ياسعود والله مابعد زينها زين 💗

بارت 5

نجود : جدك يقول ربع ساعه ويجي الشيخ
دخلت نور الغرفه وهي تعرج
بيان : بسرعه تبين أفير لك ؟
نور : لا بخليه كذا ستريت
بيان : طيب حطيلي ميك اب ابغا يكون بني
نور : وش بتلبسين ؟
بيان : فستاني الأسود
كان اسود ماسك على الجسم من دون اكمام
الغرفه الثانيه
جنى : أنا بلبس فستان الأزرق ( كان اكمامه للكتف وناعم ومن تحت منفوش شوي  )
ليما : لا انا بلبسه
جنى : لا مين قالك أنا بلبسه
ليما : تذكرين يوم لبستي كعبي ؟
جنى : تقارنين كعب في فستان !
ليما : اي مالي دخل
جنى : خلاص وأنا بلبس الجمبسوت الأبيض حقك
(كان عاري الأكتاف وتجي معه قطعه حرير تلبسها ومعه حزام فضي + تقدرو تشوفون الفساتين في الإنستا )
ليما : لا انا بلبسه بعدين
جنى : خلاص اعطيني فستاني
ليما :اففف خلاص
الغرفه الثانيه
نوره : يابنت الحلال لاتصيحين
لمياء :يمهه يخوف احس خلاص ابغا اطلق
نوره : لسه ماسار شي عشان تطلقين
لمياء :نادي أميي
نوره : عمه ساره تلاقينها ماهي فاضيه
دخلت ساره : ليه ليه التوتر اجيبلك عصفر ؟
لمياء : اي
ساره : نوره رو
نوره :ابشري
بعد  ربع ساعه
بيان : نور توك تبدين في المكياج !
نور : ماراح اكثر بس روج بلشر مسكرا ايشادو صح بعد الإكسسوارات
بيان : أنا بشوف لولو
بيان طقت الباب : عادي ادخل ؟
ساره : تفضلي
دخلت بيان ولقت البنات عند لمياء كانت جنى تسوي لها فير
ونوره تتمكيج وساره تمكيج لمياء اما ليما كانت تلبس عدسات
بيان : اساعدكم في شي ؟
ساره : لا يعطيك العافيه
ابتسمت بيان : شكرا
راحت لغرفه الأمهات
لطيفة: شوفي انتي لاتغمضين وتفتحين خلك كذا ثابته
ليالي : أنا عيوني كذا
لطيفة: الحين مين الي بتخطب انتي ولا لمياء ؟
ليالي : مدري ليه متوتره تذكرت اول يوم جا عبد الرحمن وخطبني
لطيفة : ريلاكس ريلاكس
نجود : شرايكم في شعري
حلا : حلو
امل :اسكتي لاتدخلي
اجوان : ماما صوريني !
امل : اسمعو لاتكثرو مكياج لاتهتمو ترا خطوبه ماحد بيجي غير جيرانهم قالي خالد
اجوان :اف لو دخلت بغطي على لمياء
اما في غرفه نور كانت تلبس الأساور وفجأه شافت ظل من الشباك واول ماشافته رمى شي وهرب خافت نور لأن مستحيل يكون وحده من البنات ومستحيل يكون اخوها مشت وشافت بوكيه ورد محطوط شالته وقرت رساله
[ جعله آخر الأوجاع ياروحي ماتشوفين شر
   من : مجهول ]
قمطت العافيه نور وخافت احد يشوفها سكرت الشباك خذت البوكيه كان كبير شوي حطته تحت السرير وهي خايفه وتذكرت سعود فجاه
بيان : نور جهزتي ؟ اخس شوهيدا الجمال كانت لابسه فستان وردي
عليه تطريز ورود نفس لون الفستان لاحظت بيان وجهه نور الأصفر
بيان : شفيك ؟
نور : رجلي طقت قبل شوي
بيان : لايكون كسر !
نور : لا خفيفه بس ووجعتني عادي
بيان طيب يلا جو الجيران تحت
نور : احس ماودي انزل رجلي تعورني بروح عند لولو
بيان : كيفك
مسكت يد نور
نور :شدعوه التواء بسيط اقدر امشي
بيان : طيب امسكك عشان ماتتعوري
دخلو غرفه لمياء ونوره
كانت نوره لابسه فستان اسود قصير وطويل الأكمام
اما لمياء كانت لابسه فستان طويل الأكمام وطويل وكان أحمر
نور : يابخت فهد بسس
لمياء : بنت لاتزيديني توتر
نور : اشربي اشربي هذا وهي خطبه في الزواج وش ؟
لمياء : بنحاش
ساره : لاتقولي كذا حتى لو طقطقه ممكن يتحقق
لمياء : استغفر الله
ساره : يلا انزلو عشان هي تنزل بعد شوي
نزلو البنات إلا نور
نوره : يلا
نور : ماابغا
نوره : طيب
قامت نور وراحت الغرفه وهي تفكر ماتوقعت سعود كذا صح هي تحبه بس حست حركته مو حلوه وهي أساسا يعني ماتحل له بذات إن أكيد شافها وهو يرمي الورده وبدت مشاعرها تتلخبط تنهدت وطلعتها كانت ورده حمرا كان لونها حلو خذتها وقعدت تناظر فيها ماكانت مٌغلفه كان حبل ملفوف عليه دققت نور واستوعبت إنها من ورد المزرعه طالعت في الغرفه الي تقريبا كانت مستودع ومالقت فازه او شي تحطه داخلها صورتها وحطتها في الدولاب ونزلت
ام مالك : حلو شعرك
اجوان ناظرتها وبتسمت
ام مالك : مخطوبه ؟
اجوان : لا
ام مالك طلعت جوالها
ناظروها البنات وهم ماسكين الضحكه
ام مالك : شوفي ترا ماراح تلاقين مثله
ابتسمت اجوان بإستحياء وابتسمت ام مالك الي حست إنها مناسبه
نوره بلاقافه : تتوقعون ولدها مزيون ؟
جنى : تلاقينه يشبه الونيس ولا فهودي
ليما : وتلاقين حركاته مثل البنات
بيان : اخخخ ليه ليه إلا ويعزمونها المزرعه بعيده ! 3ساعات
جنى : اي والله غريبه
دخلت نور ودخلت على دخلتها ام مشعل سلمو على بعض واستغربت من البنت الي جت وسلمت عليها
مشاعل : كيفك الحمدلله على سلامتك
نور : الحمدلله بخير الله يسلمك
ودخلو يسلمون
جنى :شكلها عسل
نوره : اي طيبه مثل امها
نور : اناديها ؟
ليما :لاتتحمسين
بيان :خلاص أنا بناديها
قامت بيان تصب القهوه ويوم عطت مشاعل
بيان : تعالي اجلسي معانا إذا تبين
مشاعل : تمام
قامت مشاعل وجلست جنبهم وكان رياكشن البنات مثل هذا 🤡
جنى : كيفك
مشاعل : الحمدلله
نوره : ماشاء الله هاذيك امك ؟
بيان بهمس : فضحتنا
مشاعل : اي
نوره : ماشاء الله
بيان : تدرسين ؟
مشاعل : لا خلصت الجامعه وحاليا دكتوره ولاده
بيان : ماشاء الله
مشاعل : اي هاذي اول سنه لي
نور : في اي مستشفى ؟
مشاعل : **********
نور : ماشاء الله حتى انا بس أنا دكتوره اطفال يبدأ دوامي الأربعاء
مشاعل : حلو إذا تبين مساعده ولا ماعرفتي شي إتصلي علي او كلميني انا في الدور الثاني
نور : إن شاء الله
مشاعل : وانتي ؟
بيان : خلصت بس أحب التصوير قبل أجي هنا كانت معي معدات تصوير بس ماجبت غير كاميرا وافكر افتح استوديو تصوير
مشاعل : ماشاء الله إن شاء الله تفتحين قريب
مشاعل : انتي ؟
جنى : معك الإستخباراتيه جنى
مشاعل : ماشاء الله نفس مهنه اخوي صعبه شوي ؟
جنى : لا ب العكس ممتع صح تجيك إصابات احيانا بس تكون سطحيه لأن دائما نكون لابسين ستره ضد الرصاص
مشاعل : الله يوفقك احس لازم يكون قلبك قوي ويتحمل
ابتسمت جنى
مشاعل : وانتي ؟
ليما : ادرس قانون بقى اخر سنه لي ف الجامعه
مشاعل : يلا الله يوفقك
نوره : تفضلي
مشاعل : تسلمي
بعد 5 د سوالف
نزلت لمياء وقعدت تسلم
نجود : هلا بزوجه ولدي
لمياء استحت وكملت تسلم
الرجال
دخل الشيخ
الشيخ : الحمدلله والصلاة على رسوله محمد -صلى الله عليه وسلم-، ""أشهد أن لا إله إلَّا الله، وأشهد أنَّ محمداً رسول الله، قدِمتُ إليكم أطلب ابنتكم (لمياء علي)"، وجاء عن الرسول قوله:"الحمد لله، نحمده ونستعينه ونستغفره، ونعوذ بالله من شرور أنفسنا وسيئات أعمالنا، من يهده الله فلا مُضلّ له، ومن يضلل فلا هادي له، وأشهد أن لا إله إلا الله وحده لا شريك له، وأشهد أنّ محمداً عبده ورسوله،
وبدأت الخطوبه اما العيال
ثنيان : ذا الورع بيتجوز اختنا ؟
سعود : لا بيخطبك انت
ثنيان : احسه صغير
سعود : تراك اصغر منه بسنتين
ثنيان : طب دقيقة غرفتها بتسير لي ؟ هههههههه
سعود : لا انا الأكبر باخذها
ثنيان : لا انا
سعود : تخسي
ثنيان : أنا قلت قبلك
سعود : معصي
ثنيان : ياخي شدخلك ؟
سعود : بنسأل لمياء
ثنيان : انت بتتزوج حبيبتك وبتنقلع
سعود : عيب وش ه الكلام
ثنيان : ماقلت شي غلط
سعود : نشوف مين الي بيتجوز
مسعود كان يطالع في سعود من زمان يستناه يطالع فيه عشان يبغى يقول له خذ خلي اختك تبصم بس سعود كان يتناقش مع ثنيان
علي : سعود
سعود : هلا
علي :تعال خذه خلي اختك تبصم وقولها تجهز عشان الشوفه
سعود : ابشر
اخذ سعود جهاز البصمه ودق على ساره
ساره: جاي ؟
سعود : اي نادي لمياء
قفلت ساره ونادت لمياء
سعود : حطي إصباع السبابه
لمياء حطت الإبهام
سعود : لا لا لا السبابه ههههههه
لمياء : اي صح حطت الوسطى
سعود : ههههههه هذا هذا
لمياء : اي داريه اصلا
سعود : اي واضح المهم تجهزي بعد شوي الشوفه
لمياء : عادي نكنسل الشوفه ؟
سعود :ماتبين ؟
طالعته لمياء : لا خلاص
سعود : خلاص اجل 5 دقائق واسمعي
لمياء :هلا
سعود : لما تتزوجين عطيني غرفتك أنا أولى من الوغد
لمياء : مين قال بعطيكم ؟ بخليها لي عشان إذا جيتكم وين اروح ؟
سعود : عادي خذي غرفتي وأنا اخذ غرفتك
لمياء : اقول امشي بس امشي لا
راح سعود وراحت لمياء للمرايه تعدل شكلها جوها البنات
ليما : خلصت الشوفه !
لمياء : لسه مابدت
مشاعل : ألف ألف مبروك
لمياء : الله يبارك فيك ياقلبي
بيان : ريلاكس وعادي عساس اول زمان ماكنتو تتراسلون ب الورق
لمياء : شيلوها من عندي
بيان : ههههههه ايام الغزل
لمياء : تخيلو من التوتر نسيت السبابه
نور : لاتتوترين تذكري اي شي يضحك تذكري يوم طيحتي
لمياء : هههههههه وربي كانت تضحك نفس رياكشن انا مو نايمه أنا مسترخيه
نور : اي اضحكي
لمياء : تخيلو اخوي قبل لايطلع قال يبغا غرفتي متضارب مع ثنيان عساس بعطيهم
نوره : كلن على همه سرا
ساره : لمياء يلا
لمياء : مكياجي ظابط ؟
نوره : ظابط ولا عسكري ؟
جنى : حلو حلو ماعليك
مشت لمياء ودخلت وهي منزله راسها وشافت إثنين واقفين قدامها بس ماشافت غير نعولهم الله يكرمكم وثوبهم وجلست
ثنيان : اختك حوله ؟
سعود :يمكن
ثنيان : شكلها تحسبنا فهد وعمي محمد
سعود : شفيك ؟
لمياء رفعت راسها وانصدمت مالقت غير اخوانها
سعود وثنيان قامو يضحكون
سعود : هههههههههه قلنا تستحين بس مو كذا
ثنيان : منزله راسك ليه كيف بتشوفينه طيب
لمياء بغت تصيح
سعود ضرب ثنيان : شفت انت وطقطقتك الي مثل وجهك
ثنيان : شدخلني ؟
سعود حضن لمياء : ياحبيبي والله إنك صاروخ اسف
ثنيان : والله سعود مو انا
سعود : لاتكذب انت
ثنيان : انت
سعود : كذاب
ثنيان : انت الي قلت خلينا واقفين
لمياء : والله أعلم ابوي
سعود : والله مالي دخل
ثنيان : كذ
علي : وش تسوون هنا يلا اطلعو
طلعو سعود وثنيان ودخل علي
علي تقدم يحضن لمياء : ماني مصدق وحيدتي وبنتي وعيوني ببتزوج وبتترك البيت بدون شر
لمياء : لا ماعليك يبه بجيكم كل يوم إن شاء الله
علي : يلا لانتأخر على الرجال
طلع علي ودخل فهد وكان يطالع لمياء بكل حب ويشوف شريط ذكرياتهم يوم كانو يتراسلون ب الأوراق وكان يغازلها وهي تسولف له ونظراتهم لبعض
تقدم يحضنها وهو شاد اما لمياء راح منها الخجل والتوتر لدرجه بادلته الحين وهي مبتسمه
فهد : ألف مبروك لنا
لمياء : الله يبارك فيك
كان فهد يستنشق ريحة عطرها وقبل رقبتها اتصنمت لمياء ووخرت عنه بهدوء وجلسو
فهد : والله وتحقق منايا
لمياء : احس بشعور حلو تصدق إني مانسيتك ولا يوم
فهد : ولا أنا ماني مصدق أخيرا خطيت حبيبتي ونور عيني
ابتسمت لمياء وسار هدوء
فهد : متى تبين الملكه ؟
لمياء : بعد شهر
فهد : كذا كثيره
لمياء : لا وحتى الزواج بعد شهرين
فهد : مره كثير
لمياء : طيب شهر ؟
فهد : مافي خصم ؟
لمياء : لا
فهد : طيب الله وكيلك
ابتسمت لمياء وبانت غمازتها
فهد : تصدقين كل يوم يزيد حب
درعم ثنيان وسعود
سعود : عشتووو شهالقعده الرومانسيه اللي قاعدينها ؟
ثنيان : عطيناك وجه بزياده قلنا 5 د
فهد : فضفضي كيف متحملتهم ؟
لمياء : مانقدر نقول غير الشكوه لله
ناظروها سعود وثنيان
ثنيان : يلا بدون مطرود شفتها يلا
فهد وهو طالع رمى بوسه من بعيد للمياء
سعود سوا نفسه يمسكها ويرميها في الأرض ويدعسها
ثنيان : اييي الإبتسامه شاقه وجهك وقبل شوي بغيتي تصيحين
لمياء : هههههههه الحمدلله وشكر وربي تضحكون
سعود : اضحكي اضحكي صدقيني باخذ غرفتك اول ماتسافرين شهر العسل
ثنيان : لا ياحبيبي أنا الي باخذها
دخلت ساره : وش فيكم اصواتكم عاليه ؟
لمياء : يبون غرفتي !
ساره : لا انت ولا هو خلاص أنا اخذها
سعود : بس يم
ساره : يلا يلا توكلو تعالي لولو
راحت لمياء وطلعت فوق
البنات
كان وقتها عشا والكل يتعشى
ليما : اففف ليتني ماتكشخت
مشاعل : اي والله توقعت بيجون عندكم ناس كثيره
جنى : حتى أحنا عاد تصدقين طلعو مخططين من امس والكل يدري غيرنا أحنا البنات وعمه نجود
مشاعل : اي جانا الخبر أمس الليل
اما نور ولمياء كانو في السطح
نور : بسرعهه
لمياء : يلا بس تحسين أحط شعري كذا
نور : اي حلو يلا بصورك
لمياء : حلووهه يلا دورك
وقفت نور وعطت لمياء ظهرها وصورتها
لمياء : بس بس يلا دوري
وجلسو على هذا الحال
نور : اففف تخيلي من كثر ماني قاعده اقنع نفسي بخير عقلي الباطني بدأ يصدق بس غيث كلم الدكتور قال اسبوع !
لمياء : خلاص لاتداومين
نور : احس ماراح اداوم بس اول يوم يعني عرفتي ؟
لمياء : هههههه أحنا اصلا ماراح نمشي من هنا غير نهايه الإسبوع
نور :عادي خليكم هنا وأنا اروح مع غيث صح لسه ماخذ إجازه بس صح كيف ؟
لمياء : ههههههه شفتي
لمياء : بقولك شي
نور : وش ؟
لمياء : كيف يعني تشوفين شخصيه اخوي سعود ؟
نور : ليه ؟
لمياء : لا يعني تضحكوني
نور : هههههه لمياء مو صاحيه شفيك ؟
لمياء : افف ياليل جاوبي طيب
نور : مدري يعني عادي
لمياء : كيف عادي ؟
نور : يعني إنسان طبيعي
لمياء : صدق ؟ مااصدق
نور : هههههه لا بس يعني فلاوي يضحك يعني وطيب وحنون وسكتت
لمياء : خاقه ؟ ههههههه
نور : ياوصخهههه كل زق
لمياء : ههههههههه خلاص بشبكم
نور : والله الصدق يعني شخصيته حلوه
لمياء : شخصيته ولا هو ؟
نور : عيببب !
لمياء : افففف روميو و جوليت
نور : فرع الديره
لمياء : اي هههه تعالي ننزل
نزلو وجلسو وبدت فقره الحش
نوره : هاي الفصفص
ليما : يعععع شفتو حركات اجوان
جنى : ماتوقعت
بيان : وربي مرههه يععع
نور : وشووو
لمياء : متى ذا ؟
نوره : تخيلو ام مالك ذيك ال كانت تبغانا لولدها
لمياء : اي ؟
نوره : تخيلي حولت على اجوان وقالت لها ماشاء الله مخطوبه ؟ واجوان قالت لا وقامت ام مالك تمدح في ولدها وتخيلي اجوان استحت وسارت سنعه وحركات وتدلع
نور : الله يلوع كبدها يععع
لمياء : وش ذا دقيقه دقيقه نسيت اقولكم شي !
التفو البنات حولها
لمياء : وربي مااكذب عليكم بحرف شفت بعيوني اجوان كانت تكلم واحد ويتغزل فيها وحول لها 500 ريال ينطح ريال
ليما : يعععع
لمياء :وربي كانت مسويه الجوال يعني لافته على وجهها عشان ماحد يشوف وكان واضح من القزاز
جنى : ماتوقعت وربي يعني صح كريهه و و و و بس مدري
نور : ياويلي بنات قولو اسأل الله السلامه والعافيه
نوره : عاد هي من اول ماتنبلع
بيان : بس شفتو مشاعل عسللل
ليما : اي احسها طيبه وحبوبه
لمياء : اي كمان حلوه بسم الله عليها
بعدها بدو البنات ينامون وحده وحده لين مانامو الكل
العيال
كانو يباركون لفهد
غيث : مبروك مبروك
ثنيان : اخخخ ذا النسيب
سعود : الحين نبلش فيهم الإثنين
ثنيان : ياورع
فهد : ياعم شف ولدك
علي : مين الورع ؟
ثنيان : انا
سعود : هههههه هاذي اخرتها
ثنيان : اسكت كنت بطقطق عليه
سعود : والله انه كفو ورجال
ثنيان : بعد ماصفقته وكرهته في لمياء تمدحه ؟
سعود : الحق يٌقال
الجد : عندي مفاجأه بكره
الكل التفت
: بنروح بكره مكان وكلمت ابو مشعل بس قال عنده اشعال ماهو جاي المكان قريب هنا
عبد الرحمن: اعرف وين المكان
عبد العزيز: كلنا ندري ههههههههه
الجد : لا في ناس مايعرفون
علي : الناس هم العيال هههههه
غيث : لا انا أتذكر
الجد : لاحول ولا قوه الا ب الله خربتو المفاجأه
سلطان : كلنا ندري ياجد
ثنيان : لا انا مااعرف
الجد : ياويل الي يقول له !
عبدالرحمن: عند
الجد رفع عصاته : ايوا ماسمعت
عبد الرحمن: انصحه مايتدخل في مواضيع الكبار
الجد : اي اشوا
طالعهم الجد
محمد : والله إني أعرف هاذي النظره الحين بيقول قومو نامو
الجد : يلا كل واحد على فرشه !
ضحكو العيال وقامو ينامون

خلص البارت تتوقعون وين المكان الي بياخذهم فيه ابو عبد العزيز 🤷🏻‍♀️