3
حط سامي يده على راسه وهو يحس بإنه فعلا تورط ماكان يبغا يعلم أحد لين ياخذ شور أبوه لاكن الظاهر بإن ابوه بيعرف قبل لايقوله سامي وبيوصل أكيد الخبر لشهد ناظر البنات فرحانات أكثر منه وناظر امه وكأنه يقولها ليش يمه ليشش !
الجده: قوم قوم أرقص
ساره : يلا قوم
صفقوا البنات له وقام سامي يرقص مع الجده وهو يضحك
نوره : بنات لازم ندور لشيخه ونجلاء بعد
بيان : صح ويعيشون معنا
سامي : أسمعوا ولا وحده تتكلم لين يتم الأمر !
البنات : ابشر
طلع سامي وهو يحس بمشاعر ملخبطه دخل غرفته وقفل الباب أخذ جواله وشغل أغنيه راشد الماجد
اثاريني بحسنه طحت وأنا أظني الهوى توه
فكيف ان الهوى توه وأنا غرقان فيه طيبه
لاكن كان هناك شخص حزين ومعنزل عن العالم ويمثل النوم
ناظر مشعل الإتصالات وكان يحاول يتجاهلها ماكان يبغا يتكلم مع أحد توجه لنافذه وفتحها ناظر الحوش كان الظلام دامس إلتفت لليمين وناظر النور إلي جاي من قسم الحريم سمع ضحكات البنات وأصواتهم وهو يفكر هل محبوبته معهم ؟ كيف راح يتقبل فكره إنه راح يتزوج غير جنى ؟ بس هي من الأساس ماهي مهتمه له ولا راح تهتم ليه هو يهتم لمشاعرها وبحبه لها ؟ ناظر إتصال مشاعل ورد
مشاعل بخوف : مشعل وجع ليه ماترد !
مشعل : ليه خايفه ؟
مشاعل : وتسألني بعد !
مشعل : في شي مهم ؟
مشاعل : مشعل فكر في الموضوع لاتخليها تروح من يدك ! لو كلمك ابوي ارفض
مشعل : وليه أرفض ؟ ممكن يكون النصيب معها مو مع جنى
مشاعل : وش تقول إنت الله يصلحك مستحيل !
مشعل : عندك شي ثاني ؟
مشاعل : مشعل عشاني تكفى لاتاخذها أنا اعرفها زين مغروره ونقاله علوم وكل الشين فيها !
مشعل : طيب يلا مع السلامه
قفل الخط مشعل من دون مايسمع رد مشاعل قفل الشباك ومشى يبدل ملابسه
البنات
إلتفتت جنى وإنتبهت إن مشاعل مو موجوده قامت وتوجهت تدخل تدورها لأنها عارفه إن في شي مضايقها
إنتبهت مشاعل لها ومسحت دمعتها وتوجهت لها
مشاعل : في شي ؟
جنى : يمه ! وينك اختفيتي ؟
مشاعل : لا بس غيرت فستاني
جنى : طيب تعالي
مشت مشاعل مع جنى وهي متردده هل تسألها عن حبها لأخوها أو لا ؟ مع إنها متأكده 100% إن البنات يقصدون مشعل أخوها
ام مشعل : وينك ؟
مشاعل : لا بس كنت أغير ملابسي
جلست مشاعل مع البنات وكانت كل خمس دقائق تناظر جنى ودها تتكلم بس قررت إنها تسكت
لمياء : صح بنات ذيك شفتوها ؟
ليما : لا تخيلي ماجت !
لمياء : اشوا الحمدلله
ناظرتها ليما وإستوعبت لمياء
ليما : كان ودي أشوفها ياخي
بيان : لو أنا مكان البنت بسجد شكر الله إني ماحضرت
ليما : كلي تبن إنتي الثانيه
جنى : بس صادقه غريب جدا
شيخه : ممكن تسربت لها خطه نجلاء فقالت اجلس ببيتي أبرك لي
نجلاء : والله تحمست على الفاضي حسبي الله على عدوها
نوره : والله كنت متحمسه للمضاربه بس إنتظروا زواج لمياء
لمياء : بتنتظرون أسبوعين هههههههههه
الجده : لسه قاعدات ! قومو صلوا وانخمدوا يلا
شهد : يلا مع السلامه
نور : على وين ؟
شهد : بنرجع الفندق
نور : لا لا والله تنامون عندنا
نجلاء : تم موافقين
نور : اي خلاص
جنى : يلا قسم بالله راسي مصدع خلونا نصلي ونرقد
الساعه 9
دخلت بيان غرفه سامي كانت بارده كأنك داخله ثلاجه موتى ناظرته منسدح نايم والمنبه يرن أخذت المنبه وطفته وسحبت بطانيته
بيان : سامي سامي
سامي : اممم
ناظرته بيان وشدت شعره ترفع وجهه من الوساده فتح عينه سامي وناظرها
سامي : نعم وش تبين ؟
بيان : ماتبغى تكلم جدي على إنفراد ؟ روح ترا ماحد موجود
سامي : 10 د وصحيني
بيان : لا مالي دخل
طلعت بيان من الغرفه وطفت المكيف وخلت الباب مفتوح
ناظرها سامي وسحب البطانيه جلس يفكر 5 د وقام ناظر غرفته وهو يحس بصداع دخل الحمام الله يكرمكم وغسل وجهه وفرش اسنانه
وطلع بسرعه يغير ملابسه ويتعطر
غرفه مشعل
كان جالس مواصل ماقدر ينام غير ربع ساعه وكانت أسوء نومه نامها في حياته جلس يتذكر الحلم إلي كان فيه واقف في قاعه زواج وجمبه أبوه يلعب بسيف والحضور كلهم متجمعين حوله وهو يناظر الجميع بإستغراب وكأنه عارف بإنه يحلم ناظر صديق أبوه ( أيمن ) يأشر له من بعيد بإنه يلحقه إلى الخارج وأعطى مشعل ظهره لحقه مشعل وناظر أيمن كان يضحك بشكل مرعب كان أصوات ضحكه عاليه تتردد في مسامع مشعل وقف مشعل وهو خايف من المنظر إلي امامه قرب منه أيمن ببتسامه غريبه وقف أمام مشعل
أيمن : قرب
خاف مشعل ورفض إنه يقرب أكثر لاكن أيمن قرب وهمس في اذنه
( اليوم يوم جحيمك )
استيقظ مشعل من النوم وناظر الساعه وكانت 49 : 4
ناظر نفسه كان معرق من الخوف تلتفت يمين ويسار كانت الغرفه بارده ولاكن مشعل كان يحس وكأنه جالس في الفرن من شده الحرارة جلس يقرأ آيه الكرسي والمعوذات وينفث على جسده وأحاول بإنه يرجع ينام لاكن يحس بشعور غريب وكل ماحاول ينام ترجع له الأفكار وقرر إنه يقوم ومن بعد وقوفه مارجع ينام إلا الآن كان يفكر بالحلم إذا هل زواجه من قمر فعلا جحيم ؟ لاكن ماراح تفرق معه في النهاية لو عارض وجبر أهله يخطبون له جنى يخاف بإن فعلا هي تشوفه أخ لا أكثر ولا أقل وراح يخطب قمر في النهاية ناظر من الشرفه سامي وكان واضح عليه علامات السعاده إبتسم مشعل لاشعوريا وناظر سامي يقف أمام أبوه ويسلم عليه
سامي ببتسامه وطاقه إيجابيه : صباح الخير يبه
الجد : صباح النور وش عندك صاحي بدري اليوم ؟
سامي حس بإنه انفضح : لا ولاشي بس صحيت بدري
الجد بشك : قول قول وش عندك ؟
مسك سامي يده وبدأ يطقها وهو يقول : يبه ودي أخطب
ضحك الجد وناظر سامي أبوه أكيد يعرف ولده ضربه براسه ضربه خفيفه وقال : إبشر على ذا الخشم بس من هي ؟
إبتسم سامي وحس بإن هَم عنه إنزاح وعدل جلسته
سامي : شهد
الجد : بنت من ؟
سامي : صديقه نور
الجد : اها اي عرفتها ومتى ناوي تخطبها ؟
كانت مشاعر سامي ماتنوصف ناظر أبوه
سامي : اليوم
ناظره أبوه ونزل راسه يناظر فنجاله
الجد : لاحول ولا قوه الا بالله
أستغرب سامي : ليه يبه ؟
رفع راسه الجد وأشر على الفنجال
الجد : بتعقل ولا أرميه براسك وشو أليوم اول شي خلي أمك تكلم أمها يتشاورون وأنت بعد أثقل شوي
سامي : آسف يبه بس يعني متى ؟
الجد : ممكن بعد زواج لمياء
ناظره سامي بصدمه وشهق
الجد : وجع أجل متى تبي ؟
سامي : يعني بالكثير أسبوع
الجد : قوم رح عند أمك بعدين يصير خير يلا قوم
ناظره سامي بقله حيله ماتوقع إن بيطول على مايخطبها وقام يروح لغرفته اما الجد كان يناظره وهو يضحك ناظر فنجاله ورفع راسه
الجد : سامي
لف سامي وهو يفكر بإن أبوه كان يمزح معه قبل شوي وركض له
سامي : سم يبه
الجد ببتسامه: صب لي قهوه
تلاشت إبتسامه سامي وناظر أبوه وأخذ الفنجال
الجد : ورا سنونك اختفت ؟
سامي : لا بس تبي شي ثاني ؟
الجد : لا يلا روح عن وجهي
مشى سامي وهو يكلم نفسه شدعوه بعد زواج فهد ولمياء ! طيب إذا خطبها واحد مزيون غيري ؟
ناظر مشعل سامي وناظر الجد وهو عارف بإن سامي راح يفاتح الجد عن موضوع الخطبه من إبتسامته وإبتسم لاشعوري وقف وسكر الشباك ورجع إلا فراشه
الساعه 2 الظهر
كانوا ليما وثنيان منسدحين في السرير وماودهم يقومون
ثنيان بنعاس : قومي
ليما : امممم
ثنيان : قومي
ليما : بقوم بس إنت قوم
ثنيان : لا إنتي قومي وأنا بعدك
ليما : قوم
ثنيان : قومي
فزوا من السرير عند سماعهم دقات من الباب
ليما : روح أفتح
ثنيان : لا أنتي
ركضت ليما للحمام الله يكرمكم وسكرت الباب وناظر ثنيان الباب وتوجه يفتحه
ثنيان : صباح الخير
ساره : ماقمتوا تصلون !
ثنيان وهو يتثاوب : إلا
ساره : يلا توضى وصلي وانزل على الغدا
ثنيان : ابشري
ساره : تبون أجيب لكم الغدا هنا ؟
ثنيان : لا عادي ننزل
ساره : يلا طيب
المجلس
الجده : ماكفاكم النوم !
مشاعل : لا
لطيفة : والله تعبنا أمس ماالومهم
الجده : طيب تغدوا وناموا
شيخه : أنا الحمدلله ماأبي شبعانه
الجده : لا والله ماتقومين كلي على الأقل لقمه وحده
جلست شيخه وناظرت البنات وملامح الارهاق واضحه عليهم أشرت لها نجلاء على صحن الكبسه ناظرت الكبسه وبدأت تاكل
إبتسمت الجده يوم شافت البنات كلهم ياكلون وكلهم مجتمعين
الجده : بالعافيه سموا بالله
الرجال
الجد : جاني اليوم واحد الصباح وتكلم معي عن موضوع
تصنم سامي ورفع راسه يناظر أبوه دقيقه لايكون يقصده !
الجد : تدرون وش هو الموضوع ؟
العيال : لا
ناظر الجد سامي وضحك على وجه سامي المنخرش
الجد : ماراح أقول اسمه لاكن ذكرني يوم كنت صغير
ناظر سامي الجد والعيال كانوا يناظرون بعض بإستغراب وفضول
الجد : ذكرني يوم جيت أخطب مهاوي يالله ذكريات
قام سامي وناظروه الكل
سامي : الحمدلله شبعت
ومشى يخرج برا يتوجه للمغسله وهو يقول أكيد خلاص بيوصل لها الموضوع قبل لا اخطبها تنهد وغسل يده ...... خلاص أنفضحت
ناظر سامي توه نازل مشعل ولابس ثوب أسود
سامي : وينك ؟
مشعل : توني صاحي
سامي : فاتك أنفضحت الكل عرف باقي هي
ضحك مشعل على سامي والواضح بإنه فعلا إنكب
سامي : احس خلاص جاني تبلد درت ولا مادرت متى اخطبها !
مشعل : ليه مو كلمت عمي احمد ؟
سامي : إلا كلمت أبوي يقول بعد زواج فهد !
مشعل : يلا هونها وتهون او حاول تخطبها لمى نرجع
سامي : المشكله باقي على زواجهم أسبوعين
مشعل : الله ييسر أمرك
سامي : ليه مافطرت ؟
مشعل : لا الحمدلله سبقتكم
سامي : عافيه
مشعل : الله يعافيك
البنات
نور : وش رايكم نحاول نفنع جدي نجلس هنا ؟
نجلاء: أنا عندي دوام مااقدر لازم أرجع بكره
شيخه : كلنا
بيان : شهد بسألك
شهد : إسألي
بيان : أهلك في الرياض ؟
شهد : لا طبعا في ليبيا
ناظروا البنات بعض ببتسامات خبيثه وناظروا نور
ليما : طيب مايقدروا يجون هنا ؟
شهد : إلا أبوي يجي احيانا يزور جده
البنات: ماشاء الله
ناظروا البنات بعض وماقدروا يمسكون ضحكتهم وضحكوا
شهد بإستغراب : وشو !
نور ترقع الموضوع : أنا قلت لهم إن أبوك ساكن في جده نسيت هههه
شهد بشك : مدري ليه أحسك كذابه
نزلت راسها نور : استغفر الله استغفر الله
شهد : قولوااا
نوره : وحده تضحي فينا وتصوم ثلاث أيام
جنى : مو انا
نور : والله ه
نوره : ذي صدقت
نور : هم بس جاهم فضولي إن وين أهلك وكذا بس والله
شهد: اها أحسب في شي
نور : لا
لمياء : ماتدرين إن قريب بتسكن معنا
نور : إن شاء الله
نجلاء : خلونا نطلع برا تكفون الأجواء حلوه
بيان : اي يلا
قاموا البنات يطلعون وجنى ونوره للأن يتهامسون
مشاعل : طيب طلعنا ؟
ليما : خلونا نلعب
جنى : وش رايكم نلعب لعبه أم الفواكه ؟
لمياء : يوووه اخر مره لعبناها قبل الجامعه ههههههههههههههههههه
نوره : من كثر مانلعبها سمينا جنى أم الفواكه
جنى : يلا تكفون
شيخه : بس يبغالنا قلم ودفتر وإحنا ماعندنا هههههه
نور : في لعبه أحلا شرايكم نسأل بعض اسإله وإلي ماتجاوب لها عقاب
جنى : صح يلا
جلسوا البنات على شكل دائره وجابت بيان قاروره ووضعتها في الوسط ولفتها
بيان : نجلاء اسألي ليما
نجلاء : تحدي او سؤال
ليما : سؤال
نجلاء : اممم خلوني أفكر ....... هل كنتي تحبين ثنيان من قبل الخطوبه ؟
ليما : لا
نجلاء : متأكده !
ليما : والله لا
بيان : طيب يلا
لفوا القاروره وهاذي المره كانت نوره ولمياء
نوره : تحدي او سؤال ؟
لمياء : أكيد سؤال
نوره : ماادري أحس اعرف عنها كل شي هههههههه
لمياء : طيب اي سؤال ودك تعرفي
نوره : كيفك ؟
لمياء : ههههههههههههههههههه
نوره : مافي سوال طيب هل في شي تخفينه عننا ؟
كانت بتجاوب لمياء ب لا بس تذكرت سبب مجيئهم للإمارات
لمياء : أي
نوره : وش هو ؟!
لمياء : خلص سؤالك إنتي سألتي إذا في شي اخفيه فقط
نوره : قهرر ياربب تجي
بيان : يلا دوري انا وشهد
شهد : يلا اسألي
بيان : يعني سؤال ! طيب تحبين ؟
جنى بهمس : بتفضحنا ذي
نور بنفس الهمس: عز الله رحنا فيها
شهد : لا
بيان : يعني مث
قرصت لمياء خدود بيان
لمياء : تجنني بسم الله عليك
فهمتها بيان وسكتت تلف القاروره
بيان : الله نور ونجلاء
نجلاء : طيب تحدي او سؤال ؟
نور : كلكم اخترتوا سؤال عشان كذا بختار تحدي
شهد : كفوو
نور : الله يستررر
نجلاء : تعجبيني بس لازم تسوي إلي انا اقوله !
نور : اسمعي أقدر اكنسل ؟
نجلاء : لا مافيه يلا ابغاك تدقين على واحد من العيال بس مو أخوك ! وإنا اختار وتقولين عندكم فصفص وشاهي ؟
نور : لا لا غش وش ذا
نجلاء : انتي اخترتي تحدي !
نور : بس مو كذا !
نجلاء : يلا
نور : طيب مين ؟!
نجلاء : سعود
إنصدمت نور وقامت من مكانها
نور : لا لا مستحيل
نجلاء : يلااا
نور : لا
نجلاء : ترا تطلعين برا اللعبه
نور : موافقه
شهد : نور تكفين يلا
نور : بنات منجدكم !
نوره : يلا يلا
نور : وشو إلي عندكم فصفص وشاهي ؟!
مشاعل : يلااا نور
لمياء : ماعليك أنا أعطيك رقمه يلا
نور : لا ماأبي
ناظرت نور جنى تناظرها ببتسامه خفيفه جلست نور وأخذت جوالها تسجل رقمه
نور : والله لو صار شي ياويلكم !
بيان : ماعليك وش بيصير مثلا ؟
ناظرت نور رقمه وناظرت البنات متحمسين ومتجمعين حولها أخذت نفس ودقت لاكن مارد سعود وناظرت البنات
نور : الحمدلله
إلتفتت من وصولها صوت سعود
سعود : مين ؟
توترت نور وحست بمغص في بطنها من سمعت صوته وناظرت البنات يأشرون لها بإنها تقول نور
نور : أنا
ضحكوا البنات على رد نور اما سعود فز من مكانه وطلع برا المجلس بشك إذا هي فعلا نور ؟
سعود : مين ؟
نور : أنا نور
إبتسم سعود وحبس ضحكته : اي آمري ؟
نوره : اوف شكله يحبك
ضربتها نور وأخذت نفس قبل لاترد
نور : عندكم فصفص وشاهي ؟
سعود بإستغراب : اي تبين ؟
نور : لا شكرا
سعود : متأكده ؟
نور : اي مع السلامه
اشروا لها البنات إنها ماتسكر الخط لاكنها قفلت المكالمه ورمت الجوال تخفي وجهها
شهد بدأت تغني : ياابن الأوادم ترا مليت ألمح لك !
وصاروا البنات يريدون وراها : أنا أعزك وأحبك وأعشق ترابك !
نور بستحياء : كلو زق
مشاعل : يازينوو إلي يستحي
نور : بنااات خلاص غيروا السالفه عيب
نجلاء : صح مالنا دخل بالمحبين
لمياء : هههههههههه ماتوقعتها منك
نور : مين قال إني احب ! يععع تخسون
بيان : نشوف نشوف
قامت نور : وخروا بس بروح أسوي لي شاهي
صرخت شيخه : مايذكرك الحلا بشي
إلتفتت لها نور وأخذت جزمتها الله يكرمكم ورمتها عليها وجت في جبهت شيخه بظبط
شيخه بتإلم : ايي آسفين والله
الرجال
سعود : ههههههههههههههههههه ياخي
ثنيان : الحمدلله وشكر
إلتفت له سعود : وجع وش تسوي هنا
ثنيان : إنت إلي وش تسوي هنا ليه طلعت ؟
سعود : مكالمه يعني
ثنيان بغمزه : اي من مين ؟
سعود : ههههه من صديق لي ايام زمان
ثنيان : اي صديق ؟
سعود بقله صبر : استغفر الله
ثنيان : قول قول
سعود : سيف
ثنيان : وسيف بتفز له كذا ؟
سعود : أي أكيد هذا أخوي قبل لايكون صديقي
ثنيان : اي اي الله يديم المحبه
ضحك سعود من تغيرت نبره ثنيان للحزن
سعود : وش فيك لايكون غرت ؟ ههههههههه
نزل ثنيان يمثل الحزن : روح عند أخوك سيف
ضحك سعود وتقدم يحضن ثنيان
سعود : الله يعين بنت خالي عليك
ثنيان : امزح معك شفيك
سعود : هههههههه يلا طيب إنقلع
ثنيان : بنقلع أساسا
بعد ماتأكد سعود من ذهاب ثنيان دخل المطبخ إلي في قسم الرجال وأخذت كرتون من الشاهي وفصفص واخرج من المطبخ وهو يفكر أكيد إنها دقت على غيث ومارد فراحت ودقت علي بس إستحت تطلب دخل المجلس ودق على لمياء
بيان : يلا الدور على ميننن
لفت القاروره وطلع جنى ومشاعل انفجروا البنات ضحك
نوره : حبيت اللعبه لازم نغير اسمها
بيان : صارت لعبه للمحبين
حكت جنى حاجبها وهي تناظر مشاعل وتقول في نفسها يارب إنها مافهمت عليهم اما مشاعل كانت فاهمه بس تستغبي
مشاعل : تحدي او سؤال ؟
جنى : سؤال
ليما : أكيد ماراح تعيد غلط نور
قرصتها جنى وهي تضحك بتسليك
مشاعل : اممم هل تحبين ؟
ناظرتها جنى وهي شاكه لايكون مشاعل تدري ؟ لا لا وين
جنى : لا
شيخه : ليش بتكذب ياوليد مابتعرف إنو حرام
رفعت صوتها جنى : لاااا
مشاعل : يعني ماتحبين ؟
جنى : اي مااحب وش هو الحب أساسا ؟ مستحيل
ليما : واااو جحدت
قامت جنى : وجع يازين سوالف نور
ضحكوا البنات عليهم اما جنى شمقت لهم وراحت تلحق نور ومشاعل تناظر ماتدري تضحك مع البنات ولا تحزن
ناظروا البنات جوال لمياء يدق وكان سعود
بيان بصراخ : نوووور تعالييي
نوره : حطي سبيكر
لمياء : الو هلا سعود
سعود : اسمعي تعالي المجلس سريععع
لمياء : ليه ؟
سعود : بس تعالي
قفل الخط سعود وناظروا البنات بعض وضحكوا
بيان : هههههههه بروح اقولها
مسكتها شهد من بلوزتها وجلستها
شهد : اصبري خلينا نشوف
لمياء : انا بروح
قامت لمياء تركض للمجلس والبنات وراها
المطبخ
كانت نور تغني مع راشد الماجد
من يوم شفتك وقلبي
مد لك يده والعين ذابت
في روعة حسنك وزينك
❤️❤️❤️❤️❤️❤️❤️
أنت تقرأ
ياسعود والله مابعد زينها زين 💗
General Fictionتتكلم القصه عن إجازه 4 شهور حيث يجتمعون في بيت جدهم وتبدأ هنا الأحداث بزواج ليما من ثنيان إجباري وتتحول علاقتهم من الكره إلا محبه وقصه حب فهد للمياء إلي مستحيل إنهم يخبونها عن الجميع وغيرها وراح نشوف الأبطال والبطلات في مشاكل ومشاجرات لاتنتهي 💗
