تسرق القلب منك وتاخذه خلسه و انت تدري و لا تقدر تكلمها

35

_______________________

«في المركز»
دخلو كلهم المركز ودخلو مكتب عبد العزيز
عبد العزيز: ارسلت رجال يراقبون بيت المتهمه ماسه في احد ثاني شاكين فيه
فهد: ورد
ناظروه كلهم بأستغراب وقالت: شدخلها ذي
فهد: تهاوشت رهف معاها من قبل المشاكل الي صارت
عبد العزيز: برسل على بيتها يراقبونه بعد
عمر: طيب السيارات ماعرفتو عنهم شي
نايف: للاسف مافي عنهم اي شي
ضرب الطاوله بقوه وقال: والحل
اصايل: مافي غير ماسه لازم نمسكها بأي طريقه
نايف: انا ماشي براقب بيتهم وتحركات عائلتها
اصايل: بروح انا بعد واذا حصلتو شي بلغوني
وليد: انتبهو لانفسكم
طلعو نايف واصايل
ولفو كلهم بأستغراب من الي دخل وهو يصارخ ويقول: شصاييير رهففففف وينهاااا، تقدم وهو يلكم عمر ومسكوه سيف ووليد
فهد بحدّه: سامر يا تهجد يا تنقلع برا ترا مب ناقصين حركاتك
سامر: هووو السببب هو
تقدم وليد يمسكه من ياقته وقال: كيفف هو السبب فهمني اذا انا وهو جينا مع بعض سامر انت مريض لو تبعد يكون افضل
دفـه وبحدّه قال: مالك دخل ياوليد
ابو سيف بحدّه: سامر مب ناقصين حركاتك اهجد والا بندمك
عبد العزيز وهو يأشر على سامر: تدري ان يمديني الحين ادخلك السجن لانك تضرب شخص وانت داخل مركز شرطه وبمكتب الفريق؟
سامر: تمام، الحين وش صار معكم
سيف: ولا شي...
صد عنهم وهو يبتسم بخفه وعدل نفسه ووقف يناظرهم معصبين وتعبانين وعمر الي واضحه عصبيته من عروقه الي برزت من غضبه ويده الحمراء الي واضح انه ضارب شي فيها،

«في مكان اخر»
فتحت عيونها وهي تحس بصداع قوي عدلت جلستها وهي تناظر الغرفه مافيها الا شباك صغير وعالي لا هو المستشفى ولا غرفتها ولا مكان تعرفه  وقالت: كيف انا هنا؟
وقفت تمشي لعند الباب وحاولت تفتحه مافتح والي واضح انه مقفل ونادت بصوت عالي: فيييي احد وينكممم
بعدت من حسّت بخطوات شخص جايه واخذت عبايتها تلبسها انفتح الباب وبردت ملامحها من الي فتحت الباب وقالت: وش تبين انتي وانا ويننن
ضحكت وقالت: انتي ناديتي وانا جيت
رهف: بعدي ابي اطلع
ورد: وين بتطلعين مافي طلعه يلا
رهف: كـ كيف
ورد: الحين بيوصلك اكلك ومويه، وكملت وهي تأشر على الباب: وهناك في حمام وفي ملابس لك بعد
رهف تقدمت وهي تدفهاوتطيحها بلارض وقالت: نجنيتي بعدي من طريقي لا اذبحك بمكانك
تخطتها وهي تطلع وناظرت المكان والي واضح انه بيت كبير وناظرت البنتين الي لابسين كمامه وواقفين بلمطبخ والرجال الي جالس وعاطيها ضهره مشت بخطوات هاديه بتطلع تتخطاهم ووقفت من سمعت صراخ ورد وهي تقول: امسكوهااا هربتتت
فزو كلهم وشافوها تحاول تفتح الباب فتحته وبتطلع الا وتصدم بشخص رفعت انظارها وعرفته من عيونه وقالت: ساعدنيي
ضحك وقال: بساعدك بس بأيش
رهف: ودنيي البيت
مسك يدها وهو يسحبها ويدخلها البيت وتركها وهي تطيح على الارض غمضت عيونها بألم و مسكت بطنها من الالم الي جاها
تقدمو ورد وهي توقفها وتساعدها ورد ناظرته وقالت: مجنوننن انت وش قالك جابر"تقصد سامر"
عبد الرحمن: وش قال
ورد: قااال لا تقرب لها ولا تأذونهااا وانت طيحتها شفييك
رهف ناظرتهم بأستغراب وقالت: يعني انتم الحين ضدي؟
ضحك وقال: بلظبط
رهف: طيب شتبونن
ماسه: ننتقم
رهف: وليه تنتقمين وش سويت انا
ضحكو كلهم وقالت ميثه: نسيتي لما دخلتيني السجن؟
ماسه: ونسيتي يوم طردتنيني وضربتيني يا حقيره
عبد الرحمن: ونسيتي يوم ضربتيني قدام الرجال انتي وحده فاشله
رهف بعدت عن ورد وتقدمت لـ‌ماسه وضربتها كف بقوه وقالت: وبسوي فيكم اكثر من كذا وبتندمون لان عمر بيذبحكم ولا بيخليكم
ماسه:  ياحقيره يدك لا تلمسني، اوه وينه؟ قولي لي هاذ مرت ساعتين ولا شفنا احد مسكينه ترا جابر اقوى واذكا من عمر
رهف: ميننن جابر
ماسه: بتعرفين قريباً
ورد: خلاص بس انت وياها،
مسكت رهف تساعدها تمشي وفلتت يدها رهف وتقدمت تضرب عبد الرحمن كف ومسكتها ورد  ودخلتها الغرفه وساعدتها تجلس على  الكنبه وتقدمت تسكر الباب وتقدم تجلس قدامها وقالت: اسمعي الكلمه عشان لا تتاذين منهم وهناك في صندوق فيه كل ادويتك حطيتهم ولبس بمقاسك واكلك يوصلك، بس جالسه انصحك عشان لا تتاذين زياده
ضحكت بـ‌سخريه وقالت: يهمك امري؟
وقفت وقالت: لا لاكن هاذي اوامر جابر
رهف: مين جابر
ورد: شخص
رهف: مينننننن طيببب
ورد: مدري يلا باي اكلك بيوصلك الحين وكلي زين، طلعت من عندها، مخليتها بأفكارها وحزنها وصدمتها ووجعها، وقفت بصعوبه وهي بتطلع وضربت الباب بقوه من شافت انه مقفل وكملت تضرب بلباب وهي تصرخ و تقول: ياكلاااااب اتركوني طلعونييي طلعونييي عمر بيذبحكممم، وصلها صوت ضحكهم وعضت شفتها بقهر وجلست بتعب ونزلت دموعها من قهرها والغدره الي جتها توقعت كل شيء من عبد الرحمن الا انه يساعد بخطفها ابن خالتها من لحمها ودمها غدر فيها،
حطت يدها على بطنها وهي تحس بألم قوي وقفت بصعوبه وتقدمت تنسدح بلسرير من الالم وتعبها والصداع وكملت تبكي بصمت، دخلت الغرفه معها الاكل والمويه، وناظرتها منسدحه على السرير وهي تبكي، تقدمت لها وحطت الاكل على الطاوله واخذت الادويه وطلعتهم
وقالت: الدوا مهم خذيه
اعتدلت بجلستها ومسحت دموعها واخذت الادويه بهدوء ومدت لها المويه شربت
ورد: لازم تاكلين
رهف: ما ابي
ورد: ضروري تاكلين
رهف بحدّه: قلتتتت ما ابي روحي
ورد: رهف بتاكلين ولا جابر بيعصب مني
رهف: وبحريقه تحرقه وتحرقكم كلكم
ورد: رهف بليز كلي مب عشاننا، عشان نفسك لان بتتألمين ويغمى عليك لو ما اكلتي وعشان الدوا،
ناظرت الاكل والي هو سلطه وشوربه  وسندوتش وعصير، وهي تعترف انها بتموت من وجع بطنها والجوع اخذت الصحن منها وقالت: اطلعي باكل
ابتسمت بهدوء وتقدمت بتطلع وقفلت الباب وناظرت ماسه وميثه الي يضحكون مع فيصل وعبد الرحمن وكأنهم قريبين لهم وواضح ان عبد الرحمن وفيصل، مب طايقينهم ويصدّون عنهم، صدت عنهم بقرف وتقدمت تدخل المطبخ الي كان مع الصاله وجلست على الكراسي وفتحت جوالها ورجعت سكرته لان مافي شبكه،
كلهم ناظرو الي دخل وقال: السلام عليكم
الكل: وعليكم السلام
ناظرهم وقال: صحت؟
ماسه: ايي وقلبت الدنيا فوق روسنا
ضحك وقال: شسوت
فيصل: لا ابد بس ضربت ماسه كف وعبد الرحمن كف وصارخت وهددتنا كلنا،
سامر: حاولو تنتبهون منها لان هاذي تذبحكم وتمشي ولا هميتوها
ماسه: شكلك تعرفها كثييرر
سامر: كثير
ناظر ورد وقال: تعالي المكتب عندي
تقدم يدخل المكتب وورد لحقته
ناظرتها وقالت: لا مب صاحييي يناظرها ويناديها وانا لا
ميثه: اكيد بيسالها عن رهف شفيك انتي
ماسه: حتا ولو مين رهف ذي وليه يهتم فيهااا ولا ليه يعطيها دوا بعد وغرفه وملابس
فيصل بهدوء: ترا غرفتك فوق
ناظرته وقالت: انكتم
فيصل بحدّه: انتبهي لالفاظك لان لو كملتي بهلطريقه بتزعلين وكثيير
ماسه تقدمت ووقفت قدامه وقالت بتحدي: وش بتسوييي؟
ضحك وحط اصبعه السبابه فوق راسها وقال: اكسر راسك
تقدمت ميثه تبعدهم عن بعض وتهدي الوضع وقالت: خلاص كفايه
عبد الرحمن: اذا تبون جابر يطردكم كملو هواشكم
صدو الاثنين وهم يجلسون...