ياسعود والله مابعد زينها زين 💗

بارت 17

في : بسرعههه
ضي : خلاص اغمى عليها
في : طيب يلا شيليها معي
مسكوا ليما وحطوها داخل كيس اسود
ضي : وجعاه ظهري يوجعني ماساعدتي في شي !
في : أنا ماساعدت ؟! أنا ال
جنى : ليما ي
ناظرت جنى وشافت رأس ليما طالع من الكيس وضي وفي واقفات
مسكتها ضي وخدرتها بسرعه
في : ياويلي بسرعه حطيها في الكيس اسمعي باقي 4
ضي : اي ادري ساعديني بدال ماانتي واقفه
تحت
لمياء : اف اف
بيان : لازم نعلم ليما بس اخاف يفوتني
نوره : انا بروح اعلمها
نور : جايه معك
تقدمت حرمه وجلست مع البنات
الحرمه: كيفك ياعسل
شهد خافت ناظرت لمياء
شهد : بخير
الحرمه : مره حلوه
شهد : شكرا
الحرمه : وين امك ؟
شهد اشرت على وحده ماتعرفها : هاذيك البعيده
قامت الحركه تمشي للي اشرت عليها شهد
لمياء : انحاشي بسرعه قبل ترجع
ركضت شهد ودخلت إحدى الحمامات
طلعوا نور ونوره وهم يركضون بالكعب
في : اسمعي صوت في احد جاي
رجعت في ورا وتخبت ورا الباب اما ضي كانت جنب الباب من الجهه الثانيه
نوره : فاتك ليم
نور شهقت : وش صار
فجأه طلعت لهم في وضي وهجموا عليهن قدرت نور إنها تصرخ بس بسبب الأغاني وصوت الصراخ ماحد سمعها غير بيان ولمياء اللي كانوا طالعين ينقلون العلوم
مسكت ضي بيان اما لمياء ركضت لتحت بس وهي نازله الدرج مسكتها حرمه ودخلتها الغرفه
الحرمه: لو ماتدخلت كنا إنفضحنا عندكم 5 دقائق تودون البنات السياره 5 دقائق
وطلعت
في : مالت ماغير اوامر
ضي : شيلي شيلي
في : دقيقة ليه إختفى صوت الأغاني ؟
ضي : وقفت المضاربه !
في : بسرعه شيلي
شالوا ثنتين ثنتين ويدخلونهم سياره
تحت
نجود : أخيرا بطلع اشوف ليما
طلعت نجود لدرج بس
اجوان : خاله رجعوا يضاربون مضاربه قويهه
نزلت نجود بسرعه
نجود : خلاص خلاص اطلعوا برا القاعه وتضاربوا
رنيم : تطرديني ؟
نجود : اي
رانيا : خلينا ننزل بس
نجود استقعدت لهم لين لبسوا عباياتهم وطلعوا طلعت نجود تهدي ليما بس انصدمت يوم شافت الغرفه حوسه وفي منديلين طايحين على الأرض والبنات مو موجودات طلعت نجود من الغرفه تدور مثل المجنونه وحاطه يدها على فمها ودموعها تنزل بصمت
ساره : شفيك نجود ؟ انتي بخير
نجود : البنات البنات وين
ساره : مافهمت ؟
نجود : البنات مو موجودات
ساره : أكيد في المطبخ ولا في الغرفه
نجود : دورت مالقيتهن 
شهد : خاله وين البنات
ناظروا بعض نجود وساره
ساره : شوي ويجون
شهد : تمام
ساره: تعالي نتأكد
دخلوا الغرفه وناظرت ساره المنديل أخذته وشمت ريحه المخدر
ساره : ريحه غريبه
نجود : تأكدي
ساره حست بصداع واغمى عليها
نجود : ساره ساره بنت قومي
ليالي : وش فيه ؟
نجود : بشرحلك بعدين بس الحين خلي الوضع طبيعي
ليالي : اي وضع ؟ البنت و فيها ؟
نجود : والله بشرح لك بس اصبري
دقت نجود على محمد وهي ترجف
محمد : هلا
نجود : اسمع اطلع وشوف في سياره وضعها مٌريب ؟
محمد انصدم وقفل الجوال وركض يطلع برا الشاليه وهو يتلفت يمين ويسار
عبدالعزيز : في شي ؟
محمد وهو حاط يده على راسه: سووها سووها
عبدالعزيز : تستهبل !
عبدالرحمن: وش فيكم ؟
عبدالعزيز : تنفذ التهديد
( دقيقة شسالفه واي تهديد ؟ شدعوه اصبروا )
عبدالرحمن: يعني البنات ؟
محمد : توها دقت علي نجود وقالت لي
عبدالعزيز : مافي اي سياره
محمد : حتى مافي كاميرات
عبدالرحمن: لازم ندخل ونخلي الوضع طبيعي ومانحسسهم بشي
نجود : لاحول ولا قوه الا ب الله
ليالي : هاذي مويا بدت ترش المويا على وجه ساره وبدأت ساره تصحصح شوي شوي
ليالي : بنت تسمعيني
ساره : وش صار
دخلت لطيفه : يلا عشا وينكم ؟
ناظرت البنات وهي مصدومه
نجود : يلا يلا جايين
لطيفة : وش فيك ساره
ساره : ماادري البنات وين ؟
نجود : بنات والله بشرح لكم بس تكفون خلونا نكون تحت على الأقل لين يروحون
نزلوا البنات ونجود منهاره كانت تمشي وماتدري وش تتصرف بس تتمنا المعازيم يمشون بسرعه كانت تناظرهم وهي متوتره دخلت لإحدى الحمامات وإنهارت بٌكاء كانت تبكي وتبكي بدون ماحد يسمعها
لطيفة : وين نجود ؟
ساره : وضعها مشكوك البنات ماادري وين وهي رافضه تتكلم
ليالي : كيف البنات ماتدرون وين ؟
ساره : صح شميت شي وبعدها ماتذكر شي
ليالي: قصدك خطف ؟ مستحيل ذا في المسلسلات الهنديه والأفلام
لطيفه : يعني البنات مو موجودات والحين نجود اختفت
ساره : دقيقه صح وين نجود
قاموا يدورون نجود
ناظرتهم شهد الي كانت تدق على البنات وماكانوا يردون
شهد : في بنت جت تقول سلمي لي عليهم ومشت اسمها مشاعل
ليالي : الله يسلمها
شهد : عادي اسأل سؤال
ليالي : طبعا
شهد : وين البنات
ليالي توترت : هم يعني طلعوا ماادري
شهد : يعني طلعوا برا
ليالي : اي اي يحتفلون باليما تعرفين أجواء عائليه
شهد : تمام أنا رايحه سلمي لي عليهم
ليالي : يوصل إن شاء الله
ساره : يويلي مالقيتها
لطيفة : أساسا مابقا غير هاذيك العجوز
ساره : يمه بنتي وينها
لطيفة : اسمعوا اهدأو لاتوتروني
ساره : كيف نهدأ ؟ دقيت على البنات اكثر من مره حتى علي
ليالي : ممكن في الحمام ؟
لطيفة : مستحيل
ساره : الصراحه مادورنا
مشوا البنات ودقوا باب باب لين وصلوا اخر حمام الله يكرمكم
لطيفة : نجود ؟
نجود ساكته
ليالي : نجود إحنا ندري إنك هنا
دخلت لطيفه الحمام الثاني ونفس الشي سوته ساره وناظروا نجود من فوق
لطيفة : نجود
نجود وهي تمسح دموعها : اللهم سكنهم مساكنهم
ساره : خوفتينا عليك
فتحت الباب نجود وطلعت تمسمح المسكرا الي ساحت
ليالي : احد يبكي في الحمام الله يكرمكم؟ لادخل فيك جني !
نجود : راحوا ؟
ساره : اي بقى العجوز
نجود : نادوا الكل للمجلس
ليالي : اول شيء قولي لنا وين بناتنا
نجود : اذا تبون تعرفون كل شيء سووا اللي انا قلت لكم
مشوا البنات ودقت نجود على محمد بس جواله مسكر حتى عيالها
تجمعوا البنات في المجلس
ساره : مالقينا امي
امل : راحت شاليه الرجال
نجود : طيب بقول لكم كل شيء بس ما ابغى تتكلمون الا لما انا انتهي
ليالي : طيب يلا
نجود : اول شيء قبل اسبوع جتنا رساله تهديد اذا ما اعطينا رجال 10,000,000 راح يدمر حياتنا احنا ما اخذنا الكلام بجديه صارت تجي الجد رسائل اكثر عن خطف او سحر وكثرة الرسائل الفتره الاخيره في البدايه الجد ما كان يبغى احد يعرف بس انا عرفت بالصدفه من محمد وقال لا تعلمين احد واليوم المغرب جت رساله تهديد للجد انه الملكه راح تتحول لكابوس بس وصلوا الضيوف فقرر الجد يقفل الموضوع وبعدين شفت المضاربه اللي صارت تحت احنا وقتها كنا مشغولين للاسف وانا طلعت ليما للغرفه ما ادري ايش صار لكن في واحده او مجموعه دخلوا وخدروا البنات وخطفوهم كيف صار ماادري بس هذا الي اعرفه
لطيفة : كيف ما قلت لنا وليه ما يبغونا نعرف ؟
ليالي : بنتي !
ساره : صادقه انتي تدرين وش تقولين ! شي مره خطير
نجود : والله اني كلمت محمد كم مره يقنع الجد لكن حاولوا يتعقبون هذه الرسائل وفي كل مره يطمني انهم بيقدرون يتوصلون لهذا الشخص
لطيفة : يعني انخطفوا بناتي وإذا نبغاهم يرجعون لازم ندفع 10,000,000 !
نجود : ترى والله حتى انا انخطفوا بناتي والله اني منهاره قسما بالله مثلكم انا ما لي دخل
امل : كيف مالك دخل وكل هذا الوقت كنت ساكته
نجود : والله كانوا دائما يقولون انه قربنا انا كنت اتطمن ما كنت ادري
ليالي بدأت تبكي ونجود بكت ورها
لطيفة : نجود ما عليك انت مالك دخل بالموضوع قضاء وقدر
نجود : طيب بناتي
الجهه الثانيه
ناظرت ليما الغرفه كانت ورديه كل شي فيها ورديه استغربت وناظرت البنات
ليما : بنات قوموا بنات
نوره : 5 دقائق
ليما : ياتبن فتحي عيونك
بيان : بسم الله
جنى : بنات يمه حنا وين
ليما : ماادري
دخلوا بنتين
رانيا : أخيرا صحيتوا
رنيم : تونا حاطينهم وش متوقعه ؟
رانيا : لا يعني نفس الأفلام
نور : مين انتوا ؟
رانيا : مانقدر نقول
رنيم : لا الله يخليش قولي لهم حماره انتي ؟
رانيا : خلاص خلاص
رنيم : للأسف اظطريت اضحي بغرفتي عشانكم
البنات يناظرون وهم مصدومات في اسإله كثير في عقلهم
رانيا : ليه تبيني اضحي بغرفتي ؟ طبعا لا
رنيم : الي توسخ الغرفه بجلدها
البنات : طيب
رانيا : عندكم سوالف ؟
رنيم : وش رايك بعد نضيفهم ونوزع القهوه وتمر
رانيا : خلاص بسكر فمي
رنيم : وش اسمائكم
لمياء : كيف خطفتونا ؟
رانيا : تضاربنا انا ورنيم وطلعتم فوق ومسكتكم في و
رنيم : لا بعد وش رايك تعلميهم الخطه
دخلت ضي : رنيم تعالي كلمي القائد
طلعت رنيم وبقى بس رانيا
رانيا : ماشاء الله حلوات وش اسمائكم
نور : نور
جنى : ياذكيه لاتقولين ممكن
نوره : وأنا نوره
بيان : بيان
لمياء : لمياء
ليما : ليما
رانيا : وانتي ؟
جنى : ماراح اتك
ليما : جنى
رانيا : اساميكم حلوه
جنى : ليه خطفتونا ؟
رانيا : مااقدر اقول
جنى : ليه ؟
رانيا : ياويلي منهم
نور : قولي قولي ماحد بيعرف
رانيا : طيب بس يبقى سر
لمياء : طيب
رانيا : انخطف اخو في الصغير وكانوا قاعدين يعذبونه ويرسلوا لنا الصور و وطلبوا مننا إننا نخطفكم في مقابل ان جدكم يدفع 10,000,000
ليما : 10 مليون مره واحده احنا حتى 5,000,000 ما عندنا
رانيا : جدش يمتلك 30 مليون وهذا الشخص يبغى  10,000,000
نوره : كيف ؟
رانيا :  هذا اللي اعرفه من القائد
جنى : طيب وش اسمه
رانيا : مااقدر اقول
دخلت رنيم : تسولفين معهم ؟
رانيا : لا
رنيم : ياربييي كم مره اقولش
رانيا : خلاص بسكر فمي
ضي : تبون قهوه ؟
نور : لا في شاهي ؟
في : تراكم مخطوفات لا تاخذون راحتكم بزياده
لمياء : اي
ضي : طيب
رانيا : عندكم  10,000,000 ؟
بيان : لا
ضي : لاتخافين ماراح نأذيكم ولا راح نحسدكم
نور : ماله دخل بالحسد ولا الخوف بس حتى إحنا انصدمنا
في : غريب
نوره : ليه ماتتعاملون معنا بوحشيه
رنيم : إحنا نستنا اوامر إذا جت لازم ننفذها
رانيا : مين سامي تعرفونه ؟
في : اسكتي
جنى : ليه عادي تسأل
ضي : ليه تعرفينه ؟
جنى : لا
ضي : خلش ساكته أجل
نور : جنوبيات ؟
رانيا : اي
لمياء : واضحين من لهجتكم
رنيم : لاتحتكين ترا نقدر نعذبكم
في : خلاص هدو
رانيا : فستانك حلو من وين ؟
ليما : مدري من محل في المول
رنيم : يعنني ماراح اقول اسم المحل لا تخافين ماراح تشتريه
ضي : رنيم يكفي
ليما : بالعكس لو ادري راح اقول
رنيم : اي اي واضح ترانا نعرف سوالف الأغنياء
ضي : رنيم يكفي
رانيا : تراها ماتقصد
ليما : طيب
في : ملكتش كانت حلوه الصراحه ماكان ودنا نخربها
ليما : طيب ليه خربتوها ؟
دقتها لمياء لأن خافت إن ليما تقول أعرف السبب
في نزلت راسها: ظروف آسفين والله
رنيم : مو لازم تتأسفين عادي
نوره بهمس : ودي اصفقها لين تعض الأرض
نور : اي والله ودي افرشها
ضي : طيب الحين بتكلمون اهلكم إحنا بنقلكم الكلام طيب ؟
لمياء : طيب
ضي : انتي تتكلمي
بيان : أنا ؟
رنيم : لا جدتي
ضي : رنيم !
الجهه الثانيه
ثنيان : كيف ؟ وليه ماقلتوا
الجد : لاتستعجل عندي خطه
عبدالعزيز : خطه وش يبه البنات راحوا من يدنا !
الجد : لاتحسبني غبي اعرف كل شي حتى اعرف مكانهم
عبدالرحمن: وش تنتظر يبه !
الجده : أصبر بتعرف كل شي قريب
محمد : يمه يبه تكفى لايصير شي للبنات
الجد : لاتخاف اعرف وش اسوي
وقف ثنيان وطلع ومشى وراه سعود والعيال كانوا مصدومين حرفيا مايدرون وش قاعد يصير الي عارفينه بس إن اخواتهم إنخطفوا
سعود : ثنيان ثنيان
ثنيان : وش تبي خلني الحالي
سعود : ماتركت وقت سعادتك اتركك الحين ؟
ثنيان : ليه ليه يصير لها كذا يوم حبيتها حتى اختي
سعود : قضاء وقدر كل البنات انخطفوا مو بس ليما ولمياء
ثنيان : تصدق نادم إني جرحتها كانت طيبه كانت تحتاجني أنا غبي
سعود : اي
ثنيان : كل تبن
سعود : صدقني خيره من ربي وراح تشوف
الجهه الثانيه
امل : كيف ماانتبهتوا ؟
نجود : أنا السبب ماكان المفروض اطلعها فوق بس خفت
امل : شفتي إنتي السبب
ناظروا الكل امل ونجود كملت بٌكاء
ليالي : لا قضاء وقدر ربي كتب إن يصير كذا نجود مالها دخل
نجود : لاتدافعوا عني بس ترا والله ماأقصد
ساره : الشي مو بيدك وعادي بنلاقيهم إن شاء الله بس لاتخوفينا عليك إنتي كمان إهدأي شوي
الجهه الثانيه
ضي : لاعبين اي ارتباك وقولي نفس الكلام طيب
بيان : طيب
ضي : يلا نقلوني رقم جدكم
ناظرتهم يناظرونها بإبتسامه
ضي : كيف ماتعرفون رقم جدكم ! طيب وحده تقولي رقم ابوها قولوا بعد ماتعرفون !
ليما : انا اعرف
جنى بهمس : حماره ذي ؟ ممكن نتأذى بأي دقيقة ثانيا هذا ضرر لجدي
نور : كنت احسب الخطف راح يكون يخوف وراح يعذبونا حطيت 1000 سيناريو واخر شيء كذا
لمياء : صدق شوفي نشرب قهوه ولاكأننا مخطوفين
ضي : يلا امسكي
بيان : الو
ناظر محمد العيال وتجمعوا حوله محمد : جنى ؟
بيان : لا
محمد بخيبه امل : مين ؟
بيان : أنا بيان بنت اختك
محمد ناظرهم : بيان انتي بخير ؟
شربت بيان من القهوه وتمدت تطلع صوت : الحمدلله بخير
ضي ضربتها على يدها
بيان : لا ماني بخير
محمد : البنات بخير ؟
بيان : كلنا بخير
ناظرتها ضي ورنيم وحاطين يدهم فوق راسهم سحبت ضي الجوال : معك الخاطفه واذا تبغى نعطيك البنات لازم تعطيني مبلغ 10,000,000 ولا راح نقطع يدهم او رجلهم
عبدالرحمن : طيب طيب بس تكفين بناتي مالهم دخل
لمياء : كيوت يقول عننا بناته
في : اششش
ضي : طيب نتفق على مكان بكره
عبدالرحمن : خلاص طيب
الجد : شفتوا البنات بخير
عبدالعزيز: يبه سمعتها تقول ممكن تقطع  وحده من البنات يدها او رجلها
الجد : مستحيل انا اعرف والبنات بخير
عبدالرحمن : طيب الحين كيف ندبر العشره مليون ؟
غيث : كل واحد يدفع اللي عنده
الجد : لو تقعدون تجمعون من اليوم لين بكره ما راح تجيبون 10,000,000 انا اعرف الحل لا تدخلون
فهد : جدي ياجدي لاتصعب الموضوع
الجد : كلامي يمشي والي يحاول يلف من هنا ولا هنا بتوصلني اخباره
سلطان : يا ابن الحلال جدي اكثر مني ومنك وخواتي راح يرجعون بالسلامه إن شاء الله او بالاصح لمياء
فهد : سد حلقك
عمر : إذا تبون اي مساعده أنا موجود
الجده : احس راح تكون صدمه لهم
الجد : ماعليك بيتقبلونها المهم وش هالزين ماشاء الله
الجده : صدق ؟
الجد : كل يوم احلا من قبل ياحظي فيك
الجده : ياقلبي
الجد : انتي قلبي وروحي وعيوني
الجده : لاتبالغ
الجد :
تقول ارفق بمن حبك
وعقب الي تبي سوه
ترا ميتك إذا شافك
ترد الروح به حيه
❤️❤️❤️❤️