بيان : صح لازم تجهزي شهد فستان ملكه نوره وخذي لك فستان احتياط
ضحكوا البنات من كلام بيان اما شهد ناظرتهم بإستنكار
شهد : والله إني اعرفه إن في شي بس يلا قريب وأعرف
نور : يلا قريب والكل يعرف مو بس إنتي
شيخه : والله لو تأخرنا على الطيارة ........ جلست تفكر
شيخه : ااا بصفق نوره
نوره بصدمه : شدخلني أنا ! أنا عروس
بيان : وافقتي !
نوره : لا
شيخه : مالي دخل
نجلاء : يلا إنتي وياها والله لو تأخرنا أنا إلي بجلد شيخه
نوره : كفو عليك
نجلاء : وإنتي بعد
نوره : لا خلاص
وقفوا البنات والحريم عند الباب يسلمون على البنات ويودعونهم
الجده : توصلون بالسلامه
نجود : طمنونا عنكم اول ماتوصلون
نجلاء : إن شاء الله
الجده : مين بيوديكم للمطار ؟
شيخه : اوبر
الجده : اوبر ! لا والله عيب عليكم الحين أكلم ولدي يوديكم
نور بهمس : احس عادي شدعوه ؟
ليما : ياذكيه سامي بيوديهم
إستوعبت نور وناظرت جدتها
الجده : لا والله مامن كلافه عادي المطار قريب
نجلاء : لا والله قد طلبنا
الجده : ماعليك كنسلي الطلب
شيخه بهمس : أساسا هو بيتأخر خلاص مشي الموضوع
نور : اي عادي وإحنا بنوصلكم مع عمي
ناظرتها الجده وهي تأشر لها بسكوت
جنى : صح نوديكم ونجلس معكم لين تطير الطياره
نجلاء : خلاص كذا تمام
الجده : طيب يلا إدخلوا لين يجي ولدي
دخلوا البنات وجلسوا في الحديقه
نجلاء : والله ماكان له داعي يعني
لمياء : ليه ماتبغونا نجي معكم ؟
شهد : أنا عادي عندي بس احس بنتعب عمكم
لمياء : أمس تسبه واليوم خايفه على تعبه هانت كم يوم ويختفون
بيان : اف اف حركات والله تطورنا
لمياء : ركزي على وجهه بالله
بيان : يووه بيقعد يغرق السياره بريحة عطره
لمياء : ويفخم صوته ويقول سمّي أختي آمري
الغرفه
الجده : الو
سامي : لبيه
الجده : نبغاك توصل البنات للمطار
سامي : يمه قاعد ألعب سوني اخر قيم
الجده : أقول قوم روح وديهم
سامي : دقيقة يمه قربت أخلص
الجده : عيب عليك تقول بخطبها والحين نقولك وديها المطار تقول مو فاضي !
ناظر سامي الشاشه بصدمه وناظر العدو وهو يقتله وأخوياه يسبونه
الجده : ولد وين رحت الله يصلحك
سامي : دقيقة أول شي مين إلي اوديهم ؟
الجده : البنات !
سامي : يمه بنات أخواني ولا صديقاتهن ؟
الجده : ياربي إنت وش رايك انت ؟ وش يبون البنات من المطار !
سامي : ثواني وأنا جايك
قام سامي مسرع لغرفته دخل غرفته وناظر العطور أخذ عطر وبدأ يغرق ثوبه بالعطر ناظر نفسه في المرايا وأخذ الفرشه يمشط شعره ناظر نفسه في المرايا وركض بسرعه للمجلس
الجده بتحلطم : لاحول ولا قوه الا بالله ليتني ساكته
دخل سامي المجلس بسرعه ناظرته مها كان رافع الثوب وشماغه على كتفه ويلقط انفاسه بسرعه
سامي : تأخرت ؟
صرخوا ساره ولطيفه يتخبون ورا الباب وكأنه رجال غريب
سامي بخوف : وشوو ؟
لطيفة : سامي !
فهم سامي وناظرهم بحده وإلتفت لأمه
ساره : شفيه الزعول نمزح معك
الجده : ماشاء الله متكشخ وكاتمنا بريحه العطر
سامي : يلا أنا جاهز خليهم يطلعون
قامت ساره تنادي البنات ونزل سامي من البيت ناظر سامي انعكاس صورته على قزاز السياره وأخذ شماغه يعدله بروقان وهو يغني
أنت تقرأ
ياسعود والله مابعد زينها زين 💗
General Fictionتتكلم القصه عن إجازه 4 شهور حيث يجتمعون في بيت جدهم وتبدأ هنا الأحداث بزواج ليما من ثنيان إجباري وتتحول علاقتهم من الكره إلا محبه وقصه حب فهد للمياء إلي مستحيل إنهم يخبونها عن الجميع وغيرها وراح نشوف الأبطال والبطلات في مشاكل ومشاجرات لاتنتهي 💗
