ياسعود والله مابعد زينها زين 💗

بارت 15

محمد : شفت شفت
ثنيان : والله إني قلت لهم شوف عمر هو السبب هو الي يقولنا حطو وحطو
عبدالرحمن: وانت حمار تسمع كلامه ؟
ثنيان : فهد بعد حمار هو الي طبخ
مسعود : كلكم حمير مافرقت
محمد : يلا 5دقائق وتطلعون
الغرفه الثانيه
فهد : أنا قلت لهم مستحيل آكل هم الي غصبوني
لمياء : مره يقرف الله يكرم النعمه كيف أكلت
فهد : صدقيني قلت للعيال ماابغى أساسا هم الي كانوا يطبخون
لمياء : أهم شي صحتك ماتشوف شر
فهد : الشر مايجيك ياروحي
جنى : لايسمعك ابوي بس
فهد : تصدقين صوتك هو علاجي
جنى : خير إن شاء الله والله إنك كذاب قعدت تبكي لين
حط فهد يده على فمها
لمياء : ههههههههه
فهد : ماعليك من اختي يعني شويه تحمست
لمياء : يلا خلاص اكلمك بعدين
فهد : طيب فكرتي في الموضوع يعني
لمياء : اي وأحس ماله داعي
فهد : كيفك بس يعني لو قدمنا الملكه على الأقل نقدر نطلع مع بعض
لمياء : لا حلو بعد شهرين
فهد : خلاص طيب
جنى : وراك مستعجل
فهد : يلا مع السلامه
قفل الخط وناظر جنى وناظرته
فهد : روحي عند سلطان
جنى : سلطان مايبغى اروح
فهد : طيب تجين عندي ليه ؟
جنى : مالك دخل
دخلت الممرضة وسحبت الٌمغذي
عبدالرحمن : يلا خذ العصير وقوم
فهد : لا شكرا شربت
جنى : عادي أنا باخذه
عبدالرحمن: عافيه
الجهه الثانيه
كانوا ليما ولمياء ياكلون من الحلويات
ليما : يعني شوفي احس حلو بس لو تشيل الورود فهمتي ؟
لمياء : انتي اوصفي لي وأنا اكلمها واشرح لجنى
ليما : طيب شوفي أنا شفت واحد وعجبني الكوشه حلو ابغا الكنبه من الجهه اليسار يكون وردها لو وردي فاتحح ومو كثيره ومتناسقه حلو ؟
لمياء : حلو
ليما : وفي طاوله الي تكون طويله وعلى شكل اسطوانه يعني
لمياء : اي
ليما : والكي......... الكيكه ! نسيت اكلم المتجر
لمياء : عادي خلاص نكلمهم
ليما : انا ارسلت لها الصوه أساسا بس موضوع الورود ما هي فاهمته ابغاها تكون وراء الكنبه بس جهه اليسار وهي تبغى الورود تكون مره كثيره انا ما ابغاها مره كثيره
لمياء : خلاص فهمت ماعليك
ليما : طيب والميك اب ارتست تواصلت معها وابغا كل شي حلو واكتبي في الدعوه جنة الأطفال منازلهم
لمياء : خلاص تم
المطبخ
بيان : الدقيق وين الدقيق
نوره : هذا
بيان : طيب عطيني سكر
نوره : دقيقة كيكتي ماخلصتها
بيان وهي تناظر الكاميرا : طبعا ياجماعه الخير كيكتي لذيذه
نوره : كيكتي الذ
بيان : لا لا لا كيكتي حيرت الطباخين من لذاذتها
نوره : ياجماعه الخير تراها كذابه سارقه الوصفه من اليوتيوب
بيان : يعني انا جذابه ؟! تدري ياسواق انا جذابه !
نوره : روح حق ريلي وخله يقول لعيالي امهم جذابه !
بيان : شوفوا كيف بس
نوره : طيب الحين نزينها
بيان : أنا بزينها بلون وردي وازرق
نوره : ليه حفلة جنس مولود ؟هههههههههه
بيان : خير اجل بزينها بلون اسود وموف
نوره : أنا بزينها بلون أحمر واسود
بدأوا يزينونا ويكتبون ( الحمدلله على السلامه+ المطبخ في خطر)
دخلت ساره وقرت العباره : اي والله صدقتوا المطبخ في خطر بس ترا حتى أنتو
نوره : افأ هذا وإحنا ماجبنا العيد
بيان : خلاص اخر مره اطبخ
ساره : اطبخوا اطبخوا بس ترا إنتم بتغسلون لأن الخادمات المنزليات سافروا
نوره : لا لا إحنا مالنا دخل لمياء وليما يغسلون
بيان : ونور وجنى كمان
لطيفه : الله وش هالزين
نوره : والله خاله بتذوقين كيكه ماراح تلاقين مثلها !
بيان : يلا نحطها في الفريزر ( الثلاجه من قسمه قسمين صح القسم اللي تحت يكون يبرد هذا يسمونه الثلاجه اللي فوق يبرد بزياده هذا يسمونه فريزر + إن شاء الله فهمتوا 😭)
بعد شوي وصلوا العيال وسلموا على امهاتهم بعدين راحوا لرجال
عبدالعزيز : قلنا مريض بس مو تنسدح قم قم
قام ثنيان وجلس ودخل علي وهو شايل الكيكه
علي : يلا البنات سوولكم كيكه
سلطان : لا ماودي ادخل المستشفى مره ثانيه
ضربه الجد بالعصا على ظهره : كل وانت ساكت ولا انقلع
سلطان وهو يحك ظهره : ابشر
رفع الجوال فهد يصور وكانوا العيال مجمعين يدهم ويقطعون الكيكه رفعوا يدهم وهم يصارخون : هيييييي
عبد الرحمن: الحمدلله وشكر كأنكم متخرجين
ثنيان حضن سعود : لا مو كذا الحين صدق كأننا متخرجين
فهد يصور : شوفي وذول اخوانك المنحوسيين مدري على وش يحضنون بعض وهذا غيث ناظره غيث كذا 😑 ماادري ليه كأنه شايب متقاعد تحسينه كأن عليه قروض وديون الله يفرجها
غيث : ترا اسمع
فهد : مو مهم وشوفي هذا خالد يتميلح 24 ساعه حتى وهو مسموم الله يعين الي بتتزوجه وهذا عبدالرحمن بتقولين عيب عمي هذا مستحيل يزعل ودائما يضحك بس ترا لو زعل زعل
غيث : وراك قالب مراسل اخبار الجزيره ؟
فهد : مالك دخل وشوفي هذا ابوك لو طلب مني عيوني بعطيه كله عشانس
رمى ثنيان الكاسه براس فهد
فهد : اخوك ضربني شايفه بس يلا هو اخوك بسامحه
ثنيان : لا تكفى لاتسامحني اقول عطيني الجوال ياورع
فهد رسل الفيد : لا تخسي
ثنيان : كيف جبت رقم اختي ؟
فهد : ماني معلمك
ثنيان : طيب طيب أنا اوريك باخذ رقم اختك
وناظره بإنتصار وإبتسامه يعني خلاص رديت الحركه
فهد : يلا سجل عندك ***
حط ثنيان يده على فم فهد ثنيان : خير يابوي ممكن يسمعه احد
فهد : عادي وش بيصير يعني بيسجله ؟
ثنيان : كل تبن ارسلي واتس ولا سناب مو هنا
سلطان : اهااا اجتمعوا اجتمعوا ادج خلق الله
ثنيان : ارسل ارسل
ارسل له فهد اما ثنيان اخذ رقمها للإحتياط
الجهه الثانيه
ليالي : الكيكه لذيذه بس ليش أحمر واسود ؟! دعسوقه
نوره : يمه المفروض تعززين لي
نجود : ماعليك لذيذه وربي
بيان : اففف لو تذوقون كيكتي
ليما : وربي تعرفون تزينون الكيك حبيت
ساره : كيف استعدادك لملكتك ؟ ترا باقي لها يوم
لطيفة : هي بعد بكره ؟!
ساره : اي صباح الخير
لطيفة : الطلبيه ماوصلت !
ليالي : افففف صح
امل : كيف يعني ماراح يجيبها بكره ؟؟
لطيفة : إذا ماجابها بكره راح نروح المول
نجود : يوووه الفستان عاجبني
ساره : وش نسوي
جنى : ليه ماشتريتوا معنا وريحتوا راسكم
نجود : مو فاضيين للسوق ولا كان رحنا بس راح نقعد نلف ونلف
ساره : اي والله يتعب
ناظرت لمياء الرساله الي جاتها وكانت من
ثنيان : اسمعي عندي خطه وبعطيك 50 ريال
لمياء : لا لا إلي قبل ماعطيتني شي المفروض 100!
ثنيان : ياليل خلاص طيب
لمياء : الله يستر وش هي ؟
ثنيان : نادي ليما الحوش ورا جبت هديه وماعليك بترضى
لمياء : بس هي ماراح تكون محجبه
ثنيان : قولي خلينا نلبس الحجاب عشان لاقدرالله شافنا واحد
لمياء : أساسا ماراح توافق بتقول مافيني حيل أقوم
ثنيان : انتي إسأليها وبس
لفت لمياء على ليما : شرايك نطلع برا ؟
ليما : لا مافيني حيل
لمياء : شوي
ليما : بعد شوي
لمياء : تقول مافيها حيل !
ثنيان : اقنعيها
لمياء : هي قالت بعد شوي بس ماضنتي
ثنيان : بعد شوي ذكريها ولا تر مافي 100 ريال
لمياء : طيب اقلها 150
ثنيان : لا
لمياء : شرايك اعطيك رقمها وخلاص
ثنيان : بتبلكني وأرسل هذا الإيموجي 🌷
لمياء : طيب
التفتت على ليما ورجعت تسولف بعد دقائق
لمياء : اففف لمو يلا ؟
ليما : احس مافيني أقوم
لمياء : خلاص مو لازم
جنى : ليما تجهزي
ليما : ليه ؟
جنى : بنروح عند المنسقه
ليما : طيب
فتحت لمياء جوالها وأرسلت :
لمياء : احسن ليما بتروح عند المنسقه ماراح تطلع معك
ثنيان : خير ؟ مو انتي قلتي شوي
لمياء : اي بس وراها مشوار
ثنيان : ماادري وش الي خلاني أعتمد عليك أساسا
لمياء : كل تبن حيوان
نجود : إذا خلصتي ارسلي لي الصور
ليما : طيب ماما بس البنات ماراح تجون معي ؟
بيان : لا انتي روحي شوفي
ليما : ماتبون تجون ؟
نور : خلاص أنا بجي
نوره : وأنا بعد
بيان : خلاص هونت بروح
لمياء : روحو أنا ماابغا
ليما : بلا دلع يلا
لمياء : طيب
ليالي : وأنا بجي معكم
نجود : لا انتي اقعدي حركات تتهربين مافي
ساره : كنسي الغرفه وسوي شغلك وروحي إذا تبين
ليالي : افف خلاص مابروح
مشوا البنات وطلعوا برا
لمياء : أنا بسوق
نوره : لا انا
لمياء : اخر مره انتي
نوره : لا انتي
لمياء : خلاص أنا الرجعه
جنى : ناظري
لفت ليما وشافت ثنيان يأشر لها تجي
ليما : لا والله مااجي
جنى : روحي
ليما : لا
جنى : كيفك
ناظر ثنيان ليما الي كانت تسوي نفسها ماتشوفه وتناظر الأرض
ثنيان : ماراح تجين ؟ والله لأجيك
مشى نحوها وناظرت ليما ثنيان وركبت السياره بسرعه
ليما : حركيي
نوره : بسم الله شفيك ؟
طق ثنيان الشباك ناظرته ليما وهي تهز برسها يعني لا وهو يقول إلاا
ظغطت نوره وفتحت شباك ليما
نوره : وش فيه ؟
ليما سارت تناظر قدام
ثنيان : انزلي
ليما : لا
ثنيان : انزلي بتفاهم معك
ليما : تأخرنا امشي نوره
ثنيان فتح الباب وناظرته ليما
ثنيان : يلا انزلي بتفاهم معك هم ماراح يخلونك ويمشون يلا انزلي
نزلت ليما وابتعدوا عن السياره
ثنيان : أنا ادري إن الي سويته غبي بس آسف
ليما : طيب ؟ انت أساسا غبي مو اول مره
ثنيان : احترمي نفسك يامره
ليما : حتى لو انك متزوجني غصبا عليك المفروض مو من اول موقف تكذبني انت المفروض تكون سند لي بس انت ما قصرت جيت اسألك عن الورد رحت دخلت في شرفي ! آسف هاذي وين احطها ؟! قولي
ثنيان : طيب اسمعي اوعدك اي شي يصير اسألك عنه
ليما : الحين ؟ بعد وش المفروض من البدايه تصدقني الحين بجيب صحن وبكسره بقولك رجعه !
ثنيان : طيب جيبي صحن وإكسريه وبرجعه لك مثل قبل
ليما : هاه كيف ؟
ثنيان : بجيب صمغ وبلصقه ببعض
ليما : طيب لو جبت حجاره وكسرتها ترجعها ؟
ثنيان : اي بنفس الصمغ حق الصحن
ليما ماقدرت تتحمل وضحكت : كل زق حيوان
ثنيان : شفتي إنتي كبرتي الموضوع
ليما : لا عاد كل تبن انت غبي
ثنيان : خلاص أنا غبي تسامحيني ؟
ليما : افكر واشوف
ثنيان : طيب ياخي باقه الورده تعبت عليها !
ليما : لاتخليني مااسامحك !
ثنيان : طيب بس انتي رفضتي رجعي الباقه الكندر وين ؟
ليما توهقت : اسمع خلاص سامحتك
ثنيان : عافيه
ليما : على وش ؟
ثنيان : الكندر
ليما : ومين قال إني أكلت منه ؟! ثانيا صح ترا الصحن لو صمغته بيكون في خدوش ! كيف أثق فيك ؟
ثنيان : أهم شي صلح الصحن صح ولا ؟
ليما : لا
ثنيان : رجعي الباقه
ليما : خلاص انقلع
ومشت رجعت لسياره
جنى : الإبتسامه شاقه وجهك وش قالك
ليما : كلب حيوان حقير
جنى : احححح خلاص
الجهه الثانيه
ثنيان كان جالس داخل سياره هو وسعود ومنزلين الكراسي يعني مرجعينها ورا وكانوا جالسين كذا 🧘🏻 قدام وجيه بعض
ثنيان : وبس
سعود : وهي صادقه انت غبي
ثنيان : تخسي
سعود : لا ياشيخ تراك واضح بديت تحبها اعرف اعرف واضح من وجهك
ثنيان مسوي معصب : تخسي أساسا هي كريهه وشايفه نفسها ومو حلوه وغثيثه ومريضه نفسيه وحوله وغبيه
سعود : هد هد يالخفيف رايح تراضيها وزعلت يوم مارضت وصفقتني عشان الحلاو
ثنيان : اساسا انا ما يهمني رضاها انا بس ابغى الباقه لأني تعبت وانا اسويها اخر شيء تاخذها وتقول لي لا ما رضيت
سعود : والله إنك كذاب إبتسامتك الي يشوفك يقول إنك تعشقها
ثنيان : لا لا لا انت احول عشان كذا
سعود : تخسي اوريك إثبات رفع جواله يوريه صوره له مع ليما وهم يتكلمون وثنيان كان مٌبتسم
ثنيان : هت هت الجوال ياويلك احد يشوفها
سعود : تعترف ولا ؟
ثنيان : نص نص
سعود : اي واضح تحبها نص نص واضح
ثنيان : والله أساسا
حط سعود يده على فم ثنيان : لا تحلف كذب وتقعد تكذب واضح عاجبتك
ثنيان : ياخي شوي
سعود : اي اي ماعليك يجي يوم وأشوف ولدك
ثنيان : ياكلب مستحيل
سعود : نشوف نشوف وتقول هاذي ثمرة حبي أنا وحبيبتي
ثنيان : تخسي
سعود : ههههههههه وتسميه سعود بن ثنيان
ثنيان : لا انا ما ادري كيف متحملك تبغى سعود ثاني ؟ لا لا لا
سعود : مالت
ثنيان : تصدق تذكرت ايام الثانوي
سعود : يووووه ايام حلوه
ثنيان : تتذكر يوم كنا نهرب من الحصه الثانيه ونروح عند عبدو يسوي لنا سندويش فلافل
سعود : ونقابل الوكيل هناك ويصورنا ويرسلها المدير وابوي
ثنيان : نتذكر يوم ابوي ضربك وجيت افزعلك وانضربت
سعود : ولا يوم صادقنا اقوى شله في المدرسه وجينا نقلدهم ندخن وانت دخنت وانكتمت
ثنيان : ليتني وقفت ذاك اليوم لا كملت لين انخنقت وجابوا الاسعاف وعلموا ابوي
سعود : وقتهت جلدني بدالك لانك كنت تعبان
ثنيان : وش تبيه يجلدني ؟
سعود : اي كذا ظلم دائما أنا اكلها
ثنيان : تتذكر يوم جلدوني عيال الفصل وجيت تفزع لي وانجلدت معاي
سعود : كنا مسوين داشرين وراعين مشاكل
ثنيان : أهم شي بالحلال
سعود : بالحلال وش ؟ ياحبيبي كنا نضرب الضعفاء عشان يشوفونا الباقين ويخافون مننا باقي ناكل مال اليتيم
ثنيان : بس ماكنت ندخن
سعود : تذكر يوم قررنا نكون داشرين للمره 1000 وننسم كفرات المدرس
ثنيان : اللي يضحك ان نتلثمنا وجينا ننسم فجأه نلاقي ابوي قدامنا
سعود : الاباء دائما يدافعون عن ابنائهم الا ابوي ودانا للمدير
ثنيان : هههههههه ودانا بلجرم المشهود وفصلونا اسبوع
سعود : خلانا نغسل سيارته يوميا وهو كان يقول ما يصير تصرفون بالمويه
ثنيان : واشترى صابون عشان ما يكون في حجه انما في صابون
سعود : لما نجي نغسلها كنا نتلثم يعني عشان ما يشوفون عيال الحاره
ثنيان : وكنا نغسل بعد صلاه العشا عشان الليل ما حد ينتبه وكمان عشان ما يكون فيه صلاه والناس رايحه المسجد تشوفنا
سعود : ايام حلوه والله
الجهه الثانيه
ليما : لا انا اخترت ورود بيبي بنك
الحرمه: لا انتي اخترتي أصفر
ليما : بنات تفاهموا معها أنا خلاص
جنى : أنا كلمتك وقلت لون وردي شوفي هاذي المحادثه
الحرمه : أنا متأكده إنك قلتي اصفر
نور : كيف قالت اصفر وهي كاتبه وردي ؟
الحرمه : طيب خلاص بحط بيبي بينك مع إني مااغلط
نوره : الرٌسل احيانا يغلطون وهم رٌسل منو انتي عشان ماتغلطين ؟
الحرمه : بس أنا معروفه
بيان : بتشتغلين ولا رجعي الفلوس نعطيها لناس تستحقها
الحرمه: يعني أنا مااستحقها ؟!
ليما : اشتغلي اشتغلي بعدين نشوف
الحرمه : طيب هاذي الورود الي عندك وهاذي درجات الوردي اختاري
ليما : هاذا حلو
الحرمه : طيب خلاص أحط لك هذا اللون
ليما : اي بس ما ابغى نفس الصوره اللي انت رسلتيها لي ابغى الورود تكون قليله متناسقه يعني ما فيها فراغات بس مو مره كثيره
الحرمه: طيب
ليما : وابغى طاوله تكون طويله شوي وعليها ورود توليب لون وردي وفي النص اح
قاطعتها الحرمه: خلاص اعرف ماعليك إنتي ارجعي وإن شاء الله أجهز كل شي
رفعت ليما الجوال وصورت التنسيق 
نور : ماني مرتاحه لها
بيان : مرههه
نزلوا البنات بعد ماتطمنوا شوي وركبوا السياره
بس نور الي كانت تسوق: بوديكم مطعم يجنن
نوره : وعلى حسابك ؟
نور : اي لاتخافين وكلمت صديقتي بعد تجي بعرفكم عليها
ليما : أففف جوعانه مرهه زين إني كلمتها ورحت عندها
لمياء : تخيلي تجين الشاليه تلاقين كل شيء ضابط فجاه تلاقين الورود صفرا
ليما : بكنسل الملكه
لمياء : فكره حلوه
نوره : صراحه اكثر شيء محمسني المسبح
بيان : صدق عاد نبي نسبح
ليما : وش تسبحون ؟
نوره : نجيها الصباح ونسبح
جنى : اي تكفون من زمان مارحنا شاليه خلونا نحلل اليوم
ليما : أنا اللي خلاني امنع الاطفال المسبح ما في حدايد ولا سور والقاعه قزاز اخاف يكسرون شيء وصاحب الشاليه يحطها فيني وماني ناقصه إزعاجهم
بيان : حلو يعني نجهز ملابس السباحه بعد
نور : دقيقة لازم نقنع جدي نروح الشاليه 8 الصباح
جنى : اي
لمياء : كيف نقنعه ؟
ليما : سوي قهوه سعوديه مع تمر سكري لو تطلبين مليون يقول بس ؟ تم
جنى : ههههههه اي والله وإذا تبين تضمنين الموافقه سويها له بعد الفجر
بيان : لو رفضوا عمامي ؟
نوره : اللي يرفض غصبا عنه بخليه يوافق
لمياء : ياحبيبتي بيخليهم يمشون سيده
بعد شوي وصلوا المطعم
نور : وحده تروح تطلب
لمياء : انتي الي عازمتنا انتي قومي
نور : لا يمه نصهم رجال
لمياء : ولا أنا
بيان : أنا بقوم يلا وش طلبكم
جنى : كبسه و6 لبن
ليما : لا انا ابغا برقر
نوره : خلي عنك الدلع
ليما : مو دلع بس مشتهيه برقر
لمياء : أساسا مايبيعون برقر
نور : بنات تذكرون يوم كنا قاعدين ناكل بخاري في الحديقه وفجاه نشوف رجال وطلع ورانا عزاء وناس قاعده تعزي واحنا قاعدين ناكل بخاري قدامهم
نوره : استغفر الله وربي يفشل
بيان : ماتتذكرون غير الذكريات الخايسه اقول يلا وش تبون ؟
جنى : كبسه و 6 لبن
بيان : طيب
وراحت تطلب
ليما : بنات الحنه مو حلوه ياخي شوفو إنتو خفيفه وناعمه
نوره: لازم يد العروسه تكون كذا
ليما : طيب ماابغا كذا
جنى : ياحليلك ياكريمه حتى في الزواج
ليما : لا والله في الزواج ما احني بيطلع شكل يدي مو حلو
لمياء : عادي أنا ماراح احني في الزواج لاتحنين
نوره : بنات تحسون لو إنسدحت ممكن يرسبن العامل ؟
نور : لا ما عليك نامي في ستاره
إنسدحت نوره ودخلت بيان وإنسدحت جنبها
بيان : يارب لا يفشل
نور : وش ؟
بيان : قلت له ابغا لبن 6 حبات قالي عيدي قلت لبن ستس حبات بالغلط وهو قام يضحك الغبي ويقول عيدي وجع
جنى : اححح ضحك عليك
بيان : اي ويقول ماعندنا لبن ستس حبات مالت عليه يعنني ظريف واضحك
نور : الحمدلله إني مارحت اشوا
لمياء : يعع كان قلتي كل تبن سوي الطلب وانت ساكت
بيان : كان ودي اعطيه كف ليتني عطيته
بعد شوي سمعوا صوت
النادل : عادي ادخل ؟
فزت نوره وجلست
بيان : اي
تحجبوا البنات وحطوا الطرحه على وجيهن ودخل حط الكبسه والبن وطلع
نوره : بنات مااقدر الريحه تشهي
نور : دقيقة استنوا
لمياء : وش ؟
نور : وصلت وصلت
وطلعت برا
جنى : صح صديقتها
نوره : ياويلي تخيلوا لو اكلنا وفجأه دخلت صديقتها
دخلت شهد وقاموا البنات يسلمون عليها وجلست شهد وهي تناظر الكبسه
ليما تهمس لنور : الناس لاجت تتعرف تروح كافي تزورها في البيت مو مطعم
نور : مدري النيه اعزمها على كافي معكم بس انتوا قلتوا جوعانين
جنى : كيفك ؟
شهد : بخير وانتي ؟
جنى : الحمدلله
لمياء : اعذرينا بس نور ماتعرف تعزم يعني
شهد : لا عادي أساسا كنا نتقابل زمان في المطاعم
نور : شدعوه بنات ترا عادي نمون
نوره : معاها في القسم ؟
شهد : اي
بيان : روحي جيبي لبن لأني نسيت
ليما : لا انتي روحي
بيان : لا والله
ليما قامت : بروح اغسل يدي
نور : في مناديل معطره
ليما : لا مااحب  مشت ليما وهي طالعه طاحت على وجهها بالغلط
قامت شهد تركض لها اما البنات مصدومات ويوم استوعبوا قاموا يركضون ونوره وبيان ميتين ضحك عليها
شهد : فيك شي يوجعك شي؟
ليما بكت من الإحراج لأن كان في طابور مليان رجال يناظرونها جا رجال : فيك شي اختي ؟
ليما : حاضنه شهد وتصيح شالوها جنى ونور ولمياء ودخلوها
لمياء : حصل خير ههههههههههه
شهد : حرام لاتضحكي
لمياء : اسفه بس مااقدر هههههه
جنى : خلاص خلاص ماسار شي ماعليك
ليما : الله ياخذكم
نوره : ليه وش سوينا ؟
ناظروها البنات لإنها اكثر وحده ضحكت على ليما
جنى : خلاص ماعليك امسحي دموعك
نور : ماعليك بس يوجعك شي ؟
شهد : خذي منديل مسحي دموعك
ليما : كيف انزل من المطعم الحين ؟
بيان : هههههههه فيك شي اختي ؟
أخذت لمياء المنديل وهي ماسكه ضحكتها ورمتها على بيان
ليما : حسبي الله عليكم وبكت زياده
بيان : خلاص اسفه أنا السبب
ليما : انقلعي
نور : خلاص كملوا عشا
كملوا البنات عشان وليما جالسه تطالع
جنى : كٌلي معنا
ليما : مالي نفس
خلصوا اكل وطلعوا البنات لدوره المياه الله يكرمكم وغسلوا يدهم
نوره : حرام عقدنا البنت
شهد : هي الطيحه تضحك بذات الصوت بس حرام ههههه
بيان : اي والله من الصدمه مااستوعبنا وهي طايحه ماقامت حتى
نور : أنا الي ضحكني صدق يوم بكت وجا الرجال يسأل حسيت حرام بس يضحك وربي من كثر ماكتمت الضحكه صرت ادمع
جنى : الحين كيف نقنعها تطلع من المطعم
لمياء : تفصخ النقاب وتحط الطرحه على وجهها ( تلف الطرحه مثل المحجبات وتاخذ الجهه الطويله من الطرحه وتحطها على وجهها مثل الرميه )
مشوا البنات ولقوها جالسه بزاويه تهوجس
لمياء ماسكه الضحكه : بنات احس مااقدر
شهد : حرام حاولي تمسكينها
نور : يلا بنرجع
ليما : خفوا الرجال الي برا ؟
نوره : سوي رميه واطلعي
ليما : لا
جنى : يلا الوقت تأخر
ليما : طيب سوت رميه وهي شوي وتبكي متفشله
ومشوا يطلعون وهم نازلين التفتوا لليما
الرجال : كيفك بعد الطيحه ؟
ليما وهي نايمه البكيه : مالك دخل
نوره : نعم ؟
الرجال : لا بس اسأل يعني عندك سناب ؟
ناظروا البنات بعض
نوره : توكل توكل كل تبن
الرجال : افاااا
الرجال 2 : خير يااخوي ؟
الرجال : وش تبي ؟
الرجال 2: واضح انت مو اخوهم يلا امشي تغازل بنات الناس !
بيان : اي كان يبغى سناب
الرجال 2: انقلع لاأنادي الشرطه
إبتعد الرجال ناظرهم الرجال الثاني : مايصير تتطلعون لحالكم لاقدر الله ماكنت موجود ماعلينا المهم عندك سناب لاقدر الله طلع لك مره ثانيه ؟
جنى : وجع ماانت رجال انقلع
مسكت بيان البن وكبته بوجهه ونحاشوا البنات ناظرتهم بيان وركضت وراهم
وصلوا السياره وركبوا
بيان : يمه خير تركتوني الحالي
نور : مدري أنا ركضت لقيتكم وراي
ليما : والله إنك كفو صح نعمه استغفر الله بس ماينفع معهم غير كذا
لمياء  : وجع الحين واقف ساعه يعطينا نصايح واخر شي يقول عطيني سنابك
شهد : لا ويناظر بثقه مدري هو مصدق إننا بنعطيه
نوره : ليت الي في يدك قهوه حاره
لمياء : اركبي ؟
شهد : لا برجع بسيارتي اشوفكم يوم الملكه إن شاء الله
جنى : ماشاء الله عسل حتى يوم طاحت ليما ماضحكت وساعدتها
لمياء : لو ماقامت كنا مكملين ضحك
ليما : وجع حيوانات خير تضحكون
مشوا للبيت
الجهه الثانيه

كانوا البنات صافيين طابور وقدامهم الحريم
نجود : وين كنتوا ؟
ليما : عند المنسقه والله
ليالي : بدون كذب
لمياء : والله
ساره : انتي اسكتي طول هذا الوقت هناك وندق وندق ماتردون !
نور : حخله طولنا لأن المصممه جحدت التنسيق جابت لنا واحد ثاني
ليما : اي والله جابت لنا لون اصفر والورود صفرا !
نجود : مو انتوا كلمتوها ؟
جنى : كلمتها بس يوم وصلنا قالت أنا مااغلط وانتي اخترتي أصفر
نجود : وريني
فتحت ليما الجوال وورتها الصوره شافوها الحريم
لطيفة : الله سعيكم يعني جلستوا عندها
نوره : استقعدنا لها لين ماتأكدنا
ليالي : اجل زين يلا اطلعوا لغرفكم ناموا
مشوا البنات الغرف
لمياء : رجلي تكسرت
بيان : احس صدعت بكره نروح الصالون على طول
جنى : أنا بنام خلاص
كل وحده راحت تنام إلا ثنيتني ليما ولمياء
لمياء : للأن تعبان ؟
فهد : لا ماعليك مني انتي كيفك ؟
لمياء : بخير
فهد : كيف التجهيزات ؟
لمياء : تقريبا كل شي جاهز
فهد : خلصت كل شي بس بكره انا والعيال وعمامي رايحين
الحلاق
لمياء : وإحنا رايحين الصالون بغير لون شعري
فهد : لا لونه حلو
لمياء : بس ودي اصبغ اشقر
فهد : لا مو حلو
لمياء : يصير خير
فهد : توصي على شي ؟
لمياء : سلامتك
فهد : مع السلامه
قفلت الجوال وإنسدحت
ليما
ثنيان : السلام عليكم
ليما : وعليكم السلام مين معي ؟
ثنيان : معك مطعم الحاره
وكان يكتب امزح مع
بلكته ليما وهي ماسكه راسها مصدومه شوي وتبكي
وقامت المطبخ تشرب مويا
طلعت لمياء واخيرا في احد صاحي غيرها
لمياء : وش فيك ؟
ليما : صاحب المطعم الي طحت فيه كلمني
لمياء : كذابه كيف اخذ رقمك ؟ كيف عرف ؟
ليما : مدري مدري شوفي
ناظرت لمياء الرقم : اححح يمه كيف عرف رقمك ؟
ليما : ماادري تكفين لايكونو مصورين الكاميره وأنا اطيح وينشروها في التيك
لمياء : اهدي عطيني الرقم أنا اتواصل معه
فتحت لمياء البلوك وناظرت الرساله وحطت يدها على فمها وتضحك
ليما : وشووو ؟
لمياء : هذا اخوي ثنيان
ليما : لاتكفين وش عرفه ذا ؟
لمياء : لا لا يطقطق صدقيني مايدري
ليما شافت الرساله وكتبت : كلب حيوان
ثنيان : اف اف وش سويت وربي امزح معك
ليما : انقلع وش تبي ؟
ثنيان : لا بس أخذت رقمك للإحتياط
ليما : طيب روح نام روح نام
ثنيان : ابشري
وسكر الجوال وناظر سعود الي ميت ضحك
سعود : حمار قلت لك لاتستظرف
ثنيان : ياخي وش دراني
سلطان : ارقد انت وياه
وراح كل واحد لفراشه ونام 🦋

الصراحه دلعتكم البارت طويل مره34567 كلمه لو ماعجبكم ! مدري 😭
بس الصراحه طويل وممكن بكره ممكن يعني ماانزل الله اعلم مدري وبس 💗💗💗💗