بدر : كان يحتاجني وأنا عطيته ظهري
احمد : يبه صدقني إنه بيسامحك
مها : انا اعرف ابوي طيب بيسامحك والله
بدر : إن شاء الله
ناظر احمد
بدر : وانت وش مجلسك هنا قوم انقلع البيت
احمد : هاه ابشر
بدر : نستأذنك وآسفين عل
مها : لا عادي
احمد بهمس لمها: قريب إن شاء الله
دخلو البيت
بدر : ام احمد انتي وخزامى شيلو بعض الأكل وفراشكم وروحو لبيت عبدالله بدون اسإله
ناظرو احمد الي الإبتسامه شاقه وجهه وتوجهه بدر الغرفه
ام احمد وخزامى : شسالفه !
احمد : بتزوجهااااااا
ام احمد حطت يدها على راسها وخزامى حاطتها على فمها :كذاب !
احمد : والله
ام احمد : وش ساير علمني !
علمهم احمد السالفه وتضايقو بسبب إن عبدالله دخل السجن ناظرو احمد الي من الفرحه شوي ويبكي
ام احمد : يلا الله يكتب لكم الي فيه خير يلا ياخزامى وقامو
نامو الكل وبذات احمد الي حاسس إنه في حٌلم مو مصدق أبدأ
اما بدر عيت عيونه تنام وهو متحسر قام يصلي اول ماسجد ماقدر يمسك نفسه جلس يبكي ويفضفض لربي ويلوم نفسه وفتح بعدها القرآن وجلس يقرأ لين ماسمع الآذان وقام يتوضى ويصحي احمد
اتجهو المسجد وصلو بعد ماخلصت الصلاة كانت السالفه على لسان الناس وكل واحد يزيد بهارات من عنده قام احمد وركب سيارته وتوجهه على بيت طق الباب
يوسف : اهلا وسهلا ب المعرس
احمد : لسه ماتزوجتها !
يوسف : ههههههههه عادي قريب زواجكم
احمد : ماخطبتها !
يوسف : ههههههه طيب لايكون الحين بتخطبون ؟ البنت نايمه
احمد : لا جيت اقول إن بنتك تستاهل وحده غيري والله يوفقها وأنا في قلبي وحده ثانيه وونعم في بنتك
يوسف : ههههههههه أكيد جيت بدون علم ابوك ؟ المهم اسمع رضيت ولا مارضيت راح تتزوجها يعني بتتزوجها !
احمد : ماراح اتزوجها أنا الي بتزوجها ولا انت ؟
يوسف : لاتنكت وتراني عمك احترمني سامع وزواج غصب عليك
قام احمد وشال الشماغ الي عليه وحطه في كتفه : والله مااتزوجها انا أحب وحده ثانيا مو عشان بنتك فيها عيوب الدنيا ومالقيت غيري يتزوجها
يوسف : بنتي اجمل البنات
احمد : من زينها تقول شمشون حوله وماغير تفرق البيوت
رمى كلمته هاذي وهرب فتح الباب وركض يركب سيارته
يوسف : اخخخ تف عليك والله لأزوجك بنتي
الجهه الثانيه
كان واقف بدر
الظابط : تقدر تدخل
دخل بدر وأول ماشاف عبدالله ماقدر يمسك دموعه وقعد يبكي
بدر : تكفى سامحني
عبدالله وهو يناظره وداخله مكسور :
الله حسيبك كيف خيبت ظني.
عقب ذيك العهود والمحبه لك!
ليه اعاتب وانت اللي تغيرت وخليتني.
طابت النفس وأعذارك خلها لك.
لكن ان تغير شعوري لاتعاتبني.
ماني معاتبك وخلك على افعالك.
بدر : آسف والله آسف
عبدالله : بسامحك بشرط وأتمنى ماتخيب ظني
بدر : ابشر
عبدالله : بنتي بنتي ماابغاك تحسسها بنقص او شي خلك منتبه عليها وخليها مع خزامى وأم احمد وخطيبها
بدر : مين خطيبها ؟
عبدالله : احمد احمد تقدم لها وأنا وافقت ابغاك تزوجها في الشهرين ماابغاها تحس بغيابي
بدر : ابشر وتقدم يحضنه وهو يبكي
عبدالله : اخخخ ياعضيدي ماعاهدتك ضعيف
بدر : ماني ضعيف بس انت كنت السبب
الظابط : يلا ياعمي مرت 5 د
بدر : انتبه على نفسك
عبدالله : وانتبه على نفسك
مشى طلع بدر مسح دموعه وتوجهه للبيت بس في الطريق وشاف سياره موقفه جمب ( جمب او جنب ماتفرق كلها واحد 😭) البيت
نزل بدر وشاف
يوسف : السلام عليكم
بدر : وعليكم السلام
يوسف : بكلمك في موضوع
بدر : حياك
يوسف : لا مستعجل
بدر : اي وش الموضوع
يوسف : ابغاك تربي ولدك
بدر : ليه وش سوا ؟
يوسف : جاني وقال مايبغا يخطب بنتي ويوم رفضت عشان اكلمك واتفاهم معاك قام وقال عن بنتي قال انها خايسه تفرق والبيوت وانها
حوله !
بدر : اعتذر عن كلام ولدي والله يوفق بنتك في الي بختارها ربي
يوسف : تستهبل ؟ ولدك لبنتي !
بدر : وش هي ؟ لعبه عشان ياخذها خلاص الله يستر على بنتك
يوسف : ولدك يتزوج بنتي شاء ام ابى ولا والله تنقطع علاقتنا ولا انت اخوي ولا أنا اخوك
بدر : لا تكفى مو مواضيع مثل هاذي تفرقنا اقطع واخس انقلع بس عساس انك طول هذه السينين كنت اخوي عساس انك كنت معاي؟
ماتفرق معي تذكر يوم كنت تتبرأ مني بسبب إني كنت اجيك عند اخوياك ؟ تذكر يوم كنت تضحك علي قدام الناس حرك بس يوم جيتك عشان اخطب بنتك اللي ما حد يبغاها صادق ولدي يوم قال انها خايسه وتفرق البيوت وحوله انقلع بس
يوسف : هين هين نشوف
دخل بدر البيت وهو يحس بٍهّم وإنزاح
بعد مرور ثلاثه ايام
ام احمد : تعال بسرعه ابخرك
احمد : يلا بس وين خزامى ؟
ام احمد : عند مها انت الي وين بشتك ؟
بدر : هذا معي
اتجهو لبيت عبدالله عشان الملكه افضل تكون في بيته
عند مجلس الحريم كان مليان حريم واطفال ومها كانت جالسه في وسط المجلس ولابسه فستانها البيبي بلو كان ماسك شوي من فوق ومن تحت لا وكانت اكمامه طويلة
اما الرجال
كان بدر وأحمد في النص وكان الكل حاضر غير عائله اي نفس الي في بالك يوسف وعائلته لأنه قطع علاقته مع اخوه إلي أساسا ماكان يزوره ولايعتبره اخ ووفاء الي حست بإنكسار وقررت تنتقم وتخرب بيت احمد اما امها كانت تشوف إنه الوضع عادي لأنها تعودت يجون ناس يخطبون بنتها بعد مايسمعون كلام اهل الديره يكنسلون
وعدت هاذيك الليله بهدوء وسلام واحمد طاير طااااير من الفرحه
كلم خزامى بأنها تخلي مها تنزل الحوش مثل عادتهم قبل وكتب بورقه
ماقلت لك يامهاوي ؟ قلت لك إني بخطبك غصب عن الجميع قريب إن شاء الله وأشوفك بالفستان الأبيض
قرتها مها وابتسمت واحمد كان ينتظر الرد بس فجأه
خزامى : ياوصخ تراني أقرأ بعد
احمد : نشبه ؟ قلت لك ناديها ماقلت اقري معها !
خزامى : أنااا نشبهههه ؟
احمد : اييي
خزامى : مهاوي امشي داخل اسحبي عليه
مها : بس حرام نخليه هنا
احمد : يالبيه احبك
خزامى : والله لأعلم ابوي
احمد :علميي
بدر : وش فيه ؟
احمد : هاه لا بس خزامى تبي شي ورميته لها
بدر : يلا داخل
دخل وهو مقهور من خزامى ونام
بعد شهر واسبوعين خرج عبدالله من السجن
احمد : يبه متى يطلع ؟
بدر : يارب الصبر هو مخلفك وناسيك ؟!
احمد : لا يبه بس عشان مها واضح مشتاقه
ابتسم بدر : تصدق يوم خطبت امك كنت مثلك خفيف بس مو لهدرجه انت عاشق وانت لسه ماتزوجتها
مها استحت
وناظرو الرجال الي طلع وابتسامتهم الي بانت اول ماشافوه
تقدمت مها تحضن ابوها وابتعد بدر لأن مها احق منه كانت تبكي وتشاهق وهي حاضنته
عبدالله : بسم الله عليك شوفيني قدامك يلا امسحي دموعك
مها : اشتقت لك بابا ليه سجنوك انت ماسويت غلط
عبدالله : بس كان المفروض من البدايه اسلم نفسي وأنا قدامك يلا امسحي دموعك
ناظر احمد في خزامى وتقدم يحضنها
خزامى : شفيك انت ؟ ناقصك حنان
احمد : الشرهه علي اجي واحضنك
خزامى : الحمدلله وشكر تعال تعال
احمد : مابي انقلعي خلاص
خزامى : مالت عليك
وخرت مها عن ابوها ومسحت دموعها ناظر عبدالله بدر وتقدم بدر يحضنه
بدر : اشتقت لك والله صح اول كنت زعلان بس على الأقل كنت اشوفك
عبدالله : الي راح راح وأنا اخوك
ناظر احمد مها وتقدم يحضنها بقوه
احمد : امسحي دموعك تراها غاليه علي
خزامى : شوي شوي على البنت خنقتها
احمد وخر عن مها : خنقتك ؟
مها : لا
تقدم يحضنها احمد
خزامى : مسوي رومانسي ترا البنت مستحيه تقول إنك خانقها
احمد : الغيره عذروب خلي محلا عذروبه لو شاف قد
خزامى : يععع من زينك عاد كأنك جعفر
بدر : ماتسكتون ؟ وانت وراك ماسك يد البنت مستعجل لاتخاف ماحد بياخذها
عبدالله : ههههههه يازينكم خلهم يابدر
بدر : يلا
{ اليوم المنتظر }
خزامى : يلا باقي شوي على الزفه
ام احمد : لاتوترينها
مها :شكلي حلو ؟
خزامى : قمررر يلا
مشت مها واشتغلت اغنيه الزفه على اغنيه محمد عبده ❤️
تستاهل الحب نجديه
رفيعه الشان عجابه
العين ياعين بحريه
لقلوب الأحباب نهابه
والجيد ياجيد ريميه
تجفل من الزول لعابه
الرجال
كان بدر يرقص في الجنب الأيمن من احمد وعبدالله في الجنب الأيسر على سامري نجدي
عديت في مرقب غنى بركنه حمام
وآثر الحمام تهيض القلوب بلحونها
سلام ياللي تبون اللعب مني سلام
واثني التحيه على الي يستحقونها
أنت تقرأ
ياسعود والله مابعد زينها زين 💗
General Fictionتتكلم القصه عن إجازه 4 شهور حيث يجتمعون في بيت جدهم وتبدأ هنا الأحداث بزواج ليما من ثنيان إجباري وتتحول علاقتهم من الكره إلا محبه وقصه حب فهد للمياء إلي مستحيل إنهم يخبونها عن الجميع وغيرها وراح نشوف الأبطال والبطلات في مشاكل ومشاجرات لاتنتهي 💗
