«في بيت محمد»
رهف كانت جالسه بغرفتها وفتحت جوالها وشافت المقطع الي رسله قيس وعرفت انه عمر وماتتت ضحك على شكله وحفظت الفيديو ومشت تطلع عند الحريم الي تحت
رهف: السلام عليكم
الكل: وعليكم السلام
فجر: رهوف تعالي اجلسي هناا
رهف: جايه يلا بس اصب قهوه
صبت قهوه وجلست جنب البنات واخذتهم السوالف وشوي ويجي ل رهف اتصال من سامر وتفصل
ورجع يتصل ماردت
وارسل لها على الواتس: ردي احسن ما انا اجيك
رهف طلعت عشان ترد عليه ولحقتها شيهانه ووقفت بعيد بدون ماتدري رهف فيها
رهف: خير وش عندك شتبي
سامر: بتوافقين على الكلب عُمر؟
رهف: مالك دخل
سامر بعصبيه: جاوبي احسن ما اجي اكسر راسك
رهف: اوافق ولا لا انت شدخلك
سامر: اها دام كذا انا اعرف شغلي معك ومعه يا بنت محمد
رهف: مالك دخل فيني يا سامر انا ما احبك ولا ابيك شتبي منييي؟
سامر: لاتحبيني المهم انا احبك وهلزواج مابيتم وانا سامر
رهف: رح بس رح مجنون
وقفلت وتقدمت تطلع الا وتمسكها شيهانه
شيهانه ببكاء: انتي ليه كذا ليه تحبين تاخذين كلشي مني ما كفاك اخذتي حب اعمامي وعماتي وجدتي والكل والحين بتاخذين حب حياتي الي احبه من سنين اطلعي من حياتنا مانبيك انتي دمرتي حياتي ترا الله لا يسامحك ولا انا مسامحتك
رهف نزلت دمعتها: وش تتكلمي انتي ومين حب حياتك
شيهانه: الحين ماتدرين يا الكاذبه
رهف: اذا عن سامر ف انا ما ابيه خذيه وحلو عني يا مريضين
شيهانه: اخذه بعد وش بعد ماخليتيه يحبك يا بنت عمي
رهف: الكلام ذا مب وقته يا شيهانه واذا متضايقه روحي عند سامر خليه يبعد عني ترا مليت من الاعيبه واشكاله.
وتقدمت تدخل المجلس جلست بصمت.
ساره كانت قاعده ماتكلمهم ولا تشارك وسألتها قمر: الا ساره سمعت انك بتسافرين ليه وش السبب ووين بتسافرين
ساره: مابقى لي شي هنا ف اروح بعيد عشان انسا بروح لندن
قمر: افا واحنا وش اجل
ساره: انتم على عيني وراسي بس مب مرتاحه خلاص بروح لندن اكمل دراسه
قمر: الله يقدم لك الي فيه الخير
«عند الرجال»
قيس كان يكلم عمر وشاف رساله من رهف فتح جواله وشاف فيس ضحكات ومستغرب ليه الا ويدخل المحادثه
ويشوف انه راسل المقطع على رهف ويقول بصوت عالي وبدون لا يحس: ابلششش
عمر: شفيك وش صاير
قيس: هاه لا ولا شي
عمر: الا في شي قول وش
قيس: بقول بس لا تعصب تمام؟
عمر: اخلص قول وش فيه
قيس: السالفه هي انه تذكر وقت كنت عندكم العصر وكنا نرقص
عمر: ايه؟
قيس: انا صورتكم على اساس ارسله بقروب العيال
عمر: ايه اخلص قول وش فيه
قيس: رسلته لاختي بلغلط
عمر: احلففف
قيس: وربي مانتبهت
عمر: اختك مين
قيس: الطالبه الي عندك والي بتكون زوجتك
عمر: ابلششش انت مب صاحي الحين راحت هيبتي
قيس: ماعليك ماعليك بتنسى
عمر: ان شاء الله تنسى بس ماضنتي
«نسرع الاحداث»
بعد ماراحو الضيوف اجتمعت العيله تودع سلطان وودعوه ومشى
كان الكل جالس وسامر عيونه على رهف وتشعل نار قال: خالي كيف بتزوج عمر وانا الي كنت ابي رهف؟
محمد: ولله احنا نشوف اذا البنت وافقت نزوجه ليه لا
هي ماكانت تبيك اصلا
سامر بصراخ: ليه بكيفها هو لا تبيني انا ابيها وباخذها غصب عنكم كلكم
رهف: حدك عاد مفكر نفسك مين عشان تقرر عني انا اقرر الي ابيه وماحدا له شغل فيني وعمر بنتزوج ويبه انا موافقه الاسبوع الجاي الملكه والي مب عاجبه ينقلع مب هامني
سامر: انا اوريك يا رهف ولسانك طولان بعد يبيله قص
محمد: لا تتكلم بهاذي الطريقه يا سامر واعرف مع مين تتكلم والبنت ماتبيك ف خلاص انتهى الملكه الاسبوع الجاي
يلا كل واحد على غرفته
والكل قام يتوجه ل غرفته
« في بيت حازم بن عبدالعزيز»
كانو يودعون ساره الي ماعد قدرت تتحمل تقعد بلسعوديه يوم واحد لان حبيب قلبها وطفولتها بيتزوج غيرها وودعتهم ومشت تطلع بلسياره مع السواق ووصلت المطار وكانت هي وسلطان بنفس الرحله وجلسو ينتضرون الاقلاع ب صالة الانتضار
ساره كانت جالسه بلمقاعد وكان سلطان قاعد قدامها بلمقاعد الثانيه ف كان في واحد جالس جنب ساره وقال: فديت الحلوين ياناس اخ
ساره طنشته وكملت تقلب بلجوال
مجهول: سنابك يا حلو
ساره قامت وغيرت مكانها شوي بعيد عنه
وقام ولحقها وجلس جنبها
مجهول: مالو الحلو زعلان ومطنش
ساره قامت وجابته كف: انت ماتستحي يا قليل الادب.
مجهول مسكها من شعرها وجا بيضربها الا ويمسك يده سلطان ويلويها ويجيبه كف: ويقول نادو الحراس يشيلون قليل الادب ذا
جو حراس الامن
سلطان: شيلو ذا يلاحق البنت
حراس الامن: امشي معاي انا اعرف شغلي معك بلمركز
ساره: شكرا لك يا اخوي ما قصرت
سلطان: العفو ماسويت شي والاشكال ذي لازم تتربى
وصار موعد الاقلاع وكل الي في الرحله ركبو الطياره وكانت ساره وسلطان المقاعد جنب بعض واقلعت الطياره وقالت ساره: انت ولد. من احس اعرفك شايفتك بمكان
سلطان قال اسمه.
ساره: اما وش اسم اهل امك
سلطان: فلانه بنت عبدالله ال قحطان
ساره: امبيه يعني انت ابن عمت رهف
سلطان: اي وش عرفك فيها
ساره: انا بنت عمت الدكتور عمر وصديقتي رهف
سلطان: والنعم منك ومن عمر اي ولله رجال طيب
ساره: انت وش رايح تسوي في لندن وليه مسافر
سلطان: ولله مليت من المشاكل وقلت اطلع اكمل جامعه افضل واغير جو بعد الا انتي وش عندك ب لندن
ساره: ماعد لي شي في السعوديه ولو ببقى فيها ما بتقبل الناس الي جرحوني وبعدو عني ببقى ب لندن ادرس
سلطان: الله يوفقك
كملو حديثهم وتعرفو على بعض
«في مكان اخر»
ماسه: تكفى يا ياسر
سامحني ولله انا تركت هاذ الطريق بعد عني واتركني بحالي
ياسر: مفكرتني بنسى وش سويتي يا ماسه
انتي وحده حقيره ولا تستاهلين تعيشين وجهزي نفسك ترا موتك قريب وعلى يدين ياسر
ماسه: الي سويته ندمانه عليه بعد عني ما ابي اموت تكفى
ياسر: ماحب كثرة الكلام يلا انقلعي وجهزي نفسك موتك اليوم
وسكر وتركها
ماسه اتصلت على ساره: ساره تكفين ساعديني ما ابي اموت
ساره كانت توها واصله لندن واخذت غرفه في الفندق: بسم الله وش صاير قولي
ماسه: يبي يذبحنيي
ساره: مين
ماسه: واحد اسمه ياسر
ساره: طيب كلمي رهف انا سافرت
ماسه: رهف تكرهني لان سويت فيها اشياء كثيره مارح تساعدني
ساره: امبيه وش سويتي
ماسه: سويت كثير يا ساره كثير ولا بتتخطاه رهف وانا ندمت
ساره: ماعليك كلميها وشوفي
ماسه: تمام الله يحفظك
«في بيت محمد بن عبدالله»
رهف كانت جالسه وجاها اتصال من ماسه طنشته ورجعت اتصلت مره ثانيه ماردت رجعت مره ثالثه وردت بعصبيه: نعم خير وش تبين
ماسه: رهف تكفين ساعديني انا بخطر
رهف: مفكرتني بصدقك بعد الاعيبك الي سويتيهم فيني
ماسه: ولله ما بكذب بيذبحني
رهف: اوه حبيت السيناريو الي جايبتيه اليوم بلا كذب روحي. سكرت الجوال رهف وخلتها
«عند ماسه»
رن جرس البيت قامت تشوف من غرفة كاميرات المراقبه ما بين وجه الشخص راحت قفلت باب الغرفه وجلست تدور مفاتيح الابواب الي تطلع برا البيت وحطتهم بجيبها وجلست تراقب الشخص وش بيسوي ومشا خلف البيت وطلع معه مفتاح وفتح باب ودخل يدور وهي تشوف كل الغرف الي دخلهم وشافت وجهه وعرفت انه ياسر وخافت وقامت تبكي وحضنت نفسها
وشافت انه وصل للغرفه الي هي فيها ومسكت عصا تدافع فيها عن نفسها وهو يحاول يفتح الباب طلع مفاتيح كثير وبدا يجربهم ووصل عند مفتاح الغرفه وانفتح الباب وشافها وابتسم بطريقه خبيثه: اليوم يوم موتك وبتنتهي الاعيبك يا ماسه
ماسه ببكاء: اتركني قلت لك اني تبت وماعد ارجع ل ذاك الطريق تكفى
ياسر: خلاص انتهى وقتك واليوم بتموتين ومسكها من شعرها وطلعها برا الغرفه ورماها في الصالون وقال: تبين تموتين بسرعه ولا ع الهادي
ماسه: تكفى اتركني
ياسر يلا اجل واضح تبين تموتي بهداوه وجاب سكين وبدا يجرح يدينها وهي تحاول تهرب وماسكها من شعرها وجرح يدينها وخلص وجا يحط جرح بوجهها وتفلت عليه وقامت تهرب ومسكها من شعرها وبدا يضربها على الحايط بقوه انفها قام ينزف ومسك وحاولت تقاوم و كان في كاسه جنبها وكسرتها على راسه ومشت تطلع برا البيت وتركض وهي دايخه ويدينها دم وملابسها دم وركضت بكل قوتها لين وصلت بيت محمد بن عبدالله ودخلت مجلس الرجال لان هو الي كان مفتوح
«في مجلس محمد بن عبدالله» دخلت ماسه وكان وليد جالس في المجلس وفز اول ما شاف البنت الي كل ملابسها دم وتبكي ومشت عنده وتقول: ساعدني تكفى يبي يذبحني
وليد: وش فيك وش صاير ومين مسوي كذا فيك ومين انتي
ماسه فقدت الوعي وارتمت ب حضنه وشالها ودخل البيت وهو يقول: يا حريم وينكم تعالو
وجو الكل ورهف من بينهم وشافت ماسه وهي كلها دم وركضت عندها وهي تبكي وتصارخ: ماسهه مين سوا فيها كذا تكلم وليه
وليد: تعرفينها
رهف: اي امشي بسرعه نوديها المستشفى بس خلني البس عبايتي واجيب لها شي يسترها
وليد: يلا بسرعه
وتقدمو يطلعون وحط ماسه بلسياره من ورا ومسكتها رهف وهو يسوق بكل سرعته واتصل على المركز وبلغهم يجهزون انفسهم ل معرفت الشخص
ووصل المستشفى ودخل وهو شايل ماسه واخذوها الدكاتره
وليد: رهف تعرفين وين بيتها
رهف: اي
وليد: اجل بخلي ناس يجون هنا شرطيين يحرسون الغرفه وامشي نشوف البيت يمكن المجرم موجود
رهف: يلا امشي
وبلغ وليد المركز يرسلون شرطيين
واخذ معه شرطه للتحقيق واخذ رهف وطلعو ل بيت ماسه ولقو الباب مفتوح واغراض مكسوره ودم
وليد: شوفي في كاميرات مراقبه
رهف: اي لازم نلقا مكانهم عشان نشوف المجرم
وطلعت فوق رهف كونها تعرف البيت وكانت تجي تزور ماسه
ودخلو غرفة المراقبه
وفتحو الكاميرات وشافو المجرم وقال وليد: اما ذا ياسـ...‼️
اشوفكم ببارت جديد يوم الاحد بأذن الله وبايي💋🎀.
أنت تقرأ
تسرق القلب منك وتاخذه خلسه و انت تدري و لا تقدر تكلمها
Mystery / Thrillerبسم الله الرحمن الرحيم روايتي الأوله واحداثها البعض منهم واقع والبعض الاخر خيال. اما بلنسبه للشخصيات ف كلهم حقيقه الاسماء الي على الشخصيات مب حقيقيه بشأن محتوى القصه فكرتي وواقعي،
