ناظرت لمياء امها وارتبكت دقيقة هي وش سوت ؟ بدأت تراجع نفسها وهي خايفه دخلت مع امها لإحدى الغرف وتخصرت ساره
ساره : بتعلميني ولا اعرفها بطريقتي
لمياء بتوتر : ايت سالفه ؟
ساره : طيب بدامك مسويه نفسك مجنونه أنا اقولك
بلعت ريقها لمياء وهي خايفه إن امها عرفت بإن فهد يكلمها بالجوال
ساره : وش بينك وبين فهد ؟
لمياء بإرتباك : ككيف ؟
ساره بشك: تحبينه من قبل الخطوبه يعني مكالمات رسائل قبل ؟
أخذت لمياء نفس وقالت بدون وعي : الحمدلله
ساره : الحمدلله على وشو ؟ لايكو
إستوعبت لمياء وحاولت ترقعها : لا لا اقصد يمه أحسب إنك عرفتي إني كسرت ترمس الشاهي
ساره : إنتي إلي كسرتيه !
لمياء : اي بس خ
ساره : خصم من فلوسك 20 ريال !
لمياء : ططيب
ساره : يلا ضفي وجهك
طلعت لمياء من الغرفه اما ساره كانت تقول بينها وبين نفسها أكيد كنت أتوهم وفجعت البنت بسؤالي وخليتها تتوتر بس طلعت هي إلي كسرته وأنا جلدت ثنيان يلا ماعليه أهم شي إشتريت غيرها جلست لمياء تحمد ربها إن امها ماتدري بإن بينها وبين فهد مكالمات ورسائل حب بعد الخطوبه لأن هذا الشي غلط ولو درت امها راح تسمعها محاضره وتحذف رقم فهد غير إن نظراتها لفهد راح تتغير
بيان : وش فيك ؟
لمياء : لا ولا شي يلا أنا بسبقكم وبطلع برا
بيان : يلا أنا بجيك بعد شوي
نزلت لمياء ناظرت المكان كان هادي وصوت النافوره يملئ المكان جلست على أطراف النافوره ودخلت على المكالمات ناظرت إسم فهد ودقت عليه وهي مرتبكه خايفه أحد يعرف وصل لها صوت فهد
لمياء : فهد
فهد : هلا
لمياء : إسمع بدخل في الموضوع ابغاك تسمعني زين !
فهد : طيب
لمياء : امي قبل شوي كلمتني وكانت شاكه في علاقتنا
فهد : طيب ل
لمياء : فهد ! ماخلصت المهم راح اعطيك بلوك مؤقت لين يوم الملكه
فهد : خلاص ابشري بس وش قلتي لها ؟
لمياء : جيت اكحلها عميتها فضحت نفسي إني انا إلي كسرت ترمس الشاهي هذا المفضل عند أمي بس ردة فعلها كانت بارده شوي
فهد : طيب إنتبهي على نفسك ياروحي
لمياء : يلا مع السلامه وإنتبه على نفسك
فهد : إبشري مع السلامه ياقلبي
ارتاحت لمياء وناظرت رقمه وإبتسمت بس كان في ظل وراها إنصدمت لمياء وحست رجولها ماهي قادره تشيلها تحس بحراره في جسمها أكيد امها سمعت كل شي بدأت ترجف ولفت ٠٠٠٠٠٠٠٠٠٠٠٠٠٠٠٠
بيان : كشفتكككك
لمياء : الله ياخذك ياشيخه استغفر الله
بيان تقلد صوت فهد : مع السلامه ياقلبي
لمياء : والله إني حسبتك امي
بيان : إهدأي ليه ؟
علمتها لمياء بسالفه وهي خايفه اما بيان كانت تضحك عليها
بيان : وربي ضحكتيني يوم لفيتي وجهك أصفرررر
لمياء : أنا قلت خلاص بودع الملاعب
بيان : جو البنات
نوره : ليه واقفات ؟ تعالوا هنا
حطوا البنات ( الفرشه او البطانيه إلي إنتوا تسمونها ) وحطوا فوقها الأغراض ناظروا البنات أطباق الفواكه والورود والفطائر
ليما : نور بالله عليك شيلي شاهيك ابغا أصور
نور : لايكون مخرب عليك ؟
ليما : خلاص أنا بشيله
لمياء : وين الشبسات ؟
جنى : هاذي بس عشان التصوير وكذا
نوره : عساس إننا صحيين
وقفوا البنات ينتظرون ليما و بيان ينتهون من التصوير
بيان : خلاص يلا
جلسوا البنات وطلعوا الأطباق والكاسات وكانت الأجواء بارده وهدوء وأصوات هبوب الرياح وأوراق الأشجار وأصوات مياه النافوره فجأه إختفى الهدوء وأصبح المكان مليئ بصوت أنغام
أنت تقرأ
ياسعود والله مابعد زينها زين 💗
General Fictionتتكلم القصه عن إجازه 4 شهور حيث يجتمعون في بيت جدهم وتبدأ هنا الأحداث بزواج ليما من ثنيان إجباري وتتحول علاقتهم من الكره إلا محبه وقصه حب فهد للمياء إلي مستحيل إنهم يخبونها عن الجميع وغيرها وراح نشوف الأبطال والبطلات في مشاكل ومشاجرات لاتنتهي 💗
