في بيت محمد بن عبدالله» تجهزت رهف عشان تطلع للجامعه ووصلها فهد
اول ماوصلت شافت قمر وساره وتقدمت تسلم عليهم: السلام عليكم
قمر: وعليكم السلام يا هلا تو مانورت الجامعه
ساره بغضب: وعليكم السلام
رهف: كيفكم
قمر: طيبين وانتي.
ساره: الحمد لله
رهف: بخير. ساره فيك شي ليه تكلميني كذا
ساره: مالك دخل بعدي عني
رهف: اما عاد وش سويت لك انا عشان تتكلمين معاي بهلطريقه
قمر: صدق ساره وش سوت لك رهف
ساره: كل ذا وما سويتي شي ما ابيك بعدي عني يا رهف
رهف: طيب وش سويت تكلمي
ساره ودموعها نزلو: بعدي عني لو سمحتي ما ابي منك شي ومشت وخلتهم
قمر مصدومه اول مره ساره تبكي بدون سبب: اما شفيها ذي تبكي لا شكله صاير شي انتي يا رهف ادخلي المحاضره وانا اشوفها ما عليك
رهف: تمام
ومشت قمر تدور لساره ولقتها ب حمامات الجامعه «اكرمكم الله»
قمر: بنت شفيك وش سوت لك رهف عشان تكلمينها ب الطريقه ذي وليه تبكين فيك شي
ساره: مافيني شي لا بس رهف خليها تبعد عني
قمر: اعطيني سبب عشان تبعد عنك
ساره: قمر انتي ماتفهمين انا حره واسوي الي ابيه وانتهى. امشي الحين نتأخر للمحاضره
ومشو للمحاضره
وجلست ساره بعيد عن رهف وللحين رهف ماتدري وش سبب غضب ساره
«في بيت محمد بن عبدالله»
عند العيال كانو كلهم مجتمعين بلصاله حق قسمهم
ودخل قيس: ياعيال اليوم بيجون حازم وعياله بعد العشاء
سامر: وبيجي هذاك الدكتور معهم؟
قيس: اي هو اول واهم واحد بيجي
سامر: وليه اهم واحد وعشان وش جايين
قيس: ولله ما ادري بس سمعت انهم جايين عشان يخطبون وحده من البنات بس امي مب راضييييه تقولي مين تقول انتضر للمساء بتعرف
سامر: اها نشوف المساء
«في الجامعه»
خلصو البنات المحاضرات وجلسو يسولفون قمر وروان وفجر ورهف وشيهانه. وساره جالسه بعيد عنهم
تقدمت شيهانه تجلس جنب ساره وهي تعرف وش الي مزعلها: لا تزعلين ماعليه مارح يتم زواجهم
ساره بصدمه: زواج مين
شيهانه: ادري انك تحبين عُمر وزعلانه لان بيخطب رهف
ساره: بنت وش تقولين انتبهي احد يسمعك
شيهانه: ويسمعوني وش بيسوون انتي تحبينه ومو عيب وهي جت سرقته زي ماسرقت مني سامر
ساره: اما مين سامر ذا
شيهانه: ذا ابن عمتنا ويحبها يحبها لدرجه انه هو الي كشف ورد وميثه وقت جو يذبحونها وانا احبه قبلهاا وانقهر لا شفته يهتم لها
ساره: ياروحي انتي الله يجمعكم
شيهانه: امين ولله ما ادري وش عاجبهم ب رهف يععع
ساره: شرايك نتفق ونخلي الكل يكرهها
شيهانه: الحين مارح نسوي شي حنا سامر بيسوي
ساره: وش بيسوي ذا
شيهانه: ذا بيخرب الخطبه حق عمر ورهف لو درا فيهم
ساره: اما وش بيسوي
شيهانه: ذا يسوي كثيير خرب خطبات من قبل هاذي كثير
ساره: ذا بيسهل الخطه ومن بعد تخريب الخطبه بنخليه يكره رهف
ولازم انتي تكونين له
شيهانه: اييي مخططه على خطط بس خلي الخطبه تخرب
ساره: ولله انك كفو اجل من هنا ورايح مع بعض.
فزو الكل اول ماسمعو صوت البنت الي تسب قمر وفجر
ومعها خمس بنات متوجهين لقمر وفجر
وناويين على الشر
ليان: مين فيكم قمر ومين فيكم فجر
ميار: ذول الثنتين تشوفينهم. أشرت على فجر وقمر
رهف بعصبيه: هي انتي وياها وش عندكم تصارخون وتسبون وش تبون من قمر وفجر هاه؟
منيره: بصفتك مين تجين تسألين
رهف بعصبيه: بصفتي صديقتهم
ميار: صديقتهم خليك على جنب ماحدا كلمك
قمر: اقول انتي وياها امشو من هنا مب ناقصين مشاكلكم يا وصخات
ميار ضربت قمر كف وجتها رهف مسكتها من يدها ولوت يدها وحطتها بلارض ومنيره جت تمسك رهف الا وتجيها روان وتضربها بلشنطه وتحطها بلارض
ليان مسكت حجاب رهف وطلع شعر رهف ومسكت شعرها ووحطتها بلارض بقوه وبدت تصارخ رهف: يا حقيره بعدي يدك عني يا ملعونه شعرييي
والكل يطالع ولا يقدر يتدخل والبنات الباقيين يتهاوشون بلضرب وصلو الدكاتره ومن بينهم عُمر وشاف رهف وهي شعرها طالع وليان تضرب فيها تقدم عُمر وقال بصوت عالي بسسسسس وقفو وكلهم وقفو وليان باقي ماسكه رهف وضرب ليان كف : بنت مافلت وقفي ليه ماتردين
ليان: بعد يدك عني يا زفت كيف تتجرأ تضربني رجعت رهف عطتها كف وقال عُمر: قصري صوتك يا بنت ترا تتكلمين مع الدكتور عُمر بن حازم
ليان بسخريه: مب مهم انت مين واهلك مين انا بنت واحد يسواكم ويسوى مكانتكم. قمر: ههههههه بنت مسئول وتشرب مخـــ.درات ودخان وتطلع مع عيال المهم نتفاهم بلمركز ونشوف لا ابوك بيفيدك ولا اسمك
رهف: اي بكلم وليد هو يهتم فيهم
جو الحرس واخذو البنات للمركز ورهف بلغت وليد بلموضوع
ورجعو الكل للبيت
«في بيت محمد بن عبدالله»
ودخلو البنات وشافو رهف وجهها فيه دم شوي وفزو يسالون
اريام: وش في ليه وجهك فيه دم يا رهففف
رهف: مافي شي يمه هوشه صغيره وانتهت
فهد: مين وليه وكيف
قيس: وليه يهاوشونكم
رهف: خلاص الي هاوشو الحين بلمركز ووليد بيهتم فيهم وانا بخير طالعه فوق تبون شي
اريام: لا سلامتك
وتوجهت لغرفتها وجاها اتصال من صديقتها المقربه لقلبها اصايل وردت: هلا ولله اصايل كيفك اخبارك
اصايل: ابد الحمد لله مشتاقه لك وحشتينيييي كيفك وش الاخبار وش في مافي
رهف: تشتاقلك العافيه ابد الحمد لله والله في اكشن واخباررر تجنن بس خلي الاكشن بعدين
اصايل: وششش تكلمي قولييي
رهف الي احبه بيجي اليوم يخطبني ويمكن الملكه الاسبوع الجاي
اصايل: واههههه مبرووووووووك
رهف: اييييي فرحانهههههه واتمنى تكوني موجوده
اصايل: للاسف ما اقدر لان الاسبوع الجاي عندي قضيه ولازم احلها
رهف: الله يوفقككك محاميتنا الحلووه
اصايل: يلا بروح تبين شي ومره ثانيه الف مبروك
رهف: الله يبارك فيك ويسعدك
لا مابي شي سلامتك انتبهي لنفسك
وسكرو ونزلت رهف للصالون لان وقت الغداء
وجلسو الكل على الغداء وقال سلطان: انا بسافر اليله على لندن وبس قلت لكم عشان ماتزعلون ان ما قلت لكم
محمد: الله يحفظك يارب ويقدم لك الي فيه الخير على راحتك
وكملو اكل وخلصو وكل واحد طلع يجهز لضيوف اليله
«في بيت حازم بن عبدالعزيز»
كان عمر فرحان لدرجه انه راح المجلس ولقا عيال عمه وعمته وعلي وشغل اغنيه اه لو لعبت يا زهر وقامو يرقصون زي المجانين
وعمر يهز ويرقص هو وعلي وكان معهم قيس وصورهم وهم يرقصون وجا يرسلها لقروب العيال فيه بس العيال ورسله ل رهف بلغلط وسكر جواله بسرعه
وكمل يرقص معهم
اما عند فجر وقمر كانو مبسوطااات لان صديقتهم بتصير زوجت اخوهم ويتجهزون ويرقصون بعد😭.
«نسرع الاحداث»
«المساء ببيت محمد بن عبدالله ال قحطان»
وصلت عيلة حازم كلهم
ودخلو واستقبل محمد الرجال وجلسو وقام سامر يصب قهوه
الا ويقول حازم: ولله يا محمد احنا جايين نطلب القرب منكم ونبي بنتك رهف لأبننا عمر على سنة الله ورسوله وانـــ!..ماكمل حازم الا تطيح دلة القهوه من يد سامر والفناجين وبعصبيه يقول: وش وش وش قلت
ويعصب محمد ويقول له: وش فيك نخرعت رح اطلع برا
سامر: ما بطلع
محمد: قيس وسلطان خذوه برا
اخذو سامر وهو يصارخ ويقول: ماحدا بياخذ رهف غيري ويسب عمر والحريم والرجال سمعو صراخه واخذو سامر للاستراحه حقهم وسكتوه
«في المجلس عند الرجال»
محمد: السموحه منكم بس ذا خبل تجيه فصلات
حازم: اي نرجع لموضوعنا انت وش تقول خذو راي البنت واعطونا خبر وان شاء الله اذا تم النصيب الاسبوع الجاي الملكه
محمد: ولله انتم ناس طيبين واصيلين ان شاء الله بس باخذ رئي البنت ونرد لكم خبر
وبس لحد هنا نوقف واشوفكم بلبارت القادمم❤️.
أنت تقرأ
تسرق القلب منك وتاخذه خلسه و انت تدري و لا تقدر تكلمها
Mystery / Thrillerبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
