ياسعود والله مابعد زينها زين 💗

بارت 19

قاموا البنات للفطور وكانت الإبتسامه شاقه وجههم أخيرا بيرجعون البيت
مهره : فيك شي ؟ حراره ؟
بكت بيان
خزامى : وش سويتي للبنت
مهره : والله ماسويت شي
بيان وهي تبكي : ماسوت شي بس دموع فرح
نور : فجعتينا
بيان : اخيرا برجع البيت
أنفال : إن شاء الله بس لاتنسونا
جنى : ماقصرتوا الله يسعدكم
خزامى : هذا واجبنا
نور : في ورقه وقلم ؟
مهره: دقيقة
لمياء : افطري بيان عشان نروح
بيان : طيب
مهره : خذي
نور : لا بس ممكن سناباتكم
نوره : اي وبعدين عطيني
ليما : مايوفرون
أنفال : كلنا ؟
نور : اي
فطروا البنات وأخذت نور سنابات البنات
أنفال : إذا وصلتوا لأهلكم طمنونا
نور : ابشري
مهره : توصلون بالسلامه
البنات : الله يسلمك
نوره : إن شاء الله نلتقي مره ثانيه عشان نرجع البجايم
خزامى : اي اي صح البجايم لازم نلتقي عشان ناخذها 😉
ناظروا البنات بيان إلي ماسكه ترف وكانت تبكي ترف
أنفال : قولي مع السلامه
ترف : لا مابي
أنفال : يلا باااييي
ترف : بروح معهم
بيان : جيبيها معنا
أنفال : تروحين معهم ؟
ترف : اييي
أنفال : طيب
خزامى : دقيقة أجيب عباياتكم
مشت تجيب العبايات والبنات يطالعون بعض وجتهم لحظه إستيعاب
حطت أنفال يدها على فمها : يوووه كيف نسينا
خزامى : وين حطيتو العبايات مالقيتها
مهره: جو بدون عبايات
خزامى : كيف ؟
اشرت لمياء على البطانيات والبنات مبتسمات إبتسامه مابعد العيد
خزامى : صادقين ؟
جنى : اي والله
أنفال : الحين كيف الوضع ؟
ناظروا البنات بعض بوهقه مو عارفين وش يسوون
لمياء : عندكم بطانيات أكبر ؟
مهره : في بس 4
نوره : لا انا ماني مستعده اروح ببطانيه يكفي فشله أمس
أنفال : أنا عندي عبايتين بس نقاب واحد
مهره: انا بس عبايه وحده
خزامى : أنا عندي عبايتين
بيان : حلو إنتو البسوا وأنا بقعد هنا إن شاء الله بعدين تجوون وتاخذوني
نور : اتوقع مافي غير هذا الحل
ليما : خلاص يلا
طلعوا البنات العبايات ولبسوها وأنفال كلمت سلطان إنهم جاهزيين
أنفال : يلا في حفظ الرحمن
نور : مع السلامه
ركبوا البنات السياره ومشى سلطان للمركز
نزل سامي يكلم بالجوال
سامي : والله ماادري وينه بس إن شاء الله الاقيه
جابر : إن شاء الله
ناظر سامي ترف جايه ومعها حلاوه
سامي : يلا مع السلامه
جابر : مع السلامه
سامي : هلا هلا بالشيخه
ترف : عمو مين تكلم ؟
سامي : شخص ليه ؟
ترف : لا بس اسأل
سامي : لايكون ابوك مشى ؟
ترف : اي
سامي : يوووه قلت له لاتمشي
ترف : ليه ؟
سامي : كنت بسأله بس خلاص ماله داعي
ترف : طيب باايي
سامي : وين رايحه ؟
ترف : عند بيان
سامي : طيب الحين وش اسوي بفضولي ؟!
الجهه الثانيه
كان هدوء في السياره وكانو متحمسات أخيرا بيخلص الفلم
نور : تذكرون أشكالنا بالبطانيات ؟
نوره : وربي تضحك وكل شوي نرفع البطانيه نتأكد من المكان
لمياء : المٌضحك ألمٌبكي
ليما : اي والله
فجأه إنفقع ( إنشق )الكفر
جنى : يافرحه ماتمت
ناظروا ورا وشافو سيارتين وكان ريان في إحدى السيارات
نوره : اشهد ان لا إله إلا الله وأشهد أن محمد رسول الله
نور : يارب سامحني سرقت من عند بيان 50 ريال
ليما : حبيبتي 50 بس ؟ يارب سامحني سرقت من جنى مبلغ إنت الوحيد إلي تعرفه
جنى : كم كم ؟
ليما : والله ماادري بس إذا نقصني فلوس اخذ من عندك
نوره : طيب أنا أسرق من أبوي إذا رفض يعطيني
سلطان : وش العائله السراقه إلي تورطت فيها
سكتوا البنات بعد مااستوعبوا إن سلطان موجود اما سلطان كان يحاول يتجنب السيارتين وكان يمشي بسرعه عاليه وكان في بعض الحجار والمطبات ( إبحثوا عن المطبات في قوقل ) كانوا البنات ماسكات بعض وهم خايفات ناظروا صوت الإصطدام بسبب إن نوره صقع راسها بالسقف
ليما : هههه تستاهلين
نوره : اخخ راسي يارب تنصقعين
فجأه إختفى كل شي وصار لون أسود وصوت ضحكات
الجهه الثانيه
الشرطي : مافي اي جديد
ساره : الله يخليك راجع مره ثانيه
الشرطي : والله ياخاله مافي غير هاذي السجلات
لطيفة : يعطيك العافيه
الشرطي : الله يعافيك
ناظروا البنات بحزن وجلسوا على الكراسي
نجود : بناتي كله من محمد اخخخخ
ليالي : محمد شكو ؟ لا يكون يعرف مكانهم وماقال !
نجود : لا بس كله منه
ليالي : يارب يرجعون بالسلامه
لطيفة : بناتنا شذنبهم خاطفينهم حرام عليهم
المجلس
علي : مافهمت شلون ؟
الجد : تذكر ثنيان يوم لبست ليما الدبله ؟
ثنيان : لا
سعود : ياحمار يوم لبستها الدبله الخاتم
ثنيان : اي
الجد : كل تراب المهم نرجع للموضوع أنا حطيت فيه جاهز تعقب
مسعود : يعني كنت عارف إنهن بينخطفون ؟
الجد : اي كنت استهدف الشخص إلي يرسل التهديدات لأني اعرفه
سلطان : طيب جدي بدامك تعرفه ليه ماتروح له !
الجد : قلنا ثور قالوا احلبوه قلنا ثور ثور قالوا احلبوه
عبدالرحمن : يقصد ابوي إنه رمى له الطعم عشان يعرف وين مكانه ويصطاده
عبدالعزيز : اول مره تقول شي صح
عبدالرحمن : يبه شوف ولدك بسطره كف
ثنيان : اف اف عبدالرحمن يهدد عبدالعزيز
عبدالعزيز : يلا جرب
عبدالرحمن : والل
الجد : ثنيان حسابي معك بعدين خلونا نكمل
عبدالعزيز : لاتمون ترانا عمامك لأعطيك كف
الجد وهو يتذكر الأحداث ومعصب شوي : قصه طويله بس بقولها وأحاول أختصرها طبعا أنتو تحسبون بعد ماتزوجت مهاوي عشت حياه ورديه طبعا لا عمي الشايب العايب جعله العمى هو وزوجته وبنته الأبقره
ثنيان : معليش على المقاطعه بس ليه كل هذا الحقد ؟
الجد : لو ماسكتت بدعي عليك معهم ولا أقولك بسوي تحديد للجميع
محمد : لا لا يبه كمل
الجد : طيب زوجته سحرتني سحر خلاني أكره مها نيتها كانت إني اطلق مهاوي بس أنا كنت أحبها رغم بعدي عنها حتى عيالي كرهتهم
سعود : الله الله على الحب
اخذ الجد نعول الله يكرمكم ورماها على سعود
الجد : بتسكت ولا ؟
سعود : لا ابشر بس الله يديم حبكم
ثنيان : احسن
الجد : ماحد طلب دعائك وإسكت المهم وبعدين خلتني النجسه أتزوج بنتها العوره ( العوره يعني الأعور إلي عنده عين وحده )
وجبت منها ولد عمره 28 حاليا عاش في بريطانيا من عمر 12
فهد : كيف مانعرفه ؟
الجد : لأني شفت أحفادي حمير قلت حرام اخليه يعيش معاهم
ناظروا العيال فهد
محمد : صدقت يبه أفضل شي سويته
الجد : أساسا دائما اسوي الصح أذكى منكم دائما خلوني اكمل واسكتو بعدين الحمدلله بعد سنه من الهم والغم والقرف إلي كنت اعيشه الحمدلله إنفك السحر وطلقتها الحمدلله بس وش صار ؟
غيث : وش صار ؟
الجد : مالك دخل ماخلصت
عمر : يبه مشخصنها مع الكل
الجد : كل تبن المهم دخل في تجاره المخدرات والمٌسكرات والأسلحه الغير قانونيه طبعا هو مادخلها دفعه وحده لا كل بعد 5 سنين يتطور
هو الي سوا سحر للمياء وخلاها تتعب سنتين وهو إلي كان سبب في تنمر صديقاتي نوره وهو كان سبب في إننا كلنا نشك في ليما وهو إلي صدم سياره نور وخلاها تدخل في غيبوبه وبيان محاوله خطف لها وبعد مسك المجرم رفض التكلم وكذب ومحاوله قتل سلطان وغرق ثنيان إلي كان واضح إنه مٌدبر وكسر وتحطيم لوحات غيث ووضع سم لسعود وفهد
ناظروا الجميع بصدمه كيف صار كل هذا والثاني ساكت يعني في أشياء تافهه بس الباقي كيف ماحد عرف عن الثاني كيف ولا واحد منهم تكلم وليه ؟
عمر : صادقين ؟
الجد : إنت وأخوانك الوحيد إلي نجيتم
ثنيان : لايكون حنا عيال البطه السودا ؟
الجد : كل تبن بس أمه شفعت لهم ولا كان ودعوا الملاعب معكم
سلطان : خير حاقد علي يبغى يموتني وغيث كسر لوحاته بس
غيث : يقتلني ولا يكسر لوحاتي
مسعود : كل تبن واحمد ربك
ثنيان : لاتزعل حتى أنا معك
محمد : والله صادق أبوي يوم قال إنكم حمير ورخمه
سعود : لا ماقال رخمه
محمد : عادي أنا أقول إنكم رخمه
فهد : اي والله
عبدالرحمن: وأنت معهم
فهد : شكرا بس الحين وش نسوي ؟
الجهه الثانيه
فتحت ليما عيونها وناظرت البنات كانو منسدحات في غرفه وكانت تنزف دم من كتفها ناظرت البنات ماكانو لابسات عبايات وكأن احد نزل عباياتهم وكانوا البنات ينزفون دم مو مره كثيره بس يخوف
ليما : لمياء لمياء
قاموا البنات وناظروا بعض كانوا ملطخين دم وتراب وكان الغرفه مافيها ضوء غير شباك كبير يدخل منه كانت جروح سطحيه
ودم خفيف مو كثير بس الجروح كثيره كانو البنات مصدومات موقادرين يستوعبون إلي صار يحسونه حلم
نوره : بنات شكلنا إنخطفنا صدق
ليما : يعني إلي قبل تمثيل ؟
نوره : لا بس إنخطفنا
جنى : راسي يوجعني
لمياء : غريبه مافي احد
جنى : بنات بنات في دم ينزل من راسي
نور : يمهه بنات حتى انا رجلي تنزف
لمياء : بنات يخوف بنموت
ليما : سكتوها تكفون
نوره : اشهد ان لا إله إلا الله وأن محمد رسول الله
لمياء : يارب سامحني على كل شي سويته ودخلني الجنه يارب
ليما : شلون نطفيهم
نور : مو لعبه ذي
جنى : بنات خلونا ندور في الغرفه طلعو صوت
نور : ظهري يوجعني بنسدح مالي دخل
جنى : قومي لأصفقك يلا
نوره : دقيقة دقيقة اهدؤا
خافوا البنات وسكتو وهم يناظرون في نوره إلي مستغربه
نوره : الحين المفروض اول ماننخطف ونفتح عيونا يكون الخاطف قدامنا او يفتح الباب اول مانصحى
ليما : ليه ؟
نوره : مدري دائما اشوفها في الأفلام
جنى : اي والله صح غريبه ؟
نور : لأنكم ياحمير في الواقع مو فلم
لمياء : بنات قاعده انزف دم أخاف يخلص مافي طماطم ؟
ليما : خلصنا من الحمار طلع لنا الثور من وين نجيب طماطم ؟
نوره : أنا اشوف ف
ليما : انا أشوف إنك تسكتين شوي
نور : في حل بس لو سويناه بندعي إن ربي يسترنا
لمياء : إخلصي وشو
نور : تشقين قطعه من البجامه او البنطلون وتربطينها
لمياء : لا والله إلا الشرف
نور : حلو شوي وتموتين
لمياء : طيب إنتي عطيني قطعه من بلوزتك
نور : لا إلا الشرف
لمياء : دقيقة الحين إلي خاطفنا رجال ؟
نور : دقيقه لا يكون بشوفنا يمه ( مايدرونه إنه يجوز ولا يعرفونه )
جنى : الصدق الموضوع يخوف كيف يشوفنا ؟
ناظروا الباب إلي إنفتح ودخل شايب كبير في السن لابس بدله سودا
وكان لابس أساور وحلق وسلسال وحاط بلشر خفيف
يوسف : everything is OK ?
( كل شي تمام ؟)
صرخو البنات وكل وحده ركضت تتخبى لأنه مو محرم ومايجوز يشوفهم
يوسف : Don't be afraid, I won't hurt you
(لاتخافو ماراح اذيكم )
نور : صد مايجوز مايجوز
نوره : الغبي ذا وش يقول ؟
ليما : كذاب يقول لاتخافون
يوسف : اهدأو وإجلسو أنا عمكم
ناظروه البنات بصدمه إنه يتكلم عربي وإنه عربي والصدمه الثالثه إنه عمهم
جنى : كذاب
يوسف : كذا علمك احمد تقليين ادبك على إلي أكبر منك ؟
لمياء : كيف عمي ؟
يوسف : مو عمكم بس أنا أخو جدكم
نوره : انت إلي بنتك كانت تبغا تتزوج جدي ؟
يوسف : العكس لو سمحتي بس ذيك سحرته
جنى : شين وقوي عين ساحر جدي وتقول إن جدتي ساحرته
يوسف : لاتمونين
نوره : طيب ليه خاطفنا ؟
يوسف : ابغا ابتز جدكم هههههه والله ماأخليه
نور : طيب ليه تتكلم إنقليزي في البدايه ؟
لمياء : مسيحي ؟
يوسف : اول شي كيفي ثانيا You are very ill-mannered. Didn't you raise your children well? ثالثا انا مسلم
( انتم مره قليلن أدب بزياده ماتربيتو ؟)
ليما : طيب وش فيها لو تكلمت عربي ؟
يوسف : You animal, don't wipe your face!
( حيوانه ماتسحين على وجهك ! )
نوره : كل تبن يعنني إمريكي تراك في السعوديه
لمياء : ياحبيبي شوفي وجهه مليان بلشر
نور : وش تستخدم لبشرتك ؟ ماشاء الله مافي حبوب حتى القلوس يجنن
ليما : اي صح حتى البلشر درجته حلوه
يوسف : Of course, for my skin, I use an avocado mask and put sliced cucumber on my eyes. As for the blush, it is from By Mario and the gloss is from Fenty Beauty
( طبعا بشرتي أستخدم ماسك الأفكادو وأحط خيار شرايح على عيني اما البلشر من باي ماريو والقلوس من فينتي بيوتي )
نور : خير يهتم ببشرته أكثر مني
ليما : حتى يعرف الماركات ويفهم فيها
جنى : كلب يععع هو وصلعته 🧑🏻‍🦲
يوسف : stop ! إلا شعري مااسمح لك هاذي موضه الأغنياء طبعا ماراح تعرفونها
لمياء : الحمدلله إننا مانعرفها
يوسف : طيب خلاص وقت اللعب يلا باااي
نزل وناظروا البنات بعض مصدومات كيف هذا يوسف إلي جدهم كان يتكلم عنه مستحيل ! فرق الشمس والقمر
لمياء : هذا شلون يمشي ! كيف للأن عايش
نوره : ياحبيبي لو رفسته مات
نور : لو أنا مكانه 24 ساعه في المسجد
جنى : ولابس سلسال وحلق يعنني شايب إمريكي
دخل من الباب 4 بنات وحده منهم ماسكه كلب بوليسي
( بختصر لأن مالي خلق اكتب حرمه 3 حرمه 2 ف راح اكتب 1 يعني حرمه 1 2 يعني حرمه 2 )
1 : صوري بسرعه
3 : يلا طلعو كل إلي معكم ولا راح افك الحبل على الكلب
4 : اوقفوا وإرفعو يدكم
نوره : رياضه هي ؟
2 : إثبتي ولا افك حبل الكلب
وقفوا البنات وفتشتهم
1: يلا بصوركم
نور : تشيييز
3 : بعطيك كف يعلمك تشيز
نور : اسفه
4 : يلا بنصور فيديو والله ترا ماعندنا مانع نعذبكم مو مثل إلي قبلنا قسم بالله نقدر نقتلكم واساسا كذا ولا كذا بتموتون