ياسعود والله مابعد زينها زين 💗

بارت 24

مكالمه هاتفيه
لمياء : ألو
ثنيان : نعم ؟
لمياء : إسمع امي تقول ودينا البقاله
ثنيان : مشغول
لمياء : كذاب توني شايفتك
ثنيان : طيب عندي شغل !
لمياء : ياليل طيب والثور ؟
ثنيان : سعود نايم
لمياء : مين ينام العصر ؟
ثنيان : ماراح يسافر معنا
لمياء : لماذا ؟
ثنيان : لأن يااختي العزيزه بيرجع لشغله
لمياء : طيب يااخي العزيز مارأيك انت تذهب بي إلا البقاله
ثنيان : لا أقبل يااختي الحبيبة
لمياء : أخي العزيز حبيبتك ناقصها أغراض
ثنيان : لا توجد لدي حبيبه
لمياء : اففف جحدت لمو
ثنيان : ليما بتجي ؟
لمياء : نعم يااخي العزيز
ثنيان : 5 دقائق والاقيكي في الأسفل
لمياء : طيب
لمياء : بسرعهه تجهزواا
نوره : كلنا لابسات عبايات ونقاب إلا إنتي
لمياء : طيب
نزلوا البنات ركض لتحت وناظروا ثنيان كان في السياره
لمياء : السلام عليكم
ثنيان : وعليكم السلام
ناظر ورا ثنيان وناظر ليما إلي تشمق له وقعد يشمق لها
ليما : حرك حرك يااخوي
ثنيان : لو سمحتي بكيفي !
مشى ثنيان وطول الطريق حرب بين ليما وثنيان بالعيون
ثنيان : يلا إنزلوا بس لاتطولون
نزلوا البنات من السياره وكانت الغيوم سودا ودخلوا البقاله
نوره وليما
مهمتهم الغازيات والإسكريمات
جنى ولمياء
الشبسات والحلويات
نور وبيان
المكسرات والفصفص
كانوا مسوين هذا الجدول عشان يخلصون بسرعه
جنى : لا لا هذا مااحد يحبه !
لمياء : ماعليك نجرب
تنهدت جنى وناظرت مشعل من بعيد يناظرها إنخرشت وسوت نفسها ماشافته وتوترت
جنى : خلاص خلاص حلو لذيذ خلينا نروح الحلويات
لمياء : إصبري باقي شبسين !
ناظرت جنى بطرف عينها مشعل وناظرته يسلم عليها من بعيد إبتسمت جنى وردت السلام وشتت عينها على طول
لمياء : اوفف هذا إلي كان في المستشفى ؟
جنى : أي
لمياء :
احبك ليه أنا مدري
ليه أهواك أنا مدري ؟
لو مرت علي ذكراك
يفز النبض في صدري
❤️❤️❤️❤️❤️

جنى : بنت خير ! مستحيل
لمياء : اي اي نشوف بعدين تراه جاي معنا
جنى : طيب ؟
لمياء : نشوف المؤدبه الهاديه
جنى : وخري وخري الحمدلله وشكر بس
إجتمعوا البنات للمحاسبه
جنى : والله انا أدفع
لمياء : لا تحلفين !
ناظروا بيان إلي دفعت
بيان : يلا عشان ننزل
نوره : دقيقة لايكون السياره تعطلت ؟
ناظروا ثنيان كان واقف يناظر السياره ويدعي عليها
ليما : وش فيك صديق ؟
ثنيان : مالك دخل
ليما : اف اف اف صديق ليه إنت زعلان ؟
ثنيان : بنرجع البيت مشي
لمياء : ليه ؟
ثنيان : مافي بانزين
ليما : كيف ؟
ثنيان : ماانتبهت للبانزين
لمياء : يوووه
ثنيان : عادي البيت هنا قريب وعادي وش فيها المشي ؟
ليما : إمشي وإنت ساكت
ثنيان : لو سمحتي عدلي إسلوبك !
ليما : خلاص آسفين
ناظروا السماء إلي بدأت تمطر بس كان خفيف
نوره : إكملتتت
ثنيان : إركضواا
بيان : إيششش
ثنيان : مو وقت دلعكم اركضوااا
مسكوا البنات عباياتهم وركضوا على الخفيف
ثنيان : اركضوا زين
بيان : هاذيك شجره خلونا نتخبا تحتها
نور : لا ممكن البرق يضرب فيها ونودع معها
ثنيان : مالنا خيار ثاني
جلسوا البنات تحت الشجره وناظروا السما إلي بدأت تمطر بغزاره
نوره : الحمدلله إننا جينا الشجره ولا كان تبللنا أكثر
إلتفتوا لصوت البوري وكان مشعل يأشر لثنيان بالقدوم
ثنيان : الحمدلله يارب
مشعل : ليه راجعين مشي ؟
ركب ثنيان : السياره تعطلت وماتوقعنا إنها بتمطر
مشعل : نادي البنات
أشر ثنيان للبنات ومشوا وكانوا مستحيات ركبوا السياره ومشى مشعل للبيت
البيت
الجدة : ماشاء الله أمطار خير وبركه إن شاء الله صوري صوري
فتحت ساره جوالها وبدأت تصور الأمطار
ليالي : يوم بنسافر أمطرت ؟
لطيفة : شوفوا البرد ( نوع من المطر الصلب الذي يتكون من كرات أو كتل من الجليد ) { واضح إني سارقته من قوقل ؟ }
نجود : الله ودي أمسكه بس اخاف تجي وحده من السما وتصقع في راسي
دق الجرس وقامت ليالي تفتح الباب وناظروا البنات مبللات
نور : يمه بردددد
لطيفة : ليه تأخرتوا ؟
ليما : ما في بنزين في السياره وجاء مشعل وركبنا معاه
نجود : يووه إدخلوا لاتبردون
دخلوا البنات وهم يرجفون من البرد والهوا البارد
الرجال
سلطان يصور : شوفو بس هذا التصوير الزين
ضربه عبدالرحمن من ورا
عبدالرحمن : وش تقصد يعني تصوير سارونه مو حلو ؟
سلطان : لا طبعا حلو
سامي : تبلل الحوش ياخي
الجد : وليه زعلان ؟
سامي : أنا مغسله أمس
فهد : جبت لكم شي ولا في الخيال
ناظروه الرجال كان ماسك صابون في يده وقعد يكبه على الحوش
سامي : وأحلا ملعب صابوني
فهد : افف ملعب صابوني من دوني ؟ دقيقة
مسعود : ههه ملعب صابوني على قد الحال
عبدالعزيز : فكره وش رايكم
عبدالرحمن : قدام أنا الحارس
عبدالعزيز : قدام أنا وفريقي ضدك
محمد : أنا الحكم
مسعود : أنا مع عبدالعزيز
علي : وأنا مع عبدالرحمن عشان مايجحد وقفتي بعدين !
عبدالرحمن : والله إني عارف إنك كفو ومحزم مليان
الجد : اقول توكل وصب لي قهوه
العيال
كانوا العيال يركضون في المطر ويتزحلقون كانت البسمه على وجيههم
عمر : الحمدلله على نعمة العقل
إلتفت وشاف غيث يركض ويلعب معهم ناظر سعيد وصار يركض
عمر : عمههه عمههه
ساره خلف الباب : وجع قصر صوتك !
عمر : خذي خاله سعيد
ساره : طيب هدي
ركض عمر معاهم سمعوا البنات الأصوات وطلعوا للسطح يتفرجون
نوره : افف خير ليتني ولد
جنى : وربي فلهه
لمياء : اي والله تذكرين مع عمي سامي أمس ؟
جنى : اول ماانقفطنا حطها فيني !
نور : شوفوا المطر
بيان : أقول حطي المظله فوق راسك لاتفلقك أمي
نوره : وش تطالعين إنتي ؟ ناظرت نوره ثنيان وناظرت ليما
نوره : ههههههههههه
ليما : لا يازق خيرر
جنى : قلت لك تحكمي بنظراتك
ليما : يعع أساسا مااحبه
نوره : مرهههه
ليما : وجعع!
بيان : شوفو
ناظروا البنات الرجال خارجين مين الخيمه يلعبون مع العيال
نور : ههههه لمياء بالله صوري وحطي أغنيه مش هبقى مؤدبه
لمياء : ههههه عيب والله بنجلد
ليما : شوفوا هههههه
المغرب
الجدة : خلصتوا كل شي ؟
نجود : لا أبشرك الحمدلله كل شي تمام
الجدة : طيب يلا ناموا
لطيفه : هاه ؟ ليه ؟
الجدة : عشان تصحون بدري
لطيفه : ملحقين يمه
ناظرت ليالي جوالها من مكالمه عبدالرحمن وخرجت من المجلس
ليالي : هلا ؟
عبدالرحمن : ياحي هالصوت إطلعي أنتظرس
ليالي : تمام
طلعت ليالي وأخذت معه وشاح عشان البرد وناظرت عبدالرحمن
ليالي : هلا
عبدالرحمن : كيفك ؟
ليالي : بخير بعد شوفك
عبدالرحمن : الحمدلله بسألك
ليالي : اسألي
عبدالرحمن : إذا تبين تروحين عند أهلك ماعندي مشكله أحطك وأمشي 3 أيام وأرجع لك أخذك إنتي ونوره
ليالي : لا طبعا أكيد لو قلت لنوره بتقول أبغا معا البنات ثانيا الصراحه إستخرت لأني خايفه شوي من ردة فعلهم وحسيت بضيق
عبدالرحمن : متأكده ؟
ليالي : أي
عبدالرحمن : خلاص تمام
ليالي : جهزت أغراضك ولا مثل كل عاده أقعد اجهزها ؟
عبدالرحمن : لا جهزتها قلت خليني اريحك هالمره
ليالي : هههه زين
عبدالرحمن : يلا مع السلامه
ليالي : مع السلامه
الغرفه + مكالمه
ليما : لا أول شي قول وين ؟
ثنيان : ياليل
ليما : عشان أكشخ او لا
ثنيان : وليه تكشخين ؟
ليما : طيب إخلص
ثنيان : لا
ليما : طيب
قامت لي من السرير توجهت لعبايتها ارتدت ليما عبايتها وبدات تحط بشر ومسكره ومرطب اخذت شنطتها ومشت لثنيان
السطح
لمياء : افف يالبيه أطلق لاتيه
جنى : اي والله تسلم يدك
لمياء : الله يسلمك
نوره : كيرم ؟
جنى : أي كلنا
بيان : لا بتابع مسلسلي
نور : نوره الله يحفظك حطي شوي نشا لاتكثرين بنتوصخ بعدين
نوره : ماعليك
ناظروا البنات كيس النشا إلي طاحت وإنكب نص النشا على الكيرم
جنى : ياويلك ياويلك ياويلك ياويلك
لمياء : كل سنه وحضرتك طيبه إيه طموحاتك في السنه الجديده
نوره : إن القيامة تقوم
نور : والله إني قلت لك الحين وين نوديه ؟
نوره : سهله نكمل لعب وعادي نتزصخ في النهاية ب🚿🛁
الخيمه
كانت بيان تبكي بهدوء وتناظر صديقه البطله وهي تموت وكل ماعادت اللقطه تبكي أكثر وأكثر لين سمعت صوت صراخ برا
طلعت بيان وناظرت البنات إلي نص ملابسهم نشا
جنى : والله غش رجعي الخمسين !
نوره : لا والله أبوي يقول لازم الخمسه !
نور : عمي كل يومين قانون لازم عشره مو خمسه رجعي !
لمياء : صحيح عشره وش خمسه ذي ؟
ناظروا بيان إلس عيونها حمرا ودموعها في عينها وتناظرهم
نور : بسم الله وش فيك ؟
لمياء : ليه تبكين ؟
رجعت بيان تبكي : ماتت صديقه البطله
جنى : اشوا فجعتينا !
بيان : بس صديقه البطله ماتت
لمياء : سراقههههه سراقه رجعي !
نوره : والله بس عشره
لمياء : شفتك 15 رجعي !
بارنز
ليما : دقيقه مااتفقنا كذا !
ثنيان : وشو ؟
ليما : والله مااطلع بجامتي أطول من العبايه إنت قلت في السياره!
ثنيان : طيب بناخذ بس الطلب
ليما : انها اشوا
أخذوا الطلب ومشى ثنيان لمكان خالي من البيوت والناس ووقف سيارته نزل الكرسي على ورا وجلس نفس كذا 🧘🏻 ونزلت النقاب ليما
ثنيان : هاذا مشروبك
ليما : شكرا أخيرااا وربي جوعانهههه
ثنيان : اول شي هل أنتي مستوعبه زواجنا ؟
ليما : لا
ثنيان : ولا أنا احس في شي غلط يعني جدي شدعوه مسرع الزواج !
ليما : مرههه احس بنكتم شلون أقضي ! يقول جدي بس جهزي دبشك والفستان والإكسسورات طيب دقيقة عقليه صدع
ثنيان : ثانيا احس موضوع في وراه شي شلون حاكموهم في يوم !
ليما : الصدق مو مهتمه كثير أهم شي عندي إنهم إنقلعوا
ثنيان : جهزتي شنطتك ؟
ليما : أي وإنت ؟
ثنيان : أكيد بس الصراحه احس بيصير شي
ليما : احس بحماس
ثنيان : اول مره ؟
ليما : دبي ؟
ثنيان : إي
ليما : إي دائما نسافر لندن عاد أبوي مايسافر غيرها
ثنيان : أنا 3
ليما : طيب قبل لاناكل الحلا !
ثنيان : إيه ؟
ليما : شرايك نسوي تحدي نطلع برا السياره و
ثنيان : عرفته ونلعب حجره ورقه مقص ( 🪨☘️✂️ )
نزلت ليما وثنيان من السياره ثبتوا الكاميرا وحطوا الحلا
ليما : يلا حجره ورقه مقص
سوا ثنيان حجره وليما مقص
ثنيان : هههه يلا اركضي
ركضت ليما ونظر ثنيان الكاميرا بخبث بس تذكر إنها جوعانه وأخذ ملعقه صغيره وناظر ليما تركض وقفت وهي تلقط انفاسها
ليما : يلا يلا
ثنيان : يلا حجره ورقه مقص يلا أنا بركض
ناظرت ليما الحلا وجلست تاكل منه بسرعه وهي تضحك خايفه يجي إلتفتت ورا وشافته للأن يركض
ليما : هههههه الحمار قلنا لين الشجره ذيك ماعلينا باكل قبل لايجي
جا ثنيان وليما كانت تضحك ناظر ثنيان الحلا إلي خلصته ليما
ثنيان : هههه بالعافيه
ليما : الله يعافيك عاد إنت ركضت بعيد مره !
ثنيان : شكلي تحمست شوي
ليما : يلا إركب
ركبوا السياره وجلسوا يناظرون بعض كيف يفتحون سالفه
ليما : هل نحن وحدنا ؟
ثنيان : لا
ليما : جميل
ثنيان : مين جميل ؟
ليما : لا انا أقول جميل
ثنيان : اها
ليما : يلا نرجع البيت
ثنيان : يلا
البيت
نجود : اي كذا ماشاء الله
نور : خاله بدري
نجود : نامي نامي نستنا التيسه ترجع ولا تخافون بتنام معكم
جنى : يمه طيب لين الساعه 1 ننام والله
نجود : شوف عاد السوالف هاذي والخرابيط ماتمشي علي اناا
جنى : يمه
نجود : نامي من الحين أقول بنمشي للمطار الساعه 7
لمياء : ليه 7 ؟ الرحله 9
نجود : نامي بس
ناظروا ليما دخلت الغرفه ونزلت عبايتها
ليما : وش فيكم ؟
نجود : شرفتي ونورتي يلا فرشي اسنانك وإنخمدي معهم
ليما : طيب
نزلت نجود من الغرفه وطفت اللمبه بعد 5دقائق
بيان : جوعانه
نوره : اي والله
نور : نروح المطبخ ؟
جنى : بس ثنتين يروحون ويدورون أكل ويرجعون على طول
ليما : حتى انا جوعانه
لمياء : توك منزله استوري قهوه وحلا
ليما : طيب حلا وقهوه مو أكل أكل
نور : أقول انا بروح مين تجي معي ؟
لمياء : أنا
نوره : اسمعي جيبي مويا
نور : إن شاء الله
نوره : تكفين
نور : طيب
الممر
ساره : توصل بالسلامه
سعود : الله يسلمك اول مااوصل بدق عليك
ساره : يلا في حفظ الرحمن ماراح تسلم على اختك ؟
سعود : لا اعرفها بكايه
ساره : هههههه طيب يلا مع السلامه
سعود : مع السلامه
لمياء : ياكلب
إلتفت سعود وناظر لمياء : ههههههههه إنمسكنا مافي مهرب
لمياء : تسافر ولا تسلم علي ؟
ساره : قلت لك سلم عليها ههههههه
سعود : آسف بس اعرفك بتبكين
لمياء : حتى المفروض تسلم علي
سعود : يلا مع السلامه
لمياء : إنتبه على نفسك ولا تطول
سعود : إن شاء الله وإنتي إنتبهي على نفسك وماراح أطول
لمياء : يلا مع السلامه
سعود : وسلمي لي على الديره
لمياء : ههههههه هذا همك ياوصخ امشي
ساره : دقيقة ناظريني ههههههه
لمياء : والله مو دموع بس تراب
ساره : ههههههه
سعود : يوووه بكت بكت
لمياء : كل زق حيوان كله منك
حضنها سعود : ياروحي خلاص والله كم يوم وراجع
لمياء : إن شاء الله مع السلامه
سعود : مع السلامه
مشى سعود وركب السياره بعد ماودع اهله ومشى لحائل
المطبخ
نور : وصخه جبتك معي عشان تساعديني ...... تبكين ؟
لمياء : لا بس سافر
نور : مين ؟
لمياء : سعود
نور : متى ؟
لمياء : قبل شوي
نور : ليه ؟
لمياء : عنده شغل
نور : طيب ليه ماقال ؟
لمياء : وش يقول ؟
نور : اقصد يعني ليه ماحد يعرف ؟
لمياء : إلا الكل يعرف
نور : يوصل بالسلامة وتعالي ساعديني
لمياء : الله يسلمك وتراه يسلم عليك
نور : أنا ؟
لمياء : اي ويلا على الغرفه
نور : الله يسلمه يلا
الغرفه
لمياء : هذا إلي لقيناه في الثلاجه
ليما : عنب وكرز ؟ وذي جايبه شاهي وفصفص !
نور : لا ماعليكم الشاهي لي
نوره : حلو ثلاجه كامله تشربينها عز الله مانتي بنايمه
نور : ثانكيو
نوره : مو مدحه
نور : كل تبن أجل
جنى : الله بنات تخيلوا نسافر كذا مع بعض اففف
لمياء : احلام الطفوله بدأت تتحقق
نوره : باقي الزوج الغني
بيان : هاذي عاد علي أنا ونور
نوره : كيف ؟
بيان : ماعليك بندور لك
نور : جاهز هو ب
بيان : قصدها ان بندور يعني
نوره : اي بالله ابغاه يكون ثقيل ورزين
نور : ماعليك ابشري
نوره : كفووو
جنى : كأني عرفته ؟
بيان تغمز لجنى : تتوقعون كيف الأجواء في دبي ؟
نور بهمس : كلنا ندري إلا الثور
ليما : مرررهه حلوه هههههه
نوره : وش فيكم مافهمت ؟
لمياء : لا نتكلم يعني عن الأجواء
جنى : عاد بنات بدامنا سهرانين وش رايكم نسهر لين الفجر ؟
بيان : تم
نور : تبغون فلم ؟
ليما : في فلم رعب هذاك حق السحر
نوره : سجين ؟
نور : الله عاد متحمسه له
ليما : اي ذا بس يقولون لازم نتابعه بنسخه التركيه
نوره : صح
جنى : طيب يلا نسوي جلسه
بيان : يلا
الساعه 4
لمياء : بنات 5 دقائق ويأذن
إلتفتوا البنات وسمعوا صوت الجده تتفقد الغرف طفوا بسرعه الفلم وشالوا الأكل وكل وحده إنسدحت تمثل النوم
دخلت الجده وناظرت البنات وتوقعت إنهم ناموا صدق وطلعت
ليما : طلعت ؟
لمياء : اي
نور : اول مايجون يصحونا لصلاه سوو نفسكم توكم صاحيين
نوره : اي ولا تقومون بسرعه
جنى : دقيقة لايكون ذي نامت صدق بنت هيي
كانت بيان منسدحه وهي ميته نوم
بيان : همم
جنى : قومي صلي ونامي
بيان : ماأذن
نور : طيب حتى مايصير تنامين
بيان : 5 دقائق
نوره : وخروا بكب عليها مويا
بيان : لا لا قايمه والله شوفي
نوره : شاطره
ليما : في احد عند الباب اسمع صوت
إنسدحوا البنات مره ثانيه بس بيان نامت هاذي المره صدق
دخلت ليالي الغرفه وناظرت البنات شكت في وضعهم لأن وجيههم مصحصحه دخلت الغرفه وقفلت الباب
لمياء : راحت ؟
ليما : أي
شغلت ليالي اللمبه وهي تناظر البنات وهي مبتسمه
ليالي : ماشاء الله صحي النوم
جنى : تونا صاحيين
ليالي : سبحان الله
نور : والحمدلله
نوره : ولا إله إلا الله
ليالي : حركات تنسوني إنكم سهرانين
رفعت ليالي الشبشب وقاموا البنات يركضون وليالي تجري وراهم لين ماضربتهم كلهم بشبشب
ليالي : عشان تتأدبون ماشاء الله وشاهي وفصفص وفواكه بعد مخبينه جوه عشان مااشوف ماشاء الله
نوره : يمه ترا الناس كلها تشعر عادي
ضربتها ليالي : يلا قدامي على الحمام
نوره : على هذا الخشم بس لاتضربين
ضربتها ليالي : إمشي بس وذي نايمه ولا تمثل ؟
لمياء : لا نايمه توها نامت
ليالي : بعععددد
قاموا البنات يتوضون وصلوا
لطيفة : الله أكبر
سجدوا الحريم والبنات كلهم وهم يحسون بتعب
لطيفة : الله أكبر
قاموا الكل إلى بيان إلي للأن ساجده سحبتها نور من جلال الصلاه عشان تقوم بس إنسدحت وكملت نوم لين إنتهت الصلاه
لطيفة : السلام عليكم ورحمه الله السلام عليكم ورحمه الله
نور : بنت بنت هي قومي
ليما : خليها الحين يجون ويصحونها
الجده : بدام الكل شبع نوم يلا قوموا رتبوا كل شي
ليالي : البنات كلهم سهرانات لاحول ولا قوه الا بالله
نجود : تراك سهرانه إنتي بعد طالعه داخله من الغرفه
لطيفة : إي والله ماخليتينا ننام زين
ناظروا البنات بصدمه وهي تتجنب نظراتهم
نوره : وقبل شوي والضرب ؟
ليالي : مو زين عليكم السهر
نوره : وإنتي ؟
ليالي : الله يهديني
قاموا البنات يتأكدون من الأغراض ويجهزونها ويحطوها في الحوش وجلسوا يسولفون لين تشرق الشمس
نور : تتوقعون متى نهايه العالم ؟
نوره : المم احس يوم القيامه هو نهايه العالم
نور : كذابههه !
نوره : والله
نور : اففف وااااووو مادريت
نوره : شفتي لازم تتثقفين يعني
جنى : معلومتك خلتنا نندهش
ليما : كلنا ماتوقعنا سبحان الله
نوره : إسألوني اي سؤال
لمياء : كيف الطيور تطير ؟
نوره : عشان عندها أجنحه
لمياء : اففف مااصدق كيف ؟ لا لا أكيد سحر كيف عرفتي ؟
نوره : الذكاء متوارث شايفه
جنى : أكيد في سر !
نور : أي لازم تعلمينا
نوره : دعاء الوالدين
ليما : ماشاء الله انقذت العالم بمعلوماتك
نوره : الحمدلله
نجود : إنتن هنا ؟ يلا قوموا جهزوا سريع
قاموا البنات يجهزون والعيال نفس الشي
الشارع
محمد : يلا يلا الهمه الهمه نبغا همه عاليه
مشاري : يلا يلا
مشعل : ولد وش فيك ؟
غيث : لا بس نمنا متأخر
مشعل : طيب يلا
كانوا العيال يدخلون الشنط والأغراض وركبوا السياره
الجدة : يلا سريع
كانوا البنات متحمسات صح فيهم نوم لاكن كانوا يقومون عكس بيان إلي تمشي يمين يسار
سعيد : بوبو
بيان : تعال إركب معي
سعيد : اي
ركبوا البنات السياره وكانت بيان في حضنها سعيد يلعب
عمر : وين سعيد ؟
ساره : مو معك ؟
عمر : لا
ساره : لا تخاف أكيد هنا ولا هنا
ناظر عمر الشارع وراحت ساره تتفقد سعيد في البيت
فهد : وش فيك ؟
عمر : ماادري وين سعيد
فهد : شوف السيارات ممكن ركب
عمر : مااتوقع توه كان معي
راح فهد يسأل عن سعيد
فهد : هنا سعيد ؟
مشاري : دقيقة ٠٠٠ لف مشاري وسأل البنات
بيان : أي معي
مشاري : اي موجود
فهد : شكرا
مشاري : العفوا
فهد : عمر عمر
عمر : حصلته ؟
فهد : اي مع بيان
عمر : الحمدلله دقيقه
مشى عمر لسياره مشاري وإلي كانت كلها حريم
عمر : السلام عليكم
مشاري : وعليكم السلام
عمر : معليش بس ممكن تجيبون سعيد
سعيد : لا ماأبي
عمر : سعيد !
بيان : عادي خليه معي
عمر : لا ممكن يتعبك
بيان : لا مامن تعب
عمر : طيب
ركبوا الجميع في السيارات وحركوا على المطار لين وصلوا
مطار الملك خالد الدولي ✨
نزلوا الكل من السيارات وأخذوا عربيه يحطون الشنط
ليما : نروح دانكن ؟
لمياء : اي
نجود : خلاص إنتوا روحوا وإحنا بنروح لصاله الإنتظار
جنى : غريبه وافقوا بسرعه
مشوا البنات وجلسوا اما ليما ونوره راحوا يطلبون للبنات
وكانوا البنات ملاحظين إهتمام بيان في سعيد
بيان : كل بشويش
سعيد : طيب
بيان : قلت بسم الله ؟
سعيد : بسم الله
بيان ؛ شاطر
ليما : بنات الطلب وصل
ناظروا البنات بيان تفتح شنطتها وتطلع له شبس وحليب شوكلاطه
بيان : خلص هذا يلا
جنى : الحب ومايفعل
نوره : بيان
بيان : هلا
نوره : عمر جاي
عدلت بيان نقابها وفتحت المرايا
بيان : كيف شكلي ؟ حلو
ناظروها البنات وهم كاتمات الضحكه ويسوون 👍🏻
سعيد : حللوووه
بيان : ياروحي انت الحلو
عمر : احم معليش بيان تعبك سعيد
قامت بيان : لا عادي
عمر : يلا يابابا
سعيد : باي
بيان : باي
ظلت بيان تناظرهم وبعدها جلست والبنات كشفوها خلاص
مشاعل : اي ماشاء الله تحبينه ؟
بيان : أحبه ؟
مشاعل : اي
بيان : لا أعشقه بعد
إنصدموا البنات من إعتراف بيان وكيف تتكلم وكإنه عادي
نور : بنت دقيقة بنات بيان قومي معي
بيان : ليه ؟
نور : قلت تعالي
قامت نور وبيان وتجهوا الحمامات النساء الله يكرمكم
بيان : وش فيك ؟
نور : إمشي وإنتي ساكته
بيان : جايبتني الحمام !
نور : ادخلي
دخلوا نور وبيان وتكتفت نور تناظر بيان
نور : تحبينه ؟
بيان : اي
نور : ماعندي مشكله تحبينه او لا بس اسمعي تصرفاتك مع سعيد وتقربك لسعيد مو عشان عمر صح ؟
بيان : لا والله بس من حبي لعمر حبيت سعيد
نور : اوك اشوا الحمدلله بس اسمعي هو توه متطلق ومار فتره جدا سيئه هو احتمال كبير انه ما يناظر فيك احتمال حتى انه ما تتزوجون فأتمنى انك من الحين ما تبنين آمال كثيره عشان ما تنصدمين بعدين ومو قصدي اقولك هذا الكلام عشان احطمك بالعكس راح تكون ثنائي حلو
بيان : بس إنت تعرفين
نور : اعرف اعرف إنك تحبينه من ايام المتوسط بس انتي قلتي لي في الثانوي انك خلاص راح تتركين حبك له وحتى بعد زواجه منها انت وعدتيني ما عاد تبكين عليه ولا تحبيه
بيان : بس هو تطلق
نور : صح بس بس هذه الفتره صعب عليه لأنه مو بس زوجته خاينته ابوه إلي توقعنا إنه ابوه طلع مو ابوه
بيان : صح
نور : يلا الله يزوجكم بسرعه وأفتك منك
بيان : إنقلعي ياحيوانه بس آمين
الرجال
سلطان : أنا مين ؟
سعيد : ههههههه
سلطان : لا مو تضحك !
سعيد : إنت حيوان كبير
غيث : هههههههههه
سلطان : ولد عيب قول غيث غبي
سعيد : غيث حلو هههه
سلطان : شكل الموضوع شخصنه
غيث : يازينك ياشيخ تربيتي
عمر : اففف يالكذب أنا أبوه
غيث : ياخي إنقلع إنت شتبي
عمر : ولدي
سعيد : الله بابا الكلب
سلطان : هههههههههههه
عمر : لا لا عيب مايصير وإنت لاتضحك
سعيد : بابا كلب ؟
عمر : لا بابا حلو
سلطان : بابا حلو ؟ هههههههههه
سعيد : هههههه بابا كلب
عمر : حسيبك ربي ياسلطان أنا اوريك
محمد : يلا يلا إنت وياه تهاوشوا بعدين يلا على الطياره
تجمعوا الحريم والرجال
لمياء : بنحقق معك بعدين
بيان : مو لازم تحققون خلاص إعترفت
البنات كانوا يحاولون يستوعبون كيف ردت عادي وكأنها مو مهتمه لشي دخلوا الطياره والبنات يتهامسون بموضوع بيان
عبدالعزيز : طيب يلا كل واحد يجلس في مقعده
جلسوا البنات وكان الترتيب كالأتي :
الجد - الجده
نجود - ساره
لطيفة - ليالي
عبدالعزيز - محمد
عبدالرحمن - سامي
مسعود - علي
عمر - غيث
فهد - ثنيان
مشاري - مشعل
سلطان - ليما
جنى - بيان
لمياء - نور
نوره - مشاعل
جلسوا البنات هاديات من تهديد ساره
ساره : شاطرات خلوكم كذا ولا وحده تتحرك لين نقلع !
البنات : إن شاء الله
أقلعت الطياره من المدرج وكان الوضع هادئ
سعيد : ابغا بيان
عمر : مو الحين خلها
سعيد : لا
غيث : عطني سعيد
عمر : خذه ازعجني
سعيد : الله ساعتك حلوه
غيث : تبغى مثلها ؟
سعيد : اي
أخذ غيث يد سعيد وعضها اما سعيد كان يتألم
عمر : يادب أترك يد ولدي
غيث : هو يبغا ساعه
سعيد : كذاب انقلع
غيث : تقولي إنقلع ؟
عمر : ياليل
غيث : ويانهار
عمر : خلاص إسكت
نجود : غريبه البنات مالهم حٍس ؟
ام مشعل : ناموا كلهن
نجود : اي زين
الجد : نامي إذا تبين
الجدة : لا مافيني نوم
الجد : متأكده ؟
الجدة : اي
الجد : طيب أنا بنام
الجدة : طيب
كانت الطائره هاديه والكل نايم إلا إثنين يتهامسون
ثنيان : غبي ليه إخترت عصير تفاح ؟
سلطان : خلك ساكت بس
ثنيان : عطني من بطاطس عمان يادب
سلطان : مافيه
ثنيان : ولد !
سلطان : طيب دقيقة
ثنيان : خذ فطيرتك
سلطان : الطعم أحلا من شوفتك
ثنيان : طيب كل تبن
سلطان : وربي طعمه لذيذ
ثنيان : طيب ندري كلب
سلطان : ياخي والله بقيت لك من البطاطس
ثنيان : كله فٌتات البطاطس ياحيوان
سلطان : طيب إحمد ربك
ثنيان : الحمدلله وكل وإنت ساكت
بعد ساعه هبطت الطياره في مطار دبي
نجود : يلا يلا وصلنا
جنى : 5 دقائق
نجود : 5 دقائق في عينك اقول وصلنا الإمارات
فزوا البنات وقاموا ياخذون الشنط ويتوجهون للمطار
مشاعل : احس راسي مصدع
نور : ودي ارجع انام
ليالي : إحجزوا اي فندق بسرعه ابغا أنام
الجدة : اصبروا ننتظر الحقائب وبعدها نشوف اقرب اوبر
مامرت 10 دقائق وإستلموا الحقائب توجهوا برا المطار
مشاري : هذا اوبر
توجهوا الجميع وأخذوا اربع سيارات وتوجهوا للفندق
نوره : نبغا فطور
ليالي : إفطري لحالك ماحد بيفطر كلنا بنام
نوره : مشكوره
ليالي : العفوا
وصلوا للفندق وأخذوا اربع غرف الحريم وأربع لرجال
الغرفه 1
ليما - لمياء - بيان
الغرفه 2
نوره - جنى - نور - مشاعل
الغرفه 3
نجود - مها - ام مشعل
الغرفه 4
لطيفة - ليالي - ساره
الغرفه 1
فهد - غيث - عمر
الغرفه 2
سلطان - ثنيان - مشعل
الغرفه 3
عبدالعزيز - مشاري - محمد
الغرفه 4
أحمد - عبدالرحمن - مسعود - علي
دخلوا الغرف وإنسدحوا الجميع بعد تعب وناموا

ادري البارت قصير بس تعرفون اول اسبوع مدرسه وظغط وإختبارات وواجبات بس إن شاء الله اعوضكم السبت 💗💗💗