ياسعود والله مابعد زينها زين 💗

بارت 6

6 الفجر
ليالي : ياربي ترا إذا ماقمتو بنادي عمكم
ليما : 5 دقائق
ليالي : مرت ربع ساعه وانتو تقولون 5 دقائق
نوره : يمه بدري
ليالي: كيفكم تراني إن رحت بيجيكم جدكم
دخلت نجود : ماقامو ؟
ليالي : جثث استغفر الله
نجود : شوفو في يدي كأس مويا الي ماتقوم برش عليها
نور : أنا رجلي ملتوه مالي دخل ورجعت تنام
نجود : وخذيتيها عذر ؟ يلا يلا وين الي تقول ماعندي مشكله اشرب حليب النياق عشان رجلي يلا قومي
نور : اسحب كلامي
بيان شهقت : المويا باردهه
فزو البنات وكل وحده راحت الحمام
اما الحريم
ساره :انتي قطعي البصل
لطيفة : لا والله اخر مره أنا قطعته ماابغى اصيح
ساره : تكفين قطعيه واعطيس 100 ريال
لطيفة : حركات زمان لا مافيه
ساره : اسمعي بسوي الي تبينه ليوم كامل
لطيفة : ليوم كامل !
ساره : اي الله يستر عاد
قامت تقطع لطيفه البصل
نور : جنى تعالي
جنى : وشووو
نور : اسمعي تعرفين لازم اقولك كل شي المهم سار معي أمس .........
جنى : افف يارومنسيه
نور : بنت !
جنى : والله مدري يعني احس مو حركاته بس ممكن
نور : المهم شوفي هذاك
لفت جنى وقامت نور تعرج بسرعه ودخلت الحمام
جنى : ياوصخه سار لي ساعه اسمع سالفتك واخر شي تغدرين فيني
بعد ساعات جهزو البنات
لمياء : تتوقعون يوم بنروح ؟
ليما : عاد قال جدي لاتتكشخون واضحه وين
بيان : عند النياق
نوره : يلا يلا يلا مافي وقت مافي وقت مافي وقت البسوا البسو البسوا
جنى : أهم شي جيبو جاكيت لأن الليل برد
ساره : بنات احد شاف نقابي ؟
ليما : لا
ساره : دقيقة كأنه هذا
ليما : لا ذا شفته هنا
ساره : نقابي !
ليما : اووو معليش ماكنت ادري
ساره : اجل هذا نقابك ؟
ليما : اييي
نجود : بتقعدون تضاربون ؟ يلااا
نزلو البنات ونفس ترتيب الأول
اما فهد كان يطالع لمياء وهو مبتسم ولمياء مستحيه قرب من عندها
فهد يبغى يفتح سالفه : جبتي شي ثقيل لأن أكيد برد في الليل
لمياء : اي جبت جا
ثنيان : ايي وشرايك اجيب لك قهوه ؟
فهد : لازم تلبسين ثقيل اخاف عليك من البرد
طالعه ثنيان بصدمه ولف على سعود اما سعود حاله خاصه كان يطالع نور بس نور كانت تصد
ثنيان : ياربي صبرني اخلص من الأول يطلع الثاني
سعود : هتي اشيله عنك
نور : لا شكرا
سعود داخله ألف سؤال لأنه يحسها كأنها ماتبغا تطالع فيه ولا تشوفه
نرجع لقيس وليلى
لمياء : شكرا حتى انت ألبس ثقي
ثنيان : خير انت وياها ادخلي السياره أنا اخوك
لمياء : تراني اكبر منك يابزر
رمالها فهد بوسه ومشى
ثنيان : ادخلي ادخلي
سياره 2
عبد العزيز : ياورع والله الي يوصخ سيارتي ب الفصفص بخلي
سعود : عمي نسينا اخوي
عبد العزيز: دقيقة ذا وينه صدق
رجعو للمزرعه لأن أساسا مامشو كثير يعني يقدرون تقريبا يشوفون المزرعه
اما ثنيان كان جالس وحاط رجل على رجل يستناهم يرجعون ويفصفص
عبد العزيز : يلا ياوغد اركب اخرتنا
ثنيان دخل : ليه نسيتوني
عبد العزيز: إسأل اخوك الي ماتذكرك إلا بعد مامشينا
ثنيان بهمس : اخوي ؟ اخوي ماعنده عقل من يوم شافها
سعود : كل زق إحمد ربك كان خليتك هناك وماقلت لهم
ثنيان : اصلا ماتقدر على بٌعدي
سعود : اكسجين ؟
ثنيان : لا اخوك
سعود : للأسف
ثنيان : عمي ابغا ال
عبد العزيز: خذ عمر شغل وإياني إياك تعطيها للثور الي ورا
عمر : هههههه ابشر
السياره3 : كانت هدوء ومشغلين الراديو وكانت فيه شوي إبتسامات ونظرات من محمد لنجود وتقزز من امل وحلا واجوان
السياره 1 : كانت أصوات الأغاني والضحك
بيان : ليما اهجدي ياويلك إذا خرب الايلاينر
جنى : مين معها مسكرا ؟
نوره : ماما جنى تبغى مسكرتك
ضربتها جنى : قلت مين معها ماقلت قولي لأمك
ليالي : عادي خذي
وكانت مليانه ضجيج وضحك
السياره 4 :
نور : جدي طفش
لمياء : صح
الجد : تطفشون وأنا موجود ؟ ولا يهمك احم احم بغني لكم بس أحتاج تعزيز
لمياء : يلا يلا
نور : ولا يهمك نطبل على التبسي ( الي ينحط فوقه الصحن والكوب يعني امك دائما لمى تسوي اكله وتحطيها في صحن امك تقول لا حطيها فوق الي أنتو تسمونه ) شرح يحتاج شرح بس نكمل 😭
الجد : كذبو علي ألف كذبه
وظنوني في الحب كاذب
وأنا محسب حسابه
ماجيه من غير بابه
سنتين على الدرب
تايه ماحد من الناس
يابه يرشدني عاللي
احبه وينك يادرب
المحبه وينك يادرب المحبه
كان الجد يناظر مها الي كانت مستحيه
نور : اففف ياصوت انت ياجدي المفروض تكون مغني
لمياء وهي تصور : ابوك ياتعزيز بس واضح مين المقصود
مها : عيب يابنت
نور : بس هي ماقالت اسمك ياجده
لمياء : صح هههههه
ساره : فضحتي نفسك يمه
الجد : عادي أنا صدق كنت اقصدها
مها : في عيال
علي : عادي ياخاله ماهي بأول مره
الجد : احبك مهاوي
ساره : خلاص لين هني استوب بس استوب استوب
الجد : زوجتي وحلالي عندكم إعتراض ؟
نور : لا خذ راحتك
لمياء : اخاف يقوم يبوسها هههههه
صار مدري سار المهم صمت في السياره احس سار افضل ؟
علي : وصلنا
نزلو من السياره وبدو العيال يشيلون العزبه والفرش ويفرشون الحريم عشان يحاوطون المكان بسيارات عشان ياخذون راحتهم إن شاء الله فهمتو
الجد : وهاذي المفاجأه
ليما : وين ؟
الجد : قدامك
نور : النياق
الجد : اي
ثنيان : انا عبالي كاب موسيقى شوكلت حاقه كدا ولا كدا
الجد ضربه بشويش : تقارن النياق ب الموسيقى ؟
عمر : رياكشن يبه
الجد : وش ذا ؟
سلطان : يعني ذبه
غيث : الحين جدي مافهم الرياكشن تبغاه يفهم الذبه
الجد : قصدك دبه ؟
فهد : يعني يايبه نكته بس نوع آخر
الجد : اها اقول روحو ساعدو عمانكم بس
الجد : ودكم تركبون فوق النياق ؟
ليما : لا يخوف
جنى : كلنا موافقين إلا ليما
الجد : طيب ونادا عبدالرحمن
عبدالرحمن: سم يبه
الجد : شوفهم يبغون يركبون وخلك معهم
عبدالرحمن : ابشر يلا الي تبغا تركب 20 ريال
بيان : مافي خصم ؟
الجد : عبدالرحمن إن سمعت وحده منهن عطتك لو نص الريال بتنام مع النياق
عبدالرحمن: لا امزح يلا وبدأ يجلس النياق عشان يركبون
عبدالرحمن: نور ماراح تركبين ؟
نور : ينفع ؟
عبدالرحمن: إسألي امك
نور : امك انت + مزح
عبدالرحمن: ههههههه
نور : امي بتقول لا
عبد الرحمن: اسمعي اركبك من دون ماتدري امك وتعطيني 50 ريال
بيان من وراه : كأني اسم
حط عبدالرحمن يده في فمها : امزح امزح مع اختك يلا
جنى : اخاف اطيح
عبد الرحمن : ياليل ابتلشت فيكم
نوره : اعلم امي ؟
عبدالرحمن : يوههه نقاله العلوم موجوده
نوره :يمهههه
ليالي : وجع لاتصارخين
نوره : ابوي يقو
عبدالرحمن: يقول سلامتك سلامتك
نوره : يلا ركبني
عبدالرحمن: عقوق
نوره : أنا عاقه ؟
عبدالرحمن: ونص بعد
نوره : يم
حط يده عبدالرحمن على فمها : امزح أنتي باره ماشاء الله من قوه البر ولا اقول خلني ساكت
نوره : ترا اعلم امي
وبدأ يقوم الجمل طبعا الي ماقد جرب ركوب الجمل كأنه لعبه حرفيا يجي على قدام عشان رجوله توقف بعدين يرجع على ورا عشان يوقف يده مدري رجوله
نوره : يبهههه خلاص نزلني
عبدالرحمن وهو يضحك : احسن احسن عشان تتعلمين
نوره : يمه يبا هو وين بيوديني ؟ قاعد يتحرك
عبدالرحمن: لا تخافين
اما بيان وجنى كانو راكبين إثنين لأن بيان كانت خايفه
نور : هههههه اللهم لاشماته
عبدالرحمن : ماودك تركبين ؟
نور : إلا
قامت وجلست فوق الجمل
نور : رجلي رجلي رجلي
عبدالرحمن: اسمع والله يلا ترا بيقوم
نور اتمسكت برقبته : صبر أنا متعوده اركب على جمل فيه حديده تمسكها ( إن شاء الله فهمتو الي يجي فوقه مثل الجلسه 😭)
عبد الرحمن : هههههههههه احسن انتبهي تطيحين بس
نور : إن طحت طحت من عيونك
نوره : تخيلي تجين تنزلين وتنكسر رجلك!
نور : لا يارب
جنى : بنات وراها ذا
طالعو فيها وشافو بيان حاضنه جنى بقوه وتبكي
جنى : بنت شفيك
نوره : اسمعي خلاص أنادي ابوي يجي
بيان : خايفه خايفه
لف الجمل راسه وقامت تصرخ معها جنى
نور ونوره قمطو العافيه
لمياء كانت تصور يدها والجمل عشان تصمم عليها بعدين
نوره : يبههه
لمياء ناظرتهم : يمهههه
ناظرها الجمل بنص عين
لمياء : بنات تكفون والله لأنط
تجمعو الجٍمال الباقيه عليهم
نور : بنات تكفون نزلوني خلاص ماعندي مشكله اتكسر بس يمه احسه بياكلوني
نوره : وش ياكل تراه نباتي جنى وبيان بدو يصرخون جنى تحاول تهدي بيان وفي نفس الوقت الجمل يناظر لهم ويقرب راسه وبيان تحضن جنى بقوه وتصيح
فزو الرجال والحريم على صوت الصراخ والبكى
الجد : مو انا قلت لك خلك معهم
عبدالرحمن: حسيت ماله داعي وقفتي معهم
الجد :لا عاد تحس
مشى سعود وثنيان للمياء الي ماتدري وش السالفه بس خايفه من الجمل اما نوره تطالع بصمت وتضحك وفجأه لف الجمل وفتح فمه
نوره : يبهههه
ليالي بصراخ : عبدالرحمن بنتك بيعضها الجمل اما الجمل كان يتثاوب بس
عبدالرحمن: دقيقة وجلس الجمل
وجنى وبيان نزلهم محمد ومسعود وغيث
نور : طيب أنا بنتكم بعد ؟
خالد : اسمعي نطي وأنا بمسكك
نور بصدمه : لا خلاص
جا سعود اول ماشاف خالد
وبدأ يمسك الجمل ويجلسه نزلت نور
نور : شكرا
خالد : عفوا
ناظرته نور وسعود
نور : وشكرا لك
خالد : عفوا
ناظرهم سعود وهو مصدوم
نور : لا اقصد سعود
سعود :مابينا
ناظرته نور
سعود : يعني شدعوه اخوان
جا من بعيد يركض : نور انكسرت رجلك سار لها شي ؟
نور : فال الله ولا فالك
غيث : الله يعينك على تهزيئ امي
نور : لا احد يعلمها
غيث :الكل درا
اما بيان كانت في حضن مسعود
مسعود : خلاص يابابا ماسار شي
بيان : بغى ياكلني فتح فمهه
مسعود : ماياكل
بيان : يعض طيب
محمد تقدم يحضن جنى : غريبه مابكيتي مثلهم ؟
جنى : شدعوه جمل يبه
فهد : غريبه وين ليما ؟
جنى : ماركبت
مشى فهد يدور لمياء الي اول ماشافها راح
ثنيان : الحين يجي يتغزل في اختك
سعود : اختك انت
لمياء : كل تبن تراني اختكم أنتو الثنتين
حضنها ثنيان : اسمعي جربي تستخيرين مره ثانيه
سعود : هلا بفهد
فهد :هلا فيك اخبارك لمياء ؟
لمياء : بخير كيفها جنو ؟
فهد : بخير
علي : اللحممممم !
عبد العزيز : لا شوف ماعليك شوي ويستوي
علي : كأنه انحرق ؟
عبدالعزيز :اشيله ؟
الجد : لا خله ؟ اكيددد
رجعت البنات ودخلو داخل ونور تحاول تسوي نفسها طبيعيه وتبتسم
نجود : جنى بسم الله عليك فيك شي ؟
جنى : لا الحمدلله
ساره : لمياء فيك شي ؟
لمياء : لا
لطيفة : لايكون ركبتي معهن ؟
نور : انااا؟ مستحيل رجلي تعورني اصلا
لطيفه بشك : بيان نور ركبت معك ؟
بيان وهي تشرب عصفر : لا كانت واقفه بس
لطيفة : شاطره اصلا اعرفك تسمعين الكلام
التفتو البنات
ليالي : أنا اوريه عبدالرحمن كيف يتركم كذا
نوره : تخيلي يقول اننا بلشه ويوم قلت بعلم امي قال اني عاقه!
عبد الرحمن: ترا اسمع أنا اوريك
انصدمت نوره ليالي : هين أنا اوريك
جنى : وين ليما ؟
نجود : في السياره
مكان آخر
اجوان : صوريني هنا
حلا : قولي شيييزز
حلا : يلا خذي
اجوان : يع هاذي الجمال
حلا : وي شوفي كيف تاكل
اجوان : تخيلي اركب فوقها هههههههه
حلا : يعععع مااتخيل
امل : تعالو لاتسير ريحتكم تبن
بعد ساعات جهز الغدا سلطان دق على جنى
جنى : هلا
سلطان : نادي ليما وانا جاي أحط الغداء وبمشي
جنى : تمام
راحت جنى وليما وبيان خذو القدور والغدا وحطوه وبدأ يتغدون
ساره : تعالي كلي امل
امل بتقزز : مااحب اللحم
نجود : الله يهديك هاذي 3 مره تقولها لك
ساره : تاكل زق أنا غبيه يوم كلمتها
الكل طالعو بصدمه لأن معروف ساره هاديه ومحترمه
ليالي : ههههههههههه ياويلي ساره
ساره : ماغير نخدمهم كأنهم ضيوف طفشت خليها تولي
وبعد الغدا قامو يتوضون ويصلون وبعد الصلاة جلسو يتقهون ونادا الجد العائله كلهم يجتمعون حوله وكلهن لابسات نقاب او رميه الي تلفين الطرحه بعدين ترميها على وجهك + إن شاء الله فهمتو
الجد : عندي لكم قصه وبدأ يسرد ( مو مهمه ) وقيس وليلى في عالم ثاني فهد كان يطالعها وهي تبتسم وتنزل راسها وثنيان قاعد يغلي بس مايقدر يسوي شي اما اجوان وخالد فكانو يطالعون بعض وكأنهم يتحدثون بلغه العيون ووراهم بلا بنعرفه قريب هههههه
الجد : طيب تبون قصه يوم حبيت مهاوي ؟
عبدالرحمن: اكثر قصه ماأمل منها
الجده : خلاص وانت ماعندك غيرها ياروحي
الجد : خليها يعرفونها احفادنا على الأقل ياعيوني
عبدالرحمن: الله الله على الرومنسية
استحت مها
الجد : يوم كنا صغار كنا نلعب مع بعض دائما ونروح البقاله كنا جيران وكانت اختي خزامى تروح معنى وكنا دائما مع بعض وكنت اشوفها مثل أخت لي وبدينا نكبر لين مادخلت المتوسط سارت تتغطى عني وقتها يوم ماسرت اشوفها ادركت إنها كانت شي كبير بنسبه لي وكنت أحبها ومره من المرات كانت برا تستنى ابوها الله يرحمه عبدالله يجي ويوصلها وشفتها وكتبت في ورقه وعطيتها لها ومشيت قرت الورقه { الساعه 10 خليك في الحوش } ورحت المدرسه ومن بعدها صرنا نتراسل في البدايه كانت مهاوي ماترد وتقول عيب وإن اهلها مايدرون واستمرينا لين دخلت ثالث ثانوي
تنهد الجد ومسكت يده مها : جا ابوي وكان معصب رحنا له انا وخزامى وامي وكان ظغطه مرتفع وقال لنا إن عمي عبدالله طلع يتعامل مع عصابه
مخدات ( حطو حرف ر وتفهمون )
وإنه جا عنده يبغاه يعاونه في هذا الشي وإنه تورط فيها بسبب صديق له طبعا رفض بدر ( ابو الجد مو مهم بعدين)
وكان يقوله بدر بلغ الشرطه بس رفض عبدالله لين جا يوم
وركب بدر سيارته وتفاجأ بكيسه مخدرات وراح طق باب عبدالله ورماها في وجهه وقاله
بدر : أنا تسوي فيني هالون ؟ أنا صديقك !
عبدالله طالع في الكيس: والله وقسم بالله إنه مو انا
بدر : لا تحلف بالله كذب ! ماتوقعتها منك كنت اشوفك مثل اخ عزيز
عبدالله : والله إنه مو انا وأنا رفضت أكيد إنه واحد منهم
بدر : مشى ودموعه سابقته ودخل لبيته وقفل الباب
اما عبدالله كان يبكي يبكي حسره وندم لأنه دخل في هذا الطريق وكيف غدرو فيه بعد ماقالو له خلاص لاتحط وبندور شخص ثاني
ومن بعد هذاك اليوم ماسارو يجلسون مع بعض وبدر سار يصد عن عبدالله
اما مها كانت تبكي لأنها كانت تشوف إن مستحيل تتزوج من احمد معشوقها
اما احمد نفس وضع مها بس كان يقول إن مهما كان راح يتجوزها لأنها أكيد مالها دخل وكان يرسل رسائل بس مها ماكانت ترد عليه كانت تقرا ودموعها تنزل على خدها مثل النار إلا ان ارسل احمد
تدرين وادري بنفترق
تدرين قلبي بيحترق
احنا اتفقنا في كل شي
الا الزمان عيا الزمان لا
نتفق لا تزعلي لو نفترق
قلبك خلي وقلبي انا اللي
بيحترق
قرتها مها وزاد بكاها سمع احمد صوت شهقات خفيف وأحس قلبه ينكسر وكتبت لها :
والله ماحد ياخذك مني ادري وصحيح إن من المستحيل بس صدقيني بجي واخطبك " احبك "
قراتها مها وكتبت
خلاص انساني تكفى كلنا ندري إن مستحيل نجتمع والله يوفقك مع الي بتختارها
رمتها له ومشت تدخل البيت وتنام قرأ رسالتها وهو يحس مثل السكاكين
مشت الشهور لين إنتهت الثانويه كانت الإبتسامه شاقه وجهه ركض لأبوه
وقاله : يبه انا ابغا اخطب
بدر ابتسم : مين سعيده الحظ ؟
احمد : مها بنت جارنا
انصدم بدر وطالع : اسمعني زين عندك بنات عمك او بنات الجيران لاكن مها انساها !
طالعت امه في عيون احمد الي كان متوقع الرد
احمد : يبه انا ماأشوف غيرها والله ل
بدر: مو على كيفك تاخذ بنت عمك واليوم اخطبها لك
احمد قام : والله إني مااتزوج والله لايحرمون علي بنات آدم
بدر: نشوف
ام احمد : حرام عليك الولد واضح يبيها
بدر : يبغا يكسرني ! يبغا يتزوج بنت الي غدر فيني !
ام احمد : إنت قلتها بنته مو هو
بدر : لاتدخلين زواج من مها مافيه !
احمد رقى الغرفه مقهور جلس وحس الدنيا كلها ضاقت فيه وبذات إنه وعدها كل الإبتسامه إختفت وقعد محتار ويبكي
راح بدر لبيت اخوه دق الجرس وفتح له
يوسف : حياك ادخل
دخل بدر : والله انا مستعجل بس حبيت اقولك إني جاي اخطب بنتك وفاء لولدي احمد
يوسف : والله إنها الساعه المباركه وابشر بس انت جيب الشيخ وإن شاء الله
طلع بدر من البيت وهو يسمع كلولييش (نسيت اسمها)
وبدأ الكل يسمع ب الخبر وبدأ ينتشر
العشا
بدر: اسمع أنا خطبت وفاء بنت عمك لك والله تسوي حركات ولا تفشلنا ياويلك
خزامى : بس يبه هو مايبغا !
بدر: لاترفعي صوتك وأنا موجود غصبا عنك وعنه !
خزامى : انت ابوي على عيني وراسي بس انت كذا تظلم اخوي ببنت عمي ثانيا وفاء حقيره وكلنا ند
صفقها بدر كف
بدر : أنا ابوك تطولين لسانك علي ؟
خزامى : ابوي اول ماكان يعطيني كف وماكان عصبي والله ثم والله إني مااحضر الخطوبه دخلت غرفتها وقفلت وهي تشاهق
بدر : هين اشوف شغلك بعدين
وبدأ يصرخ : احمد انزل بسسرعه
اما احمد ماكان موجود في البيت هرب
فتح بدر الباب بقوه وانصدمت مالقى احمد
وبدأ يصارخ وينادي بإسم احمد
ام احمد بتمثيل : وش ساير؟
بدر : هرب من البيت السربوت
ام احمد حطت يدها على فمها وشهقت : ياويلي
ناظرها بدر : لازم ادور عليه أنا بطلع
اما الجهه الثانيه
كانت مها تبكي في غرفتها بعد ماسمعت الخبر بذات إن وفاء تكرها اختصرها لكم ؟ اغث من امل
اما احمد
احمد : والله ياعم ادري إنك إنت وابوي بينكم مشاكل بس والله إني احبها أنا ماابغى اخطب وفاء والله ياعم إن ابوي الي راح وخطب وأنا مايهمني المشاكل لو تبي اتزوجها وامشي اترك الديره
عبدالله : والله انا ماعندي مانع واعرفك بس ارجع الحين البيت وأنا بشاور البنت وانتظر الخبر الي بينتشر
ناظره احمد وهو كله خوف من ابوه
عبدالله : خايف من بدر ؟ لاتخاف تراه طيب أعرفه بس في هاذي المواضيع تقدر تنام عندي هنا في المقلط
احمد : الله يجزاك خير
عبدالله : كيف جيت ؟
احمد : اتفقت مع امي إني اطلع وانط من الحوش واختي تحاول تغطي علي
عبدالله : تدري نادم على كل شي على كل شي وبدت تنزل دموعه
احمد : ترا يمديك الوقت لسه ماانتهى
عبدالله : ادري بس انت لاتفتح المقلط لأي احد حتى لو أنا قلت لك افتح
احمد : حاضر بس امسح دموعك عمي
قام عبدالله : نشوف رد البنت
احمد ابتسم
الجهه الثانيه بدر طق الباب
التفت عبدالله وطالع في احمد وأشر له يدخل داخل دخل
بدر : افتح الباب
عبدالله : حياك الله تفضل
بدر : ادري إن احمد موجود وينه بسرعه طلعه
عبدالله : اييي تغير الزمن
بدر :وخر بس وسار يصارخ احمدد ادري إنك هنا اطلع
دخل احمد البيت وسار يمشي بسرعه مايدري وين يتخبى ناظر المطبخ وركض له ودخل وانصدم من شاف مها تناظره
مصدومه شالت طرحتها وغطت وجهها وهو صد
مها : وش جابك هنا ؟ مو كنت رايح تخطب وفاء
احمد : افأ تشكين فيني وانتي عارفه ماحد يحبك كثري تتوقعين إني بقوى اجرحك ؟
مها : قد حرحتن
بدر : وينك اطلع ادري انك هنا
عبدالله : بدر مااسمح لك تتمادى البيت له حرمته
مها : بسرعه تعال تخبى جنب الثلاجه
ركض احمد وتخبى
دخل بدر وصدت مها تنزل تحت الطاوله
بدر : اسف
مها: آسف على اي جرح ؟ آسف على إنك طعنتني في قلبي وخطبت لأحمد وانت داري إنه يحبني
بدر : مالك دخل في هاذي المواضيع إنتي عارفه بالي سواه ابوك وعارفه إن ابوي لو درا ماراح راح يتبرى فيني لاتدخلي يابنت عبدالله
عبدالله : مااسمحلك تتكلم مع بنتي هالون ثانيا صدقني بتندم على كلامك ويلا برا
بدر : طالع طالع بس ياويلك لو دريت إن احمد هنا
عبدالله : اطلع
مشت مها وطلعت من المطبخ وهي مكسوره
عبد الله: ادري إنك هنا
احمد : اسف
عبدالله : تغير ابوك ماتوقعت الكرهه بسوي كل هذا
عبدالله : المهم بروح المركز الشرطه وبسلم نفسي لأن أساسا بدت تطلع عني شائعات
نزل احمد وعبدالله
عبدالله : مثل ماقلت لك لاتفتح الباب !
احمد : ابشر
طلع عبدالله وراح لمركز الشرطه ودخل عند الظابط
الظابط : نعم ؟ تقول العسكري عندي اعترافات خطيره
عبدالله : في عصابه مخدات تهددني
الظابط : اسلم اجلس اجلس
عبدالله : بختصر لك الموضوع انا تعرفت على واحد اسمه فلان بن فلان الفلاني كنت احسبه رجال والنعم فيه لكن غدر فيني حط كيس كيلو مخدات في سيارتي وقال لي ما سلمتها راح ابلغ عليك الشرطه وهددني اكثر من مره اني اذا ما وصلت الكيف لفلان راح يبلغ علي الشرطه
الظابط : طيب عندك دليل ؟
عبدالله : اي نعم عندي في جوالي رسائل
الظابط : طيب اوصف لي عنوانهم ؟
الجهه الثانيه
بدر طق باب بيت اخوه
يوسف : ياهلا حياك وين ولدك ؟
بدر : اعتذر ولدي تعبان مسخن واجيك إن شاء الله بكره
يوسف : والله إني شاك إن ولدك يبغا وفاء لاكن طيب
بدر : لا والله يعني هو قال زوجني وأنا قلت الأقربون أولى
يوسف : يسير خير
طلع بدر ورجع للبيت وطق باب غرفه خزامى
خزامى : نعم ؟
بدر : افتحي الباب
قامت خزامى وفتحت الباب
بدر تقدم وجلس على طرف السرير وجلست خزامى امامه
بدر : أنا اسف اني عطيتك كف ماكان قصدي ب
خزامى :وأنا اسف إني رفعت صوتي بس أنا اعرف حٌب اخوي لمها
بدر : كيف ؟
خزامى : يعني يحبها من وهو صغير وكان دائما يقول بتزوجها
بدر : شفت اليوم مها
خزامى : رحت بيتهم ؟
بدر : اي وادري إن احمد موجود هناك بس اول مره اشوف مها كذا كانت دائما تستحي ويعني اعرفها من الصغر خجوله
بس اليوم مدري
خزامى :يبه لاتوقف في طريقهم وقوم صلي العشا ترا اذن
بدر : اذن ؟
خزامى :اي
مشى بدر يتوضى وهو في باله صامل يزوج احمد لوفاء لأنه أعطى كلمه لأخوه
راح المسجد والتقى ب عبدالله بس مثل كل مره صد بس استغرب إبتسامه عبدالله وكبر الإمام وبعد ماانتهت الصلاه
اخذ مصحف يقرأ من الوٍرد بس استغرب الضوضاء الي وراه والتفت شاف الناس متجمعه عند نقال العلوم وجاه واحد
مجهول ( لأنه ماراح نستخدم اسمه ) : سمعت وش يقولون؟
بدر: مايهمني الكلام
المجهول : عن عبدالله
بدر قفل المصحف :  لاحول ولا قوه الا ب الله وش مسوي ؟
المجهول بدأ يقوله وش قال نقال العلوم والي إنتشر عند الحاره
بدر :مين الي قالك ؟
المجهول : إنتشر الكلام الحتره كلها تدري والشرطه تحركت
بدر حس بدوخه وتذكر كلامه لعبدالله يوم كان عبدالله يحاول يفهمه السالفه قبل لا يحطون في سيارته المخدرات
قبل اشهر
عبدالله : اسمع تتذكر فلان الي نقل جديد الي نجلس معه دايم ؟
بدر : اي
عبدالله : كنت راكب في سيارتي وفجاه اتصل علي وقال لي في سيارتك في كيس مخدرات ما سلمته للعنوان اللي انا برسل لك اياه راح ابلغ عليك الشرطه بس تكفى لاتعلم احد
بدر : تستهبل ؟
عبدالله : لا والله
بدر : مستحيل أنا اعرفه
عبدالله : بس تكفى لاتعلم احد حتى هو لاتقوله
اليوم الثاني توجه بدر لبيت فلان وطق الباب
فلان : هلا ادخل
بدر : ماتوقعتها منك يالخسيس تسوي هالون في صديقي !
فلان : وش العلم ؟
بدر : تف عليك ياكلب إذا مافضحتك
فلان : لايكون قالك عبدالله ؟
بدر : اي قالي ياحقير
فلان : طيب ليه تهاجمني بدال ماتهاجمه ؟
بدر : يانجس تبغى تشككني في صديقي ؟
فلان : لا بس إذا منت مصدق إسأل جارنا
بدر : انا اعرف صديقي مايسويها !
فلان : ماتوقعتها لا منه ولا منك وقفل الباب
بدر بينه وبين نفسه معقوله عبدالله ؟ لا مستحيل يارب خلاص بروح اسأل
طق الباب وليته ماطقه لأنه سمع اكاذيب وقصص وللأسف بدأ يشك بدر لين ماطلب منه عبدالله يعاونه
نرجع الحاضر
مجهول : هييي فلان شفيك ؟
بدر : يعني عبدالله بريئ ؟
مجهول : اي مسكين والله بس قالو بينسجن كم شهرين
بدر : نزلت دمعته وهو نادم وبدأ يبكي
مجهول : وشفيك يابو احمد ؟
بدر : ولا شي ومسح دموعه وقام وهو نادم يقول ليتني في حلم رطب سيارته ودموعه بدت تصب وقال :

ظنيت بك ظن ! وخابت ظنوني
وصار الثمن دمعه عجزت اجودها

الغلطه الي ثمنها دمعه عيوني
لو يرجع الوقت والله مااتعودها

وبدأ يبكي وهو كله ندم وحسافه وقهر مسح دموعه بطرف شماغه وحرك يروح للمكان الي المفروض يروح له من زمان
دخل بدر وسأل الظابط
بدر : اقدر اشوف عبدالله بن فلان ؟
الظابط : لا
بدر : الله يخليك لو 5 د
الظابط : مااقدر
بدر : تكفى طلبتك اشوفه ونزلت سمعته ومسحها بأكمام قويه
الظابط : يايبه مااقدر ( يبه للإحترام )
بدر : تكفى شوي
الظابط تقدر تجي بكره
مشى الظابط ومشى بدر وهو مكسوف ويترنح في مشيته
ركبو سيارته ورجع يبكي كأنه طفل عمره 3 سنوات توجهه بدر للبيت وطق الباب أخذت مها العبايه والطرحه والنقاب وفتحت ربع الباب
مها : عساك فهمت القصه ياعم ؟
بدر : آسف آسف وبدأ يبكي
مها : ادخل
دخل بدر وكان يبكي راحت مها تجيب مويا اما احمد كان يراقب ويسمع فقط
مها :تفضل
بدر :سامحيني سامحيني تكفين
مها : مسامحتك لاكن اطلب السماح من ابوي مو مني
بدر : رحت له بس ماقدرت اشوفه
مها بإنكسار : إن شاء الله تشوفه بكره
بدر : كان من المفروض إني اصدقه من البدايه
مها : ماينفع الندم عندك وقت
بدر : تتوقعين يسامحني ؟
مها : اي
فتح احمد باب المقلط وطلع
احمد : عرفت غلطك يبه ؟
بدر : كنت تعرف ؟
احمد : لا بس قبل لاتجي وتدخل البيت قالي عمي عبدالله
بدر : اجهش في البكاء أنا السبب بدال مااوقف معه قلبت ضده

إن شاء الله يعجبكم البارت أنا كتبت حوالي 6000 كلمه بس انحذف مابقى غير هذا شعور خايس احس ودي ابكي هههههه لأن الحركه إنعادت للمره 2 😭