : وخرو
أخذ شماغه ولفه على رجله ( الله يكرمكم ) وكان بيكسر الباب لاكن
سعود : لو سمحت محارمنا في الداخل خذ شماعي ولفه على عينك وإلي معك لاهنت
غيث : أي لازم
مشعل : ياليل من زين بناتكم
ناظروا العيال
فهد : اي صح وبعدين نلاقيك خاطب وحده منهم
إبتسم مشعل أول ماتذكر جنى ولف الشماغ على عينه وبدأ يكسر الباب بقوه وأخذو العساكر أشمغتهم ويلفون الشماغ على أرجلهم ( الله يكرمكم ) ويحاولون الكثير مع مشعل
إلتفت غيث على صراخ بيان وهي تركض ومعها كيس
غيث ركض يحضنها : بيان
بيان : وخر ياخوي بعدين الحين البنات وين ؟
إلتفتو لصوت كسر الباب ودخلت بيان وقفت نوره وحضنت بيان نوره
بيان : بسرعه حطي العبايات فوقهم اي شي غطيهم
نوره لبست عبايتها وحطو العبايات فوق البنات دخلو العيال وكل واحد شال إخته ناظر غيث نوره إلي كانت متلثمه ومشى لها
غيث : إنتي بخير ؟
ناظرت بيان غيث ماتدري تضحك ولا تضربه اما نور كانت طايحه في الأرض ونوره تحاول تستوعب كلامه
نوره : هاه ؟
غيث : إنتي بخير
بيان : اختك ماهي بخير
إلتفت غيث وشال نور اما نوره كانت واقفه مصدومه هو ليه يسأل مافهمت ولا استوعبت بس مسكتها بيان
بيان : نوره نوره تسمعين امشي نوره
نوره كانت تسمع مثل صوت صفير وطاحت على الأرض وشالها أحد العساكر
وصل الإسعاف وكانو الحريم منهارات ركبو الحريم مع البنات و مشعل وسامي وفهد وسعود ركبو سياره ولحقوهم اما الرجال من اول ماطلع يوسف وهم ماسكينه ضرب وهذا الشي مايصير في القانون وماكان يفكرون فيه غير الإنتقام والقتل بس إلي كان يحرقهم أكثر إبتسامته رغم إنه محروق وإنضرب كان محمد يحاول يهديهم اما الجد كان جالس وحاط يده على خده يناظرهم لأنه عارف إنه خلاص مايقدر يسوي شي ( ليه ؟ وكيف ؟ )
العسكري سحب يوسف والرجال يناظرون بكل حقد
جو عساكر ومعهم كلبشات ومسكو واحد واحد
علي : هيي شسالفه
العسكري : قالبين حلبه مصارعه على الرجال وتقول وش السالفه ؟ شين وقوى عين
سعود : هيي أبوي وين ماخذينه ؟
مسعود : هذا عذب بناتنا ثانيا بدال ماتمسكون المجرم ماسكينا
محمد : سار لي ساعه افهمكم إنه مايصير وفيه قانون وراح تتحاسبون
العسكري : الحمدلله في عاقل ثانيا مسوين حلبه مصارعه وش متوقعين بنصفق لكم ؟
سلطان وهو يعرج : حرام عليكم ابوي ماله دخل
العسكري : فوق ماانت تعرج أحول ! شوف أبوك هاذاك
لف سلطان وشاف أبوه يناظره كذا 😐
سلطان : طيب أعمامي !
العسكري : روح روح بس
اما الباقيين كانو يناظرون بصمت ودهم يقومون بس يحسون من كثر الضرب على الباب مايقدرون يمشون ويحسون بألم وإكتفو بس بنظر
غيث : ابوي راح
عمر : أي
غيث : ودي أقوم
عمر : حتى أنا كان أبوي يناظرني يستناني أقوم بس أسف
غيث : تصدق أبوي كان يناظرني بنظرات إبن عاق بس أسف
عمر : هل نحن عاقيين ؟
غيث : لا حنا سووينا فوق طاقتنا بس
عمر : احس ودي أغمض عيوني وأقوم وأنا في المستشفى
غيث : اي والمكيف بارد وسرير حلو تحس براحه
عمر : وإذا قالو لي عندك زياره أقولهم ماابغا أشوف وجه احد
غيث : الله ويكون في سبب لعدم زياره ابوي وخوالي في السجن
عمر : على الأقل هذولا خوالك أنا عمامي
غيث : طز مافرقت أهم شي الراحه
عمر : صح ونمنع الزيارات ونقعد في السرير 24 ساعه
غيث : وتلفزيون وبرد وعصيرات وأكل يالبييههه
سلطان : حسبي الله ونعم الوكيل
ثنيان : اخذو أبوي لسجن اخخخ
سلطان : لاتبكي
ثنيان : تخسي أبكي
سلطان : يارب إنهم يطلعون من السجن ويعرفون إنهم مظلومين
ثنيان : آمين
ناظروهم غيث وعمر بصمت
سلطان : يارب طلع أبوي وعمامي من السجن يارب ترزقهم محامي كفو يارب ارزقنا فلوس يارب
ثنيان : آمين
سلطان : يارب وفق أبوي وعمامي وارزقنا أعمامي
ثنيان : آمين بس عندي ملاحظه كيف يرزقنا أعمام ؟ يعني يرزقني اب جديد ؟
سلطان : نسيت مدري ياخي لاتقاطعني !
ثنيان : يلا خلاص
الجد : بتبقون هنا ؟ يلا قوم إنت وياه
قاموا سلطان وثنيان وهم حزينين على ابوهم وعمامهم اما غيث وعمر كانو يمشون وكل واحد يستند على الثاني وركبو السياره وإنطلقو على المستشفى والجد كان خايف اما الجده كانت مصدعه وظغطها مرتفع وتبغى تطمن على البنات ومحمد يحاول يخفض لها الظغط
السياره
سامي : الحين البنات وش فيهم ؟
مشعل : إنت مين ؟
سعود : هذا عمي سامي
مشعل : جدكم ناوي على قبيله ؟
فهد : قول ماشاء الله لاتسكنا عين
مشعل : ماشاء الله
سامي : طيب سؤالي ؟
سعود : إنخطفو وتونا محصلينهم
فهد : مامداني اتهنى بالحلال
سعود : مين الحلال ؟
فهد : زوجتي
سعود : تخسي
سامي : صلو على النبي الموضوع مايستاهل ( صلو على النبي إنتو كمان 💗)
سعود : اقول إسكت إنت
فهد : عادي خطبتها وملكتنا قريب
سعود : مافي ملكه تخسي وتعقب
مشعل : خلاص إنت وياه
المستشفى
نجود : حسبي الله على أبوك كله من أبوك الكلب
كانت ليما منسدحه على السرير وحطت لها الممرضة جهاز بخار إستنشاق ( مثل هذا 🤿 بس طبي وبدون نظارات يعني إنبوب كذا إبحثو في قوقل ) كانت مهلوكه وتعبانه
نجود : اخخ كيف قدر يظلمك لازم نتطلق
التفتو لصوت دقات قلب ليما من صدمتها لكلام امها نزلت الجهاز
ليما : يمه وش تطلقون ؟
نجود : خلاص كرهته ماابيه
ليما : يمه تكفين لا
قامت نجود وطلعت برا ولمياء كانت في حاله صدمه بدأت تكح
الممرضة : لازم تحطين الجهاز
رجعت إنسدحت ليما وحطت الجهاز وهي تفكر في كلام امها
وكانت تناظر الحرق وهي مقهوره
الغرفه الثانيه
كانت لمياء صاحيه بس تمثل النوم لأنها اول مره تحس براحه كذا تحس إن صار لها قرون مانامت على السرير وكانت تحس بألام في جسدها وساره كانت جنبها تقرأ قرآن
الغرفه الثالثه
الممرضة : فيه زياره
جنى : لاتدخلين أحد ماابغا احد ابغا أنام
الممرضة : متأكده ؟
جنى : اي وطفي النور معك
الممرضة : طيب
جنى كانت عارفه إن أكيد امها خايفه عليها بس ماكانت تحس إنها مستعده إنها تشوف أمها ماكانت تبغا تقابل احد ابغا ترتاح لو فقط يوم
الغرفه الرابعه
لطيفة : تبغين أكل ؟
نور : لا
شهد : لازم تاكلين مايصير
نور : أكلت هناك
بيان : كذابه حارا يدك تبينه يأكلك ؟
شهد : خاله تصرفي لازم تاكل
لطيفة : يلا كٌلي
نور : طيب ارجعو لي بعد ساعه
شهد : ننادي سوسو ؟
التفت لها نور بصدمه وناظرت امها : لا لا لا شدعوه باكل
شهد : اي مثل الشاطرين
بيان : مين سوسو ؟
نور : ممرضه عندنا وحده يعني شديده
شهد : اي مره شديده ومرررره تحبها نور
نور : نتفاهم بعدين
شهد : إن شاء الله
بيان : شاكه في سوسو هاذي بس يلا بمشي الموضوع
لطيفة : يلا إفتحي فمك
بيان : احس سار أكشن ليتني معكم
لطيفة : إستغفري ربك لو صار لك شي ؟
بيان : استغفر الله
شهد : صدق احس أكشن
نور : أكشن ؟ بغيت أموت والله
لطيفة : استغفري ربك يابنتي لو صار لكم شي !
شهد : استغفر الله
لطيفة : طيب يلا كلي
نزلت شهد من الغرفه
وصلوا العيال المستشفى
سامي : احس بمغص ببطني
سعود : لا ماعليك انت ادخل وقوا أنا عمكم
مشعل : شوف من يتكلم قبل شوي تسكته بسياره وتقول عمي ! إنت خليت فيها عم ؟
سعود : مدري احس ماني مستقبل
سامي : تتقبل غصبا عنك
ناظرو الممرضة إلي نزلت من الغرفه
سامي : البنات بخير ؟
شهد : مين إنت ؟
سامي : عمها
شهد : كذاب
سامي : والله عمها ثانيا وش دراك ؟
شهد تخصرت : أنا صديقتها وأعرف كل اعمامها
سامي : طيب أنا عمها والله
شهد : سبحان الله في ليله وضحاها سرت عمها ؟
سامي : تقدري تقولين
شهد : ماني فاضيه لك وخر بروح لمكتبي
سعود : دقيقة كيف البنات
شهد ناظرت سعود وعرفته : نور بخير
سعود : الحمدلله
ناظروه العيال بتعجب وإستوعب
سعود : لا أقصد كيف البنات يعني
شهد : لا الحمدلله تمام بس التنفس شوي بسبب إنهم إستنشقوا من الدخان
فهد : يعني الحمدلله بينزلون اليوم ؟
شهد : وش دراني ؟ مااعرف شي هذا إلي سمعته من الدكتور
سامي : الحمدلله
مشت شهد لمكتبها
سامي : خير وش فيها ذي ؟ غثيثه ونفسيه
سعود : وهي صادقه طلعت فجأه ماندري ليه مخبيك جدي
مشعل إستغل الفرصه ومشى
مشعل : دكتوره
شهد : نعم ؟
مشعل : وين غرفه جنى ؟
شهد إبتسمت : رقم ******
مشعل : مشكوره
مشى مشعل للغرفه وطق الباب
ناظرت جنى الباب : ياليل نشبه ماحد يقدر ياخذ راحته لا مستشفى ولا بيت
ظغطت جنى على الزر وجت الممرضة ناظرت مشعل واقف عند الباب
الممرضة : نعم ؟
مشعل : هاذي غرفه المريضه جنى ؟
سمعت جنى صوته وسوت نفسها مجنونه خافت يدخل وهي بدون عبايه قامت من السرير وهي تحس بألم بس أهم شي مايدخل عليها كذا لبست عبايتها بسسرعه وجلست على السرير تلبس النقاب بسرعه ودخلت الممرضة تناظر جنى وجنى تناظرها
الممرضة : في شي ؟
جنى : لا كل شي تمام
مشت الممرضه وهي مستغربه عدلت المٌغذي وجنى تناظرها
الممرضة : متأكده كل شي تمام ؟
جنى : لا الأمور حلوه مافي شي
الممرضة : طيب ليه لابسه عبايه مافي غيري تقدري تنزليها
جنى : ليه ؟ مافي واحد جا يزورني ؟
الممرضة : اي بس أنا منعته
جنى : ليه ؟
الممرضة : إنتي منعتي احد يدخل عندك
ناظرت جنى الممرضة وفصخت النقاب وهي تقول كلام مو مفهوم
الممرضة : ادخله ؟
جنى : هو برا ؟
الممرضة : لا راح بس اناديه إذا تبين
جنى : لا
نزلت الممرضه من الغرفه وهي مستغربه تصرفات جنى اما جنى أخذت المخده وقعدت تصارخ وهي متحسفه كان ودها إنه يدخل ودها تشوفه
الغرفه الثانيه
سلطان : يعني قوليلي وش تحسين ؟
ليما: احس إن ودي أقوم وأضربك لين تبكي
سلطان : ههههه إنتي البزر تخليني أبكي ؟
فهد : لمو تحسين في شي يوجعك ؟
ليما : اي احس جسمي مكسر
نجود : لا إن شاء الله لاتتفاولين
ليما : يمه شيلي عيالك من وجهي
سلطان : مريضه
ليما : المريض جابته وميمك ياكلب انت المريض
فهد : يلا سلطان حرام لمو تبغى تنام
وقف سلطان ومشى وهو يعرج
ليما : ههههههههه الله لايبلانا يامريض
سلطان : يمه بنتك !
نجود : بنتي مافيها شي روح روح بس
ليما : والله كيف تعورت ؟ ههههه
سلطان : كلي تبن لو إني مادعست على خشبته الخربانه ذي وماانغرزت رجلي في الخشب ماكان احد عرف مكانكم !
نجود : روح روح الله يستر عليك
طلع سلطان وفهد ومشى فهد ويستند على سلطان
سلطان : هيي على وين ؟
فهد : بروح لزوجتي
سلطان : وجع إنقلع
مشى فهد وشاف ثنيان واقف قدامه
ثنيان : على وين ؟
فهد : ابغا اشوف زوجتي
ثنيان : كل تبن لسه ماصارت زوجتك انقلع
فهد : إسمع تدخلني عند لمياء وادخلك عند ليما
ثنيان : والله إنك رجل ونعم فيك بس دقيقة
دخل ثنيان عند لمياء إلي كانت جالسه وقدامها سعود
لمياء : وبس
سعود : لا ابغا القصه كامله
لمياء : ياخي طيب تعبانه انقلع من وجهي شوي ابغا راحه
ثنيان : سعود تعال
سعود : نعم ؟
ثنيان : توني شفت غرفه نور مافيها احد
سعود : طيب ؟
ثنيان : لا بس هذاك طريق الحمام مو تلخبط بعدين
سعود : الله ياخذك للجنه
ثنيان : آمين
طلع سعود من الغرفه وإلتفت ثنيان للمياء
ثنيان : يلا تحجبي
لمياء : ليه ؟ ماني ناقصتك اطلع
ثنيان : بيدخل فهد
لمياء : وشووو ؟ طيب دقيقة كيف وجهي حلو ؟
ثنيان : ومين قالك إنه بيشوف وجهك غطي وجهك بطرحه
لمياء : تخسي
ثنيان : اقول يلا غطي شعرك
لبست لمياء الطرحه وهو يبتسم
لمياء : كسر
ثنيان : وشو ؟
لمياء : اقول إبتسامتك جذابه
ثنيان : ادري
لمياء : طيب خليه يدخل
طلع ثنيان وناظر فهد جالس يستناه
ثنيان : ادخل بس لاتدقق بنظر
فهد : طيب يلا ادخل قلت لأمي
ثنيان إبتسم ومشى لغرفه ليما بس ناظر يده
الغرفه
دخل فهد والإبتسامه شاقه وجهه اما لمياء كانت مستحيه
تقدم وباس رأسها وجلس
فهد : كيف حالك ؟
لمياء: بخير
فهد : متى تبغين يوم الملكه ولا نفس اليوم
لمياء : لا نخليها بعد شهر ثانيا انا مكسره تقولي ملكه ؟
فهد : آسف بس اسمعي بنخلي الكلمه والزواج في يوم واحد
لمياء : والله ماراح اطير
فهد : ادري بس بعيد راعي مشاعري
لمياء : خلاص طيب بس متى إحنا محددين ؟
فهد : الأسبوع الجاي
لمياء : متى ؟
فهد : الإسبوع الجاي
لمياء : مايدميني اسوي شي مره قريب
فهد : إنتي محددته
لمياء : خلاص طيب بس ممكن أغير رأيي بعدين
فهد : عادي بس كيفك الحين ؟
لمياء : الحمدلله
فهد : النشبه سعود وثنيان يضايقونك ؟
لمياء : مرههه وربي
فهد : تبغيني ادبهم ؟
لمياء : اي
فهد : ابشري من عيوني
الممر
كان ثنيان عند الآله يناظر الشبسات والعصيرات
ثنيان : واحد اثنين ثلاثه اربعه خمسه سته سبعه ثماينه تسعه عشره / كان يعد والشبس ( بطاطس ) إلي يوقف عنده يشتريه
مشى ثنيان بعد مااشترى لليما طق باب الغرفه
ليما : ادخل
دخل ثنيان وهو مبتسم عكس ليما كانت مكشره وتناظره
ثنيان : السلام عليكم
ليما : وعليكم السلام
ثنيان : إشتريت لك هذا بس مالقيت كندر
ليما : شكرا
ثنيان : مابينا بس شفيك ؟
ليما : مافيني شي
ثنيان : بتبكين ؟
ليما : تخسي
ثنيان : طيب ؟تبين اقول لك نكت ؟
ليما : اي
ثنيان : وحدة ماشية في جنازة زوجها وبتضحك سألوها بتضحكي ليه؟ قالتلهم لأني أول مرة أعرف هو رايح فين
ليما : خايسه
ثنيان : ياليل طيب مرة فرخة راحت عزا قالتهم البقااااااء
ليما : هههههههه اي مثل ذي تضحك
ثنيان جلس وتحمس : نملة تزوجت ذبابة ليه؟
ليما : ليه ؟
ثنيان : عشان حلمها تتزوج طيار
ضحكت ليما وثنيان كان طااير من السعاده اخيراااا
ليما : أنا عندي نكته
ثنيان : يلا
ليما : واحد بيسأل وحده عن اسمها قالتله وعد قالها والله ماراح اقول لأحد ههههههههههههه
ثنيان : حلوه في غيرها ؟
ليما : في نمله تحجبت يوم السبت ليه ؟
ثنيان : ليه ؟
ليما : سترداي
ثنيان : ههههههههه حلوه
ليما : في أسد مارضى ياكل عجوز ليه ؟
ثنيان : ليه ؟
ليما : مايكل نواشف
ثنيان : هههههههههه الحين دوري
ثنيان : في سروال راح عند شيخ ليه ؟
ليما : ليه ؟
ثنيان : ملبوس
ليما : هههههههههه
نروح الغرفه الثانيه
نوره : اهههه
ليالي : ياخي متأكد إنك تعبان انت ؟
نوره : اههه ماتشوفني اقول له ياخي أكيد تعبان
ليالي : يالله ابوك سار لي ساعه ادق عليه
نوره : اهههه
ليالي : شلون نطفيه ذا والله فهمنا إنك تعبانه
نوره : طيب تعبانه أكيد يقول اههه
ليالي : ابوك السربوت مايرد
نوره : أعلم ابوي ؟
ليالي : وبنت عاقه يارب صبرني
نوره : والله إني شاطره ماقد طلبتو مني شي وقلت لا
ليالي : واكثر المصايب تجي من لا طلبنا شي سويتي العكس
نوره : خلاص بصير عاقه
ليالي : إلهي انت تعلم كيف حالي
نوره : ذي نعمه جوال
ليالي : يارب يارب انت أعلم
نوره : يمه
ليالي : نعم
نوره : وشرايك نستكشف المستشفى ؟
ليالي : استغفر الله استغفر الله
نوره : يمه
ناظرتها ليالي : لا
نوره : يمه
ليالي : تم ههههههه ( ضحكه مثل الأشرار )
نوره : هههههه يلا عطيني عباتي
أخذت عبايتها ولبستها هي وطرحه
اخذليالي العربيه ( الكرسي إلي يجلسون فيه كبار السن )
جلست نوره فيه ومشت هي وليالي يطلعون من الغرفه
نوره : وديني عند البنات
نروح الغرفه الثانيه
بيان : بنت بسرعه تحجبي الدكتور بيدخل
تحجبت نور وناظرت سعود داخل من الباب
سعود : الحمدلله على السلامه
نور وهي مفجوعه : الحمدلله
سعود : نرد الجميل
ناظرت نور عصير السنتوب وناظرت سعود وأخذته
نور : شكرا
سعود : العفو
كان صمت ونور تناظر بيان تتوعد فيها وبيان تغمز لها
سعود : يقولون يعني إلي تعبان يحب الي يكون معه ويسانده يعني سبحان الله كيف الإنسان الي يتعب كذا
بيان كانت تحاول اكتم الضحكه اما نور ودها تنشق الأرض وتبلعها
نور : سبحان الله
سعود : سبحان الله
سعود : وش عصيرك المفضل ؟
ناظرته نور اما بيان كانت دموعها تنزل وهي حابسه ضحكتها
نور : ماادري
سعود : طيب مشروب غازي ؟
نور : كولا
سعود : سبحان الله حتى انا
نور : ماشاء الله
سعود : تحبين الشتا ؟
نور : اي
سعود : حتى انا
نور : ماشاء الله
سعود : وش صار معكم يعني ؟
نور : ماصار شي يعني بس مسكنا وقعد يسولف معنا بعدين جو حريم دخلو علينا حرقو يدي أنا وليما وإنحرقت وحده منهم الحمدلله وطلعو وبعدين أنتم جيتو بس
سعود : بس !
نور : بس
سعود : حرقو يدك ؟
نور : اي
سعود : تعورك ؟
نور : لا خفيفه مااحس فيها
نور : بسألك سؤال
سعود : إسألي
نور : ابوي وين ؟ امي تصرفني كل ماسألت
سعود : ابوك سافر
نور شكت : مات ؟
سعود : لا بسم الله وش مات سافر يعني
نور : حركات الأفلام ابوك سافر بعدين تصارحوني بالحقيقة
سعود : لا والله بس اقولك وماتزعلين ؟
نور بخوفة: ابوي مات
سعود : لايابنت الحلال ابوك بخير والله بس في قسم الشرطه
نور : ليه ؟ وش سوا
سعود : والله هو وأعمامي مسكو يوسف وجلدوه جلد وشلوهم الشرطه
نور : ابوي بخير ؟
سعود : لا الحمدلله
نور : يعني كذا كم ساعه ويطلعون ؟
سعود : الصدق ماادري بس إحتمال يوسف يرفع قضيه عليهم وإذا لا ممكن ينسجنون او يدفعون غرامه
إنصدمت بيان لأنها توها تعرف هي بعد
نور : الحمدلله
سعود : هاه ؟
نور : لا يعني الحمدلله حسيت صار شي قوي جدي يقدر يطلعهم إن شاء الله
سعود : إن شاء الله
دخل غيث وناظر سعود جالس عند نور وبيان قام سعود
سعود : هلا والله
غيث : وش مجلسك هنا ؟
نور : غيث نادي الممرضة يدي تعورني بسرعه
ركض غيث وركض معه سعود مسكته نور من طرف ثوبه
نور : ياحمار انقلع هناك ألعب عليه بس
استوعب سعود وركض عند لمياء اما غيث جاب الممرضه وكملت نور تمثيل وبيان تصورها تبتزها بعدين
الغرفه الثانيه
لمياء : ياحبيبي كأنه ايسكريم في ديسمبر عرفته ؟
فهد : اي والله المشكله وجهه محمر أحسبه من ضرب أعمامي له طلع حاط خدود
لمياء : قصدك بلاشر ؟
فهد : اي ذا
لمياء : الله ياخذه بس
دخل سعود وناظر فهد ولمياء وقام فهد
سعود : لا إستريح اجيبلك قهوه بعد ؟
فهد : والله و
سعود : مايحتاج حلف أهم شي لمياء لبسها محتشم
فهد : طيب يلا أشوفك على خير
لمياء : مع السلامه
غرفه
كانت جنى منسدحه وتفكر لو دخل عليها مشعل وش كانت بتسوي وليه كان يبغى يدخل لها إلتفتت بصوت الممرضة وهي تقول ممنوع ركضت لبست عبايتها وفتحت الباب ناظرت نوره وليالي
ليالي : شايفه حتى فتحت لنا الباب
كانت مصدومه جنى تناظر فيهم
ليالي : تجين معنا بنتمشى في المستشفى ؟
كانت بترفض جنى بس ممكن إنها تقابل مشعل
جنى : اي
ليالي : يلا نوره زحفي لها
جنى : هنا ! وأشرت على العربيه
ليالي : اي
جلست جنى جنب نوره إلي كانت متحمسه وتسولف اما جنى كانت هاديه وتسلك لنوره
ناظرو غرفه ليما وصوت ضحكها
ليالي : نسحب عليها ؟
جنى : اي
نوره : حرام
جنى : لا
نوره : متضاربه مع اختك ؟
جنى : اي
مشت ليالي لغرفه لمياء ودقت الباب وفتح لها سعود
سعود : هلا خاله
ليالي : وخر
وخر سعود ودخلت ليالي
ليالي : تبين تتمشين في المستشفى ؟
لمياء : لا
ليالي : البنات موجودات
لمياء : طيب
سعود : توك تقولين لي انزل بنام !
لمياء : قاعد اصرفك
لبست عبايتها
ليالي : شوف هناك في عربيه جيب عربيه لأختك وإلحقنا
لمياء : ليه عربيه ؟
أشرت ليالي على جنى ونوره وناظرت لمياء
لمياء : طيب اقدر امشي
ليالي : لا عشان الدكتور قال لاتمشون كثير هاذا الإسبوع
سعود جاي العربيه او الكرسي للمياء وجلست فيه
سعود : والباقين ؟
ليالي : الحين رايحين
الغرفه الثانيه
غيث : اي وليه ناديتو سعود ؟
نور : ماادري بيان جابته
بيان : كانت نور تبغا عصير وووبعدين
غيث : اي ؟
بيان : ساعدني وجا أعك. العصير لنور وهي سألته عن ابوي
غيث : لازم تعرفين يعني ؟
نور : اي ثانيا امي وين ؟
غيث : والله ماادري
طق الباب وتحجبو البنات وفتحت بيان الباب ناظرو البنات
ليالي : هاااييي يلا ياحبيبي جيب كرسي لأختك او حطوها مع لمياء
نور : قدام
غيث : وش إلي قدام توك تقولين يدك تعورك
نور : لا شوف مافيها شي
غيث : طيب روحي
قامت نور وبيان وجلست نور مع لمياء اما سعود رجع الغرفه وبيان سارت تدفهم
غيث : كيف حالك خاله
ليالي : بخير
غيث : كيف حالك نوره ؟
نوره : الحمدلله
مشو البنات
بيان : السلام عليكم ورحمه وبركاته في فلوق جديد بس مكان غير
جنى : اي مكان غير ؟ قبل شهر العيال متسممين ونفس المستشفى
ليالي : ماودي اضحك وربي يبليني
مشو البنات وركبوا المصعد
ليالي : كيف اطلع فوق ؟
نور : اي دور تبين ؟
ليالي : عند مشاعل
لمياء : اي والله نسناها
بيان وهي تصور: طبعا عندنا عادات وتقاليد إذا دخلنا المستشفى لازم نزور مشاعل دكتوره وماراح أستغرب إذا لقينا الحريم عندها يعني
وصلوا لدور وفتح الباب اول شي طاحت فيه عين جنى مشعل إلي كان جالس بكراسي الإنتظار
نوره : وشو لايكون حامل ذا ؟ هههههههه
جنى : خير أكيد يستنى اخته
لمياء : اخته ؟
ناظرت نور جنى وهي تغمز لها
جنى : بفقع عينك ترا
نور : هههههه ترا راعي الهوا مفضوح
جنى : انقلعي ياوصخه
بيان : وش فيه ؟
جنى : لا وخرو بقوم
قامت جنى وناظرت مشعل إلي يناظرها وهي تقول في نفسها يارب ماشافني وأنا في الكرسي
كان جالس مشعل على الجوال ينتظر مشاعل اعطيه الشاحن لأن شاحنه في البيت إلتفت من سمع صوت بنات وناظر جنى إل جالسه على عربيه وتدفها ليالي إستغرب دقيقة لايكون إنكسرت رجلها لاكن قامت فجأه وناظرته وقف وتوجهه لها
ليالي : مين هذا ؟
جنى : لا زميل معي في الدوام
نوره : طيب ليه جاي عندنا ؟
مشعل : السلام عليكم
البنات: وعليكم السلام
مشعل: كيفكم الحين ؟
البنات : الحمدلله
مشعل : بناخذ افاداتكم إن شاء الله
جنى : تمام الحين ؟
مشعل : لا بعد نص ساعه إن شاء الله
ليالي : تمام
مشعل : جنى ابيك في موضوع
لمياء : متأكدين زملاء عمل ؟
نور : لاويينن زملاء عمل الله يسامحك
نوره : زملاء عمل من ورا التريلات
عند جنى ومشعل
مشعل : كيفك الحين ؟
جنى : الحمدلله
مشعل : يوم شفتك بالعربيه ويدفوك حسيت رجلك إنكسرت
جنى : لا الحمدلله
مشعل : الحمدلله يلا صديقاتك مفتقداتك يتمنون ترجعين لنا قريب
جنى : إن شاء الله
بيان : صديقاتها ولا هي ؟
نوره : مستحيل لو صديقاتها بيدقون أكيد هو
ليالي : اقول خلوهم ويلا نروح عند مشاعل
مشو البنات وحطو العربيه جنب الباب ودخلو ولحقتهم جنى
اول مادخلو شافو كل امهاتهم موجودين عند مشاعل وكانت ساره تصبح قهوه
لطيفة : تم القبض

البارت طويل وعدتكم ب 4000 كلمه بس الحين 5149 كلمه لعيونكم وعشان نوره وقمزه مايزعلون علي 💗💗